ບົດຄວາມສຶກສາທີ 22
ສະແດງໃຫ້ເຫັນວ່າເຈົ້າເຫັນຄ່າຂອງຂວັນທີ່ເບິ່ງບໍ່ເຫັນຈາກພະເຈົ້າ
“[ເຈົ້າ] ມຸ່ງຄວາມສົນໃຈໄປໃສ່ສິ່ງທີ່ເບິ່ງບໍ່ເຫັນ . . . ຍ້ອນສິ່ງທີ່ເບິ່ງເຫັນນັ້ນຢູ່ພຽງຊົ່ວຄາວ ແຕ່ສິ່ງທີ່ເບິ່ງບໍ່ເຫັນຄົງຢູ່ຕະຫຼອດໄປ.”—2 ກຣ. 4:18
ເພງ 45 ສິ່ງທີ່ຄິດຕຶກຕອງໃນໃຈ
ໃຈຄວາມສຳຄັນ *
1. ພະເຢຊູເວົ້າແນວໃດກ່ຽວກັບຊັບສົມບັດໃນສະຫວັນ?
ບໍ່ແມ່ນຂອງຂວັນທຸກຢ່າງທີ່ຈະເບິ່ງເຫັນໄດ້. ທີ່ຈິງຂອງຂວັນທີ່ດີທີ່ສຸດແມ່ນຂອງຂວັນທີ່ເບິ່ງບໍ່ເຫັນ. ໃນຄຳບັນລະຍາຍເທິງພູເຂົາ ພະເຢຊູເວົ້າເຖິງຊັບສົມບັດໃນສະຫວັນວ່າມີຄ່າຫຼາຍກວ່າຊັບສົມບັດທີ່ເປັນວັດຖຸ. ຈາກນັ້ນ ເພິ່ນກໍເວົ້າຕື່ມວ່າ: “ຊັບສົມບັດຂອງເຈົ້າຢູ່ໃສ ໃຈຂອງເຈົ້າກໍຢູ່ທີ່ນັ້ນ.” (ມທ. 6:19-21) ເມື່ອເຮົາເຫັນວ່າສິ່ງໃດມີຄ່າ ເຮົາກໍຈະພະຍາຍາມເອົາສິ່ງນັ້ນມາໃຫ້ໄດ້. ດັ່ງນັ້ນ ໃຫ້ເຮົາສະສົມ “ຊັບສົມບັດໄວ້ໃນສະຫວັນ” ໂດຍການສ້າງຊື່ສຽງທີ່ດີກັບພະເຈົ້າ. ພະເຢຊູບອກວ່າຊັບສົມບັດເຫຼົ່ານີ້ຈະບໍ່ມີວັນຖືກທຳລາຍແລະບໍ່ມີໃຜລັກເອົາໄປໄດ້.
2. (ກ) ຕາມ 2 ໂກຣິນໂທ 4:17, 18 ໂປໂລບອກເຮົາໃຫ້ເບິ່ງໄປທີ່ສິ່ງໃດ? (ຂ) ເຮົາຈະຮຽນຫຍັງໃນບົດຄວາມນີ້?
2 ອັກຄະສາວົກໂປໂລບອກເຮົາໃຫ້ “ມຸ່ງຄວາມສົນໃຈໄປໃສ່ສິ່ງທີ່ເບິ່ງບໍ່ເຫັນ.” (ອ່ານ 2 ໂກຣິນໂທ 4:17, 18) ສິ່ງທີ່ເບິ່ງບໍ່ເຫັນເຫຼົ່ານີ້ລວມເຖິງພອນຕ່າງໆທີ່ເຮົາຈະໄດ້ຮັບໃນໂລກໃໝ່. ໃນບົດຄວາມນີ້ ເຮົາຈະຮຽນກ່ຽວກັບຂອງຂວັນ 4 ຢ່າງທີ່ເຮົາເບິ່ງບໍ່ເຫັນເຊິ່ງເປັນປະໂຫຍດກັບເຮົາໃນຕອນນີ້ຄື: ການໄດ້ເປັນໝູ່ກັບພະເຈົ້າ ການອະທິດຖານ ພະລັງບໍລິສຸດ ແລະການຊ່ວຍເຫຼືອຈາກພະເຢໂຫວາ ພະເຢຊູແລະທູດສະຫວັນຕອນທີ່ເຮົາເຮັດວຽກປະກາດ. ນອກຈາກນັ້ນ ເຮົາຍັງຈະມາເບິ່ງວ່າເຮົາຈະສະແດງວ່າເຮົາເຫັນຄ່າຂອງຂວັນທີ່ເບິ່ງບໍ່ເຫັນເຫຼົ່ານີ້ໄດ້ແນວໃດ.
ການໄດ້ເປັນໝູ່ກັບພະເຢໂຫວາ
3. ຂອງຂວັນທີ່ດີທີ່ສຸດທີ່ເຮົາເບິ່ງບໍ່ເຫັນແມ່ນຫຍັງ ແລະເປັນໄປໄດ້ແນວໃດທີ່ເຮົາຈະໄດ້ຮັບຂອງຂວັນນີ້?
3 ຂອງຂວັນທີ່ດີທີ່ສຸດທີ່ເຮົາເບິ່ງບໍ່ເຫັນກໍຄື ການໄດ້ເປັນໝູ່ກັບພະເຈົ້າ. ເພງ. 25:14) ເປັນໄປໄດ້ແນວໃດທີ່ພະເຈົ້າທີ່ບໍລິສຸດຈະເປັນໝູ່ກັບມະນຸດທີ່ຜິດບາບ? ພະອົງເຮັດແບບນີ້ໄດ້ຍ້ອນຄ່າໄຖ່ຂອງພະເຢຊູທີ່ໄດ້ “ຮັບເອົາບາບຂອງໂລກໄປ” ຈາກມະນຸດ. (ຢຮ. 1:29) ພະເຢໂຫວາຮູ້ລ່ວງໜ້າວ່າຈຸດປະສົງຂອງພະອົງໃນການຈັດກຽມຜູ້ຊ່ວຍມະນຸດໃຫ້ລອດຈະສຳເລັດ. ນີ້ເປັນເຫດຜົນທີ່ພະເຢໂຫວາເປັນໝູ່ກັບຄົນທີ່ມີຊີວິດຢູ່ກ່ອນພະເຢຊູຕາຍ.—ຣມ. 3:25
(4. ຂໍໃຫ້ຍົກຕົວຢ່າງຂອງບາງຄົນທີ່ເປັນໝູ່ກັບພະເຈົ້າໃນສະໄໝກ່ອນຄລິດສະຕຽນ.
4 ຂໍໃຫ້ເຮົາມາເບິ່ງຕົວຢ່າງບາງຄົນໃນສະໄໝກ່ອນຄລິດສະຕຽນທີ່ເປັນໝູ່ກັບພະເຈົ້າ. ອັບຣາຮາມ ເປັນຄົນທີ່ມີຄວາມເຊື່ອເຂັ້ມແຂງຫຼາຍ. ຫຼາຍກວ່າ 1.000 ປີຫຼັງຈາກອັບຣາຮາມຕາຍ ພະເຢໂຫວາເອີ້ນລາວວ່າ “ມິດສະຫາຍຂອງເຮົາ.” (ເອຊາ. 41:8) ເຫັນໄດ້ວ່າເຖິງວ່າຈະຕາຍໄປແລ້ວ ແຕ່ພະເຢໂຫວາກໍຍັງຖືວ່າລາວເປັນໝູ່ຂອງພະອົງຢູ່. ອັບຣາຮາມຍັງຢູ່ໃນຄວາມຊົງຈຳຂອງພະເຢໂຫວາສະເໝີ. (ລກ. 20:37, 38) ອີກຕົວຢ່າງໜຶ່ງຄືໂຢບ. ຕອນທີ່ເຫຼົ່າທູດສະຫວັນທັງໝົດປະຊຸມນຳກັນຢູ່ເທິງສະຫວັນ ພະເຢໂຫວາເວົ້າເຖິງໂຢບຢ່າງໝັ້ນໃຈວ່າ ໂຢບເປັນ ‘ຄົນດີທີ່ສຸດແລະສັດຊື່ ຢ້ານຢຳພະເຈົ້າແລະຜີກໜີຈາກການຊົ່ວຮ້າຍ.’ (ໂຢບ 1:6-8) ແລ້ວດານີເອນ ເດ ພະເຢໂຫວາຮູ້ສຶກແນວໃດທີ່ລາວຮັບໃຊ້ພະອົງຢ່າງສັດຊື່ມາ 80 ປີແລ້ວໃນບ່ອນທີ່ຜູ້ຄົນບໍ່ໄດ້ນະມັດສະການພະອົງ? ມີ 3 ເທື່ອທີ່ທູດສະຫວັນມາຮັບຮອງກັບດານີເອນວ່າ ລາວເປັນຄົນທີ່ “ມີຄ່າຫຼາຍ” ຕໍ່ພະເຈົ້າ. (ດາ. 9:23; 10:11, 19, ລ.ມ.) ເຮົາສາມາດໝັ້ນໃຈໄດ້ວ່າພະເຢໂຫວາຢາກປຸກໝູ່ສະໜິດຂອງພະອົງໃຫ້ຄືນມາຈາກຕາຍຫຼາຍແທ້ໆ.—ໂຢບ 14:15
ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າຂອງຂວັນທີ່ເບິ່ງບໍ່ເຫັນ? (ເບິ່ງຂໍ້ 5) *
5. ເຮົາຕ້ອງເຮັດຫຍັງເພື່ອຈະເປັນໝູ່ສະໜິດກັບພະເຢໂຫວາ?
5 ໃນທຸກມື້ນີ້ມີຫຼາຍລ້ານຄົນມາເປັນໝູ່ສະໜິດກັບພະເຢໂຫວາ. ເຮົາຮູ້ເລື່ອງນີ້ໄດ້ຍ້ອນວ່າຫຼາຍຄົນທີ່ຢູ່ທົ່ວໂລກບໍ່ວ່າຈະເປັນຜູ້ຊາຍ ຜູ້ຍິງ ແລະເດັກນ້ອຍໄດ້ສະແດງໃຫ້ເຫັນວ່າພວກເຂົາຢາກເປັນໝູ່ກັບພະເຈົ້າ. ພະເຢໂຫວາເປັນ “ໝູ່ສະໜິດກັບຄົນທີ່ສັດຊື່.” (ສຸພາ. 3:32, ລ.ມ.) ພວກເຂົາເປັນໝູ່ກັບພະເຢໂຫວາໄດ້ຍ້ອນພວກເຂົາເຊື່ອໃນຄ່າໄຖ່ຂອງພະເຢຊູ. ຍ້ອນຄ່າໄຖ່ນີ້ ເຮົາຈຶ່ງສາມາດເປັນໝູ່ກັບພະເຢໂຫວາ ອຸທິດຕົວແລະຮັບບັບເຕມາໄດ້. ເມື່ອເຮັດຂັ້ນຕອນທີ່ສຳຄັນນີ້ ເຮົາກໍເປັນໜຶ່ງໃນຄລິດສະຕຽນຫຼາຍລ້ານຄົນທີ່ອຸທິດຕົວ ຮັບບັບເຕມາ ແລະເປັນ “ໝູ່ສະໜິດ” ກັບພະເຢໂຫວາຜູ້ທີ່ຍິ່ງໃຫຍ່ສູງສຸດໃນເອກະພົບ.
6. ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າການເປັນໝູ່ກັບພະເຈົ້າ?
6 ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າການເປັນໝູ່ກັບພະເຈົ້າ? ຄືກັບອັບຣາຮາມແລະໂຢບທີ່ຮັກສາຄວາມສັດຊື່ຕໍ່ພະເຢໂຫວາເປັນເວລາຫຼາຍກວ່າໜຶ່ງຮ້ອຍປີ ໃນທຸກມື້ນີ້ເຮົາກໍຕ້ອງຮັກສາຄວາມສັດຊື່ບໍ່ວ່າເຮົາຈະຮັບໃຊ້ພະເຢໂຫວາມາດົນປານໃດກໍຕາມ. ຄືກັບດານີເອນ ເຮົາຕ້ອງຖືວ່າການເປັນໝູ່ກັບພະເຈົ້າມີຄ່າຫຼາຍກວ່າຊີວິດເຮົາເອງ. (ດາ. 6:7, 10, 16, 22) ຍ້ອນພະເຢໂຫວາຊ່ວຍເຮົາ ເຮົາຈຶ່ງສາມາດອົດທົນກັບບັນຫາຕ່າງໆທີ່ເຮົາປະສົບເພື່ອຈະເປັນໝູ່ກັບພະອົງໄດ້ຕະຫຼອດໄປ.—ຟລປ. 4:13
ການອະທິດຖານ
7. (ກ) ຕາມສຸພາສິດ 15:8 ພະເຢໂຫວາຮູ້ສຶກແນວໃດຕໍ່ຄຳອະທິດຖານຂອງເຮົາ? (ຂ) ພະເຢໂຫວາຕອບຄຳອະທິດຖານຂອງເຮົາແນວໃດ?
7 ຂອງຂວັນທີ່ເບິ່ງບໍ່ເຫັນອີກຢ່າງໜຶ່ງກໍຄືການອະທິດຖານ. ໝູ່ສະໜິດມັກຈະລົມທຸກເລື່ອງໃຫ້ກັນຟັງ. ເຈົ້າໜ້າຈະເຮັດແບບນັ້ນກັບພະເຢໂຫວາຄືກັນແມ່ນບໍ? ແມ່ນ! ພະເຢໂຫວາເວົ້າກັບເຮົາແລະບອກຄວາມຄິດຄວາມຮູ້ສຶກຂອງພະອົງໃຫ້ເຮົາຮູ້ຜ່ານທາງຄຳພີໄບເບິນ. ເຮົາກໍລົມກັບພະອົງແລະບອກຄວາມຄິດຄວາມຮູ້ສຶກເລິກໆຂອງເຮົາໃຫ້ພະອົງຟັງໂດຍການອະທິດຖານ ແລະພະເຢໂຫວາກໍຢາກຟັງຄຳອະທິດຖານຂອງເຮົາ. (ອ່ານສຸພາສິດ 15:8) ຄືກັບໝູ່ສະໜິດ ພະເຢໂຫວາບໍ່ພຽງແຕ່ຟັງ ຄຳອະທິດຖານຂອງເຮົາ ແຕ່ພະອົງຍັງຕອບເຮົານຳ. ບາງເທື່ອເຮົາກໍໄດ້ຮັບຄຳຕອບທັນທີ ແຕ່ບາງເທື່ອເຮົາອາດຕ້ອງລໍຖ້າແລະອະທິດຖານຕໍ່ໆໄປ. ແນວໃດກໍຕາມ ເຮົາສາມາດໝັ້ນໃຈໄດ້ວ່າພະເຢໂຫວາຈະຕອບຄຳອະທິດຖານຂອງເຮົາໃນເວລາທີ່ເໝາະສົມແລະໃນວິທີທີ່ດີທີ່ສຸດ. ແນ່ນອນວ່າຄຳຕອບນັ້ນອາດຈະບໍ່ເປັນຕາມທີ່ເຮົາຄິດໄວ້. ຕົວຢ່າງ: ແທນທີ່ພະເຢໂຫວາຈະກຳຈັດຄວາມທຸກທີ່ເຮົາປະສົບ ແຕ່ພະອົງອາດໃຫ້ສະຕິປັນຍາແລະກຳລັງກັບເຮົາ “ເພື່ອຈະອົດທົນໄດ້.”—1 ກຣ. 10:13
(ເບິ່ງຂໍ້ 8) *
8. ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າການອະທິດຖານ?
8 ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າການອະທິດຖານເຊິ່ງເປັນຂອງຂວັນທີ່ມີຄ່າ? ວິທີໜຶ່ງທີ່ເຮົາເຮັດໄດ້ກໍຄື ເຮັດຕາມຄຳແນະນຳຂອງພະເຢໂຫວາທີ່ໃຫ້ “ອະທິດຖານເປັນປະຈຳ.” (1 ທຊ. 5:17) ພະເຢໂຫວາບໍ່ໄດ້ບັງຄັບໃຫ້ເຮົາອະທິດຖານເຖິງພະອົງ ແຕ່ພະອົງໃຫ້ເຮົາມີອິດສະຫຼະທີ່ຈະອະທິດຖານແລະຢາກໃຫ້ເຮົາ “ອະທິດຖານເລື້ອຍໆ.” (ຣມ. 12:12) ດັ່ງນັ້ນ ເຮົາຈະສະແດງວ່າເຮົາເຫັນຄ່າຂອງຂວັນນີ້ໂດຍການອະທິດຖານທຸກມື້ເປັນປະຈຳ. ແນ່ນອນວ່າ ເຮົາບໍ່ຄວນລືມຂອບໃຈພະເຢໂຫວາແລະສັນລະເສີນພະອົງຕອນອະທິດຖານ.—ເພງ. 145:2, 3
9. ພີ່ນ້ອງຊາຍຄົນໜຶ່ງຮູ້ສຶກແນວໃດທີ່ໄດ້ອະທິດຖານ ແລະເຈົ້າເດຮູ້ສຶກແນວໃດ?
9 ແຮ່ງເຮົາຮັບໃຊ້ພະເຢໂຫວາແລະເຫັນວິທີທີ່ພະອົງຕອບຄຳອະທິດຖານຂອງເຮົາ ເຮົາກໍແຮ່ງຈະເຫັນຄ່າຕໍ່ການອະທິດຖານຫຼາຍຂຶ້ນ. ໃຫ້ເຮົາມາເບິ່ງຕົວຢ່າງຂອງພີ່ນ້ອງຊາຍຄົນໜຶ່ງຊື່ ຄຣິສ໌ເຊິ່ງໄດ້ຮັບໃຊ້ເຕັມເວລາມາ 47 ປີແລ້ວ. ລາວບອກວ່າ: “ຂ້ອຍມີຄວາມສຸກຫຼາຍທີ່ໄດ້ອະທິດຖານເຖິງພະເຢໂຫວາໃນຕອນເຊົ້າ. ຂ້ອຍຮູ້ສຶກສົດຊື່ນທີ່ເຫັນແສງຕາເວັນສ່ອງໃສ່ນ້ຳໝອກແລ້ວກໍມີແສງເປັ່ງປະກາຍສວຍງາມຕອນທີ່ເວົ້າກັບພະເຢໂຫວາ! ນີ້ເຮັດໃຫ້ຂ້ອຍຢາກຂອບໃຈພະອົງສຳລັບຂອງຂວັນທຸກຢ່າງລວມເຖິງສິດທິພິເສດທີ່ໄດ້ອະທິດຖານ. ຂ້ອຍຮູ້ສຶກສະຫງົບໃຈຫຼັງຈາກທີ່ໄດ້ອະທິດຖານກ່ອນນອນ ແລ້ວຂ້ອຍກໍນອນຫຼັບດີ.”
ພະລັງບໍລິສຸດ
10. ເປັນຫຍັງເຮົາຄວນເຫັນຄ່າພະລັງບໍລິສຸດຂອງພະເຈົ້າ?
10 ພະລັງບໍລິສຸດຂອງພະເຈົ້າເປັນຂອງຂວັນທີ່ເບິ່ງບໍ່ລກ. 11:9, 13) ພະເຢໂຫວາໃຫ້ພະລັງບໍລິສຸດຂອງພະອົງເພື່ອຊ່ວຍເຮົາໃຫ້ມີ “ກຳລັງທີ່ຫຼາຍກວ່າປົກກະຕິ.” (2 ກຣ. 4:7; ກຈກ. 1:8) ຍ້ອນພະລັງບໍລິສຸດຂອງພະເຈົ້າຊ່ວຍເຮົາ ເຮົາຈຶ່ງສາມາດອົດທົນກັບບັນຫາຕ່າງໆທີ່ເຮົາປະສົບ.
ເຫັນອີກຢ່າງໜຶ່ງທີ່ເຮົາຄວນເບິ່ງວ່າມີຄ່າ. ພະເຢຊູບອກເຮົາໃຫ້ອະທິດຖານຂໍພະລັງບໍລິສຸດຢູ່ເລື້ອຍໆ. ((ເບິ່ງຂໍ້ 11) *
11. ພະລັງບໍລິສຸດຊ່ວຍເຮົາໃນທາງໃດແດ່?
11 ພະລັງບໍລິສຸດສາມາດຊ່ວຍເຮົາໃຫ້ເຮັດວຽກທີ່ເຮົາໄດ້ຮັບມອບໝາຍໃນການຮັບໃຊ້ພະເຈົ້າ. ພະລັງບໍລິສຸດຍັງຊ່ວຍເຮົາໃຫ້ປັບປຸງຄວາມສາມາດທີ່ເຮົາມີເພື່ອຈະເຮັດວຽກຂອງພະເຢໂຫວາໄດ້. ດັ່ງນັ້ນ ເຮົາຈຶ່ງຮູ້ວ່າຜົນດີທີ່ເຮົາໄດ້ຮັບໃນວຽກຮັບໃຊ້ພະເຈົ້າບໍ່ແມ່ນຍ້ອນຕົວເຮົາເອງ ແຕ່ຍ້ອນພະລັງບໍລິສຸດຊ່ວຍເຮົາ.
12. ຕາມຄຳເພງ 139:23, 24 ເຮົາສາມາດອະທິດຖານຂໍພະລັງບໍລິສຸດເພື່ອຊ່ວຍເຮົາໃຫ້ເຮັດຫຍັງ?
12 ອີກວິທີໜຶ່ງທີ່ຈະສະແດງວ່າເຮົາເຫັນຄ່າພະລັງບໍລິສຸດຂອງພະເຈົ້າຄື ອະທິດຖານຂໍພະລັງບໍລິສຸດໃຫ້ຊ່ວຍເຮົາກວດສອບຄວາມຄິດຫຼືຄວາມຕ້ອງການຜິດໆທີ່ຢູ່ໃນຫົວໃຈເຮົາ. (ອ່ານຄຳເພງ 139:23, 24) ຖ້າເຮົາອະທິດຖານແບບນີ້ ພະເຢໂຫວາກໍຈະໃຫ້ພະລັງບໍລິສຸດເພື່ອຊ່ວຍເຮົາໃຫ້ເຫັນສິ່ງເຫຼົ່ານັ້ນໃນໃຈ ແລະເມື່ອເຫັນແລ້ວ ເຮົາກໍຄວນຂໍພະລັງບໍລິສຸດຊ່ວຍເຮົາໃຫ້ຕໍ່ສູ້ກັບຄວາມຄິດຫຼືຄວາມຕ້ອງການຜິດໆ. ຖ້າເຮົາເຮັດແບບນີ້ ກໍສະແດງວ່າເຮົາຕັ້ງໃຈທີ່ຈະບໍ່ເຮັດສິ່ງໃດກໍຕາມທີ່ເຮັດໃຫ້ພະເຢໂຫວາບໍ່ຢາກໃຫ້ພະລັງບໍລິສຸດຊ່ວຍເຮົາ.—ອຟຊ. 4:30
13. ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າພະລັງບໍລິສຸດ?
13 ເຮົາຈະສະແດງວ່າເຫັນຄ່າພະລັງບໍລິສຸດໂດຍການຄິດຕຶກຕອງເຖິງສິ່ງທີ່ພະລັງບໍລິສຸດໄດ້ເຮັດໃນສະໄໝຂອງເຮົາ. ກ່ອນພະເຢຊູຈະໄປສະຫວັນ ເພິ່ນໄດ້ບອກພວກລູກສິດວ່າ: “ພວກເຈົ້າຈະໄດ້ຮັບພະລັງຈາກພະເຈົ້າ ພະລັງບໍລິສຸດນັ້ນຈະຢູ່ກັບພວກເຈົ້າ ແລະພວກເຈົ້າຈະເປັນພະຍານຂອງຂ້ອຍ . . . ຈົນຮອດສຸດຂອບໂລກ.” (ກຈກ. 1:8) ຄຳເວົ້າເຫຼົ່ານີ້ໄດ້ເກີດຂຶ້ນແທ້ໃນແບບທີ່ໜ້າງຶດງໍ້ແທ້ໆ. ປັດຈຸບັນມີຜູ້ນະມັດສະການພະເຢໂຫວາຫຼາຍກວ່າ 8,5 ລ້ານຄົນທີ່ມາຈາກທົ່ວໂລກ. ນອກຈາກນັ້ນ ທີ່ເຮົາມີສັງຄົມພີ່ນ້ອງທົ່ວໂລກທີ່ເປັນນ້ຳໜຶ່ງໃຈດຽວກັນແລະມີຄວາມສະຫງົບສຸກໄດ້ກໍຍ້ອນພະລັງບໍລິສຸດຂອງພະເຈົ້າຊ່ວຍໃຫ້ມີຄຸນລັກສະນະທີ່ດີເຫຼົ່ານີ້ເຊັ່ນ: ຄວາມຮັກ ຄວາມຍິນດີ ສັນຕິສຸກ ຄວາມອົດທົນອົດກັ້ນ ຄວາມກະລຸນາ ຄວາມດີ ຄວາມເຊື່ອ ຄວາມອ່ອນໂຍນ ແລະການຄວບຄຸມຕົວເອງ. ຄຸນລັກສະນະເຫຼົ່ານີ້ແມ່ນ “ຜົນທີ່ເກີດຈາກພະລັງຂອງພະເຈົ້າ.” (ຄລຕ. 5:22, 23) ພະລັງບໍລິສຸດເປັນຂອງຂວັນທີ່ມີຄ່າຫຼາຍແທ້ໆ!
ການຊ່ວຍເຫຼືອຈາກພະເຢໂຫວາ ພະເຢຊູ ແລະທູດສະຫວັນໃນວຽກປະກາດ
14. ເມື່ອເຮົາໄປປະກາດ ເຮົາໄດ້ຮັບການຊ່ວຍເຫຼືອທີ່ເບິ່ງບໍ່ເຫັນແນວໃດ?
14 ເຮົາມີຂອງຂວັນທີ່ມີຄ່າທີ່ເບິ່ງບໍ່ເຫັນຢ່າງໜຶ່ງຄື ການໄດ້ “ເປັນເພື່ອນຮ່ວມງານ” ຂອງພະເຢໂຫວາ ພະເຢຊູ ແລະທູດສະຫວັນ. (2 ກຣ. 6:1) ເຮົາເຮັດວຽກກັບພວກເພິ່ນຕອນທີ່ເຮົາໄປປະກາດແລະສອນຄົນໃຫ້ເປັນລູກສິດ. ໂປໂລເວົ້າເຖິງຕົວລາວເອງແລະຄົນທີ່ເຮັດວຽກນີ້ວ່າ: “ພວກເຮົາເປັນເພື່ອນຮ່ວມງານຂອງພະເຈົ້າ.” (1 ກຣ. 3:9) ຕອນທີ່ເຮົາເຮັດວຽກປະກາດ ເຮົາກໍເປັນເພື່ອນຮ່ວມງານຂອງພະເຢຊູຄືກັນ. ຈື່ໄດ້ບໍວ່າຫຼັງຈາກທີ່ພະເຢຊູສັ່ງພວກລູກສິດໃຫ້ “ໄປຫາຄົນທຸກຊາດແລະສອນພວກເຂົາໃຫ້ເຂົ້າມາເປັນລູກສິດ” ເພິ່ນບອກວ່າ: “ຂ້ອຍຈະຢູ່ກັບພວກເຈົ້າສະເໝີ.” (ມທ. 28:19, 20) ແລ້ວທູດສະຫວັນເດ? ເຮົາດີໃຈຫຼາຍແທ້ໆທີ່ທູດສະຫວັນໄດ້ຊີ້ນຳເຮົາຕອນທີ່ໄປປະກາດ “ຂ່າວດີທີ່ຈະຢູ່ຕະຫຼອດໄປໃຫ້ກັບທຸກຄົນທີ່ຢູ່ໃນໂລກ.”—ພນມ. 14:6
15. ຂໍໃຫ້ຍົກຕົວຢ່າງຈາກຄຳພີໄບເບິນທີ່ສະແດງວ່າພະເຢໂຫວາມີສ່ວນສຳຄັນໃນວຽກປະກາດແນວໃດ.
15 ການຊ່ວຍເຫຼືອຈາກພະເຢໂຫວາ ພະເຢຊູ ແລະທູດສະຫວັນຊ່ວຍໃຫ້ວຽກມອບໝາຍສຳເລັດແນວໃດ? ຕອນທີ່ເຮົາຫວ່ານເມັດແຫ່ງຄວາມຈິງ ບາງເມັດກໍຕົກຢູ່ໃນຫົວໃຈຂອງຄົນທີ່ເຕັມໃຈຮັບເອົາຄວາມຈິງແລະເມັດນັ້ນກໍເຕີບໃຫຍ່. (ມທ. 13:18, 23) ໃຜເປັນຜູ້ທີ່ເຮັດໃຫ້ເມັດແຫ່ງຄວາມຈິງເຫຼົ່ານີ້ເຕີບໃຫຍ່ແລະເກີດຜົນ? ພະເຢຊູບອກວ່າ ບໍ່ມີໃຜທີ່ຈະມາຫາເພິ່ນໄດ້ ນອກຈາກ “ພະເຈົ້າຜູ້ເປັນພໍ່ . . . ຈະຊັກນຳລາວ.” (ຢຮ. 6:44) ຄຳພີໄບເບິນໃຫ້ຕົວຢ່າງທີ່ເຈາະຈົງກ່ຽວກັບເລື່ອງນີ້. ຕອນທີ່ໂປໂລປະກາດກັບຜູ້ຍິງກຸ່ມໜຶ່ງທີ່ຢູ່ນອກເມືອງຟີລິບປອຍ ຄຳພີໄບເບິນໄດ້ເວົ້າເຖິງຜູ້ຍິງຄົນໜຶ່ງທີ່ຊື່ລີເດຍວ່າ: “ພະເຢໂຫວາເປີດໃຈລາວໃຫ້ສົນໃຈຟັງເລື່ອງທີ່ໂປໂລເວົ້າ.” (ກຈກ. 16:13-15) ຄືກັບລີເດຍ ພະເຢໂຫວາໄດ້ຊັກນຳຫຼາຍລ້ານຄົນໃຫ້ເຂົ້າມາຫາພະອົງ.
16. ໃຜຄວນໄດ້ຮັບກຽດເມື່ອວຽກປະກາດເກີດຜົນດີ?
16 ໃຜຄວນໄດ້ຮັບກຽດເມື່ອວຽກປະກາດເກີດຜົນດີ? ໂປໂລຕອບຄຳຖາມນີ້ເມື່ອລາວຂຽນເຖິງພີ່ນ້ອງໃນປະຊາຄົມເມືອງໂກຣິນໂທວ່າ: “ຂ້ອຍເປັນຄົນປູກ ອາໂປໂລເປັນຄົນຫົດນ້ຳ ແຕ່ພະເຈົ້າເປັນຜູ້ເຮັດໃຫ້ເຕີບໃຫຍ່ ຄົນທີ່ປູກກັບຄົນທີ່ຫົດນ້ຳຈຶ່ງບໍ່ມີຄວາມສຳຄັນຫຍັງ ແຕ່ພະເຈົ້າຜູ້ເຮັດໃຫ້ເຕີບໃຫຍ່ນັ້ນເປັນຜູ້ທີ່ສຳຄັນ.” (1 ກຣ. 3:6, 7) ຄືກັບໂປໂລ ເຮົາຄວນໃຫ້ກຽດພະເຢໂຫວາສະເໝີເມື່ອວຽກປະກາດເກີດຜົນດີ.
17. ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າການໄດ້ເປັນ “ເພື່ອນຮ່ວມງານ” ກັບພະເຢໂຫວາ ພະເຢຊູ ແລະທູດສະຫວັນ?
17 ເຮົາຈະສະແດງໃຫ້ເຫັນແນວໃດວ່າເຮົາເຫັນຄ່າສິດທິພິເສດທີ່ໄດ້ເປັນ “ເພື່ອນຮ່ວມງານ” ກັບພະເຢໂຫວາ ພະເຢຊູ ແລະທູດສະຫວັນ? ກໍໂດຍຊອກຫາທຸກໂອກາດທີ່ຈະປະກາດຂ່າວດີກັບຄົນອື່ນ. ມີຫຼາຍວິທີທີ່ເຮົາສາມາດເຮັດໄດ້ເຊັ່ນ: ປະກາດ “ຕາມບ່ອນສາທາລະນະແລະຕາມບ້ານເຮືອນ.” (ກຈກ. 20:20) ນອກຈາກນັ້ນ ເຮົາກໍຍັງປະກາດແບບບໍ່ເປັນທາງການ. ຕອນທີ່ພົບຄົນແປກໜ້າ ເຮົາກໍທັກທາຍຢ່າງເປັນມິດແລະພະຍາຍາມລົມກັບຄົນນັ້ນ. ຖ້າຄົນນັ້ນເຕັມໃຈລົມນຳ ເຮົາກໍຈະລົມເລື່ອງຂ່າວດີຂອງພະເຈົ້າໃນແບບທີ່ເຂົາເຈົ້າສົນໃຈ.
(ເບິ່ງຂໍ້ 18) *
18-19. (ກ) ເຮົາຫົດນ້ຳໃສ່ເມັດແຫ່ງຄວາມຈິງແນວໃດ? (ຂ) ຂໍໃຫ້ຍົກປະສົບການທີ່ພະເຢໂຫວາໄດ້ຊ່ວຍນັກສຶກສາຄຳພີໄບເບິນຄົນໜຶ່ງ.
18 ເຮົາທີ່ “ເປັນເພື່ອນຮ່ວມງານກັບພະເຈົ້າ” ເຮົາຕ້ອງບໍ່ພຽງແຕ່ຫວ່ານເມັດແຫ່ງຄວາມຈິງ ແຕ່ເຮົາຕ້ອງຫົດ
ນ້ຳນຳ. ເມື່ອມີຄົນສົນໃຈ ເຮົາກໍຢາກເຮັດໃຫ້ດີທີ່ສຸດທີ່ຈະກັບໄປຢາມຄົນນັ້ນ ຫຼືໃຫ້ພີ່ນ້ອງຄົນອື່ນໄປຢາມລາວເພື່ອຈະສາມາດເລີ່ມສຶກສາໄດ້. ເມື່ອນັກສຶກສາກ້າວໜ້າ ເຮົາກໍມີຄວາມສຸກທີ່ເຫັນວ່າພະເຢໂຫວາຊ່ວຍນັກສຶກສາໃຫ້ປ່ຽນແປງຕົວເອງໄດ້.19 ຂໍໃຫ້ມາເບິ່ງຕົວຢ່າງຂອງຣາພາລາລານີເຊິ່ງເປັນໝໍຜີຢູ່ອາຝຼິກກາໃຕ້. ລາວຮັກສິ່ງທີ່ລາວໄດ້ຮຽນໃນຄຳພີໄບເບິນ. ແຕ່ກໍເປັນເລື່ອງຍາກຫຼາຍທີ່ລາວຈະຍອມຮັບສິ່ງທີ່ຄຳພີໄບເບິນບອກກ່ຽວກັບການຕິດຕໍ່ກັບບັນພະບຸລຸດທີ່ຕາຍໄປ. (ບັນຍັດ. 18:10-12) ໃນທີ່ສຸດ ລາວກໍຍອມໃຫ້ພະເຢໂຫວາປັບຄວາມຄິດຂອງລາວ. ລາວເຊົາເປັນໝໍຜີ ເຖິງວ່າຈະເຮັດໃຫ້ລາວເສຍອາຊີບຫາກິນກໍຕາມ. ຕອນນີ້ຣາພາລາລານີອາຍຸ 60 ປີແລ້ວ ລາວບອກວ່າ: “ຂ້ອຍຂອບໃຈພະຍານພະເຢໂຫວາທີ່ຊ່ວຍຂ້ອຍຫຼາຍຢ່າງ ເຊັ່ນ: ຊ່ວຍຂ້ອຍຊອກຫາວຽກເຮັດ. ທີ່ສຳຄັນທີ່ສຸດ ຂ້ອຍຢາກຂອບໃຈພະເຢໂຫວາຫຼາຍແທ້ໆທີ່ຊ່ວຍຂ້ອຍໃຫ້ປ່ຽນແປງຊີວິດໄດ້. ຕອນນີ້ ຂ້ອຍສາມາດໄປປະກາດ ແລະຮັບບັບເຕມາເປັນພະຍານພະເຢໂຫວາຄົນໜຶ່ງແລ້ວ.”
20. ເຈົ້າຕັ້ງໃຈທີ່ຈະເຮັດຫຍັງ?
20 ໃນບົດຄວາມນີ້ ເຮົາໄດ້ຮຽນຮູ້ກ່ຽວກັບຂອງຂວັນທີ່ເບິ່ງບໍ່ເຫັນ 4 ຢ່າງ. ແຕ່ຂອງຂວັນຢ່າງໜຶ່ງທີ່ດີທີ່ສຸດກໍຄື ສິດທິພິເສດທີ່ໄດ້ເປັນໝູ່ສະໜິດກັບພະເຢໂຫວາ. ເມື່ອເຮົາເປັນໝູ່ກັບພະເຢໂຫວາແລ້ວ ເຮົາກໍສາມາດໄດ້ຮັບປະໂຫຍດຈາກຂອງຂວັນທີ່ເບິ່ງບໍ່ເຫັນຢ່າງອື່ນນຳ ຄື: ໄດ້ໃກ້ຊິດກັບພະເຢໂຫວາໂດຍການອະທິດຖານ ໄດ້ຮັບການຊ່ວຍເຫຼືອຈາກພະລັງບໍລິສຸດ ແລະໄດ້ຮັບການຊ່ວຍເຫຼືອຈາກພະເຢໂຫວາ ພະເຢຊູ ແລະທູດສະຫວັນໃນວຽກປະກາດ. ຂໍໃຫ້ເຮົາຕັ້ງໃຈທີ່ຈະເຫັນຄ່າຂອງຂວັນທີ່ເບິ່ງບໍ່ເຫັນເຫຼົ່ານີ້ ແລະຂອບໃຈພະເຢໂຫວາສະເໝີທີ່ໃຫ້ເຮົາເປັນໝູ່ກັບພະອົງ.
ເພງ 145 ຄຳສັນຍາຂອງພະເຈົ້າເລື່ອງອຸທິຍານ
^ ຂໍ້ 5 ໃນບົດຄວາມກ່ອນ ເຮົາໄດ້ຮຽນກ່ຽວກັບຂອງຂວັນຫຼາຍຢ່າງທີ່ເຮົາເບິ່ງເຫັນໄດ້ເຊິ່ງພະເຈົ້າໃຫ້ເຮົາ. ແຕ່ໃນບົດຄວາມນີ້ເຮົາຈະມາຮຽນກ່ຽວກັບຂອງຂວັນທີ່ເຮົາເບິ່ງບໍ່ເຫັນແລະວິທີທີ່ເຮົາຈະສະແດງວ່າເຮົາເຫັນຄ່າຂອງຂວັນນັ້ນ. ການຮຽນເລື່ອງນີ້ຈະຊ່ວຍເຮົາໃຫ້ຮູ້ສຶກຂອບໃຈພະເຢໂຫວາຫຼາຍຂຶ້ນທີ່ໃຫ້ຂອງຂວັນທີ່ມີຄ່າເຫຼົ່ານີ້ກັບເຮົາ.
^ ຂໍ້ 58 ຄຳອະທິບາຍຮູບພາບ: (1) ໃນຂະນະທີ່ພີ່ນ້ອງຍິງຄົນໜຶ່ງກຳລັງເບິ່ງສິ່ງທີ່ພະເຢໂຫວາສ້າງ ລາວໄດ້ຄິດຕຶກຕອງເຖິງການທີ່ໄດ້ເປັນໝູ່ກັບພະເຢໂຫວາ.
^ ຂໍ້ 60 ຄຳອະທິບາຍຮູບພາບ: (2) ພີ່ນ້ອງຄົນດຽວກັນນີ້ອະທິດຖານຂໍພະເຢໂຫວາຊ່ວຍລາວໃຫ້ກ້າປະກາດ.
^ ຂໍ້ 62 ຄຳອະທິບາຍຮູບພາບ: (3) ພະລັງບໍລິສຸດຊ່ວຍພີ່ນ້ອງຍິງຄົນນີ້ໃຫ້ກ້າປະກາດແບບບໍ່ເປັນທາງການ.
^ ຂໍ້ 64 ຄຳອະທິບາຍຮູບພາບ: (4) ພີ່ນ້ອງຍິງໄດ້ນຳການສຶກສາກັບຄົນທີ່ລາວປະກາດແບບບໍ່ເປັນທາງການ. ທີ່ພີ່ນ້ອງຍິງຄົນນີ້ສາມາດປະກາດແລະສອນຄົນໃຫ້ມາເປັນລູກສິດໄດ້ກໍຍ້ອນໄດ້ຮັບການຊ່ວຍເຫຼືອຈາກທູດສະຫວັນ.