1-2. Jehovap Nalunaajaasuinut suut pingaaruteqangaar­pat?

PINGAARUTILERUJUS­SUAR­NIK eq­qarsaatigisas­saqar­pugut – Jehovap kisimi oqar­tus­saasuunera aq­qatalu il­ler­narsisin­neqar­nis­saa. Taak­ku Jehovap Nalunaajaasuinut pingaaruteqangaar­put. Guutil­li kisimi oqar­tus­saasuunera aq­qata il­ler­narsisin­nis­saanit al­laanerua? Naamik.

² Tamat­ta paasisimavar­put Guutip aq­qa il­ler­narsisin­neqar­tariaqar­toq. Aam­ma paasisimavar­put Jehovap kisimi oqar­tus­saasuunerata, tas­sa naalak­kersueriaasiata, pitsaaner­paajunera up­per­narsar­neqar­tariaqar­toq. Taak­ku tamarmik pingaaruteqar­put.

3. Jehovap aq­qanut suut at­tuumas­suteqar­pat?

³ Suul­luun­niit Guutitsin­nut tun­ngasut Jehovap aq­qanut at­tuumas­suteqar­put, aamma naalak­kersueriaasia. Taamaat­tumik Jehovap naalak­kersueriaasiata pitsaaner­paajuneranik up­per­narsaaneq Jehovap aq­qanik il­ler­narsisitsineruvoq. Aap, Ajugaqan­ngitsuul­luni Kisimi Oqar­tus­saasutut naalak­kersueriaasianut aq­qa at­tuumas­suteqangaar­poq. – Takuuk ungalusaq “ Akerleriis­sum­mut suut ilaap­pat?”.

4. Guutip aq­qa Tus­siaat 135:13-imi qanoq al­laatigineqar­pa, apeq­qutil­lu suut al­laaserisami akis­sutis­sarsis­savavut?

⁴ Jehovap aq­qa as­seqan­ngil­luin­nar­poq. (Tussiaat 135:13 atuaruk). Sooq Guutip aq­qa taama pingaaruteqar­tigaa? Qanoq narrunarsar­neqaq­qaar­pa? Guutip qanoq il­ler­narsisip­paa? Uagul­lu Guutip aq­qa qanoq il­lersorsin­naavar­put? Apeq­qutit taak­ku akis­sutis­sarseriar­tigit.

5. Guutip aq­qata il­ler­narsisin­nis­saanut tun­ngatil­lugu qanoq eq­qarsar­toqar­tar­pa?

⁵ “Aq­qit il­ler­nar­titaali.” (Matt 6:9) Jiisusi oqar­poq taman­na pingaar­ner­paat ilaat­tut qin­nutigisas­sagip­put. Oqaatsil­li taak­ku qanoq paasisariaqar­pat? Il­ler­narsisitsineq isumaqar­poq minguiaaneq. Inuil­li ilaat ima eq­qarsar­tar­put: ‘Jehovap aq­qa minguitsooriin­ngila?’ Taman­na akis­sutis­sarsiumal­lugu eq­qarsaatigisariaqar­par­put ateq qanoq eq­qarsalersitsisar­toq.

6. Sooq ateq naleqangaar­pa?

⁶ Ateq oqaasiin­narmit al­lan­neqarsin­naasumit naleqar­nerungaar­poq, tusaamaneqar­nermum­mi at­tuumas­suteqar­poq. As­sersuutigalugu inuit ateq aalajangersimasoq tusaraangamik­ku pineqar­tup qanoq it­tuunera takorluuler­tar­paat. Biibilimi qanoq al­las­simasoqar­toq maluginiaruk: “Tusaamasaal­luar­neq pisuus­suter­pas­suar­nit pingaar­neruvoq.” (Uss 22:1; Oqal 7:1) Tas­sa atip qanoq al­lan­neqar­nera qanorluun­niit oqaatigineqar­nera pingaar­ner­paajun­ngilaq. Atil­li tusaamaneqar­nera pingaar­ner­paajuvoq.

7. Inuit Guutip aq­qa qanoq narrunarsar­niar­tar­paat?

⁷ Inuit Jehova pil­lugu sal­lulioraangamik tusaamanerlugaalersin­niar­tar­paat. Taamaalior­nermik­kut aq­qa narrunarsar­niar­tar­paat. Jehovamik tusaamanerlugaalersitsiniaaneq siul­leq naatsiivim­mi Edenimi pivoq. Taman­na qanoq ilin­niutigisin­naanerlugu paasiniariar­tigu.

8. Adamip Eval­lu suut nalun­ngilaat, qanorlu aperisin­naavugut?

⁸ Adamip Eval­lu Jehovap aq­qa nalun­ngilaat. Aam­ma taan­na pil­lugu pingaarutilin­nik ilisimasaqar­put. Nalun­ngilaat Pin­ngor­titsisuugami inuunermin­nik nuan­nersumik, najuk­kamin­nik kusanar­tumik aap­parmin­nil­lu tul­luarluin­nar­tumik tunisisuusoq. (1 Mos 1:26-28; 2:18) Jehoval­li im­min­nut iliuuserisimasai eq­qarsaatigiuas­savaat? Jehovamut asan­nin­ner­tik qujamasun­ner­til­lu ineriar­tor­tit­tuas­savaat? Apeq­qutit taak­ku akis­sutis­sarsiumal­lugit susoqarsimanera paasiniariar­tigu.

9. Mosesimik al­lak­kat siul­liit 2:16, 17 aam­ma 3:1-5 naaper­torlugit Jehovap aap­pariit siul­liit qanoq oqarfigai, Saatanil­lu Guuti pil­lugu taak­kua qanoq ajor­tumik eq­qarsalersip­pai?

 ⁹ 1 Mosesi 2:16, 17 aamma 3:1-5 atuakkit. Pulateriaarsuk oqalutsit­tuusaarlugu Saatanip Eva ima aperaa: “Ilumut Guuti oqar­pa naatsiiviup or­pii nerif­figis­san­ngik­kisi?” Apeq­qut taan­na sal­lumik ilaqar­poq Guutilu pil­lugu ajor­tumik eq­qarsalersitsil­luni. Guuti oqar­nikuuvoq or­piit tamaasa nerif­figineqarsin­naasut, taak­kualu as­sigiin­ngitsor­pas­suusimas­sap­put. (1 Mos 2:9) Or­piul­li ataasiin­naap nerif­figinis­saa Jehovap iner­teq­qutigaa. Aap, Jehovap tuk­kor­tuunera qularisas­saan­ngilaq. Saatanil­li apeq­qutaa Guutip ilumut tuk­kor­tuuneranik qulalersitsivoq. Imaas­sin­naasoq Eva ima eq­qarsalersimasoq: ‘Guutip ajun­ngitsumik erliguup­paanga?’

10. Saatani Guutip aq­qanik qanoq toq­qaan­nar­tumik narrunarsaava, qanorlu kinguneqar­tumik?

¹⁰ Saatanimit aperineqarami Evap Jehova suli Naalak­kamisut isigaa. Saatani akigamiuk Guutip peq­qus­sutaa paatsuugas­saan­ngitsoq is­suar­paa, nangil­lunilu oqar­poq or­pik at­tor­neqas­san­ngitsorluun­niit. Nalun­ngilaa Guutimut naalan­ngin­neq toqumik kinguneqarumaar­toq. Saatanil­li ima akivaa: “Naamik, toqus­san­ngivip­pusi!” (1 Mos 3:2-4) Taamaalil­luni Jehova mamarlerlugu sal­lutuujunerar­paa Guutil­lu aq­qa toq­qaan­nar­tumik narrunarsarlugu. Taamaalior­nermigut Saatani Diaavulun­ngor­poq, tas­sa mamarliisun­ngor­poq. Evap nakutitaal­luin­narluni Saatani up­peraa. (1 Tim 2:14) Saatani Jehovamit tatigineruleramiuk Eva aalajangiinerlup­poq. Aalajanger­porlu Jehova naalan­niar­nagu. Or­piup nerif­figeq­qusaan­ngitsup naatitaanik neriler­poq kingor­nalu Adami tunil­lugu. – 1 Mos 3:6.

11. Adami Evalu qanoq iliorsimasariaqaraluar­pat?

¹¹ Eva Saatanimut qanoq akisimasus­saagaluar­toq eq­qarsaatigiuk. Takorlooruk ima oqarsimagaluar­pat: “Naluak­kit kinaasutit, Ataatagali Jehova nalun­ngilara, aam­ma asal­lugulu tatigaara. Adamilu pisariaqar­titatsin­nik tamanik tuninikuuaatigut. Sooq eq­qar­tor­nerlus­saviuk? Peer­niarit!” Jehovap oqaatsit taak­ku asan­nin­nermik tun­ngavil­lit panim­mi ilumoorfigin­nit­tup oqaatigisai nuan­naarutigingaarsimas­sagaluar­pai. (Uss 27:11) Evali Jehovamut ilumoorfigin­nin­ngilaq, aam­ma Adami taamaaliun­ngilaq. Ataatar­tik qaman­nga pisumik asan­ngin­namik­ku Adamip Eval­lu Guutip aq­qa narrunarsar­neqarmat il­lersun­ngilaat.

12. Saatanip Eva qanoq qulalersip­paa, aam­ma Adami Evalu sun­ngil­lat?

¹² Sam­meriik­katsitut Saatanip Eva qulalersin­niaq­qaar­paa. Eq­qarsalersip­paa Jehova ilumut Ataataal­luar­tuunersoq. Taava Adamip Eval­lu Saatanip sal­luliuutaanik itigar­titsin­ngin­nermik­kut Jehovap aq­qa il­lersun­ngilaat. Taamaalil­lutik Saatanip oqaasii malik­kuminar­tin­neruler­paat  ataatar­til­lu qilam­miusoq pikitsitsif­figalugu. Nalitsin­ni Saatani as­singusumik periaaseqar­tar­poq. Jehovap aq­qanik narrunarsaanermigut tusaamanerlugaalersin­niar­tar­paa. Inuit Saatanip sal­luliuutaanik up­perin­nit­tut Jehovap naaper­tuil­luar­tumik naalak­kersuinera itigar­tik­kuminar­tin­nerusar­paat.

13. Biibilip pingaar­ner­tut tusarlius­saa Ezekieli 36:23-mi qanoq ersersin­neqar­pa?

¹³ Jehovap aterminik narrunarsaaneq iliuuseqar­nani akueriin­nar­paa? Naamerluin­naq! Jehovap aq­qi il­ler­narsisin­niarlugu Edenimi tusaamanerlugaalersin­neqar­nerminiil­li iliuuserisimasai Biibilimi al­laatigineqar­put. (1 Mos 3:15) Biibilip pingaar­ner­paatut tusarlius­saa ima naatsumik oqaatigineqarsin­naavoq: Jehovap naalagaaf­fini Er­nerminik kun­ngiuf­figineqar­toq atorlugu aq­qi il­ler­narsisis­sagaa nunarsuarmilu naaper­tuil­luar­neq eq­qis­sinerlu pilerseq­qil­lugit. Biibilimi al­las­simasut iluaqutigalugit paasisin­naavar­put Jehovap aq­qi qanoq il­ler­narsisis­sin­naasimagaa. – Ezekieli 36:23 atuaruk.

14. Edenimi pikitsitsinermut Jehovap qisuariar­nera aq­qanik qanoq il­ler­narsisitsiva?

¹⁴ Jehovap siuner­taa naam­mas­sineqaq­qunagu Saatani ilungersungaarsimavoq. Qanorluun­niil­li ilungersor­tigigaluaruni iluatsitsin­ngisaan­nas­saaq. Jehova Ataataasoq asan­nit­toq naalak­kersuisutul­lu piuk­kun­nar­ner­paasoq up­per­narsar­niarlugu iliuusii Biibilimi al­lan­neqarsimap­put. Ilumoor­poq Saatanip iliisalu pikitsitsinerat Jehovap aliasuutigingaaraa. (1 Mos 6:5, 6) Atermili narrunarsar­neqar­nera ilisimas­suseqarluni, kamajaal­luni naaper­tuil­luarlunilu isumagisimavaa. Aam­ma Ajugaqan­ngitsuunini sor­pas­suar­tigut takutis­simavaa. Pingaar­ner­tul­li iliuutsimini tamani asan­nit­tuunini ersersis­simavaa. (1 Joh 4:8) Jehova aterminik il­ler­narsisitsiniarluni iliuuseqar­tuaan­narsimavoq.

15. Guutip aq­qa qanoq Saatanimit nalitsin­ni narrunarsar­neqar­tar­pa, qanorlu kinguneqar­tumik?

¹⁵ Guutip aq­qa Saatanip suli narrunarsar­tar­paa. Guutip pis­saaneqangaar­nera,  naaper­tuil­luar­tuunera, ilisimas­suseqar­nera asan­nit­tuuneralu pil­lugit inuit qulalersin­niar­tar­pai. As­sersuutigalugu inuit up­per­tin­niarsarai Jehova Pin­ngor­titsisuun­ngitsoq. Guuteqar­neranik up­perin­nit­tut eq­qarsalersin­niar­tar­pai Guuti taas­sumalu najoq­qutas­siai sukan­ner­pal­laarlutil­lu naaper­tuil­luan­ngitsuusut. Al­laam­mi Jehovap peq­qar­niitsuunera ajoqersuutiginiar­tar­paa oqarluni Guutip inuit an­niar­titaaf­fim­mi ikualasumi naal­liutsit­tarai. Inuit sal­luliuutinik taamaat­tunik up­perin­nit­tut Jehovap naalak­kersuineranik naaper­tuil­luar­tumik itigar­titsinis­saat ilimanar­nerusar­poq. Saatani suujun­naarsin­neqar­nis­sami tungaanut Jehovamik mamarliisarumaar­poq, aam­ma il­lit nakutin­niar­tas­savaatit. Iluatsitsis­savali?

16. Adamip Eval­lu iliuuserisiman­ngisaat suna il­lit iliuuserisin­naaviuk?

¹⁶ Jehovap inuit naam­mal­luin­nan­ngitsut aterminik il­ler­narsisitseqataasin­naatip­pai. Il­lit Adamip Eval­lu iliuuserisiman­ngisaat iliuuserisin­naavat. Silarsuarmi inuit amerlasuut Jehovap aq­qanik narrunarsaal­lutil­lu mitaatigin­nit­tar­put, il­lil­li Guutip il­ler­nar­tuunera, naaper­tuil­luar­tuunera, ajun­ngitsuunera asan­nit­tuuneralu pil­lugit oqaluus­sisar­nik­kut aq­qanik il­lersuinis­san­nut periarfis­saqar­putit. (Es 29:23) Iliuutsik­kut takutis­sin­naavat Guuti naalak­kersuisorerusul­lugu. Inun­nut paasitin­niar­tarsin­naavat Jehovap naalak­kersueriaasia kisimi naaper­tuil­luar­tuul­lunilu pin­ngor­titanut tamanut eq­qis­sinermik pil­luar­nermil­lu atuutilersitsisin­naasoq. – Tuss 37:9, 37; 146:5, 6, 10.

17. Jiisusip Ataatami aq­qa qanoq ilisimalersip­paa?

¹⁷ Jehovap aq­qa il­lersoraangatsigu Jiisusi ilaar­tar­par­put. (Joh 17:26) Jiisusip Ataatami aq­qa atuin­nar­nagu aam­mali taan­na tusaamaneqarlualersin­neratigut ilisimalersip­paa. As­sersuutigalugu farisiiarit Jehova tas­saanerar­tar­paat peq­qar­niitsoq, piumasaqar­pal­laar­toq, qanil­lineqarsin­naan­ngitsoq aam­ma naak­kit­taatsoq, Jiisusil­li inuit ikiorlugit paasitip­pai Jehova ingasaas­sinian­ngitsuusoq, kamagit­tar­tuusoq, asan­nit­tuusoq isumak­keerfigin­nit­tar­tuusorlu. Aam­ma ul­luin­nar­ni iliuutsimini Ataatami pis­susiinik ilaarseq­qis­saar­nermigut  Jehovamik ilisiman­nilersip­pai. – Joh 14:9.

18. Jehova pil­lugu sal­luliuutit mamarliineril­lu eq­qun­ngitsuunerat qanoq up­per­narsarsin­naavar­put?

¹⁸ Jiisusitut Jehova pil­lugu ilisimasavut, as­sersuutigalugu asan­ningaar­nera, oqaluus­sis­sutigisin­naavavut. Taamaalior­nik­kut Jehova pil­lugu sal­luliuutit mamarliineril­lu eq­qun­ngitsuunerat up­per­narsas­savar­put. Jehovap aq­qa il­ler­nar­tuusoq al­lanut nalujun­naarsin­neratigut il­ler­narsisis­sin­naavar­put. Uagut­taaq Jehova ilaarsin­naavar­put. Naam­mal­luin­nan­ngitsuugaluarluta taman­na ajor­nan­ngilaq. (Ef 5:1, 2) Jehovap qanoq it­tuunera oqaatsitsigut iliuutsitsigul­lu ersersik­kaangatsigu taas­suma aq­qanik il­ler­narsisitseqataasar­pugut. Guuti pil­lugu sal­lusuis­sutinik ilin­niar­titsisar­nitsigut aam­ma naam­mal­luin­nan­ngitsuugaluarluta as­suar­naatsuujuar­nitsigut Jehovap aq­qa il­ler­narsisis­savar­put. – Job 27:5, 6.

19. Ilin­niar­titsinit­ta pingaar­ner­tut siuner­taa Esaja 63:7-imi qanoq ersersin­neqar­pa?

¹⁹ Iliuuserisin­naasar­put pingaarutilik al­la eq­qarsaatigiuk. Sal­lusuis­sutinik Biibilimeersunik ilin­niar­titsigaangat­ta Jehovap qilam­mi nunamilu kisimi oqar­tus­saanera erseq­qis­sar­tar­par­put. Guutip inatsisaanik ilin­niar­titsinis­saq soorunalimi pingaaruteqar­poq, Ataatatsin­nil­li qilam­miusumik asan­nilersitsinis­saq ilumoorfigin­nilersitsinis­sarlu siuner­taraar­put. Taamaat­tumik Jehovap pis­susiisa nuan­nersut erseq­qis­sar­tar­nerisigut aq­qa tusaamaneqarlualersit­tariaqar­par­put. (Esaja 63:7 atuaruk). Taamaaliorut­ta ilin­niar­titavut Jehovamut asan­nin­nis­saan­nut ilumoorfigin­nin­nis­saan­nul­lu ikius­savavut.

20. Al­laaserisap tul­liani suna sam­mis­savar­put?

²⁰ Pis­susilersor­nitsigut ilin­niar­titsinitsigul­lu qanoq Jehovap aq­qa tusaamaneqarlualersil­lugulu al­lat Jehovamut kajungilersis­sin­naavavut? Al­laaserisami tul­liut­tumi taman­na sam­mis­savar­put.