1-2. ഏതു വിഷയങ്ങൾ യഹോ​വ​യു​ടെ സാക്ഷി​കൾക്കു വളരെ പ്രധാ​ന​മാണ്‌?

യഹോ​വ​യു​ടെ പരമാ​ധി​കാ​ര​വും ദൈവ​നാ​മ​ത്തി​ന്റെ വിശു​ദ്ധീ​ക​ര​ണ​വും ഇക്കാലത്ത്‌ ജീവി​ക്കുന്ന നമ്മളെ ബാധി​ക്കുന്ന വിഷയ​ങ്ങ​ളാണ്‌. യഹോ​വ​യു​ടെ സാക്ഷി​ക​ളായ നമുക്ക്‌ ഈ വിഷയങ്ങൾ ചർച്ച ചെയ്യു​ന്നത്‌ വളരെ​യ​ധി​കം ഇഷ്ടമാണ്‌. എന്നാൽ ദൈവ​ത്തി​ന്റെ പരമാ​ധി​കാ​ര​വും ദൈവ​നാ​മ​ത്തി​ന്റെ വിശു​ദ്ധീ​ക​ര​ണ​വും പരസ്‌പരം യാതൊ​രു ബന്ധവു​മി​ല്ലാത്ത രണ്ടു വ്യത്യ​സ്‌ത​വി​ഷ​യ​ങ്ങ​ളാ​ണോ? അല്ല.

² ബൈബി​ളിൽനിന്ന്‌ നമ്മൾ മനസ്സി​ലാ​ക്കി​യി​രി​ക്കു​ന്ന​തു​പോ​ലെ, ദൈവ​നാ​മ​ത്തി​നു മേൽ വന്ന നിന്ദ നീങ്ങണം. അതു​പോ​ലെ യഹോ​വ​യു​ടെ പരമാ​ധി​കാ​രം, അതായത്‌ യഹോ​വ​യു​ടെ ഭരണവി​ധം, ആണ്‌ ഏറ്റവും മികച്ച​തെന്നു തെളി​യു​ക​യും വേണം. ഈ രണ്ടു വിഷയ​ങ്ങ​ളും വളരെ പ്രധാ​ന​മാണ്‌.

3. യഹോവ എന്ന പേരിൽ എന്തെല്ലാം കാര്യങ്ങൾ ഉൾപ്പെ​ടു​ന്നുണ്ട്‌?

³ യഹോവ എന്ന പേരിൽ നമ്മുടെ ദൈവ​ത്തെ​ക്കു​റി​ച്ചുള്ള എല്ലാ കാര്യ​ങ്ങ​ളും ഉൾപ്പെ​ടു​ന്നുണ്ട്‌. ദൈവ​ത്തി​ന്റെ ഭരണവി​ധ​വും അതിൽ പെടും. അതു​കൊണ്ട്‌ യഹോ​വ​യു​ടെ പേരിനു മേൽ വന്ന നിന്ദ പൂർണ​മാ​യും നീങ്ങു​ന്ന​തിൽ, യഹോവ ഭരിക്കുന്ന വിധമാണ്‌ ഏറ്റവും മികച്ച​തെന്നു തെളി​യു​ന്ന​തും ഉൾപ്പെ​ടു​ന്നുണ്ട്‌. അതെ, യഹോവ എന്ന പേരിനു സർവശ​ക്ത​നായ പരമാ​ധി​കാ​രി എന്ന നിലയിൽ യഹോവ ഭരിക്കുന്ന വിധവു​മാ​യി നേരിട്ട്‌ ബന്ധമുണ്ട്‌.​—“ ഒരു വലിയ വിവാ​ദ​വി​ഷ​യ​ത്തി​ന്റെ വിവി​ധ​വ​ശങ്ങൾ” എന്ന ചതുരം കാണുക.

4. സങ്കീർത്തനം 135:13 യഹോ​വ​യു​ടെ പേരി​നെ​ക്കു​റിച്ച്‌ എന്താണ്‌ പറയു​ന്നത്‌, ഈ ലേഖന​ത്തിൽ നമ്മൾ ഏതെല്ലാം ചോദ്യ​ങ്ങൾ പരി​ശോ​ധി​ക്കും?

⁴ യഹോവ എന്ന പേരു​പോ​ലെ പ്രാധാ​ന്യ​മുള്ള മറ്റൊരു പേരില്ല. (സങ്കീർത്തനം 135:13 വായി​ക്കുക.) ദൈവ​ത്തി​ന്റെ പേരിന്‌ ഇത്ര പ്രാധാ​ന്യ​മു​ള്ളത്‌ എന്തു​കൊണ്ട്‌? ആ പേര്‌ എങ്ങനെ​യാണ്‌ ആദ്യം നിന്ദി​ക്ക​പ്പെ​ട്ടത്‌? ദൈവം എങ്ങനെ​യാണ്‌ ആ പേര്‌ വിശു​ദ്ധീ​ക​രി​ക്കാൻ പോകു​ന്നത്‌? ദൈവ​നാ​മം വിശു​ദ്ധീ​ക​രി​ക്കു​ന്ന​തി​നു നമുക്ക്‌ എന്തെല്ലാം ചെയ്യാൻ പറ്റും? നമുക്ക്‌ ഈ ചോദ്യ​ങ്ങൾക്കുള്ള ഉത്തരങ്ങൾ നോക്കാം.

5. ദൈവ​ത്തി​ന്റെ പേരിന്റെ വിശു​ദ്ധീ​ക​ര​ണ​ത്തെ​ക്കു​റിച്ച്‌ കേൾക്കു​മ്പോൾ ചിലർ എന്തു ചോദി​ച്ചേ​ക്കാം?

⁵ “അങ്ങയുടെ പേര്‌ പരിശു​ദ്ധ​മാ​യി​രി​ക്കേ​ണമേ.” (മത്താ. 6:9) നമ്മൾ പ്രാർഥി​ക്കേണ്ട ഏറ്റവും പ്രധാ​ന​പ്പെട്ട കാര്യ​ങ്ങ​ളിൽ ഒന്നാണ്‌ ഇതെന്നു യേശു പറഞ്ഞു. എന്നാൽ ചിലർ ഇങ്ങനെ ചിന്തി​ച്ചേ​ക്കാം, ‘യഹോ​വ​യു​ടെ പേര്‌ ഇപ്പോൾത്തന്നെ പരിശു​ദ്ധ​മായ സ്ഥിതിക്ക്‌ അതു “പരിശു​ദ്ധ​മാ​യി​രി​ക്കേ​ണമേ” എന്ന്‌ പ്രാർഥി​ക്കാൻ യേശു എടുത്തു​പ​റ​ഞ്ഞത്‌ എന്തു​കൊ​ണ്ടാണ്‌?’ അതിന്റെ ഉത്തരം കണ്ടുപി​ടി​ക്കു​ന്ന​തിന്‌, ഒരു പേരിൽ എന്താണ്‌ ഉൾപ്പെ​ട്ടി​രി​ക്കു​ന്ന​തെന്നു നമ്മൾ മനസ്സി​ലാ​ക്കണം.

6. ഒരു പേര്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

⁶ നമ്മൾ ആളുക​ളു​ടെ പേര്‌ എഴുതാ​റുണ്ട്‌, അവരെ പേര്‌ പറഞ്ഞ്‌ വിളി​ക്കാ​റുണ്ട്‌. പക്ഷേ കുറെ അക്ഷരങ്ങൾ ചേരുന്ന വെറും ഒരു വാക്കു മാത്രമല്ല പേര്‌. ബൈബിൾ പറയു​ന്നതു ശ്രദ്ധി​ക്കുക: “സത്‌പേര്‌ നേടു​ന്നതു സമ്പത്തി​നെ​ക്കാൾ പ്രധാനം.” (സുഭാ. 22:1; സഭാ. 7:1) പേരിന്‌ ഇത്ര മൂല്യ​മു​ള്ള​താ​യി പറഞ്ഞി​രി​ക്കു​ന്നത്‌ എന്തു​കൊ​ണ്ടാണ്‌? കാരണം, പേര്‌ എന്ന പദം പലപ്പോ​ഴും ഉപയോ​ഗി​ക്കു​ന്നത്‌, ഒരാൾ സമൂഹ​ത്തിൽ എങ്ങനെ അറിയ​പ്പെ​ടു​ന്നു എന്നു സൂചി​പ്പി​ക്കാ​നാണ്‌. അതു സത്‌പേ​രോ ദുഷ്‌പേ​രോ ആകാം. അതെ, ഒരു പേര്‌ എങ്ങനെ​യാണ്‌ എഴുതു​ന്നത്‌, എങ്ങനെ​യാണ്‌ ഉച്ചരി​ക്കു​ന്നത്‌ ഇതൊ​ന്നു​മല്ല ഏറ്റവും പ്രധാനം. ആ പേര്‌ കാണു​ക​യോ കേൾക്കു​ക​യോ ചെയ്യു​മ്പോൾ ആ പേരിന്റെ ഉടമ​യെ​പ്പറ്റി മറ്റുള്ളവർ എന്താണു ചിന്തി​ക്കു​ന്നത്‌ എന്നതാണു പ്രധാനം.

7. എങ്ങനെ​യാണ്‌ ആളുകൾ ദൈവ​ത്തി​ന്റെ പേര്‌ കരി​തേച്ച്‌ കാണി​ക്കാൻ ശ്രമി​ച്ചി​രി​ക്കു​ന്നത്‌?

⁷ ആളുകൾ യഹോ​വ​യെ​ക്കു​റിച്ച്‌ നുണകൾ പറയു​മ്പോൾ, അവർ യഹോ​വ​യു​ടെ സത്‌കീർത്തി​ക്കു കളങ്കം ചാർത്തു​ക​യാണ്‌. അതുവഴി അവർ ദൈവ​ത്തി​ന്റെ പേര്‌ കരി​തേച്ച്‌ കാണി​ക്കാൻ ശ്രമി​ക്കു​ന്നു. ദൈവ​ത്തി​ന്റെ പേരി​നും സത്‌കീർത്തി​ക്കും നേരെ​യുള്ള ആദ്യത്തെ ആക്രമണം നടന്നതു മനുഷ്യ​ച​രി​ത്ര​ത്തി​ന്റെ തുടക്ക​ത്തി​ലാണ്‌. ആ സംഭവ​ത്തിൽനിന്ന്‌ നമുക്ക്‌ എന്തു പഠിക്കാ​മെന്നു നോക്കാം.

8. ആദാമി​നും ഹവ്വയ്‌ക്കും എന്ത്‌ അറിയാ​മാ​യി​രു​ന്നു, ഏതെല്ലാം ചോദ്യ​ങ്ങൾ നമ്മുടെ മനസ്സി​ലേക്കു വന്നേക്കാം?

⁸ ആദാമി​നും ഹവ്വയ്‌ക്കും യഹോവ എന്ന പേര്‌ അറിയാ​മാ​യി​രു​ന്നു. മാത്രമല്ല, ആ പേരിന്റെ ഉടമ​യെ​ക്കു​റി​ച്ചുള്ള പ്രധാ​ന​പ്പെട്ട പല സത്യങ്ങ​ളും അവർക്ക്‌ അറിയാ​മാ​യി​രു​ന്നു. ഉദാഹ​ര​ണ​ത്തിന്‌, യഹോ​വ​യാ​ണു തങ്ങളുടെ സ്രഷ്ടാ​വെ​ന്നും ആ ദൈവ​മാ​ണു തങ്ങൾക്കു ജീവനും മനോ​ഹ​ര​മായ പറുദീ​സാ​ഭ​വ​ന​വും തന്നതെ​ന്നും അതു​പോ​ലെ എല്ലാം തികഞ്ഞ ഒരു ഇണയെ നൽകി​യ​തെ​ന്നും അവർ തിരി​ച്ച​റി​ഞ്ഞു. (ഉൽപ. 1:26-28; 2:18) പക്ഷേ, യഹോവ അവർക്കു​വേണ്ടി ചെയ്‌ത കാര്യ​ങ്ങ​ളെ​ക്കു​റി​ച്ചെ​ല്ലാം അവർ തുടർന്നും ചിന്തി​ച്ചോ? അങ്ങനെ ആ പേര്‌ വഹിക്കുന്ന വ്യക്തി​യോ​ടുള്ള സ്‌നേ​ഹ​വും നന്ദിയും അവർ തുടർന്നും വളർത്തി​യോ? ദൈവ​ത്തി​ന്റെ ശത്രു അവരെ പരീക്ഷി​ച്ച​പ്പോൾ ആ ചോദ്യ​ങ്ങൾക്കുള്ള ഉത്തരങ്ങൾ വെളി​വാ​യി.

9. ഉൽപത്തി 2:16, 17; 3:1-5 എന്നീ വാക്യങ്ങൾ പറയു​ന്ന​ത​നു​സ​രിച്ച്‌ യഹോവ ആദ്യ ദമ്പതി​ക​ളോട്‌ എന്താണു പറഞ്ഞത്‌, സാത്താൻ എങ്ങനെ​യാണ്‌ അവരെ തെറ്റി​ദ്ധ​രി​പ്പി​ച്ചത്‌?

 ⁹ ഉൽപത്തി 2:16, 17; 3:1-5 വായി​ക്കുക. പാമ്പാണു സംസാ​രി​ക്കു​ന്ന​തെന്നു തോന്നി​പ്പി​ക്കുന്ന വിധത്തിൽ സാത്താൻ ഹവ്വയോട്‌ ഒരു ചോദ്യം ചോദി​ച്ചു: “തോട്ട​ത്തി​ലെ എല്ലാ മരങ്ങളിൽനി​ന്നും നിങ്ങൾ തിന്നരു​തെന്ന്‌ ദൈവം ശരിക്കും പറഞ്ഞി​ട്ടു​ണ്ടോ?” വിഷം ഒളിച്ചു​വെ​ച്ചി​രി​ക്കു​ന്ന​തു​പോ​ലെ ആ ചോദ്യ​ത്തിൽ ഒരു നുണ ഒളിഞ്ഞി​രി​പ്പു​ണ്ടാ​യി​രു​ന്നു. വാസ്‌ത​വ​ത്തിൽ ദൈവം കല്‌പി​ച്ചി​രു​ന്നത്‌, തോട്ട​ത്തി​ലെ ഒരു മരം ഒഴികെ മറ്റെല്ലാ മരങ്ങളിൽനി​ന്നും കഴിക്കാം എന്നാണ്‌. ആദാമി​നും ഹവ്വയ്‌ക്കും വ്യത്യ​സ്‌ത​ത​ര​ത്തി​ലുള്ള അനേകം ഫലങ്ങൾ കഴിക്കാ​നു​ണ്ടാ​യി​രു​ന്നു. (ഉൽപ. 2:9) യഹോവ ഉദാര​നാ​യി​രു​ന്നെന്ന്‌ ഇതു കാണി​ക്കു​ന്നു. എന്നാൽ ഒരു മരത്തിന്റെ പഴം കഴിക്കു​ന്ന​തിൽനിന്ന്‌ ആദാമി​നെ​യും ഹവ്വയെ​യും ദൈവം വിലക്കി​യി​രു​ന്നു. ശരിക്കും സാത്താന്റെ ചോദ്യം തെറ്റി​ദ്ധ​രി​പ്പി​ക്കു​ന്ന​താ​യി​രു​ന്നു. ആ ചോദ്യ​ത്തി​ലൂ​ടെ ദൈവം അത്ര ഉദാര​നൊ​ന്നും അല്ലെന്ന്‌ സാത്താൻ തോന്നി​പ്പി​ച്ചു. അതു കേട്ട​പ്പോൾ ഹവ്വ ചിന്തി​ച്ചു​കാ​ണും, ‘ദൈവം എന്തെങ്കി​ലും നന്മ തങ്ങളിൽനിന്ന്‌ പിടി​ച്ചു​വെ​ച്ചി​രി​ക്കു​ക​യാ​ണോ?’

10. സാത്താൻ എങ്ങനെ​യാ​ണു നേരിട്ട്‌ ദൈവ​ത്തി​ന്റെ പേര്‌ ദുഷി​ച്ചത്‌, അതിന്റെ ഫലം എന്തായി​രു​ന്നു?

¹⁰ അപ്പോ​ഴും ഹവ്വ യഹോ​വയെ തന്റെ ഭരണാ​ധി​കാ​രി​യാ​യി​ട്ടു​ത​ന്നെ​യാണ്‌ കണ്ടത്‌. അതു​കൊ​ണ്ടാണ്‌ ദൈവം തങ്ങൾക്കു തന്ന നിർദേ​ശങ്ങൾ പറഞ്ഞു​കൊണ്ട്‌ ഹവ്വ സാത്താന്‌ ഉത്തരം കൊടു​ത്തത്‌. മരത്തിൽ തൊടു​ക​പോ​ലും ചെയ്യരു​തെന്ന്‌ ഹവ്വ പറഞ്ഞു. അനുസ​ര​ണ​ക്കേടു കാണി​ച്ചാൽ മരിക്കു​മെ​ന്നുള്ള ദൈവ​ത്തി​ന്റെ മുന്നറി​യി​പ്പു ഹവ്വയ്‌ക്ക്‌ അറിയാ​മാ​യി​രു​ന്നു. അപ്പോൾ സാത്താൻ പറഞ്ഞു: “നിങ്ങൾ മരിക്കില്ല, ഉറപ്പ്‌!” (ഉൽപ. 3:2-4) സാത്താന്റെ ശരിക്കുള്ള ലക്ഷ്യം ഇപ്പോ​ഴാ​ണു പുറത്തു​വ​ന്നത്‌. യഹോവ ഒരു നുണയ​നാ​ണെന്നു നേരിട്ട്‌ സാത്താൻ ഹവ്വയോ​ടു പറയു​ക​യാ​യി​രു​ന്നു. അങ്ങനെ അവൻ ദൈവ​ത്തി​ന്റെ പേര്‌ ദുഷിച്ചു. സാത്താൻ അങ്ങനെ പിശാച്‌, അഥവാ ദൂഷകൻ ആയിത്തീർന്നു. ഹവ്വ പാടേ വഞ്ചിക്ക​പ്പെട്ടു, ഹവ്വ സാത്താനെ വിശ്വ​സി​ച്ചു. (1 തിമൊ. 2:14) വാസ്‌ത​വ​ത്തിൽ, ഹവ്വ യഹോ​വ​യെ​ക്കാൾ അധികം സാത്താനെ വിശ്വ​സി​ച്ചു. അങ്ങനെ ഏറ്റവും ബുദ്ധി​ശൂ​ന്യ​മായ ഒരു തീരു​മാ​ന​ത്തി​ലേക്കു ഹവ്വ നീങ്ങി. യഹോ​വ​യോട്‌ അനുസ​ര​ണ​ക്കേടു കാണി​ക്കാൻ തീരു​മാ​നി​ച്ചു. തിന്നരു​തെന്ന്‌ യഹോവ പറഞ്ഞ പഴം തിന്നു. അതിനു ശേഷം, ഹവ്വ ആദാമി​നും കുറച്ച്‌ കൊടു​ത്തു.​—ഉൽപ. 3:6.

11. നമ്മുടെ ആദ്യ മാതാ​പി​താ​ക്കൾ എന്താണു ചെയ്യേ​ണ്ടി​യി​രു​ന്നത്‌, അവർക്ക്‌ അതു കഴിയാ​തെ​പോ​യത്‌ എന്തു​കൊണ്ട്‌?

¹¹ ഒന്ന്‌ ചിന്തി​ച്ചു​നോ​ക്കൂ, സാത്താ​നോ​ടു ഹവ്വ എന്താണ്‌ പറയേ​ണ്ടി​യി​രു​ന്നത്‌? ഹവ്വ ഇങ്ങനെ പറഞ്ഞി​രു​ന്നെ​ങ്കി​ലോ, ‘നിങ്ങളാ​രാ​ണെന്ന്‌ എനിക്ക്‌ അറിയില്ല. പക്ഷേ, എനിക്ക്‌ യഹോ​വയെ അറിയാം. യഹോവ ആണ്‌ എന്റെ പിതാവ്‌. ഞാൻ യഹോ​വയെ സ്‌നേ​ഹി​ക്കു​ന്നു. എനിക്ക്‌ യഹോ​വയെ വിശ്വാ​സ​മാണ്‌. ഞങ്ങൾക്കു​ള്ള​തെ​ല്ലാം തന്നത്‌ ഈ പിതാ​വാണ്‌. എന്റെ പിതാ​വി​നെ​പ്പറ്റി ഇങ്ങനെ മോശ​മായ കാര്യങ്ങൾ പറയാൻ നിങ്ങൾക്ക്‌ എങ്ങനെ ധൈര്യം വന്നു? കടന്നു​പോ​കൂ.’ സ്‌നേ​ഹ​മുള്ള ഒരു മകളെ​പ്പോ​ലെ ഹവ്വ ഇങ്ങനെ പറഞ്ഞി​രു​ന്നെ​ങ്കിൽ അത്‌ യഹോ​വയെ എത്ര സന്തോ​ഷി​പ്പി​ച്ചേനേ! (സുഭാ. 27:11) പക്ഷേ ഹവ്വയ്‌ക്ക്‌ യഹോ​വ​യോട്‌ അചഞ്ചല​സ്‌നേ​ഹ​മി​ല്ലാ​യി​രു​ന്നു. ആദാമി​നും അതില്ലാ​യി​രു​ന്നു. അതു​കൊണ്ട്‌ ദൈവ​ത്തി​ന്റെ പേര്‌ ദുഷി​ക്ക​പ്പെ​ട്ട​പ്പോൾ ദൈവ​ത്തി​ന്റെ പക്ഷത്തു​നിന്ന്‌ സംസാ​രി​ക്കാൻ ആദാമി​നും ഹവ്വയ്‌ക്കും കഴിഞ്ഞില്ല.

12. സാത്താൻ എങ്ങനെ​യാണ്‌ ഹവ്വയുടെ മനസ്സിൽ സംശയ​ത്തി​ന്റെ വിത്തുകൾ വിതച്ചത്‌, ആദാമും ഹവ്വയും ഏതു കാര്യം ചെയ്യു​ന്ന​തി​ലാണ്‌ പരാജ​യ​പ്പെ​ട്ടത്‌?

¹² നമ്മൾ കണ്ടതു​പോ​ലെ, യഹോവ ഒരു നല്ല പിതാ​വാ​ണോ എന്നു ഹവ്വ സംശയി​ക്കാൻ ഇടയാ​ക്കി​ക്കൊ​ണ്ടാണ്‌ സാത്താൻ ദൈവ​ത്തി​ന്റെ സത്‌പേര്‌ നശിപ്പി​ക്കാൻ ശ്രമി​ച്ചത്‌. സാത്താൻ യഹോ​വ​യെ​പ്പറ്റി നുണകൾ പറഞ്ഞ​പ്പോൾ യഹോ​വ​യു​ടെ പേരി​നും സത്‌കീർത്തി​ക്കും വേണ്ടി നില​കൊ​ള്ളു​ന്ന​തിൽ  ആദാമും ഹവ്വയും പരാജ​യ​പ്പെട്ടു. അവർ സാത്താന്റെ വാക്കുകൾ ശ്രദ്ധി​ക്കു​ക​യും തങ്ങളുടെ പിതാ​വി​നെ​തി​രെ മത്സരി​ക്കു​ക​യും ചെയ്‌തു. സാത്താൻ ഇന്നും അതേ തന്ത്രങ്ങൾ ഉപയോ​ഗി​ച്ചു​കൊണ്ട്‌ യഹോ​വ​യു​ടെ പേര്‌ ദുഷി​ക്കു​ന്നു. സാത്താന്റെ നുണകൾ വിശ്വ​സി​ക്കുന്ന ആളുകൾ എളുപ്പ​ത്തിൽ യഹോ​വ​യു​ടെ നീതി​യുള്ള ഭരണം തള്ളിക്ക​ള​യു​ന്നു.

13. യഹസ്‌കേൽ 36:23 ബൈബി​ളി​ന്റെ മുഖ്യ​സ​ന്ദേശം തിരി​ച്ച​റി​യി​ക്കു​ന്നത്‌ എങ്ങനെ?

¹³ തന്റെ പേരിനു വന്ന നിന്ദ നീക്കുന്ന കാര്യ​ത്തിൽ യഹോവ ഒന്നും ചെയ്യു​ന്നി​ല്ലേ? ഉണ്ട്‌, പലതും ചെയ്‌തി​ട്ടുണ്ട്‌. വാസ്‌ത​വ​ത്തിൽ ബൈബി​ളി​ന്റെ കേന്ദ്ര​വി​ഷ​യം​തന്നെ, ഏദെനിൽവെച്ച്‌ തന്റെ പേരിനു വന്ന നിന്ദ നീക്കു​ന്ന​തിന്‌ യഹോവ എങ്ങനെ​യാണ്‌ പ്രവർത്തി​ക്കു​ന്നത്‌ എന്നതാണ്‌. (ഉൽപ. 3:15) ബൈബി​ളി​ന്റെ മുഖ്യ​സ​ന്ദേശം നമുക്ക്‌ ഈ വാക്കു​ക​ളിൽ ചുരു​ക്കാം: തന്റെ മകന്റെ രാജ്യ​ഭ​ര​ണ​ത്തി​ലൂ​ടെ യഹോവ തന്റെ പേര്‌ പരിശു​ദ്ധ​മാ​ക്കു​ക​യും ഭൂമി​യിൽ നീതി​യും സമാധാ​ന​വും വീണ്ടും കൊണ്ടു​വ​രു​ക​യും ചെയ്യും. യഹോവ പടിപ​ടി​യാ​യി തന്റെ പേര്‌ വിശു​ദ്ധീ​ക​രി​ക്കു​ന്നത്‌ എങ്ങനെ​യാണ്‌ എന്നു മനസ്സി​ലാ​ക്കാൻ ബൈബിൾ നമ്മളെ സഹായി​ക്കു​ന്നുണ്ട്‌.​—യഹസ്‌കേൽ 36:23 വായി​ക്കുക.

14. ഏദെനി​ലെ മത്സര​ത്തോട്‌ യഹോവ പ്രതി​ക​രിച്ച വിധം യഹോ​വ​യു​ടെ പേര്‌ പരിശു​ദ്ധ​മാ​ക്കി​യി​രി​ക്കു​ന്നത്‌ എങ്ങനെ?

¹⁴ യഹോവ തന്റെ ഉദ്ദേശ്യം നടപ്പാ​ക്കാ​തി​രി​ക്കാൻ സാത്താൻ തന്നെ​ക്കൊ​ണ്ടാ​കു​ന്ന​തെ​ല്ലാം ചെയ്‌തി​രി​ക്കു​ന്നു. പക്ഷേ സാത്താന്റെ ശ്രമങ്ങ​ളെ​ല്ലാം പരാജ​യ​പ്പെ​ട്ടി​രി​ക്കു​ന്നു. തന്റെ ഉദ്ദേശ്യം നടപ്പാ​ക്കാൻ യഹോവ ചെയ്‌തി​രി​ക്കുന്ന കാര്യങ്ങൾ നോക്കി​യാൽ യഹോ​വ​യെ​പ്പോ​ലെ മറ്റാരു​മി​ല്ലെന്നു മനസ്സി​ലാ​ക്കാം. സാത്താ​ന്റെ​യും സാത്താന്റെ പക്ഷം പിടി​ക്കു​ന്ന​വ​രു​ടെ​യും ധിക്കാരം യഹോ​വയെ വളരെ​യ​ധി​കം വേദനി​പ്പി​ച്ചി​ട്ടുണ്ട്‌ എന്നതു സത്യമാണ്‌. (സങ്കീ. 78:40) എന്നിട്ടും തന്റെ പേരിനു നേരെ ഉണ്ടായ ഈ ആക്രമണം യഹോവ ജ്ഞാന​ത്തോ​ടെ​യും ക്ഷമയോ​ടെ​യും നീതി​യോ​ടെ​യും ആണ്‌ കൈകാ​ര്യം ചെയ്യു​ന്നത്‌. എണ്ണമറ്റ വിധങ്ങ​ളിൽ തന്റെ അതിരറ്റ ശക്തിയും യഹോവ കാണി​ച്ചി​ട്ടുണ്ട്‌. (1 യോഹ. 4:8) ഏറ്റവും പ്രധാ​ന​മാ​യി, യഹോവ ചെയ്യുന്ന കാര്യ​ങ്ങ​ളി​ലെ​ല്ലാം യഹോ​വ​യു​ടെ സ്‌നേഹം പ്രതി​ഫ​ലി​ച്ചു​കാ​ണാം. തന്റെ നാമം പരിശു​ദ്ധ​മാ​ക്കാൻ യഹോവ ഇടതട​വി​ല്ലാ​തെ പ്രവർത്തി​ച്ചി​രി​ക്കു​ന്നു.

15. ഇക്കാലത്ത്‌ സാത്താൻ എങ്ങനെ​യാണ്‌ ദൈവ​ത്തി​ന്റെ പേര്‌ ദുഷി​ച്ചി​രി​ക്കു​ന്നത്‌, എന്താണ്‌ അതിന്റെ ഫലം?

¹⁵ ഇക്കാല​ത്തും സാത്താൻ യഹോ​വ​യു​ടെ പേര്‌ ദുഷി​ക്കു​ന്നു. അതിനു​വേണ്ടി, ദൈവ​ത്തി​നു ശക്തിയും നീതി​യും ജ്ഞാനവും സ്‌നേ​ഹ​വും ഒക്കെയു​ണ്ടോ എന്ന്‌ ആളുകൾ സംശയി​ക്കാൻ അവൻ ഇടയാ​ക്കു​ന്നു. ഉദാഹ​ര​ണ​ത്തിന്‌, യഹോവ അല്ല സ്രഷ്ടാവ്‌ എന്ന്‌ ആളുകളെ വിശ്വ​സി​പ്പി​ക്കാൻ സാത്താൻ ശ്രമി​ക്കു​ന്നു. ഇനി, ആളുകൾ ദൈവ​ത്തിൽ വിശ്വ​സി​ച്ചാൽത്തന്നെ ദൈവം കടും​പി​ടു​ത്ത​ക്കാ​ര​നാ​ണെ​ന്നും  ദൈവ​ത്തി​ന്റെ നിലവാ​രങ്ങൾ അനുസ​രി​ക്കാൻ ബുദ്ധി​മു​ട്ടു​ള്ള​താ​ണെ​ന്നും അവരെ തെറ്റി​ദ്ധ​രി​പ്പി​ക്കാൻ സാത്താൻ ശ്രമി​ക്കു​ന്നു. ആളുകളെ തീനര​ക​ത്തി​ലി​ട്ടു ചുടുന്ന നിർദ​യ​നും ക്രൂര​നും ആയ ഒരു ദൈവ​മാണ്‌ യഹോവ എന്നു​പോ​ലും അവൻ ആളുകളെ പഠിപ്പി​ക്കു​ന്നു. ആളുകൾ ഈ നുണകൾ വിശ്വ​സി​ച്ചാൽ യഹോ​വ​യു​ടെ നീതി​യുള്ള ഭരണം തള്ളിക്ക​ള​യാ​നാ​യി​രി​ക്കും അവർക്കു തോന്നുക. യഹോവ സാത്താനെ നശിപ്പി​ക്കു​ന്ന​തു​വരെ യഹോ​വ​യു​ടെ പേര്‌ ദുഷി​ക്കാ​നുള്ള ശ്രമങ്ങൾ അവൻ തുടർന്നു​കൊ​ണ്ടേ​യി​രി​ക്കും. നിങ്ങളും യഹോ​വയെ തള്ളിക്ക​ള​യണം എന്നാണു സാത്താന്റെ ആഗ്രഹം. അവൻ അതിനു​വേണ്ടി ശ്രമി​ക്കും. അവൻ അതിൽ വിജയി​ക്കു​മോ?

16. ആദാമും ഹവ്വയും ചെയ്യാ​തി​രുന്ന ഏതു കാര്യം നിങ്ങൾക്കു ചെയ്യാൻ കഴിയും?

¹⁶ തന്റെ പേര്‌ പരിശു​ദ്ധ​മാ​ക്കു​ന്ന​തിൽ സഹായി​ക്കാൻ അപൂർണ​മ​നു​ഷ്യർക്കും യഹോവ ഒരു അവസരം തന്നിരി​ക്കു​ന്നു. അതു​കൊണ്ട്‌ ആദാമും ഹവ്വയും ചെയ്യാ​തി​രുന്ന കാര്യം നിങ്ങൾക്കു ചെയ്യാൻ കഴിയും. യഹോ​വ​യു​ടെ പേരിനെ നിന്ദി​ക്കു​ക​യും ദുഷി​ക്കു​ക​യും ചെയ്യുന്ന ആളുകൾ നിറഞ്ഞ ഒരു ലോക​മാണ്‌ ഇത്‌. എങ്കിലും, യഹോവ വിശു​ദ്ധ​നും നീതി​മാ​നും നല്ലവനും സ്‌നേ​ഹ​മു​ള്ള​വ​നും ആയ ദൈവ​മാ​ണെന്ന സത്യം ആളുക​ളോ​ടു ധൈര്യ​ത്തോ​ടെ പറയാ​നുള്ള അവസരം നിങ്ങൾക്കുണ്ട്‌. (യശ. 29:23) യഹോവ നമ്മുടെ ഭരണാ​ധി​കാ​രി ആയിരി​ക്കാൻ നമ്മൾ ആഗ്രഹി​ക്കു​ന്നു​ണ്ടെന്നു നമുക്കു കാണി​ക്കാം. നീതി​യുള്ള ഭരണം യഹോ​വ​യു​ടേതു മാത്ര​മാ​ണെ​ന്നും അതു മാത്രമേ മുഴു​സൃ​ഷ്ടി​കൾക്കും സമാധാ​ന​വും സന്തോ​ഷ​വും കൊണ്ടു​വ​രു​ക​യു​ള്ളൂ എന്നും മനസ്സി​ലാ​ക്കാൻ നമുക്ക്‌ ആളുകളെ സഹായി​ക്കാം.​—സങ്കീ. 37:9, 37; 146:5, 6, 10.

17. യേശു തന്റെ പിതാ​വി​ന്റെ നാമം അറിയി​ച്ചത്‌ എങ്ങനെ?

¹⁷ യഹോ​വ​യു​ടെ പേരി​നു​വേണ്ടി സംസാ​രി​ക്കു​മ്പോൾ നമ്മൾ യേശു​വി​ന്റെ മാതൃക അനുക​രി​ക്കു​ക​യാണ്‌. (യോഹ. 17:26) യേശു പിതാ​വി​ന്റെ പേര്‌ ഉപയോ​ഗി​ച്ചു​കൊണ്ട്‌ ആ പേര്‌ ആളുകൾ അറിയാൻ ഇടയാക്കി. കൂടാതെ, യഹോവ എങ്ങനെ​യുള്ള ഒരു വ്യക്തി​യാ​ണെന്ന്‌ ആളുകളെ പഠിപ്പി​ക്കു​ക​യും ചെയ്‌തു. ഉദാഹ​ര​ണ​ത്തിന്‌, യഹോവ പരുക്ക​നും കടും​പി​ടു​ത്ത​ക്കാ​ര​നും ആളുക​ളിൽനിന്ന്‌ അകലം പാലി​ക്കു​ന്ന​വ​നും കരുണ​യി​ല്ലാ​ത്ത​വ​നും ആണെന്ന ഒരു ധാരണ കൊടുത്ത പരീശ​ന്മാ​രെ​പ്പോ​ലെ​യ​ല്ലാ​യി​രു​ന്നു യേശു. യഹോവ ന്യായ​ബോ​ധ​വും ക്ഷമയും സ്‌നേ​ഹ​വും കരുണ​യും ഉള്ള ദൈവ​മാ​ണെന്നു കാണാൻ യേശു ആളുകളെ സഹായി​ച്ചു. കൂടാതെ, താൻ ചെയ്‌ത എല്ലാ കാര്യ​ങ്ങ​ളി​ലും പിതാ​വി​ന്റെ ഗുണങ്ങൾ അതേപടി അനുക​രി​ച്ചു​കൊ​ണ്ടും യഹോ​വയെ അറിയാൻ യേശു ആളുകളെ സഹായി​ച്ചു.​—യോഹ. 14:9.

18. യഹോ​വ​യെ​ക്കു​റിച്ച്‌ ഇന്നു കേൾക്കുന്ന മോശ​മായ കാര്യങ്ങൾ നുണക​ളും ദൂഷണ​വും ആണെന്ന്‌ നമുക്ക്‌ എങ്ങനെ തെളി​യി​ക്കാം?

¹⁸ യേശു​വി​നെ​പ്പോ​ലെ യഹോ​വ​യെ​ക്കു​റിച്ച്‌ നമുക്ക്‌ അറിയാ​വു​ന്നത്‌ മറ്റുള്ള​വ​രോ​ടു പറയാം, യഹോവ എത്ര സ്‌നേ​ഹ​വും ദയയും ഉള്ള ദൈവ​മാ​ണെന്ന്‌ അവരെ പഠിപ്പി​ക്കാം. അങ്ങനെ ചെയ്യു​ന്ന​തി​ലൂ​ടെ യഹോ​വ​യെ​പ്പറ്റി കേൾക്കുന്ന പലതും നുണക​ളും ദൂഷണ​വും മാത്ര​മാ​ണെന്നു തെളി​യി​ക്കാൻ  നമുക്കു കഴിയും. അതുവഴി യഹോ​വ​യു​ടെ പേരിനെ വിശു​ദ്ധ​മാ​യി കാണാൻ മറ്റുള്ള​വരെ സഹായി​ക്കു​മ്പോൾ നമ്മൾ യഹോ​വ​യു​ടെ പേര്‌ പരിശു​ദ്ധ​മാ​ക്കു​ക​യാണ്‌. ഇനി, നമ്മൾ അപൂർണ​രാ​ണെ​ങ്കി​ലും നമുക്ക്‌ യഹോ​വയെ അനുക​രി​ക്കാ​നും ശ്രമി​ക്കാം. (എഫെ. 5:1, 2) നമ്മുടെ വാക്കു​കൊ​ണ്ടും പ്രവൃ​ത്തി​കൊ​ണ്ടും യഹോവ ശരിക്കും എങ്ങനെ​യുള്ള ഒരു വ്യക്തി​യാ​ണെന്ന്‌ ആളുകൾക്ക്‌ കാണി​ച്ചു​കൊ​ടു​ക്കു​മ്പോൾ യഹോ​വ​യു​ടെ പേര്‌ പരിശു​ദ്ധ​മാ​ക്കാൻ നമ്മൾ സഹായി​ക്കു​ക​യാണ്‌. അങ്ങനെ ദൈവ​ത്തെ​ക്കു​റി​ച്ചുള്ള തെറ്റി​ദ്ധാ​ര​ണകൾ മാറ്റാൻ ആളുകളെ സഹായി​ക്കു​മ്പോൾ നമ്മൾ ദൈവ​ത്തി​ന്റെ സത്‌പേര്‌ ഉയർത്തി​പ്പി​ടി​ക്കു​ക​യാണ്‌. അപൂർണ​മ​നു​ഷ്യ​രായ നമ്മൾ ദൈവ​ത്തോ​ടു വിശ്വ​സ്‌തത പാലി​ക്കു​മ്പോ​ഴും നമ്മൾ ദൈവ​ത്തി​ന്റെ പേര്‌ പരിശു​ദ്ധ​മാ​ക്കു​ക​യാണ്‌.​—ഇയ്യോ. 27:5.

19. നമ്മൾ ബൈബിൾ പഠിപ്പി​ക്കു​ന്ന​തി​ന്റെ പ്രധാ​ന​ല​ക്ഷ്യം മനസ്സി​ലാ​ക്കാൻ യശയ്യ 63:7 സഹായി​ക്കു​ന്നത്‌ എങ്ങനെ?

¹⁹ യഹോ​വ​യു​ടെ നാമം പരിശു​ദ്ധ​മാ​ക്കാൻ നമുക്കു ചെയ്യാൻ കഴിയുന്ന മറ്റൊരു കാര്യ​മുണ്ട്‌. മറ്റുള്ള​വരെ ബൈബിൾസ​ത്യ​ങ്ങൾ പഠിപ്പി​ക്കു​മ്പോൾ നമ്മൾ ദൈവ​ത്തി​ന്റെ പരമാ​ധി​കാ​ര​ത്തെ​ക്കു​റിച്ച്‌, അതായത്‌ പ്രപഞ്ചത്തെ ഭരിക്കാ​നുള്ള യഹോ​വ​യു​ടെ അവകാ​ശ​ത്തെ​ക്കു​റിച്ച്‌, എടുത്തു​പ​റ​യാ​റുണ്ട്‌. ദൈവ​ത്തി​ന്റെ നിയമങ്ങൾ അവരെ പഠിപ്പി​ക്കു​ന്നതു പ്രധാ​ന​മാ​ണെ​ങ്കി​ലും നമ്മുടെ പിതാ​വായ യഹോ​വയെ സ്‌നേ​ഹി​ക്കാ​നും ദൈവ​ത്തോ​ടു വിശ്വ​സ്‌ത​രാ​യി​രി​ക്കാ​നും അവരെ സഹായി​ക്കുക എന്നതാ​യി​രി​ക്കണം നമ്മുടെ പ്രധാ​ന​ല​ക്ഷ്യം. അതു നമുക്ക്‌ എങ്ങനെ ചെയ്യാം? യഹോ​വ​യു​ടെ ആകർഷ​ക​മായ ഗുണങ്ങൾ എടുത്തു​നിൽക്കുന്ന രീതി​യിൽ നമ്മൾ അവരെ പഠിപ്പി​ക്കണം. അങ്ങനെ യഹോവ എന്നു പേരുള്ള വ്യക്തിയെ മനസ്സി​ലാ​ക്കാൻ നമുക്ക്‌ അവരെ സഹായി​ക്കാം. (യശയ്യ 63:7 വായി​ക്കുക.) അങ്ങനെ പഠിപ്പി​ക്കു​മ്പോൾ യഹോ​വയെ സ്‌നേ​ഹി​ക്കാൻ നമ്മൾ അവരെ സഹായി​ക്കു​ക​യാണ്‌. അപ്പോൾ, യഹോ​വ​യോ​ടു വിശ്വ​സ്‌ത​രാ​യി​രി​ക്കാ​നുള്ള ആഗ്രഹം​കൊണ്ട്‌ അവർ യഹോ​വയെ അനുസ​രി​ക്കും.

20. അടുത്ത ലേഖന​ത്തിൽ നമ്മൾ എന്തു ചർച്ച ചെയ്യും?

²⁰ ആളുകൾക്ക്‌ യഹോ​വ​യു​ടെ പേരി​നോ​ടു മതിപ്പു തോന്നുന്ന രീതി​യി​ലും യഹോ​വ​യോട്‌ അടുക്കാൻ തോന്നുന്ന രീതി​യി​ലും നമുക്ക്‌ എങ്ങനെ പഠിപ്പി​ക്കു​ക​യും പെരു​മാ​റു​ക​യും ചെയ്യാം? അടുത്ത ലേഖനം ഈ ചോദ്യ​ത്തി​നുള്ള ഉത്തരം തരും.