1-2. Ke ditaba difeng tso Dihlatse tsa Jehova di kwanang le go bolabola ka tsona?

GO NA le ditaba tse dikgolo tso re tshwaneleng go šupetsa gore re yemme kaye ga tsona, taba ya gore ayitsano Modimo wa tshwanelega go lawola dilo ka mokana ga tsona le ya go maka gore lebitso lage le gadimisiwe. Ka taba la gore ke rune Dihlatse tsa Jehova, re kwana ka matla le go bolabola le batho ka ditaba tsa mošaga wonone tsa go jabodisa. Mara, taba ya go tshwanelega ga Modimo gore a lawole dilo ka mokana ga tsona le ya go maka gore lebitso lage le gadimisiwe a di nape di fapana ka matla.

² Ka mokana ga rune re ya di bona tsa gore lebitso la Modimo di nyaka le yedisiwe, le sa sa poyidiwa. Re tšhutiye gore di nyaka re šupetse gore mokgwa wa Jehova wa go lawola ke mong wona wa go yi phala ka mokana ga yona. Ditaba tso ka dipedi, di nyaka re di tseyele gedimo fote re sa tsoge re di takisiye maahlo.

3. Mo ga lebitso la Jehova go kena le ying?

³ Gabutšibutši ga lebitso lo la Jehova go kena le dilo ka mokana ga tsona tsa go yelana le Modimo wa rune, go tokegela le ka mokgo a lawolang ka gona. Byalo mo nkare go maka gore lebitso la Jehova le yele ke selo so re se tseyelang gedimo ka matla, go ra gore re nyaka go dula re šupetsa gore tsela ya Jehova ya go lawola ke yona ya go di phala ka moka. Lebitso la Jehova le yelana ka matla le ka mokgo a lawolang ka gona go le yene wa gore o na le Matšhika ka mokana ga wona.—Lebelela lebhokisi la gore “ Mahlaya ka Mokana ga Wona ya Taba ye Kgolo.”

4. Pisalema 135:13 yi hlatolla lebitso la Modimo ka mokgo mang, fote ke diputsiso difeng tso re nyoko di fetolang mo ga hlogotaba yowa?

⁴ Lebitso la Jehova a le tshwane le mabitso ya mangwana. (Bala Pisalema 135:13.) King so se makang gore lebitso la Modimo go be selo so re se tseyelang gedimo? Ba yye ba le sinyanya ka mokgo mang la mathomo?  Modimo o le maka gore le gadimisiwe ka mokgo mang? Re ka yemelela lebitso lage ka mokgo mang? Tla re petapeteneng ka diputsiso tsowa.

5. King so re ka tiputsisang sona mo re bolabola ka taba ya go maka gore lebitso la Modimo le gadimisiwe?

⁵ “Maka gore lebitso lago le gadimisiwe.” (Mat. 6:9) Jeso o yitseri re thome ka mantsu yane mo re rapela. Mara mantsu yane ya Jeso ke mo ma ra gore king? Go gadimisa selo go rela go maka gore se hlawolege, se yele kela se sa be le selabi. Ba bangwana ba ka tiputsisa gore, ‘Ayitsano lebitso la Jehova a la hlawolega, a la yela fote le na le selabi?’ Gore re thogo fetola putsiso yone, di nyaka re tšibe gore ke dilo difeng tso di sipidisanang le lebitso lone.

6. King so se makang gore lebitso go be selo se segolo ka matla?

⁶ Lebitso a yi fo ba taba ya go ngwala dihlaka fase, kela go le bitsa ka mokgo le leng ka gona. Lebelela so Baebele yi se bolabolang mo yi re: “Go kawone go kgeta go ba le lebitso la gabutši go phala go kgeta go ghanya.” (Diy. 22:1; Mmo. 7:1) Ke ntaba lebitso go le selo se segolo ka matla? Ka taba la gore le sipidisana le so ba bangwana ba se naganang ka mong wa lebitso lone. Byalo, gore lebitso le ngwadiwa byang kela le bitsiwa ka mokgo mang, yone re sa hlupegi ka yona, mara so re tshwaneleng go hlupega ka matla ka sona ke gore lebitso ke la mang fote le ra gore king.

7. Batho ba sinyannye lebitso la Modimo ka mokgo mang?

⁷ Mo batho ba bolabola matsaka ka Jehova ba maka gore a tšibege ka dilo tsa go befa. Byalo, tsotsone di mo sinya lebitso. Lebitso la Modimo ba thomme go le sinyanya go tlugisela botala, mo batho ba thoma go ba gona. Lebelela tso re ka di tšhutang ga taba ya go sinyiwa ga lebitso la Modimo.

8. Adamo le Efa ke mo ba tšiba ying, fote go nyarela diputsiso difeng?

⁸ Phela Adamo le Efa ke mo ba le tšiba gabutši lebitso la Jehova, le dinnete ka Mong wa lebitso lone ke mo ba sa di phuphuletse. Ke mo ba di tšiba gabutši gore ba makiye ke mang, ba neyye ke mang lephelo, ba neyye ke mang Pharadeyisi le gore ba šadisiye ke mang. (Gen. 1:26-28; 2:18) Mara nje ba yye ba berekisa monagano wa bona wa go felegelela gore ba thogo ghayela ka dilo ka mokana ga tsona tso Jehova a ba makeleng tsona? Ayitsano ba yye ba šupetsa gore ba mo nyaka ka matla fote ba leboga Mong wa lebitso lone? Phetolo yi yye ya napa yi fo ba lekgwaying mo go nyarela lenaba la Modimo le thomisa go ba leketsa.

9. Genesi 2:16, 17 le Genesi 3:1-5 yi re king so Jehova a yyeng a se botsa monna yela wa mathomo le mosadi wage, fote Sathane o yye a tšhira nnete yone ka mokgo mang?

 ⁹ Bala Genesi 2:16, 17 le Genesi 3:1-5. Sathane o yye a berekisa noga gore yi mmolabolele, ya segela ho ga Efa ya tiputsisela ya re: “Ayitsano nnetennete Modimo o hlayye gore le sa ji selo ga sehlare se sengwana le se sengwana sa ho tšhomong?” Putsiso yone ke mo go le ya bošakašakane, ke mo yi wutametsiye matsaka ya go tshwana le tšhefu. Modimo yene ke mo a ba butsiye gore ga dihlare tso tse dingwana ka mokana ga tsona ba ka ja diyengwa tsa tsona, mara ne go na le ka ssoši sa gore ne ba sa tshwanela go ja diyengwa tsa sona. Di šupa nkare Adamo le Efa ke mo ba na le tsa go ja tsa go tlala ka matla. (Gen. 2:9) Phela Jehova aa konane! Mara, Modimo ke mo a tikgetele sehlare sa yene mong sa gore aa nyake Adamo le Efa ba ja diyengwa tsa sona. Byalo, putsiso yo Sathane a yi butsisiyeng yi yye ya fo tšhira nnete yowa. Sathane o makiye gore di šupe nkare Modimo wa konana. Efa a ka fo ba a yye a tiputsisa gore, ‘Ye barena, nje le ra gore se gona selo sa go bafala sa gore Modimo o tipatetsele sona?’

10. Sathane o yye a sinyanya lebitso la Modimo ka mokgo mang fote tsotsone di feleletsiye ka ying?

¹⁰ Ka nako yonone, Efa ke mo a sa na a tseya Jehova go le Yene ye a mo Lawolang. Mo a fetola Sathane, o yye a wo boyelela gabutši molawo wo Modimo ne a ba neyye wona. O yye a tokegela ka gore ke mo ba sa tshwanela le mong go se tikisa sehlare sone. Ke mo a tšiba gabutši so Modimo a ba butsiyeng sona gore mo ba ka fo maka tsa go tšiba ke bona, ba nyoko kgwa. Mara Sathane o yye a fetola ka gore: “Le ka sa ro kgwa.” (Gen. 3:2-4) Byalo, Sathane ke mo a šele a beya taba yage lekgwaying. Ke mo a šele a thomme go kwetla lebitso la Modimo, gabutšibutši ke mo a botsa Efa gore Jehova o na le matsaka. Byalo, Sathane a napa a ba diyabolo kela wa go leba. Sathane aa mo kwa ga Efa, o f’lo teya a tshwarelele, mo Efa a re phaphara, a kraya setlakala se tupiye. (1 Thim. 2:14) O yye a tshepa Sathane ka matla, a sa tshepe Jehova. O ka sa tšibi gore Efa le yene ke mo a kenne king mo a šinya a segelela sepheto sone sa go kwisa go baba ka matla. Mara o yye a hlawola go sa theetsele Jehova. Ke mokane a thomisa go ja seyengwa so Jehova a mmutsiyeng gore le ka letšatši la mohlolo a sa tsoge a se jile. Ka nthago ga hone, a neya Adamo.—Gen. 3:6.

11. Adamo le Efa ba šitegiye go maka ying?

¹¹ Yema re fo nagana ka tso Efa ne a tshwanele a di butsiye Sathane. O fo nagana nje mola a yye a bolabola gore: “Wene a ke go tšibi, mara ke tšiba Papa, Jehova, wa gore ke mo nyaka ka matla fote ke ro mo tshepa. O neyye nna le Adamo dilo ka mokana ga tsona tso re nang natso. O sa ntshwatisi ka matsaka yane yago! Tloga ho thina gaka ša!” O fo nagana nje gore Jehova nke a yye a tikwa byang mo morwediya wage Efa a fetola ka mokgonone! (Diy. 27:11) Mara Efa o šitegiye go mo šupetsa ga Jehova gore o mo nyaka ka matla; Adamo le yene a fo tla a maka ka mokgonone. Ka taba la gore Adamo le Efa ba šitegiye go šupetsa Papa bona gore baa mo theetsela, ba yye ba šitega go yemelela lebitso la Modimo.

12. Sathane o yye a maka byang gore Efa a kamake fote Adamo le Efa ba yye ba šitega go maka ying?

¹² Re di bonne gore Sathane o thomisiye ka go berekana le monagano wa Efa, a maka gore go be le dilo tso a thomisang go di tseya ka mokgo mongwana. O yye a mo maka gore a kamake mong wa lebitso lo la Jehova. Byalo, Adamo le Efa ba šitegiye go yemelela  lebitso la Jehova le ka mokgo a tšibegang ka gona. Ba yye ba lesetsa Sathane gore a ba kutšetsele ke mokane ba jikela Papa bona. Le lekgono lowa, Sathane o sa na a berekisa mathayithayi ya mošaga wonone. O šuhlašuhla lebitso la Jehova. Di lula ka matla gore batho bo ba tshepang matsaka ya Sathane ba gane go lawola ke Jehova.

13. Mo Hezekiyele 36:23 yi re šele yi beya ditaba lekgwaying, yi re tabataba ya molayetsa wa Baebele ke wofeng?

¹³ Ayitsano Jehova o fo phuta matsogo mo ba kene ba mo lebela ka mokgo? Awwa, aa make ka mokgonone! Tso di ngwadiwweng ka ho Baebeleng di šupetsa so Jehova a se makiyeng go maka gore lebitso lage le yele ga matsaka ya ba ma bolabodiyeng ku tšhomong ya Edeni. (Gen. 3:15) Mo re šele re fo yi beya lekgwaying, molayetsa wa Baebele ka mokana ga wona ke wowa: Jehova o maka gore lebitso lage le gadimisiwe ka go berekisa Mmušo wa gore ga wona go lawola Morwayi wage fote o maka gore ho lefaseng go be le go loka le go beba go tshwana le ku mathomisong. Ka ho Baebeleng go na le ditaba tsa go tlala tso di re gelepang go kwisisa ka mokgo Jehova a makiyeng gore lebitso lage le gadimisiwe.—Bala Hezekiyele 36:23.

14. Mokgwa wo Jehova a yyeng a wo berekisa mo a lukisa taba ya ku Edeni wo makiye byang gore lebitso lage le gadimisiwe?

¹⁴ Sathane le yene aa sa tšiba gore a ka thisa kaye gore a make gore tso Jehova a nyakang go di segelela di šaše. Phela ke botala Sathane a tsoga fase. Baebele yi šupetsa so Jehova Modimo a yyeng a se maka, a boya a napa a ro yedisa le taba ya gore aa šiyo ye mongwana wa go tshwana naye. Nnete ke gore tšhinghi ya Sathane le ya batho ka mokana ga bona bo ba yemang naye yi mo kwisiye go baba ka matla ga Jehova. (Pis. 78:40) Ka mokgo Jehova a yyeng a bereka ditaba tso ka mokana ga tsona, di fo šupetsa gore o hlalefiye, o lefisa pelo fote o lukiye. Go na le dilo tsa go tlala tso Jehova a di makiyeng tsa go šupetsa gore matšhika yage ke ya magolo ka matla. Go tokegela gana hone, dilo ka mokana ga tsona tso a di makang di fo šupetsa gore o re nyaka ka matla. (1 Joh. 4:8) Jehova a sanka a lesetsa go maka gore lebitso lage le gadimisiwe.

15. Sathane o poyilanya lebitso la Modimo ka mokgo mang lekgono, fote go ka feleletsa go makega ying?

¹⁵ Le lekgono lowa, Sathane aa soko lesetsa go poyilanya lebitso la Modimo. O maka batho gore ba di tshepe tsa gore Modimo aa na matšhika, aa loka, aa hlalefa fote aa tihlupi ka batho. Mo re beyisa, Sathane o tshokanya batho gore Jehova a yi yene ye a  makiyeng dilo ka mokana ga tsona. Mo batho ba bangwana ba thomisa go di tshepa tsa gore Modimo o gona, Sathane o leketsa ka matla go maka gore ba tseye nkare melawo ya Modimo ya baba fote yi fo šupetsa gore aa naganelane. O ro boya a tšhutisa batho gore Jehova Modimo o na le lešidi ka taba la gore o tšhubelela batho diheleng. Mo ba dumela matsaka yane, di ba lula go gana gore Jehova a ba lawole. Mo Sathane a sa na a wona, o ko fo ya mahlong a kene a leba, le wene a ka sa ro go lesetsa. Ayitsano o ko mo lesetseng a kganela gedimo gago?

16. King so o ka se makang sa gore Adamo le Efa ba šitegiye go se maka?

¹⁶ Jehova o makiye gore le batho ba gore a baa yenela ba thogo tšhela letsogo ga taba ya go maka gore lebitso lage le gadimisiwe. Gabutšibutši o ka di kgona go maka tso Adamo le Efa ba šitegiyeng go di maka. Re phela ga lefase la gore le tlele ka batho ba go poyila lebitso la Jehova ba boya ba mo lebela, mara wene o ka yemelela nnete, wa bolabola gore Jehova o hlawolegiye, o lukiye, o tshwara batho gabutši fote o re nyaka ka matla. (Jes. 29:23) Le wene o ka šupetsa gore o yema le mokgwa wage wa go lawola. O ka šupetsa ka tso o di makang gore mokgwa wa Jehova wa go lawola ke mong wona wa gabutši, fote ke wona wo wo ko makang gore go beba go be gona le gore dilo ka mokana ga tsona tso Modimo a di makiyeng di dule di jabodiye.—Pis. 37:9, 37; 146:5, 6, 10.

17. Jeso o makiye byang gore batho ba tšibe lebitso la Papage?

¹⁷ Mo re yemelela lebitso la Jehova re ko ba re šupetsa gabutši gore re yekisela Jeso Kreste. (Joh. 17:26) Jeso o makiye gore batho ba tšibe lebitso la Papage nakwela a le berekisa a boya a maka gore batho ba tšibe Jehova gabutši. Mo re beyisa, ke mo a sa tshwane le Mafaraseyi, ya gore wona ke mo ma sinyannye lebitso la Jehova ka taba la gore ke mo ma makiye batho gore ba nagane gore Jehova o na le lešidi, o nyaka dilo ka tšhinghi fote a di kgonege go ba thina naye le gore aa kwelane go baba. Jeso o gelepiye batho gore ba di bone gore Papage wa naganelana, aa na sepelwapelwane, o re nyaka ka matla fote wa tshwarelana. Ka mokgo Jeso ne a phela ka gona, o di šupetsiye gabutši gore Papage ke motho wa mošaga mang.—Joh. 14:9.

18. Re ka tlosa matsaka ya ma bolabodiwang ka Jehova ka mokgo mang?

¹⁸ Tla re tseyeleneng ga Jeso, re bolaboleneng le batho ka tso re di tšibang ka Jehova, re ba tšhutise gore ke Modimo wa gore o re nyaka ka matla wa gore fote o kwelana go baba. Mo re maka tsotsone, re ko ba re sula matsaka ya ma bolabodiwang ka Jehova. Re maka gore lebitso la Jehova le gadimisiwe menaganong ya batho le dipelong tsa bona. Le rune re ka  sa šitege go yekisela Jehova. Tsone re ka kgona go di maka le mo go le rune batho ba gore a ra yenela. (Maef. 5:1, 2) Mo tso re di bolabolang le tso re di makang di šupetsa batho gore Jehova ke Modimo wa mošaga mang re ko ba re maka gore lebitso lage le gadimisiwe. Re gadimisa lebitso lone mo re gelepa batho gore ba lesetse matsaka ya ne ba ma kwelele ka lona. * Re thogo šupetsa gabutši gore batho ba gore a baa yenela ba ka di kgona go dula ba tshepega.—Job. 27:5.

19. Jesaya 63:7 yi re gelepa ka mokgo mang gore re thogo bona tso di nyakang re hlupega ka tsona ka matla mo re kene re tšhutisa?

¹⁹ Lebelela se sengwana so re ka se tšhutang sa gore re ka se berekisa. Ga go tlala mo re tšhutisa batho nnete ya Baebele, re šihlela taba ya gore Modimo ke yene ye a tshwaneleng go lawola dilo ka mokana ga tsona, le gore mokgwa wage wa go lawola ke wona wa gore wo lukiye. Ke nnete gore re ya di nyaka go maka tso Modimo a di nyakang, mara fote di nyaka re gelepe ba bangwana gore ba kwe ba mo nyaka ka matla ga Jehova Papa wa rune fote ba make tso a di nyakang. Di nyaka re šihlele mekgwa ya Jehova ya go bafala re boye re šihlele gore Mong wa lebitso lowa ke Motho wa mošaga mang. (Bala Jesaya 63:7.) Mo re kene re tšhutisa batho ka mokgonone, re ko ba re ba gelepa gore ba kwe ba mo nyaka ka matla ga Jehova fote ba make tso yene a di nyakang ka taba la gore ba kwa ba nabela go tshepega gage.

20. Ga hlogotaba ya go latela re nyoko bolabola ka ying?

²⁰ Byalo, rune re ka maka byang gore maphelelo ya rune le tso re di tšhutisang di kwane le lebitso la Jehova le go boya di maka gore ba bangwana ba kwe ba nabela go tšhuta ka yene? Hlogotaba ya go latela yi nyoko fetola putsiso yone.