Paul o re, “Motswala o yye a leketsa go lwa le nna, ka mo tshwara ka segologolwane so ka mo kgama. Ke mo ke nyaka go fetsa ka yene.”

Marco yene o re, “Nakwela ke sa dula ku gaye, mo motho a ka fo nlebelanyana, ke mo ke mo kgwasolanya. Ke mo ke robanya diphahlo, dilo tso di kganisang ke bananyana, se sengwana le se sengwana so nka gahlanang naso.”

O ka fo kraya gore rune a re nape re segela ga tsa mošaga wonone. Mara di fela di makega ga rune ka moka tsa gore re šitege go titshwara. Tsowa di fo re makegela ka taba la gore re belegiwwe re na le go sinya ho ga rune ga gore re go krayye ga Adamo. (Mrm. 5:12) Ba bangwana ba fo titshwanela le Paul le Marco, baa šitega go lawola sepelwapelwane sa bona. Ba bangwana ba šitega go lawola tso ba di naganang. Ba dulela go nagana ka dilo tso ba di tšhogang kela ba hlupa ke go dula ba nagana gore dilo di ka sa sepele gabutši. Ba bangwana ba ka fo ba ba šitega go titshwara gore ba sa make bonghwahla, go nwa mokgete ka matla kela go kgokga didraksi.

Bo ba lesetsang tso ba di naganang, tso ba di nabelang le tso ba di makang gore di ba lawole, ba nyoko sinyanya maphelo ya bona. Mara re ka di kgona go maka gore re sa makegele ke dilo tsa mošaga wonone. Ka mokgo mang? Ka go maka gore re kgone go titshwara. Gore re thogo maka tsotsone, tla re bolaboleneng ka diputsiso tsowa ka ditharo: (1) Mo ba re go titshwara ba ra ying? (2) Ke ntaba go titshwara go le taba ye kgolo? (3) Re ka maka byang gore re be le ‘seyengwa sowa sa moya wa go hlawolega’? (Magal. 5:22, 23) Ke mokane re nyoko bolabola ka dilo tso rune beng re ka di makang gore re thogo titshwara mo nkare re fela re šitega.

Motho wa gore o kgona go titshwara, aa fo kwatisa ke selo se sengwana le se sengwana. Mara o kgona go titshwara gore a sa bolabole kela go maka selo sa gore se ka kwatisa Modimo.

Jeso o di šupetsiye gabutši gore go titshwara ba ra ying. Baebele yi re: “Mo ba mo rogelela, aa ba rogelela le yene a re wa busetsa. Mo a hlupega, aa tshosetsa motho, mara o yye a fo di šiyela yela wa gore mo a yahlula, go šala go wolologiye.” (1 Pet. 2:23) Jeso o yye a šupetsa gore o kgona go titshwara nakwela a le ga phate ya mohlupego. (Mat. 27:39-44) Nakwela bo ba go yeta sedumedi mahlong ba leketsa go mo tanya ka tso a di bolabodiyeng, o yye a titshwara. (Mat. 22:15-22) O šupetsiye gore o kgona go titshwara mo Majuda ma kota matlapa gore ma mo pore ka wona! Hala go le ye mongwana, nke a patedisiye, mara “Jeso o yye a [fo] wutama ke mokane a tšwela ka tawong ga tempele.”—Joh. 8:57-59.

Ayitsano re ka mo yekisela ga Jeso? Eya, re ka leketsa. Petro wa lepostola o ngwadiye gore: “Le yene mong Kreste o yye a hlupega ka taba la lune, a le šiyela so le ka beyisang ka sona gore le thogo gata thina ka matla le mo yene a gatiyeng.” (1 Pet. 2:21) Le mo re sa felegelela, re ka di kgona go gata thina ka matla le mo Jeso a gatiyeng ga taba yowa ya go titshwara. Ke ntaba di le gabutši ka matla gore re make ka mokgonone?

Di nyaka re kgone go titshwara mo nkare re nyaka gore Jehova a re yamogele. Le mo yi le gore ke botala re berekela Jehova ka go tshepega, di ka makega gore senghane sa rune naye se sinyege mo nkare re šitega go lawola tso re di makang kela tso re di bolabolang.

Tseya ka Moše, wa gore ke mo a “lukiye go phala batho ka mokana ga bona ba ho lefaseng” ka dinako tsotsone. (Dip. 12:3) Moše o yye a tiyisela mo Maisrayele ma kene ma kokola ka masomesome ya mengwaga, mara yene mong o yye a šitega go titshwara. O yye a kwata mo Maisrayele ma thomisa go kokola ka taba la go gayela meetši. O yye a kgwasolanya batho bone, ke mokane a re: “Theetselaneng howa, lune ba dihlogo tsa go woma! Ayitsano re tshwanele re le ntshele meetši mo ga letlapa lo la go tšharoga?”—Dip. 20:2-11.

Moše o yye a šitega go titshwara. A sanka a gadimisa Jehova gore di bonale go le yene ye a makiyeng gore meetši ma tšwe hone letlapeng ka mohlolo. (Pis. 106:32, 33) Tsotsone di feleletsiye ka gore Jehova a sa mo dumelele ga Moše gore a kene ga Lefase lo ke mo ba Tshepisiwwe lona. (Dip. 20:12) Go segela ka letšatši lo a kgwileng ka lona, Moše o yye a tisola ka taba la gore kayekaye mo lephelong o yye a šitega go titshwara.—Dot. 3:23-27.

Re tšhuta ying rune? Le mo yi le gore ke botala re kene re rapela Modimo, mo go na le bo ba re kwatisang kela bo di nyakang re ba wolola, a di nyake re bolabola nabo ka mokgwa wa go sa hlompe. (Maef. 4:32; Makol. 3:12) Nnete ke gore mo re kene re tsofala, go lefisa pelo go fo ya go kene go pomega ka dinako tse dingwana. Mara o sa lebale taba ya Moše. A re nyake gore taba yowa ya go šitega go titshwara yi sinyanye lebitso la gabutši lo re timakeleng lona ga Modimo. Re ka maka byang gore re tšhute go titshwara?

Rapela Modimo gore a go neye moya wage wa go hlawolega. Ke ntaba? Ka taba la gore go titshwara ke seyengwa se sengwana sa moya wa Modimo wa go hlawolega, Jehova o wo neya bo ba wo kgopelang. (Luk. 11:13) Jehova o berekisa moya wage wa go hlawolega go re neya matšhika ya re ma hlokang. (Mafil. 4:13) Fote a ka re gelepa gore re thogo ba le mekgwa ye mengwana ya gore ke diyengwa tse dingwana tsa moya wa go hlawolega tsa go tshwana le go nyakanana, go leng so se ka re gelepang gore re kgone go titshwara.—1 Makor. 13:5.

Kganela kgole le dilo tso di ka makang gore o šitege go titshwara. Mo re beyisa, kganela kgole le inthanete le dilo tse dingwana tsa go tijabodisa ka tsona tsa gore di na le mekgwa ya go sa loka. (Maef. 5:3, 4) Gabutšibutši, di nyaka re kganele kgole le selo se  sengwana le se sengwana sa gore se ka maka gore re feleletse re makiye selo sa go sa loka. (Diy. 22:3; 1 Makor. 6:12) Mo re beyisa, mo motho a na le bothatha bya go dula a nagana ka go maka tsa maroga, di ka nyaka a kganele kgole le dipuku le dimuvi tsa gore di bolabola le go šupetsa dilo tsa gore di ka maka gore a thome go nagana go maka bonghwahla.

Re ka fo bona nkare a di lula go berekisa mayele yawa. Mara mo re karakara ka matla, Jehova o nyoko re neya matšhika ya gore re kgone go titshwara. (2 Pet. 1:5-8) O nyoko re gelepa gore re thogo lawola dilo tso re di naganang, tso re di bolabolang le tso re di makang. Tsotsone di yye dya bonala gabutši ga Paul le Marco bo go bolabodiwweng ka bona ka ho kgakala, ba gore ba di kgonne go lawola taba yo ne yi ba hlupa ya go ba le sepelwapelwane. Tseya ka mogageru ye mongwana wa gore ke mo a na le go felafela pelo mo a drayiva, ke mokane a feleletsa a sa kwane le ba bangwana ho pateng. O yye a maka ying ka bothatha byone byage? “Ke mo ke rapela ka matla tšatši le lengwana le le lengwana. Ke tšhutiye dihlogotaba tsa go bolabola ka taba ya go titshwara, ka boya ka tshwara ditemanyana tsa Baebele ka hlogo. Le mo yi le gore ne nkene ke maka ka mokgonone mengwagangwaga, so se n’gelepang ke gore ka moka matšatši ke tipotsa gore ke nyaka go dula ke bebiye. Mo go na le bo ke tshwaneleng gore ke gahlane nabo, ke yakgoswa ke tloga gaye gore ke sa fele pelo mo ke bakiye gana hone.”

Di ko makegeng gore ka dinako tse dingwana re šitege go titshwara. Mo re makiye ka mokgonone re ka kwa re tšeba go rapela Jehova. Mara nnete ke gore ka dinako tsotsone, go rapela ke mong sona so re tshwaneleng re se make. Byalo, rapela Jehova ka nako yonone. Mo kgopele gore a go tshwarele, o sa lesetse go nyaka go gelepiwa ke yene o boye o tikemisele go sa sa boyelela tsetsela tsa go sa loka. (Pis. 51:9-11) Jehova a ka sa go kgwasolanye mo o mo rapela, o mo kgopela gore a go tshwarele. (Pis. 102:17) Johane wa lepostola o re gopotsa gore madi ya Morwayi wa Modimo “ma kgona go re yedisa ga dilo ka mokana ga tsona tso re di sinnyeng.” (1 Joh. 1:7; 2:1; Pis. 86:5) O sa lebale gore Jehova o botsa malata yage gore ma sa lesetse go tshwarelana. Byalo, a re kamake gore o nyoko fo maka ka mokgonone le ga rune.—Mat. 18:21, 22; Makol. 3:13.

A sanka dya jabodisa Jehova mo Moše a šitega go titshwara nakwela a le ku mašahleng. Mara, Jehova o yye a mo tshwarela. Fote Lentsu la Modimo mo le bolabola ka Moše le re ke motho wa gore ke mo a na le tumelo ya go tiya ka matla. (Dot. 34:10; Maheb. 11:24-28) Jehova a sanka a dumelela Moše gore a kene ga lefase la nyuwane, mara o nyoko maka gore a be gona Pharadeyising ho lefaseng ke mokane a mo neye lephelo la go ya go yye. Rune mo re ka karakara ka matla gore re be le seyengwa sa moya wa Modimo wa go hlawolega, sosowa sa go titshwara, re ko jabolela lephelo la go ya go yye.—1 Makor. 9:25.