1. Oqaaseq “sal­lusuis­sut” qanoq isumaqar­tip­par­put?

“SAL­LUSUIS­SUT qanoq ilik­kar­piuk?” “Sal­lusuis­sum­mi peroriar­tor­pit?” “Qanoq sivisutigisumik sal­lusuis­sum­miip­pit?” Taama aperisarlutil­lu aperitit­tarunar­putit. Oqaaseq “sal­lusuis­sut” qanoq isumaqar­tip­par­put? Oqaaseq taan­na up­perisatsin­nut, pal­lorfigin­nin­nitsin­nut inooriaasitsin­nul­lu tun­ngatil­lugu ator­nerusar­par­put. Inuit “sal­lusuis­sum­miit­tut” ajoqersuutit Biibilimeersut nalun­ngilaat, aam­ma najoq­qutas­siat tas­saniit­tut inuunermin­ni malip­paat. Taamaat­tumik up­perisarsior­nermi eq­qun­ngitsumi ajoqersuutigineqar­tut up­periun­naar­paat Saatanil­lu silarsuaaniik­kaluarlutik pitsaaner­paamik inooriaaseqarsin­naal­lutik. – Joh 8:32.

2. Johan­nesi 13:34, 35-milu eq­qaaneqar­toq inuup suna sal­lusuis­sum­mut kajungilis­sutigeq­qaarsin­naavaa?

² Sal­lusuis­sum­mut suna kajungilis­sutigeq­qaar­piuk? Im­maqa Jehovap in­nut­taasa pis­suseris­suunerat. (1 Petr 2:12) Im­maqaluun­niit taak­kua asaqatigiin­nerat. Inup­pas­suit ataatsimiigiaq­qaaraangamik oqalut­tarfim­miit saq­qum­miun­neqar­tut malugival­laar­nagit asaqatigiin­neq eq­qaamanerusar­paat. Taman­na tupaal­lan­nan­ngilaq, Jiisusimi oqar­poq ajoqersugaasa asaqatigiin­ner­tik ilisar­naatigis­sagaat. (Johannesi 13:34, 35 atuakkit). Up­perluar­tuus­sagut­tali iliuuseqar­tariaqar­pugut.

3. Up­per­nit­ta ilagiin­ni asaqatigiin­ner­put kisiat tun­ngavigip­pagu qanoq pisoqarsin­naava?

³ Up­per­nit­ta ilagiin­ni asaqatigiin­ner­put kisiat tun­ngavigis­san­ngilaa. Sooq? Asan­nin­neq kisiat tun­ngavigip­pagu Jehovamut  kif­far­torun­naarsin­naavugut, as­sersuutigalugu ima pisoqar­pat: Up­peqat – im­maqa utoq­qaaner­taasoq pioneriusorluun­niit – ingasat­tumik ajor­tulior­pat. Qatan­ngum­mit arlaatigut ajual­latsin­neqarut­ta. Im­maqaluun­niit up­peqatit­ta ilaat tunus­sisun­ngorluni oqar­pat up­perisar­put sal­lusuis­sutaan­ngitsoq. Tas­sa Guutimik up­perin­nin­nerit Jehovamut at­taveqar­nermik tun­ngaveqarani al­lat iliuusiinik tun­ngaveqar­pat up­per­nikil­leriaan­naas­saatit. Up­per­nerit misigis­sutsinik tun­ngaveqaan­nar­nani aam­ma paasis­sutis­sanik eq­qor­tunik nas­suiaatis­saqar­tunil­lu tun­ngaveqar­tariaqar­poq. Up­per­narsisariaqar­pat Jehova pil­lugu ilumoor­toq ilumut Biibilimeersuusoq. – Rom 12:2.

4. Mat­thæusi 13:3-6, 20, 21-lu naaper­torlugit up­per­nik­kut misilin­neqar­nermi ilaat qanoq qisuariar­tar­pat?

⁴ Jiisusi oqar­poq inuit ilaasa sal­lusuis­sut ‘nuan­naarlutik’ ilas­sereeraluarlugu misilin­neqaramik uniin­nar­tut. (Matthæusi 13:3-6, 20, 21 atuakkit). Paasisimagunan­ngilaat Jiisusimut ajoqersugaasut aam­ma ajor­nar­torsiorumaar­tut. (Matt 16:24) Im­maqa isumaqarsimap­put kristumiuuneq tas­saasoq Guutimit pil­luaq­quneqaan­naavil­luni ajor­nar­torsior­nanilu inuuneq. Silarsuarmili ajor­tumi inuugat­ta ajor­nar­torsiuteqar­tar­pugut, aam­ma nuan­naarun­naas­sutigisatsin­nik pis­sutsit al­lan­ngorsin­naap­put. – Tuss 6:7; Oqal 9:11.

5. Qatan­ngutit­ta amerlanersaasa up­perisamik sal­lusuis­sutaanera up­peril­luin­narlugu qanoq ersersit­tar­paat?

⁵ Qatan­ngutit­ta amerlanersaasa up­perisamik sal­lusuis­sutaanera up­peril­luin­narlugu ersersit­tar­paat. Qanoq? Up­per­nik­kut aalajaatsuunermik­kut naak up­peqat ajual­latsitsigaluar­toq Biibilimul­luun­niit naaper­tuutin­ngitsumik pis­susilersoraluar­toq. (Tuss 119:165) Misilin­neqaraangamik up­per­nikil­linatik up­per­neruliin­nar­tar­put. (Jaak 1:2-4) Qanoq taama up­perluar­tigilersin­naavit?

6. Kristumiut siul­liit up­per­nermin­nut suna tun­ngavigaat?

⁶ Kristumiut siul­liit Al­lak­kanit Il­ler­nar­tunit ilisimasatik Jiisusil­lu Kristusip ilin­niar­titsis­sutaa, tas­sa ‘iivangkiiliup ilumoorsusia’, tun­ngavigalugit up­per­ner­tik ineriar­tor­tit­tar­paat. (Gal 2:5) ‘Iivangkiiliup ilumoorsusia’ tas­saavoq kristumiutut up­perisavut tamarmiusut, ilaatigut Jiisusip uter­titsis­sutitut pil­liutaa toqusunil­lu makititaanera. Apustilip Paulusip up­peril­luin­nar­paa ajoqersuutit tamak­ku ilumoor­tuusut. Sooq taama oqarsin­naavugut? Al­lak­kat tun­ngavigalugit erseq­qis­sarmagu ‘Kristusi an­niar­tariaqarsimasoq toqusunil­lu makis­simasoq’. (ApS 17:2, 3) Kristumiut siul­liit ajoqersuutit tamak­ku up­peraat Guutil­lu oqaasianik paasin­nis­sin­naaq­qul­lutik anersaap il­ler­nar­tup ikiorumaaraatik qularinagu. Misis­sueq­qis­saar­nermik­kut up­perisar­tik Al­lak­kanit tun­ngaveqar­nera qulak­keer­paat. (ApS 17:11, 12; Hebr 5:14) Misigis­sutsit kisiisa up­per­nermin­nut tun­ngavigin­ngilaat, aam­ma up­peqatinik peqateqar­tar­nerup nuan­naar­nar­tua pis­sutigiin­narlugu Jehova kif­far­torfigin­ngilaat. ‘Guutimik ilisimasaqar­neq’ eq­qorluar­toq up­per­nermin­nut tun­ngavigaat. – Kol 1:9, 10.

7. Sal­lusuis­sutit Biibilimeersut up­perigutsigit qanoq iluaqutigis­savavut?

⁷ Sal­lusuis­sutit Guutip oqaasianeersut al­lan­ngor­neq ajor­put. (Tuss 119:160) As­sersuutigalugu up­peqat ajual­latsitsip­pat, ingasat­tumik ajor­tulior­pat imaluun­niit ajor­nar­torsiorut­ta sal­lusuis­sutit al­lan­ngor­navian­ngil­lat. Taamaat­tumik Biibilimi ajoqersuutigineqar­tut ilisimal­luar­tariaqarlugil­lu sal­lusuis­sutaaneri up­peril­luin­nar­tariaqar­pavut. Up­perisar­put sal­lusuis­sutinik Biibilimeersunik tun­ngaveqarluar­pat misilin­neqar­nermi aalajaas­sin­naas­saagut, soorlu anorersuarmi umiatsiaq  kitsamit orrajaal­lisin­neqar­tar­toq. Up­perisat sal­lusuis­sutaanersoq qanoq up­peril­luin­narsin­naaviuk?

8. Timotheusimut al­lak­kat aap­paat 3:14, 15-imilu ersersin­neqar­tutut Timotheusip sal­lusuis­sum­miil­luni qanoq up­peril­luin­nalersimavaa?

⁸ Timotheusip sal­lusuis­sum­miil­luni up­peril­luin­nar­paa. Sooq taama up­perluar­tigaa? (2 Timotheusi 3:14, 15 atuakkit). Ar­naminit aanaaminil­lu ‘Al­lak­kani Il­ler­nar­tuni’ ajoqersuutinik ilin­niar­tin­neqar­poq. Aam­mali nam­mineerluni Al­lak­kanik taak­kunin­nga atuaq­qis­saar­tarsimas­saaq. Taamaat­tumik Al­lak­kat taak­ku sal­lusuis­sutaasut ‘up­perilersimavaa’. Kingusin­nerusuk­kut Timotheusi, ar­naa aanaavalu kristumiun­ngor­put. Qular­nan­ngitsumik Timotheusip kristumiut asaqatigiin­nerat kil­litsis­sutigisimas­savaa, aam­ma anersaak­kut qatan­ngutini peqatigerusungaarlugil­lu ikiorusut­tarsimas­savai. (Fil 2:19, 20) Up­per­nerali paasis­sutis­sanik Jehovamut qanil­lis­sutigisaanik tun­ngaveqar­poq, inoqatiminut misigis­susiinik tun­ngaveqar­nani. Aam­ma il­lit Biibili atuaq­qis­saar­tariaqar­pat Jehovalu pil­lugu ajoqersuutit paasil­luar­tariaqarlugit.

9. Sal­lusuis­sutit tun­ngaviusut pingasut suut nam­mineerlutit up­per­narsisariaqar­pigit?

⁹ Sal­lusuis­sutit tun­ngaviusut nam­mineerlutit up­per­narseq­qaar­tariaqak­kavit ilaat ukuup­put: Siul­ler­tut, Jehova Guuti sunik tamanik Pin­ngor­titsisuusoq misis­suinik­kut qulak­keer­tariaqar­pat. (2 Mos 3:14, 15; Hebr 3:4; Saqq 4:11) Aap­paat­tut, up­peril­luin­nar­tariaqar­pat Biibili tas­saasoq Guutip inun­nut tusarlius­saa. (2 Tim 3:16, 17) Pingajuat­tul­lu, paasil­luar­tariaqar­pat Jehova, Jiisusimit siulersor­neqar­tunik im­minik pal­lorfigin­nit­tunik, nunami peqatigiis­sor­taqar­toq – taak­kulu tas­saasut Jehovap Nalunaajaasui. (Es 43:10-12; Joh 14:6; ApS 15:14) Sal­lusuis­sutit tun­ngaviusut taak­ku up­peril­luin­nalis­saguk­kit imaan­ngilaq Biibili pil­lugu suut tamaasa ilisimasariaqaritit. ‘Silatus­suseqar­nerit’ atorlugu sal­lusuis­sum­miin­nerlutit qulak­keer­tariaqar­pat. – 2 Tim 1:7.

10. Up­perisar­put sal­lusuis­sutaasoq im­minut qularun­naarsiin­narata aam­ma Biibili atorlugu susin­naasariaqar­pugut?

¹⁰ Guuti, Biibili Guutil­lu in­nut­tai pil­lugit sal­lusuis­sutit pingasut up­per­narsereeruk­kit, Biibili atorlugu inun­nik al­lanik qularun­naarsitsiniaasin­naasariaqar­putit. Sooq? Kristumiuugat­ta sal­lusuis­sutit ilik­karsimasavut pil­lugit soqutigin­nit­tunut ilin­niar­titsinis­saq akisus­saaf­figigatsigu. * (1 Tim 4:16) Sal­lusuis­sutil­lu Biibilimeersut pil­lugit inuit al­lat qularun­naarsin­niaraangatsigit sal­lusuis­sutit taak­ku nam­mineq up­perineruler­tar­pavut.

11. Apustilip Paulusip ilin­niar­titsinermut tun­ngatil­lugu qanoq maligas­sip­paatigut?

¹¹ Apustilip Paulusip inun­nik ilin­niar­titsigaangami ‘Mosesip inatsisai pruf­fiitil­lu najoq­qutaralugit Jiisusimik qularun­naarsin­niar­tar­pai’. (ApS 28:23) Sal­lusuis­sut al­lanut ilin­niar­titsis­sutigigaangatsigu Paulusi qanoq ilaarsin­naavar­put? Paasis­sutis­sat oqaatigiin­nar­nagit Biibilimik atuaq­qis­saaqatigisar­tak­kavut Jehovamut qanil­lisin­naaq­qul­lugit Biibili atorlugu tun­ngavilersuinis­saan­nut ikior­tariaqar­pavut. Guuter­put asan­nit­toq pil­lugu ilin­niarsimasamik sal­lusuis­sutaaneranik up­perin­nil­lualersimaner­tik pil­lugu, uagutsin­nik nuan­narin­nin­ner­tik pis­sutiginagu, sal­lusuis­sum­miiler­nis­saat kis­saatigaar­put.

12-13. Angajoq­qaat qitor­natik sal­lusuis­sum­miigin­naq­qul­lugit qanoq ikiorsin­naavaat?

¹² Angajoq­qaajususi, qular­nan­ngilaq qitor­nas­si sal­lusuis­sum­miigin­nar­nis­saat kis­saatigigis­si. Isumaqarsin­naavusi anersaak­kut pingaar­titsisunik ilagiin­ni ikin­nguteqarunik anersaak­kut siumukas­sasut. Qitor­nas­sili up­perisar­tik sal­lusuis­sutaasoq up­peril­luin­nas­sagunik­ku ikin­ngutaal­luar­tut naam­man­ngil­lat. Nam­mineerlutik Guutimut at­taveqar­tariaqarlutil­lu ajoqersuutit Biibilimeersut sal­lusuis­sutaanerat qulak­keersimasariaqar­paat.

¹³ Angajoq­qaat qitor­natik Guuti pil­lugu sal­lusuis­sum­mik ilin­niar­tis­sagunik­kit Biibilimik atuaq­qis­saar­nermut tun­ngatil­lugu maligas­siuisariaqar­put. Ilik­kak­kamik eq­qarsaatigeq­qis­saar­nis­saan­nut pif­fis­saqar­tariaqar­put. Taava qitor­natik taamaalior­nis­saan­nut ilin­niar­tis­sin­naas­savaat. Biibilimik atuaq­qis­saaqatigisar­tak­kamin­nik ilin­niar­titsinermis­sul­li qitor­natik Biibilimik atuaq­qis­saarutinik atuinis­saan­nik ilin­niar­tit­tariaqar­paat. Taamaaliorunik qitor­natik Jehovamut qujamasun­nermik ilin­niar­til­lugil­lu Jehovap Biibilimik paasin­nis­sin­naaq­qul­luta ‘inus­siamik aalajaal­lunilu silatuumik’ (NW) atuisar­neranik up­perin­nilersis­sin­naavaat. (Matt 24:45-47) Angajoq­qaajususi sal­lusuis­sutit Biibilimeersut tun­ngaviusut kisiisa qitor­nas­sin­nut ilin­niar­titsis­sutigeqinasigit.  Up­perluar­tun­ngorsin­naaq­qul­lugit ‘Guutip itis­susiinik’ – ukiuinut paasin­nis­sin­naas­susian­nul­lu naleq­qut­tumik – ilin­niar­tis­sigit. – 1 Kor 2:10. 

14. Sooq siulit­tuutit Biibilimeersut misis­sor­tariaqar­pavut? (Takuuk ungalusaq “ Siulit­tuutit uku nas­suiarsin­naavigit?”)

¹⁴ Siulit­tuutit Biibilimeersut Guutip oqaasianut ilaap­put pingaarutil­lit, Jehovamul­lu up­perluar­nis­satsin­nut iluaqutigaavut. Siulit­tuutit sorliit up­per­nik­kut nakus­satsis­sutigaagit? Im­maqa ‘ul­lus­sat kingul­liit’ pil­lugit siulit­tuutit eq­qaavatit. (2 Tim 3:1-5; Matt 24:3, 7) Siulit­tuutil­li eq­quutereersut al­lat up­per­nerulis­sutigisin­naavatit. As­sersuutigalugu nas­suiarsin­naavigit Danielimik al­lak­kat kapitali 2-mi imaluun­niit kapitali 11-mi siulit­tuutit qanoq eq­quun­nersut eq­quuk­kumaar­nersul­lu? * Up­per­nerit Biibilimik tun­ngaveqarluar­pat aalajaat­tuas­saatit. Sorsun­nersuup aap­paani qatan­ngutit Tysklandimi malersor­neqangaar­tut eq­qarsaatigik­kit. Ul­lus­sat kingul­liit pil­lugit siulit­tuutit paasil­luaq­qis­saan­ngik­kaluarlugit Guutip oqaasia up­peril­luin­nar­paat.

15-17. Qatan­ngutivut nazistinit malersor­neqar­tut Biibilimik atuaq­qis­saar­nermik­kut qanoq nakus­satsin­neqar­pat?

¹⁵ Tysklandimi nazistit naalak­kersuinerisa nalaan­ni qatan­ngutivut tuusintilik­kuutaat tigusanut inis­siarsuar­nut pisin­neqar­put. Hitler aam­ma S­S-it naalagaat Heinrich Him­mler Jehovap Nalunaajaasuinik uumigin­nit­tuup­put. Qatan­ngut ar­naq naaper­torlugu Him­mler qatan­ngutinut ar­nanut tigusanut inis­siarsuarmiit­tunut ima oqarsimavoq: “Imaas­sin­naavoq ilis­si Jehovarsi qilam­mi naalak­kersuisoq, nunamili maani uagut naalak­kersuivugut! Takus­savar­put kik­kut piujuas­sanersut, uagut ilis­siluun­niit!” Taavami Jehovap in­nut­taasa aalajaat­tuar­nis­samin­nut suna iluaqutigaat?

¹⁶ Biibilimik Atuaq­qis­saar­tar­tut taak­kua nalun­ngilaat Guutip naalagaaf­fia 1914-imi aqutsilersoq.  Akerlilersor­neqangaaler­ner­tik tupaal­laatigin­ngilaat, up­peril­luin­nar­paal­lu Guutip siuner­taa inuit naalak­kersuineran­nit maangaan­nar­tin­neqarsin­naan­ngitsoq. Hitlerip pal­lorfigin­nin­neq ilumoor­toq unitsis­sin­naan­ngilaa naalagaaf­fim­mil­luun­niit Guutip naalagaaf­fianit pis­saaneqar­nerusumik pilersitsisin­naanani. Qatan­ngutit­ta up­peril­luin­nar­paat Hitler naalak­kersuiun­naarsitaasus­saasoq.

¹⁷ Qatan­ngutit­ta up­peril­luin­nagaat­tut pisoqar­poq. Sivitsun­ngitsoq nazistit naalak­kersuinerat ajalusoormat Heinrich Him­mler an­nak­kumal­luni qimaavoq, aali ima oqarsimasoq: “Nunami maani uagut naalak­kersuivugut!” Qimaatil­luni qatan­ngut Lübke, par­naarus­sivim­mi takusimasani, naapip­paa. Him­mlerip nikal­lungangaarluni qatan­ngut Lübke ima aperaa: “Biibilimik Atuaq­qis­saar­tar­toq-aa, maan­na susoqas­sava?” Qatan­ngutip Lübkep Him­mler nas­suiaap­paa Jehovap Nalunaajaasuisa nalun­ngit­tuaan­narsimagaat nazistit naalak­kersuiun­naarsitaajumaar­tut nam­min­nerlu aniguisitaajumaarlutik. Him­mler – Jehovap Nalunaajaasui pil­lugit oqaaser­pas­suaqarsimasoq – maan­na oqaasis­saarup­poq. Tamatuma kingunin­ngua toquvoq. Suna ilik­kar­par­put? Biibili tamatumanilu siulit­tuutit misis­soq­qis­saar­tarutsigit Guutimut up­per­nitsin­ni aalajaat­tuarlutalu misilin­neqar­nitsin­ni piner­tusaarsin­naas­saagut. – 2 Petr 1:19-21.

18. Johan­nesi 6:67, 68-imilu ersersin­neqar­tutut sooq Paulusip al­laatigisaatut ‘paasisimasaqar­tariaqarlutalu silatusaal­laq­qit­tariaqar­pugut’?

¹⁸ Tamat­ta im­mik­kut asan­nin­nermik ersersitsisariaqar­pugut – kristumium­mi asaqatigiin­neq ilisar­naatigaat. Aam­mali ‘paasisimasaqar­tariaqarlutalu silatusaal­laq­qit­tariaqar­pugut’. (Fil 1:9) Taamaan­ngik­kut­ta “ajoqersuutit suul­luun­niit anoraan­nit inuil­lu im­meraam­mik nalus­sineran­nit”, ilaatigut tunus­sisunit, sun­ner­neqarsin­naavugut. (Ef 4:14) Ajoqersugar­pas­suit Jiisusi malik­kun­naarmas­suk taas­suma “oqaatsinik naas­saan­ngitsumik inuus­sutaasunik” pigisaqar­nera apustilip Petrusip up­peril­luin­nar­nerar­paa. (Johannesi 6:67, 68 atuakkit). Taamani Jiisusip oqaasii paasil­luaq­qis­saan­ngik­kaluarlugit aalajaat­tuar­poq nalun­ngin­namiuk Jiisusi Kristusiusoq. Aam­ma il­lit ajoqersuutinik Biibilimeersunik up­perin­nin­nerulersin­naavutit. Taava qanorluun­niit pisoqaraluar­pat aalajaat­tuas­saatit al­lal­lu aalajaat­tuarsin­naaq­qul­lugit ikiorsin­naas­sal­lugit. – 2 Joh 1, 2.