1. Cossa che Paolo el savea?

PAOLO el savea che lu l’era fiaco. El ga dito che el so corpo l’era drio finirse. Far quel che l’è giusto l’era mia fàcile par lu e gnanca sempre lu el gavea la risposta ale so orassion come lu el spetea. (2 Cor. 4:16; 12:7-9; Rom. 7:21-23) Paolo el savea che i so nemighi i pensea che lu l’era fiaco. * Paolo el ga mia assà de servir a Geovà par causa de quel che i altri i parlea e par causa dele so fiachesse. — 2 Cor. 10:10-12, 17, 18.

2. De acordo con 2 Corinti 12:9, 10, che importante lession Paolo el ga imparà?

² Paolo el ga imparà una lession tanto importante. Lu el ga imparà che ancora che una persona la se sente fiaca, ela la pol esser forte. (Ledi 2 Corinti 12:9, 10. *) Geovà el ga dito a Paolo: “Parché el me poder l’è fato pi forte nela fiachessa.” Geovà el volea dir che el so poder saria pi forte de che la fiachessa de Paolo. Ndemo veder che Geovà el pol far el medèsimo par  noantri. Ma prima, ndemo veder che ghemo mia de restar preocupadi quando i nemighi i ne dise su.

3. Come podemo restar contenti quando le persone i ne dise su?

³ Noantri no ghe piasemo che le persone le ne dise su. Ma dele volte, questo pol suceder e restemo disgustadi con quel che i altri i ne dise e anca desanimadi. (Prov. 24:10) Alora cossa podemo far quando i altri i ne dise su? Podemo far compagno a Paolo e restar contenti quando i ne dise su. (2 Cor. 12:10) Parché? Parché quando i altri i ne dise su e sofrimo oposission, l’è una prova de che semo veri dissìpoli de Gesù. (1 Pie. 4:14) Gesù el gavea belche dito ai so dissìpoli che lori i saria perseghidi. (Gioani 15:18-20) L’è questo che ga sucedesto nel primo sècolo. In quel tempo, le persone le era influensade par la cultura greca, par quela lore li vedea come fiachi e sensa stùdio. I giudei i pensea che i cristiani i era fiachi e sensa istrussion, come el apòstolo Piero e Gioani. (Ati 4:13) Parea che i cristiani i era fiachi parché no i gavea influensa nela polìtica e gnanca i fea parte de un esèrsito. Par le persone, i cristiani no i meritea rispeto.

4. Cossa che i cristiani i ga fato quando i ze stati perseghidi?

⁴ Ancora che i cristiani i ga sofrio perseghission, lori no i se ga fermà de predicar e seghir Gesù. Varda el esémpio del apòstolo Piero e del apòstolo Gioani. Lori i catea che l’era un privilègio sofrir perseghission par predicar e seghir Gesù. (Ati 4:18-21; 5:27-29, 40-42) I dissìpoli no i gavea motivi par sentirse invergognadi. Questi ùmili cristiani i ga giutà tanto de pi le persone che i so nemighi. I libri che questi cristiani i ze stati ispiradi par scriver i continua a giutar e dar speransa a milioni de persone. El Regno che lori i difendea l’è belche drio governar e suito el governarà sora tuta la tera. (Mat. 24:14) I lìderi polìtichi che i ga perseghio Gesù no i governa pi, ma i dissìpoli de Gesù i ze drio governar nel cielo. Ancora che questi governanti i sìpia ressussitadi, lori i gavarà de esser governadi par el Regno che i dissìpoli insegnea. — Apo. 5:10.

5. De acordo con Gioani 15:19, parché che le persone ne dise su?

⁵ Ancoi ghen’ è arquanti che i ne dise su e i ne ride drio. Questi i pensa che quei che i serve a Geovà i ze fiachi e sensa studi. Parché? Parché no acetemo e no femo le robe come le persone intorno de noantri. Ma femo sforsi par esser ùmili, mansi e obedienti. Par nantra banda, le persone le dà valor a quei che i ze orgoliosi, aroganti e a quei che i fà quel che lore le vol. Noantri anca no se metemo nela polìtica e nel esèrsito de gnanca un paese. Noantri semo persone difarente dele persone del mondo e par quela lore le pensa che semo fiachi. — Ledi Gioani 15:19; * Rom. 12:2.

6. Cossa che Geovà l’è drio far par meso del so pòpolo?

⁶ Ancora che el mondo el pensa che noantri semo fiachi, Geovà l’è drio doperarne par far robe maraveiose. Par meso del so pòpolo, Geovà l’è drio far el laoro pi grando de predicassion in tuta la Tera. I servi de Geovà i fà le reviste pi traduside e distribuide e i dopera la Bìblia par giutarghe milioni de persone a viver meio. Ma semo boni de far questo sol parché Geovà el ne giuta. Tuto quel che sucede l’è par causa dela benedission de Geovà. Lu el dopera le persone che el mondo le vede come fiache par far bele òpere. Ma e ti? Sarà che Geovà el pol giutarte a gaver poder o forsa?  Cossa che te ghè de far par ricever el so aiuto? Ndemo veder tre robe che podemo imparar del esémpio del apòstolo Paolo.

7. Cossa che imparemo del esémpio del apòstolo Paolo?

⁷ Quando studiemo el esémpio del apòstolo Paolo, imparemo che no podemo fidarse nela nostra forsa e abilità. Paolo l’è stà slevà in Tarso, che la era una importante cità de Roma. Tarso la era una cità tanto siora e ghen’era bone università. Paolo el gavea ricevesto una bona istrussion. Lu l’è stà insegnà par Gamaliel, un lìder giudeo che le persone le rispetea tanto in quel tempo. (Ati 5:34; 22:3) Tante persone le cognossea e le rispetea Paolo intrà i giudei. Alora, Paolo el gavea tanti motivi par esser orgolioso e fidarse in lu stesso. Lu pròpio el ga dito che l’era pi rispetà che i altri dela so età. (Gàl. 1:13, 14; Ati 26:4) Ancora cossita, Paolo no’l se fidea in lu stesso.

8. De acordo con Filipensi 3:8, cossa che Paolo el pensea sora le robe che lu el gavea assà indrio?

⁸ Paolo el ga ricognossesto che gavea de assar indrio le robe del mondo che le persone pensea che le era importante. Paolo el pensea che queste robe le era “come sporchìssia”. (Ledi Filipensi 3:8. *) Paolo el ga infrontà dificoltà dopo che el ga scominsià a seghir a Cristo. Lu l’è stà odià par quei dela so nassion. (Ati 23:12-14) I romani i ghe ga dato bote e i lo ga metesto in preson. (Ati 16:19-24, 37) Paolo anca el savea che par causa dela imperfession l’è fadiga far quel che l’è giusto. (Rom. 7:21-25) Ma lu no’l se ga mia fermà de seghir a Cristo par causa dele so dificoltà. Invesse, lu l’era contento par causa dele fiachesse. Parché? Parché sempre che el pensea che l’era fiaco el vedea el poder de Geovà nela so vita. — 2 Cor. 4:7; 12:10.

9. Che oportunità ghemo cole robe che ne fà fiachi par el mondo?

⁹ Se volemo che Geovà ne dae poder, ghemo de pensar dela stessa maniera che Geovà. Alora, no ghemo mia de pensar che ghemo valor  sol se ghemo forsa, se semo studiadi o siori, parché queste robe le ze mia importante par Geovà. Intrà i servi de Geovà no ghen’è tanti che i ze sabi, che i ze poderosi o de fameia importante. Invesse, Geovà el ga scoliesto doperar “le robe fiache del mondo”. (1 Cor. 1:26, 27) No stà mia pensar che te ghè valor par Geovà sol se te ghè le robe che el mondo el pensa che le ze importante. Invesse, dopera queste oportunità par sentir el poder de Geovà. Par esémpio, se te ghè paura de quei che i parla mal de quel che te credi, prega a Geovà par tí esser coraioso e saver come difender quel che te credi. (Efe. 6:19, 20) Se te sì drio infrontar una bruta malatia, domanda a Geovà la forsa che te ghè de bisogno par far el to laoro a Geovà. Quando te senti che Geovà l’è drio risponder ale to orassion, la to fede la restarà pi forte e te gavarè la forsa par infrontar le dificoltà.

10. Parché che l’è bon studiar i esempi dei servi fedeli del passà, come quei de Ebrei 11:32-34?

¹⁰ Par Paolo l’era tanto importante studiar la Bìblia, par quela che lu el ga imparà tanto con i esémpi de persone fedele del passà. Quando Paolo el ga scrito ai ebrei, lu el ghe ga domandà che i pensesse nei esempi dei servi fedeli del passà. (Ledi Ebrei 11:32-34. *) Ndemo veder el esémpio de Davi, che l’è stà un de questi servi fedeli. Lu el ga bio de infrontar tanta oposission e nò sol dei so nemighi, ma anca de quei che i era i so amighi. El apòstolo Paolo l’è stà incoraià par meso del esémpio de Davi. L’è sicuro che anca noantri saremo incoraiadi quando pensemo sora i esempi de questi servi leai de Geovà e anca dei altri.

11. Parché che Davi el parea esser fiaco? (Vedi la ilustrassion nela capa.)

¹¹ El poderoso Golia el pensea che Davi l’era pròpio fiaco. Quando Golia el ga visto Davi, lu el ghe ga ridesto in fàcia. Anca parché, Golia l’era ben pi grando che Davi e lu l’era parecià par la guera. E Davi no l’era parecià par una batàlia e no l’era mai ndà a una guera. Ma quel che el parea fiaco, l’è deventà forte. Come? Lu el se ga fidà in Geovà e par quela lu el ga vinsesto el so nemigo. — 1 Sam. 17:41-45, 50.

12. Che nantra dificoltà Davi el ga bio de infrontar?

¹² El rè Davi el ga bio de infrontar anca nantra dificoltà. El rè che Geovà el gavea scoliesto par governar Israel l’era Saul. Davi el rispetea tanto Saul e nel scomìnsio anca Saul el rispetea Davi. Ma dopo de un tempo el rè Saul el ga deventà orgolioso e el ga scominsià a gaver invìdia de Davi. Alora, Saul el ga scominsià a tratar mal a Davi e el ga fin proà coparlo. L’era fàcile Davi sentirse fiaco par causa de questa situassion. — 1 Sam. 18:6-9, 29; 19:9-11.

13. Cossa che Davi el ga fato quando Saul lo ga tratà mal?

¹³ Davi el ga continuà a tratar Saul con rispeto stesso che Saul lo gavea tratà mal. Davi el savea che Saul l’era el rè che Geovà el gavea scoliesto. (1 Sam. 24:6) Davi no’l ga dato la colpa a Geovà de quel che l’era drio suceder. Invesse, Davi el se ga fidà che Geovà el ndaria darghe la forsa che lu el gavea de bisogno par infrontar quela bruta situassion. — Sal. 18:1.

14. Cossita come Davi, che bruta situassion Paolo el ga infrontà?

¹⁴ El apòstolo Paolo el ga passà par una  situassion come quela de Davi. I nemighi de Paolo i era pi poderosi che lu. Tanti lìderi polìtichi e religiosi i odiea a Paolo. Tante volte lori i ghe ga dato bote a Paolo e i lo ga metesto in preson. Cossita come Davi, quei che i gavea de esser amighi de Paolo i lo ga tratà mal. Fin arquanti nela congregassion i ze restadi contra lu. (2 Cor. 12:11; Fil. 3:18) Ma Paolo le stà bon de infrontar questa situassion difìcile. Come? Lu el ga continuà a predicar ancora che el infrontesse perseghission. Lu l’è stà fedele ai so fradei anca quando i lo disgustea. E el pi importante, lu l’è stà fedele fin ala fin dela so vita. (2 Tim. 4:8) Paolo l’è stà bon de infrontar queste dificoltà parché el se ga fidà, nò nela so forsa, ma nela forsa de Geovà.

15. (a) Cossa che te vol sforsarte de far? (b) Come che te sarè bon de far questo?

¹⁵ E ti, sito drio passar par perseghission o ghen’è qualche colega nela scola o colega de laoro che l’è drio tratarte mal? Qualche fradel nela congregassion el te ga belche disgustà? Se te ga belche sucedesto qualcossa cossita, ricòrdate del esémpio de Davi e de Paolo. Te pol seitar “vinser el mal col ben”. (Rom. 12:21) Quando qualchedun el te trata mal, l’è sicuro che no te vol barufar. Invesse, te vol sforsarte par giutar le persone a meter nela so mente e nel so cuor quel che la Bìblia la dise. E come che te sarè bon de far questo? Prima, dopera la Bìblia par giutar le persone. Secondo, mostra rispeto e sìpia bondoso con quei che i te trata mal. Terso, fà quel che l’è bon par tuti, anca par quei che no i te vol ben. — Mat. 5:44; 1 Pie. 3:15-17.

16-17. Cossa che Paolo no’l se ga mai desmentegà?

¹⁶ Quando Paolo no l’era ancora dissìpolo de Gesù, lu el perseghia i dissìpoli de Cristo e lu l’era un gióveno che el manchea de rispeto con tuti. (Ati 7:58; 1 Tim. 1:13) In quel tempo, lu el se ciamea Saulo e i cristiani i gavea tanta paura de lu. Alora, Gesù el ga bio de fermarlo. Lu el ga fato questo quando el ga parlà con Saulo e lo ga assà orbo. Paolo el gavaria de ndar domandar aiuto a una dele persone che lu el gavea perseghio se el volesse tornar a veder. E Paolo l’è stà ùmile parché lu  el ga acetà aiuto del dissìpolo ciamà Anania, che lo ga curà. — Ati 9:3-9, 17, 18.

¹⁷ Pi tardi, Paolo l’è deventà un fradel tanto importante nela congregassion cristiana. Ma, no’l se ga mai desmentegà dela lession che el ga imparà con Gesù nela strada de Damasco. Paolo el ga seità a esser ùmile e el ga sempre acetà el aiuto dei so fradei e sorele. Lu el savea che lori i era una fonte de grando consolo par lu. — Col. 4:10, 11, nota.

18. Parché de podaria esser fadiga acetar el aiuto dei altri?

¹⁸ Noantri podemo imparar tante robe col esémpio de Paolo. Par esémpio, fursi quando ghemo scominsià a studiar la Bìblia l’era fàcile de acetar el aiuto dei altri. Noantri gavéino tanto de imparar. (1 Cor. 3:1, 2) Ma ancoi, parché che podaria esser fadiga acetar el aiuto dei altri? Fursi, parché l’è belche ani che servimo a Geovà e ghemo tanta speriensa. O fursi la persona che la vol giutarne la ga pena imparà la verità. Ma ghemo de acetar el aiuto de questi fradei parché Geovà el pol doperar i nostri fradei e sorele par darne forsa. (Rom. 1:11, 12) Se volemo che Geovà el ne dae la forsa, ghemo de esser ùmili e acetar el aiuto dei nostri fradei.

19. Parché che Paolo l’è stà bon de far robe maraveiose?

¹⁹ Parché che Paolo l’è stà bon de far robe maraveiose dopo che el ga scominsià a seghir a Gesù? Paolo el ga capio che la roba pi importante la ze esser ùmile e fidarse in Geovà e nò esser forti, esser siori o esser studiadi. Alora, sfòrsate par far come Paolo. Noantri femo come Paolo quando (1) se fidemo in Geovà, (2) imparemo dei esempi dela Bìblia e (3) acetemo el aiuto dei altri. Alora, anca che te pensi che te sì fiaco, Geovà el va giutarte a esser forte!