1. Jehova o neyye malata yage ya go tshepega ying?

JEHOVA o neyye malata yage ya go tshepega mebereko ka ho phutegong. Le mo re na le mebereko ya go sa tshwane ka ho phutegong, re tseyediwa gedimo fote ka mokana ga rune re ya hlokanana. Pawulo wa lepostola o re gelepa gore re kwisise taba yowa gabutši. Byang?

2. Lengwalo la Maefeso 4:16 le re ke ntaba re tshwanele go tseyelana gedimo le go berekisana?

² Ga lengwalo la gore hlogotaba yowa yi ntshiwwe ga lona, Pawulo o šihlele taba ya gore a ra tshwanela go botsa lelata le lengwana la Jehova gore “a ke go hloke.” (1 Makor. 12:21) Gore ka ho phutegong go dule go bebiye, di nyaka re tseyelane gedimo fote re berekisane. (Bala Maefeso 4:16.) Mo re bereka re le ngata ka yyoši, re nyoko nyakanana tsa mannete fote phutego yi nyoko tiya.

3. Re nyoko bolabola ka ying ga hlogotaba yowa?

³ Makreste ya mangwana re ka ma šupetsa byang gore re ya ma hlompa ka ho phutegong? Ga hlogotaba yowa re nyoko bolabola ka gore bagolo ba ka hlompanana byang. Ra bolabola ka gore re ka šupetsa byang gore re hlompa Makreste ya gore a ma soko šadha. Ke mokane ra feleletsa ka gore re ka šupetsa byang gore re hlompa bo ba gore ba sa tšhuta polabolo ya rune.

4. Pawulo o butsiye bagolo gore ba make ying ga Maroma 12:10?

⁴ Bagolo ka mokana ga bona ba kgetiwwe ka moya wa go hlawolega. Mara ka mokana ga bona a ba kgone go maka dilo go  tshwana. (1 Makor. 12:17, 18) Ba bangwana a yi botala ba kgetiwwe gore go be bagolo fote ba ka fo ba ba sa tšibi dilo tsa go tlala go tshwana le bagolo ba bangwana. Ba bangwana ba ka fo ba ba sa kgone go maka tsa go tlala ka taba la gore ke dikoka kela ba šele ba gudiye. Byalo, mogolo aa tshwanela go lebelela bagolo ba bangwana ke mokane a re, ‘a ke le hloke.’ Mara mogolo ye mongwana le ye mongwana di nyaka a make so se leng ga Maroma 12:10.—Bala.

5. Bagolo ba ka šupetsa byang gore baa hlompana fote ke ntaba ba tshwanele go maka mokgonone?

⁵ Mo bagolo ba theetsela mo mogolo ye mongwana a bolabola, tsone di šupetsa gore baa hlompana. Sowa di nyaka ba se make ka matlamatla mo ba gahlanne gore ba bolabole ka ditaba tse dikgolo tsa phutego. Ke ntaba? Bona so Sewokamelo sa October 1, 1988 se se bolabodiyeng mo se re: “Bagolo baa di tšiba gore Jeso a ka berekisa moya wa go hlawolega gore a thogo ba gelepa gore ba berekise ditšhiko tsa Baebele ga seyemo se sengwana le se sengwana mo ba segelela sepheto se segolo. (Meber. 15:6-15) A go na mogolo ye ba tshwaneleng ba kwe ka yene ga mogoba wa bagolo.”

6. Bagolo ba ka maka byang gore ba berekisane ba le ngata ka yyoši fote go ba byang ka ho phutegong mo ba maka ka mokgonone?

⁶ Mogolo wa gore o hlompa bagolo ba bangwana, aa nyake go fo dula go thomisa yene go bolabola mo ba gahlanne go le bagolo. Aa fo dulela go bolabola fote aa duli a re tso di bolabolang ke yene ke tsona. Mara o bolabola tso a di naganang a tinyanafatsiye. O theetsela di mmaba mo ba bangwana ba bolabola. Se segolo ke gore o dula a tikemisele go berekisa ditšhiko tsa Baebele le go theetsela so se hlayang ke “lelata la go tshepega le la gore fote le hlalifiye.” (Mat. 24:45-47) Mo bagolo ba šupetsana gore baa nyakanana fote ba hlompana mo ba kene ba bolabodisana, sosone se nyoko maka gore moya wa go hlawolega wa Modimo wo ba yetetse gore ba thogo tiyisa phutego—Jak. 3:17, 18.

7. Jeso ne a ba tseya byang bo ba gore a baa šadha?

⁷ Lekgono ka ho phutegong go na le batho ba gore ba šadhiye fote ba na le mitši. Fote go na le magageru ya mangwana ya gore a ma soko šadha. Bo ba gore a ba soko šadha di nyaka re ba tseye byang? Bona ka mokgo Jeso ne tseya bo ba gore a baa šadha. Nakwela Jeso a sa le ho lefaseng, a sanka a šadha. O yye a dula a sa šadha gore a thogo yetisa mahlong mmereko wo Modimo a mo neyyeng wona. Jeso a sanka a tšhutisa gore Makreste di nyaka ma šadhe kela ma sa šadhe. Mara o hlayye gore Makreste ya mangwana ma nyoko kgeta go sa šadhe. (Mat. 19:11, 12; bona tso di fatisisiwweng ga Matewu 19:12.) Jeso ke mo a hlompa bo ba gore a ba soko šadha. Ke mo a sa tseyi gore bo ba gore a ba soko šadha a yi ba selo kela ba šota se sengwana.

8. Makorente wa Mathomo 7:7-9 yi re Pawulo o hlohletsele Makreste gore ma nagane ka ying?

⁸ Pawulo wa lepostola ke mo a sa šadha mo a kene a maka mmereko wo Modimo a mo neyyeng wona, go fo tshwana le Jeso. Pawulo a sanka a tšhutisa gore mo Mokreste a ka šadha o ko ba a sinya. O di bonne gabutši gore tsowa di nyaka motho a tikgetela. Mara, o yye a hlohletsela Makreste gore ma nagane ka taba ya go berekela Jehova ma sa šadha. (Bala 1 Makorente 7:7-9.) Di fo šupetsa gore Pawulo ke mo a sa tseyele fase Makreste ya gore a ma soko šadha. Gabutšibutši, o yye a kgeta Thimothi wa gore le yene ke mo a sa šadha gore a make mebereko ye megolo ya diphutego. * (Mafil. 2:19-22) Taba ya gore mogageru o šadhiye kela aa soko šadha a yi make gore a tshwanelege go maka mmereko wo mogolo ka phutegong kela e-e.—1 Makor. 7:32-35, 38.

9. Re ka re king ka taba ya go šadha le ya go sa šadhe?

⁹ Jeso le Pawulo a sanka ba tšhutisa taba ya gore Makreste di nyaka ma šadhe kela ma dule ma sa šadha. Byalo, re ka re king ka taba ya go šadha le ya go sa šadhe? Sewokamelo sa October 1, 2012 se yi beyye gabutši taba yowa mo se re: ‘Gabutšibutši go šadha le go sa šadhe di tšwa ga Modimo. . . . Jehova aa nyake bo ba gore a ba soko šadha ba tšebise kela ba kwisiwe go baba ke taba yowa.’ Byalo di nyaka re hlompe magageru yawa ya gore a ma soko šadha ka ho phutegong.

10. Re ka šupetsa byang gore re hlompa magageru ya gore a ma soko šadha?

¹⁰ Re ka šupetsa byang gore re hlompa ka  mokgo magageru ya gore a ma soko šadha ma tikwang ka gona le gore re kwisisa seyemo sa wona? Re sa lebale gore Makreste ya mangwana ma kgetiye go dula ma sa šadha. Makreste ya mangwana maa di nyaka tsa go šadha mara a ma kraye motho wa gore wa tshwanelega. Ba bangwana bo ne ba šadhiye nabo ba hlokofele. Ayitsano bo ba ka ho phutegong ba tshwanele ba butsise Makreste ya gore a ma soko šadha gore ke ntaba ma sa šadhe kela go ma botsa gore ba ka ma gelepa ka go ma krayela batho? Makreste ya mangwana ya gore a ma soko šadha ma ka kgopela gore ba ma gelepe ka go kraya motho. Mara mo nkare a ma nyake go gelepiwa, ma nyoko tikwa byang mo magageru ya mangwana ma butsisa dilo tsa go tshwana le tsowa? (1 Mathes. 4:11; 1 Thim. 5:13) Tla re kweneng tse dingwana tso di hlayyeng ke magageru ya go tshepega ya gore a ma soko šadha.

11-12. Re ka ba fetsa byang matšhika bo ba gore a ba soko šadha?

¹¹ Mopotulugi ye mongwana wa gore aa soko šadha wa gore fote ke segele ga mmereko wage, o re go na le dilo tsa go tlala tsa gore motho wa gore aa šadha a ka di maka. Mara o re di mo fetsa matšhika mo magageru ya gore ma na le taba le yene ma mmutsisa gore: “Ke ntaba o sa šadhe?” Mogageru ye mongwana wa monna wa gore aa soko šadha wa gore o bereka Bethele o re: “Ke thogo di bona gore magageru ya mangwana ma nagana gore di nyaka ma kwela go baba bo ba gore a ba soko šadha. Sowa se šupetsa nkare mo o sa šadha a wo selo le mo yi le gore go sa šadhe go tšwa ga Modimo.”

¹² Mogageru ye mongwana wa mosadi wa gore aa soko šadha wa gore o bereka Bethele o re: “Magageru ya mangwana ma nagana gore ka mokana ga bona ba gore a ba soko šadha ba nyakana le motho kela gore go gongwana le go gongwana mo ba yang gona ba fo dula ba budiye maahlo gore kela ba ka gahlana le motho. Tšatši le lengwana ke yye ka ya ga naga ye nngwana ke ye maka mmereko wa Bethele, letšatši lone ne go le letšatši la megahlano. Mogageru wa mosadi ye ne ke dula gage o mputsiye ka magageru ka mabedi ya phutegong yage ya gore ne re lekana ka mengwaga. O mputsiye gore aa leketse go nnyakela motho wa gore ke šadhe naye. Mara mo re segela Holong ya Mmušo o yye a n’gogela ka thoko gore ke dumedise magageru yala ka mabedi. Re yye ra fo šala re tšebiye re le ka bararo.”

13. Mogageru ye mongwana wa gore aa soko šadha o tiyisiye ke mešupetso yifeng?

¹³ Mogageru ye mongwana wa mosadi wa gore aa soko šadha wa gore o bereka Bethele o re: “Ke tšiba maphayona ya gore a maa šadha ya gore ma šele ma gudiye fote ma titshwere gabutši, ya gore ma tšiba tso ma nyakang go di segelela, ya gore ma tikemisele go gelepa ba bangwana fote ma jabodiye. Ma gelepa phutego ka dilo tsa go tlala. Ka taba la gore a maa šadha, a ma tseye gore ma phala ba bangwana ka tse dingwana kela ma gayela tse dingwana.” Di jabodisa ka matla go ba phutegong ya gore yi hlompa le go tseyela gedimo bo ba gore a ba soko šadha. A ba go kwele go baba fote a ba go nabele, ka taba la gore a ba go tseye o ba phala ka se sengwana kela o gayela se sengwana mara ba fo go tseya gabutši nje. O fo kwa nkare o gaye.

14. Re ka šupetsa byang gore re hlompa magageru ya gore a ma soko šadha?

¹⁴ Magageru ya gore a ma soko šadha ma nyoko jabola ka matla mo re ka ma tseyela gedimo ka taba la mekgwa ya bona ya gabutši re sa yi ka gore ma šadhiye kela e-e. A ma nyake  go kwediwa go baba ka taba la gore a ma soko šadha mara ma nyaka re tseyele gedimo taba ya gore ma ya mahlong ma kene ma tshepega. Tsotsone di nyoko maka gore ma sa kwe nkare re re: ‘A re le hloke.’ (1 Makor. 12:21) Mara ma nyoko di bona gore re ma tseyela gedimo ka ho phutegong.

15. Ba bangwana ba makiye ying gore ba thogo maka tsa go tlala ga tso tsa Modimo?

¹⁵ Mengwaga nyana ya go feta, batšhomayedi ba go tlala ba yye ba fetsa le pelo gore ba nyoko tšhuta mebolabolo ye mengwana gore ba thogo maka tsa go tlala ga mmereko wo wa go tšhomayela. Gore ba thogo maka tsowa, di nyaka gore ba tšhentšhe tsa go tlala lephelong la bona. Magageru yawa ma ruriye diphutegong tsa mmolabolo wa bona gore ma thogo ya ga diphutego tsa mebolabolo ye mengwana tsa gore di gayela batšhomayedi ba Mmušo. (Meber. 16:9) Sowa ke sepheto so bona beng ba se segeleleng gore ba thogo yeketsa mmereko wo ba wo makelang Modimo. Le mo yi le gore di ba tseya mengwaga ya go tlala gore ba thogo bolabola mmolabolo wa nyuwane, ba gelepa phutego ka dilo tsa go tlala. Mekgwa ya bona ya gabutši le dilo tso ba di tšibang di tiyisa diphutego ka matla. Magageru yawa re ma tseyela gedimo ka matla wa tšiba!

16. Bagolo ba lebelela ying mo ba bolabolela magageru gore go be bagolo le malata?

¹⁶ Mogoba wa bagolo o ka sa lesetse go bolabolela mogageru gore go be mogolo kela lelata ka taba la gore aa kgone go bolabola gabutši mmolabolo wo o berekisiwang ga phutego yage ya nyuwane. Bagolo ba nyoko berekisa Mangwalo mo ba bolabolela mogageru gore go be mogolo kela lelata, ba ka sa yi ka gore o kgona go bolabola mmolabolo wa hone phutegong kela e-e.—1 Thim. 3: 1-10, 12, 13; Tito 1:5-9.

17. Ba mutši di nyaka ba tiputsise diputsiso difeng mo ba nyoko rurela nageng ye nngwana?

¹⁷ Mitši ye mengwana yi rurele dinageng tse dingwana ka taba la gore seyemo ne se thathafa nageng ya bona kela ke mo ba nyaka mmereko. Di ka makega gore bana ba bona sekolong ba ba tšhutisa ka mmolabolo wa naga ya nyuwane yo ba leng ga yona. Babelegi le bona di ka nyaka gore ba tšhute mmolabolo wa gana hone gore ba thogo kraya mmereko. Byalo mo nkare go na le phutego ya mmolabolo wa bona gee? Ba nyoko kgeta go ya ga phutego yifeng? Nje ba nyoko kgeta phutego ya mmolabolo wo o bolabodiwang ka matla ga naga yone kela ya mmolabolo wa bona?

18. Lengwalo la Magalata 6:5 le re re ka šupetsa byang gore re tseyela gedimo sepheto so se segeleleng ke hlogo ya mutši?

¹⁸ Hlogo ya mutši ke yona yi kgetang gore ba nyoko ya ga phutego yifeng. Ka taba la gore ke yene a kgetang, di nyaka a naganele ba mutši wage ka moka. (Bala Magalata 6:5.)  Di nyaka re hlompe sepheto so hlogo ya mutši yi se segeleleng. Di nyaka re tseyele gedimo sepheto so a se segeleleng fote re yamogele ba mutši wage phutegong ya rune.—Mrm. 15:7.

19. Dihlogo tsa mitši go nyaka di rapele ka taba yifeng?

¹⁹ Ka dinako tse dingwana o ka kraya ba mutši ba le ga phutego ya gore yi bolabola mmolabolo wa mo ba tšwang gona mara bana ba sa nape ba kwisisa mmolabolo wone. Mo nkare phutego ya mmolabolo wa mo ba tšwang yi ga poleke ya gore go bolabodiwa mmolabolo wa naga ya nyuwane yo ba leng ga yona, bana ba ka šalela morago ga tso tsa Modimo. Ke ntaba? Ka taba la gore o kraya le gore sekolo so bana ba kenang ga sona ba tšhuta ka mmolabolo wa naga yonone ba leng ga yona. Mo go le sone, dihlogo tsa mitši go nyaka di rapele gore Jehova a di gelepe gore di thogo gelepa bana ba gore ba nghanelane naye le batho bage. Di nyaka ba gelepe bana ba bona ka go ba tšhutisa mmolabolo wa naga yo ba tšwang ga yona kela ba rurele ga phutego ya mmolabolo wa gore bana ba bona baa wo kwisisa. Phutego di nyaka yi tseyele gedimo le go hlompa sepheto se sengwana le se sengwana so hlogo ya mutši yi se segelelang.

20. Re ka šupetsa byang gore re hlompa magageru ya gore ma tšhuta mmolabolo wa nyuwane?

²⁰ Diphutegong tsa go tlala go na le magageru ya gore ma leketsa ka matla gore ma tšhute mmolabolo wa nyuwane. Di ka fo sa be lula gore ma hlatolle ka mokgo ma tikwang ka gona. Mara mo o ka lesetsa go lebelela taba ya gore ma šita ke mmolabolo wa mo ma leng gona, o ko thogo bona gore ga Jehova ma mo nyaka ka matla le gore ma nyaka go mmerekela. Mo re ka lebelela dilo tsa gabutši tso ma kgonang go di maka, re ko kgona go ma hlompa le go ma tseyela gedimo. Re ka sa re ‘a re ma hloke’ ka taba la gore a ma kgone go bolabola mmolabolo wa rune gabutši.

21-22. King selo se segolo so re se jabolelang?

²¹ Re leboga gore Jehova o neyye ye mongwana le ye mongwana wa rune mmereko wa go jabodisa ka phutegong yage. Jehova o tseyela ye mongwana le ye mongwana gedimo, aa yi ka gore re banna kela basadi, re šadhiye kela a ra šadha, re bana kela re tsofele le gore re kgona mmolabolo kela o sa re dhunghanya.—Mrm. 12:4, 5; Makol. 3:10, 11.

²² Nkare re ka ya mahlong re berekisa tso re di tšhutiyeng ga mošupetso wa Pawulo wa mmele wa motho. Tsotsone di nyoko re gelepa gore re tseyele gedimo le go hlompa ye mongwana le ye mongwana ka ho phutegong.