1. Jiisusip aalisar­tut sisamat qanoq kajumis­saar­pai, qanorlu qisuariar­pat?

PETRUSIP, Andreasip, Jaakup Johan­nesil­lu aalisar­neq inuus­sutis­sarsiutigaat. Takorlooruk qanoq tupaal­las­simatigisut Jiisusip ima kajumis­saarmatik: “Qaal­lusi malis­singa, taava inun­nik aalisar­tun­ngor­tis­savas­si.” * Qanoq qisuariar­pat? Biibilimi ima al­las­simavoq: ‘Er­niin­naq qas­sutitik ilagin­naan­narlugit malip­paat.’ (Matt 4:18-22) Taamatut aalajanger­nerat inuuneran­nik al­lan­nguil­luin­nar­poq. Aalisak­kanik pisaqar­tarun­naarlutik ‘inun­nik pisaqar­talis­sap­put’. (Luk 5:10) Nalitsin­ni inuit eq­qor­tuliorusut­tut sal­lusuis­sum­mil­lu nuan­narisaqar­tut Jiisusip taamatorluin­naq kajumis­saar­pai. (Matt 28:19, 20) Il­lim­mi, Jiisusip kajumis­saarutaa maleruar­piuk?

2. Inun­nik aalisar­tun­ngor­nis­samut aalajangiitin­nata sooq eq­qarsarluaq­qaar­tariaqar­pugut, aalajangiinis­samul­lu suna iluaqutigis­savar­put?

² Im­maqa Biibilimik atuaq­qis­saar­tar­nerit inuunin­nut sun­niuteqar­talereersimam­mat oqaluus­sisar­tun­ngus­sanerlutit aalajangiisariaqaler­putit. Jiisusip kajumis­saarutaanik maleruaanis­sat nangaas­sutigiguk­ku nikal­loqinak, im­maqami nangaavutit nalun­ngin­nak­ku aalajangigas­saq qanoq pingaaruteqar­tigisoq. Ilumoor­poq Petrusip ilaasalu qas­sutitik ‘er­niin­naq’ qimak­kaat. Taamaat­torli Petrusi qatan­ngutaalu eq­qarsaq­qaaratik  aalajangiin­ngil­lat. Qaam­matit arfinil­lit taman­na sioq­qul­lugu Jiisusip Mis­siarsiunera paasisimavaat up­peralugulu. (Joh 1:35-42) Taamatut­taaq il­lit Jehova Jiisusilu pil­lugit ilik­kagar­pas­suaqareersimas­sagunar­putit anersaak­kul­lu siumukar­tuarusul­lutit. Aalajangiitin­nal­li eq­qarsarluaq­qaar­tariaqar­putit. Petrusip, Andreasip al­lal­lu aalajangiiler­nermin­ni suna iluaqutigaat?

3. Pis­suserisas­sat suut iluaqutigalugit Jiisusip kajumis­saarutaanik maleruaarusus­suseqar­nerulis­saagut?

³ Jiisusip ajoqersugai siul­liit kajumis­suseqar­put, suliamin­nik ilisimasaqar­put, sapiis­suseqar­put im­minul­lu naalak­kersin­naal­lutik. Taamatut pis­suseqaramik inun­nik aalisar­tuul­luarsin­naap­put. Uagut­taaq inun­nik aalisar­tuul­luarumal­luta pis­suserisas­sat taak­ku ineriar­tor­tit­tariaqar­pavut. Qanorli taamaaliorsin­naavugut? Taman­na al­laaserisami matumani sam­mineqas­saaq.

4. Sooq Petrusi aalisar­toorusup­pa?

⁴ Petrusi ilaqut­taminik pilersuiumal­luni aalisar­tar­poq. Aalisar­tuunerli inuuniutis­satut isigiin­nar­nagu nuan­narisorujus­suuaa. (Joh 21:3, 9-15) Aam­ma inun­nik aalisar­tuunini nuan­narilersimavaa. Jehovalu ikior­tigalugu suliamut tamatumun­nga pik­koris­sun­ngorsimavoq. – ApS 2:14, 41.

5. Lukasi 5:8-11 naaper­torlugu sooq Petrusi an­nilaangava, uagul­lu misigis­sutsit as­singusut qaangerumal­lugit suna iluaqutigisin­naavar­put?

⁵ Pingaar­ner­tut Jehovamik asan­nin­ner­put kajumis­sis­sutigalugu oqaluus­sisar­pugut. Aam­ma Jehovamik asan­nin­ner­put iluaqutigalugu im­minut ajuk­kun­neq qaangersin­naavar­put. Jiisusip Petrusi inun­nik aalisar­tun­ngoq­qugamiuk ima oqarfigaa: “Erseqinak!” (Lukasi 5:8-11 atuakkit). Petrusip ajoqersugan­ngoruni qanoq pisoqarsin­naanera  an­nilaan­ngatigin­ngilaa. Jiisusimil­li suleqateqar­nis­saminut ajuk­kup­poq, tupigusoqaarmi Jiisusip tupin­nar­tulior­nik­kut aalisagar­pas­suar­nik pisaqar­tim­matik. Imaas­sin­naavoq aam­ma il­lit Kristusimut ajoqersuk­katut suliarisariaqak­kavit suliarinis­saan­nut ajuk­kut­tutit. Taamaap­pat Jehovamik, Jiisusimik inoqatin­nil­lu asan­nin­neruler­nis­sat sulis­sutigiuk. Taamaalioruit Jiisusip inun­nik aalisar­tun­ngor­nis­samik kajumis­saarutaa maleruarusun­nerulis­savat. – Matt 22:37, 39; Joh 14:15.

6. Suut al­lat kajumis­sis­sutigalugit oqaluus­sisar­pugut?

⁶ Oqaluus­sinis­samut kajumis­sis­sutigisavut al­lat eq­qarsaatigik­kit. Jiisusip peq­qus­sutaa una naalak­kusup­par­put: ‘Aal­larlusi ajoqersugan­ngor­titsigitsi.’ (Matt 28:19, 20) Aam­ma inuit ‘paarinerlugaal­lutil­lu naak­kinarmata’ Guutil­lu kun­ngeqarfia, tas­sa naalagaaf­fia, pil­lugu sal­lusuis­sum­mik ilin­niar­tin­neqar­nis­samik pisariar­titsim­mata oqaluus­sisar­pugut. (Matt 9:36) Jehovap kis­saatigaa inuit tamarmik an­naan­neqas­sasut sal­lusuis­sum­mil­lu eq­qorluar­tumik ilisiman­nilis­sasut. – 1 Tim 2:4.

7. Oqaluus­sinerup pingaaruteqar­nera Romamiut 10:13-15 qanoq ersersin­neqar­pa?

⁷ Oqaluus­sinit­ta inun­nut an­nas­sutaasin­naanera eq­qarsaatigigutsigu oqaluus­serusun­nerulis­saagut. Aalisar­toq tuniniagas­saminik nerisas­saminil­luun­niit pisaqar­tar­poq. Uagul­li inuit an­nan­nis­saat siuner­taralugu inun­nik “aalisar­tar­pugut”. – Romamiut 10:13-15 atuakkit; 1 Tim 4:16.

8-9. Aalisar­tup suut ilisimasariaqar­pai, aam­ma sooq?

⁸ Jiisusip nalaani aalisar­tup Israelik­kuusup aalisak­kat sorliit pisarisin­naanerlugit ilisimasariaqar­paa. (3 Mos 11:9-12) Aam­ma sumiin­nerat nalun­ngit­tariaqar­paa. Aalisak­kat nerisas­saqarluarfiusumi uumaan­narfigisin­naasamin­niit­tar­put. Aalisariar­nis­samul­li pif­fis­sap qanoq ilinera apeq­qutaava? Tamatumun­nga tun­ngatil­lugu qeqer­tami Maneras­suarmiit­tumi Nalunaajaasup ajoqersuiar­tor­titamik aalisariaqatiserin­nit­tup oqaasii maluginiak­kit. Ajoqersuiar­tor­titamit ima oqarfigineqar­poq: “Aqagu ul­laak­kut qulingiluanut naapik­kumaar­pugut!” Qatan­ngutit­tali ima akivaa: “Paasisimagunan­ngilat aalisak­kat pif­fis­saqaler­nis­sar­put utaq­qinavian­ngik­kaat.”

⁹ Tamatumun­nga as­singusumik Jiisusip ajoqersugai siul­liit inun­nik “aalisarumal­lutik” pif­fis­saq­qis­sumi inuit katersuuf­figisaan­nukar­tarsimap­put. As­sersuutigalugu naalaf­fim­mi synagoginilu, ‘il­lumiit il­lumut’ (NW) aam­ma niueriar­tor­tarfim­mi oqaluus­sisarsimap­put. (ApS 5:42; 17:17; 18:4) Uagut­taaq inuit oqaluus­sif­figisar­tak­kat­ta ileq­qui ilisimasariaqar­pavut. Sapin­ngisamik amerlaner­paat naapik­kumal­lugit sumi qaquguk­kul­lu oqaluus­sisar­nitsin­nik naleq­qus­saasin­naasariaqar­pugut. – 1 Kor 9:19-23.

10. Jehovap peqatigiis­sor­taanit sunik tunineqarsimavugut?

¹⁰ Aalisar­toq tul­luar­tunik ator­toqar­tariaqar­poq qanorlu ator­nis­saat ilisimal­lugu. Uagut­taaq oqaluus­sinitsin­ni tul­luar­tunik ator­toqar­tus­saavugut. Aam­ma qanoq ator­nis­saat ilisimasariaqar­par­put. Jiisusip ajoqersuk­kani oqaluus­siar­toq­qugamigit sunik nas­sataqar­nis­saan­nik, sumi oqaluus­sinis­saan­nik qanorlu oqar­nis­saan­nik ilitsersor­pai. (Matt 10:5-7; Luk 10:1-11) Nalitsin­ni ilin­niar­titsinermi ator­tak­katsin­nik sun­niuteqarluar­tunik Jehovap peqatigiis­sor­taanit tunineqarsimavugut. * Taak­ku qanoq ator­nis­saan­nik ilin­niar­tin­neqar­tarat­ta oqaluus­sil­laq­qin­nerulerlutalu  oqaluus­sinermi im­minut tatigineruler­tar­pugut. – 2 Tim 2:15.

11. Sooq inun­nik aalisar­tut sapiis­suseqar­tariaqar­pat?

¹¹ Sila tas­san­ngaan­naq al­lan­ngorsin­naam­mat anorersualersin­naal­lunilu aalisar­tut sapiis­suseqar­tariaqar­put. Aam­ma akulikitsumik un­nuak­kut taar­tumi aalisar­tar­put. Taamatut­taaq inun­nik aalisar­tut sapiis­suseqar­tariaqar­put. Oqaluus­sisalerluta Jehovap Nalunaajaasuisa ilaat­tut ilisarisimaneqaleraangat­ta anorersuar­tul­lusooq it­tumik ilaqut­tatsin­nit, ilisarisimasatsin­nit pulaak­katsin­nil­luun­niit akerlilersor­neqarlutalu il­laruaatigineqarsin­naavugut. Taman­nali tupaal­laatigin­ngilar­put, Jiisusim­mi ajoqersuk­kani ilisimatip­pai akerlilersuisut akor­nan­ni oqaluus­sisarumaar­tut. – Matt 10:16.

12. Josva 1:7-9 naaper­torlugit suut iluaqutigalugit sapiis­suseqar­nerulersin­naavugut?

¹² Qanoq sapiis­suseqar­nerulersin­naavit? Siul­ler­tut, qularin­ngil­luin­naruk Jiisusip suliar­put qilam­miit siulersor­tuaraa. (Joh 16:33; Saqq 14:14-16) Aap­paat­tut, Jehovap isumas­sorumaarlutit neriorsuutaa up­perineruleruk. (Matt 6:32-34) Up­per­neruleriar­tor­til­lutit sapiis­suseqar­neruleriar­tus­saatit. Petrusi ilaalu Jiisusimik malin­nilerumal­lutik inuuniutigisamin­nik qimatsigamik up­perluar­nermik ersersitsip­put. Taamatut­taaq il­lit ilisarisimasatit ilaqut­tatil­lu paasitik­kak­kit Biibilimik atuaq­qis­saar­talersimal­lutit Jehoval­lu Nalunaajaasui peqatigalugit  ataatsimiigiar­talersimal­lutit up­perluar­nermik ersersitsivutit! Qular­nan­ngitsumik Jehovap najoq­qutas­siai naaper­tuil­luar­tut inuunin­ni maleruarsin­naajumal­lugit pis­susilersor­nik­kut inooriaatsik­kul­lu al­lan­nguingaarsimavutit. Aam­ma taamaalior­nik­kut up­per­nermik sapiis­susermil­lu ersersitsivutit. Qularin­ngis­sin­naavat sapiis­suseqar­neruleriar­tor­nin­ni ‘Jehovap Guutivit najoraatit qanoq ilior­nin­ni tamani’. – Josva 1:7-9 atuakkit.

13. Eq­qarsaatigin­neq­qis­saar­neq qinunerlu qanoq sapiis­suseqar­nerulis­sutigisin­naavigit?

¹³ Sapiis­suseqar­neruler­niarlutit qanoq al­latut iliorsin­naavit? Sapiis­suseqar­nis­sat Jehovamut qin­nutigisaruk. (ApS 4:29, 31) Jehovap qin­nutitit akisas­savai, aam­ma qiman­ngisaan­nas­savaatit an­ner­toq­qusersor­tuarlutil­lu. Tamatuma saniatigut Jehovap al­lanik an­naas­sisarsimanera eq­qarsaatigeq­qis­saar­taruk. Eq­qarsaatigisarul­lu qanoq il­lit ajor­nar­torsior­nin­ni ikior­tarsimaneraatit inooriaatsin­nil­lu al­lan­nguiniar­nin­ni nukis­saqalersil­lutit. Im­mak­kut Aap­palaar­tuk­kut in­nut­taminik siulersuisimasup il­lit­taaq siulersorlutit Kristusimut ajoqersugan­ngor­nis­san­nut ikiorsin­naavaatit. (2 Mos 14:13) Tus­siaasior­tutut Jehova up­perfigil­luarsin­naavat ima oqarlutit: “Naalak­kap najormanga siooragisas­saqan­ngilanga, inuit qanoq iliorfigisin­naagamin­nga?” – Tuss 118:6.

14. Masaep Tomoyol­lo misigisaat qanoq ilin­niarfigaagit?

¹⁴ Jehovap inun­nik it­tuutuunik ikiuil­luni sapiis­suseqalersitsisar­nera paasiguk­ku sapiis­suseqar­nerulersin­naavutit. Masae, qatan­ngut ar­naq, qanoq misigisaqarsimasoq eq­qarsaatigiuk. It­tuutugami oqaluus­sinis­saminut sapivit­tutut misigivoq. Nalusaminik oqaloqateqar­nis­sani eq­qarsaatigiin­narluguluun­niit an­nilaajum­mer­tar­poq. Taamaat­tumik Guutimut inoqatiminul­lu asan­nin­neruler­nis­sani im­mik­kut sulis­sutigivaa. Oqaluus­sinerup nukingin­nas­susia eq­qarsaatigeq­qis­saaramiuk oqaluus­sinis­saminut kajumin­neruler­nis­sani qin­nutigaa. An­nilaangasar­nini qaanger­paa al­laal­lu pioneriusimal­luni. Aam­ma oqaluus­sisar­tun­ngorlaat Jehovap sapiis­suseqalersis­sin­naavai. Qatan­ngutip ar­nap Tomoyomik atil­lip misigisaa eq­qarsaatigiuk. Il­lumiit il­lumut oqaluus­seq­qaar­nermini pulaagaa siul­leq ima nil­liavoq: “Jehovap Nalunaajaasui? Eqiagaas­si peer­niaritsi!” Matulu matorlup­paa. Tomoyop nikal­lor­nani oqaluus­seqatini ima oqarfigaa: “Tusaaviuk? Oqan­ngit­tungaluun­niit paasivaa Jehovamik Nalunaajaasuusunga. Nuan­neq!” Maan­na Tomoyo pioneriuvoq.

15. Im­minut naalak­kersin­naaneq sooq kristumiunut pingaaruteqar­pa?

¹⁵ Aalisar­tut iluatsitsil­luas­sagunik im­minut naalak­kersin­naasariaqar­put. As­sersuutigalugu makiaar­tar­nis­saq qanorluun­niil­lu silarlutsigigaluar­pat piner­tusaarlutik suliamin­nik naam­mas­sin­nit­tar­nis­saq ilungersuutigisariaqar­paat. Uagut­taaq piner­tusaarumal­luta suliar­pul­lu naam­mas­siumal­lugu im­minut naalak­kersin­naasariaqar­pugut. – Matt 10:22.

16. Im­minut naalak­kersin­naaneq qanoq ilin­niarsin­naavar­put?

¹⁶ Im­minut naalak­kersin­naaneq inun­nguuserin­ngin­natsigu ajor­nan­ngin­nersioq­qajaasar­pugut. Iliuuserisas­sal­li pingaar­ner­paat ilaan­nik­kut ajor­naatsuin­naasan­ngil­lat, taamaat­tumik im­minut naalak­kersin­naaneq ineriar­tor­tit­tariaqar­par­put. Saper­nar­titatsin­nik iliuuseqar­tar­nis­saq ilin­niarutsigu Jehovap anersaani il­ler­nar­toq aq­qutigalugu ikius­savaatigut. – Gal 5:22, 23.

17. Im­minut naalak­kersin­naanerup ineriar­tor­tin­nis­saa pil­lugu apustili Paulusi Korinthimiunut al­lak­kamini siul­ler­ni 9:25-27 qanoq al­lap­pa?

 ¹⁷ Apustili Paulusi im­minut naalak­kersin­naas­suseqar­poq. Nas­suerutigaali ajun­ngitsumik iliorumal­luni timini ‘peq­qar­niisaarfigisariaqarlugu’. (1 Korinthimiut 9:25-27 atuakkit). Al­lat im­minut naalak­kersin­naaq­qul­lugit kajumis­saar­pai. Oqar­poq suut tamarmik “ip­pin­nan­ngitsumik torersumil­lu” ingerlas­sasut. (1 Kor 14:40) Uagut Jehovamik pal­lorfigin­nin­nitsin­ni oqaluus­siuarsin­naajumal­luta im­minut naalak­kersin­naasariaqar­pugut. – ApS 2:46.

18. Oqaluus­sinermi iluatsit­tutut Jehovamit isigineqas­sagut­ta susariaqar­pugut?

¹⁸ Aalisar­toq aatsaat pisaqarluaraangami iluatsit­tutut misigisar­poq. Uagul­li oqaluus­sinermi iluatsit­tutut misiginis­samut inuit qas­sit Jehovap peqatigiis­sor­taanut ilaalersil­lugit ikiorsimaneri apeq­qutaatit­tan­ngilar­put. (Luk 8:11-15) Oqaluus­sinermimi ilin­niar­titsinermilu piner­tusaarut­ta Jehovap iluatsit­tutut isigis­savaatigut. Sooq? Taamaalior­nitsigut Jehovamut er­neranul­lu naalat­tarat­ta. – Mark 13:10; ApS 5:28, 29.

19-20. Maan­na oqaluus­sinis­samut kajumis­suseqar­nitsin­nut ingam­mik suna pis­sutaava?

¹⁹ Nunat ilaan­ni qaam­matini aalajangersimasuin­nar­ni aalisar­toqaq­qusaasar­poq. Nunani taak­kunani aalisarsin­naatitaaneq qaangiutiliivik­kaangat aalisar­tut aalisar­niapal­lat­tar­put. Uagut­taaq inun­nik aalisar­tutut oqaluus­sinis­samut kajumis­suseqangaar­pugut nalun­ngin­natsigu naggatis­saq qanil­lisoq! An­nas­sutaasin­naasumik oqaluus­sisin­naaner­put qaangiutingajaliivip­poq. Taamaat­tumik nangaaqinak misigalutit oqaluus­seqataasalis­saguit aatsaat atuk­katit ajun­ngil­luin­nar­tariaqar­tut. – Oqal 11:4.

²⁰ Kajumis­suseqar­nerulerumal­lutit, Biibilimik ilisimasaqar­nerulerumal­lutit, sapiis­suseqar­nerulerumal­lutit im­minul­lu naalak­kersin­naanerulerumal­lutit maan­na iliuuseqarit. Inun­nik aalisar­tut 8 mil­lioninit amerlanerusut ilagalugit nuan­naar­neq Jehovamit pisoq misigiuk. (Neh 8:10) Suliap unitsin­neqar­nis­saata tungaanut sapin­ngisamik oqaluus­seqataasar­nis­sat aalajangiusimajuk. Oqaluus­sinitsin­nik aalajangiusiman­nin­neruler­nis­samut iliuuserisin­naasavut pingasut al­laaserisami tul­liut­tumi sam­mineqas­sap­put.