1. Wotau hät Jësus fair fische lüür nöögt, un häwe sai dat annåme?

 PEDRO, André, Tiago un João eer arbëd wäir fische. Denk man’s an woo sai sich fornåme häwe as Jësus eer soo nöögt hät: “Daut mij någåe, un ik dau måke dat jij lüür fische.” * Åwer häwe sai dat annåme? Dai Bijbel sägt: “Sai häwe glijk eene fischernets besijdlåte un sin em någåe.” (Mat 4:18 bet 22) Dat dai fische lüür dat annåme häwe, eer leewend is gans aners woore. Nuu däire sai lüür fische, un ni fisch. (Luc 5:10, nåt) Hüüt däit Jësus uk nööge dai wat dai wårhët lijbe daue taum dat måke. (Mat 28:19 un 20) Häst duu al annåme wat Jësus dij nöögt hät taum lüür fische?

2. Woweegen muite wij genau grüüwle airer as anfänge lüür fische, un wat däit oos helpe dës uutsuiken måke?

² Kan sin dat’s duu dai Bijbel studijre däist un al foirwärtsgåe büst un nuu must duu uutsuike wen’s duu anfänge wilst preege. Häst duu angst taum anfängen preege? Wen’s duu dat forneeme däist, dau dij ni traurig befijne. Dit wijst dat’s duu wätst, dat dës uutsuiken groote wërd hät. Jå, dai Bijbel sägt dat Pedro un sijn amigos häwe glijk dai fischernets besijrt låte taum Jësus någåe. Åwer dat is ni air dail wat sai mit ais uutsöcht häwe. Pedro un sij braurer, André, söss månat airer hare al Jësus annåme soo as dai Messias. (João 1:35 bet 42) Kan sin weegen dat wat’s duu al lërt häst oiwer Jehovaa un Jësus wilst duu uk wijrer foirwärtsgåe im gloobe. Åwer duu must sër dåroiwer grüüwle airer as anfänge preege. Wat hät Pedro, André un andrer hulpe uutsuiken dåroiwer måke?

3. Wat fon moors daue dij helpe anfänge lüür fische?

³ Dai airste wat Jësus någåe däire wüste woweegen sai preege müste, forstüüne gaud preege, hare koråsch un däire sich anstrenge taum dat måke lijkerst wen dat ni licht wäir. Mit sicherhët, weegen dës gaur moors, krëge sai gaud lüür fischt. Un dës gaur moors daue dij helpe gaud preege forståe. Hüüt daue wij lëre wosoo duu dës gaur moors häwe kast.

4. Woweegen däir Pedro fische?

⁴ Pedro däir fische taum sijn familg ernääre, åwer dat wäir ni bloos air arbëd taum em. Pedro däir sër gërn fische. (João 21:3, 9 bet 15) Un hai hät uk lërt sër gërn lüür fische. Mit Jehovaa sij hülp, Pedro däir sër gaud måken forståe dës arbëd. (Atos 2:14 un 41)

5. Soo as stäit in Lucas 5:8 bet 11, woweegen har Pedro angst? Wen wij uk angst forneeme, wat kan oos helpe?

⁵ Wij daue preege ine airste stel weegen Jehovaa lijbe. Lijkerst wen wij maine dat wij ni preegt krijge, oos lijb up Jehovaa kan oos helpe dat måke. As Jësus Pedro nöögt hät taum lüür fische hät hai em sägt: “Häw kain angst mër!” (Lees Lucas 5:8 bet 11.) Pedro har kain angst fon dat wat passijre küün wen hai Jësus någåe däir. Hai däir maine hai krëg ni måkt soo as Jësus dat måke krijge däir. Hai har air bewunrig dail saie un däir maine dat ni wërd wäir t’hoop mit Jësus arbëre. Kan sin dat’s duu, soo as Pedro, dij kopbreeke däist wen’s duu denke däist an ales wat bedüüre däit Kristus någåe. Wen’s duu denke däist dau dijn lijb up Jehovaa, up Jësus un dai lüür stärke. Dit däit dij helpe anfänge lüür fische soo as Jësus dij nöögt hät. (Mat 22:37, 39 un João 14:15)

6. Weegen wat fon andrer drai daile preege wij?

⁶ Wij daue preege weegen nog andrer daile. Wij wile horge wat oos Jësus forordnet hät in Mateus 28:19 un 20: “Daut gåe un måk jüngers.” Wij daue uk dai lüür beduure wat slecht behanelt un besijrt låte ware soo as schåp åne schåpuppasser, sai bruuke sër dai wårhët fon God sij Regirung lëre. (Mat 9:36) Un nog Jehovaa wil dat al sort lüür dai wårhët genau kene un dat al sort lüür rert ware schåle. (1 Tim 2:4)

7. Wosoo däit Romanos 10:13 bet 15 wijse dat oos preegarbëd feele wërd hät?

⁷ Wen wij grüüwle daue dat dai preegarbëd der lüür eer leewend rere kan, dat helpt oos mit taum måken wat Jësus oos nöögt hät. Air wat fische däit, däit mëstümer dat måke taum dai fisch forkööpe urer eete. Åwer wij, wat lüür fische daue, daue dat måke taum eer leewend rere. (Lees Romanos 10:13 bet 15, 1 Tim 4:16.)

8-9. Wat mut air wat fische däit waite un woweegen?

⁸ In Jësus sijn tijd, air israelit wat fische däir müst waite wat fon sort fisch hai fische küün. (Lev 11:9 bet 12) Hai müst uk waite woo hai dai fisch fijne küün. Dai fisch daue laiwe blijwe woo dat wåter rëgen is un woo feel eeten is. Blijwt sich glijk dai stuun woo dai mësch hengäit taum fischen? Sai ais wat passijrt is in ain insel in Pacífico meer. Air braurer hät anerd braurer nöögt fon anerd gëgend wat dår preege däir taum t’hoop mit em fische. Dai wat dår preege däir fon anerd gëgend hät sägt: “Kan sin, ik gåe morgen 9.” Dai braurer hät sägt: “Ik main duu däist dat ni forståe. Sin ni wij wat dai stuun uutsuike, sin dai fisch.”

⁹ Soo as dat in Jësus sijn tijd wäir, dai wat lüür fische däire, günge hen up dai stele woo dai lüür wäire un up dai stuun woo sai dai lüür fijne küüne. Dai wat Jësus någåe däire, däire preege in godeshuus, ine sinagogas, huus bij huus un up irgends air stel ine stad woo lüür wäire. (Atos 5:42, 17:17 un 18:4) Soo as sai, wij muite dai lüür sijn moors kene in oos gëgend. Wij muite preege up dai stuun un stel woo wij licht dai lüür fijne. (1 Cor 9:19 bet 23)

10. Wat fon hülps däit Jehovaa sij gemaind oos geewe taum inlëren?

¹⁰ Dai wat fische däit mut daile häwe taum fische un mut dat benutsen forståe. Wij muite uk daile häwe taum dai preegarbëd måke un muite waite wosoo jërer ainsig benutse. Jësus hät genau sijn jüngers inlërt wosoo lüür fische. Hai hät sägt wat mitneeme, woo preege un wat säge. (Mat 10:5 bet 7 un Luc 10:1 bet 11) Hüüt, Jehovaa sij gemaind giwt oos dai hülps taum inlëre, wat gaud sin un oos helpe daue taum preegen. * Dai helpt oos uk mit taum lëren wosoo jërer air fon dës benutse. Soo krijge wij beeter dai preegarbëd måkt. (2 Tim 2:15)

11. Woweegen bruuke dai wat lüür fische koråsch?

¹¹ Dai wat fische daue taum sich ernääre muite koråsch häwe. Wek måls daue sai slime daile in meer doirsete. Mëstümer sai daue åwends arbëre un mit ais kan dår air gewiter up kåme. Dai wat lüür fische däit, mut uk koråsch häwe. Wen wij anfänge daue ane preegen un säge dat wij Jehovaa’s Tüügen sin, oos familg kan gëgen oos blijwe, andrer koine oos uutspote un andrer wile ni oos beschaid horge. Åwer dit däit oos ni bewunre. Jësus har al sägt dai wat em någåe däire müste preege tau lüür wat ni fründlig wäire. (Mat 10:16)

12. Soo as stäit in Josué 1:7 bet 9, wat koine wij måke taum mër koråsch häwe?

¹² Wat kast duu måke taum mër koråsch häwe? Airst, häw sicherhët dat, fom himel, Jësus däit dai preegarbëd lenke. (João 16:33, Apo 14:14 bet 16) Den, dau dijn gloobe stärke an dat wat Jehovaa forspråke hät dat hai däit dij uppasse. (Mat 6:32 bet 34) Ji mër as dij gloobe stark is, ji mër koråsch häst duu. Pedro un dai wat mit em t’hoop wäire häwe groote gloobe weese as sai sijne arbëd hijnerlåte häwe taum Jësus någåe. Duu häst uk groote gloobe weese as duu sägt häst tau dijn fründe un andrer dat’s duu anfånge harst dai Bijbel lëre mit Jehovaa’s Tüügen un dai forsamlung mit ankijke. Gans sicher, duu häst ümstelen in dijn leewend måkt taum måken wat Jehovaa sägt richtig is. Dårtau häst müst gloobe un koråsch häwe. Dårweegen dau dij anstrenge taum mër koråsch häwe. Soo duu häst sicherhët dat “Jehovaa dij God wart mit dij sin up irgends ain stel woo’s duu hengäist”. (Lees Josué 1:7 bet 9.)

13. Wosoo beeren un grüüwlen kan dij helpe mër koråsch häwe?

¹³ Wat mër kast duu måke? Dau tau Jehovaa beere taum koråsch forlange. (Atos 4:29 un 31) Hai däit dijn gebeeds antwoore un däit dij nij ais forlåte. Hai is ümer bij dij taum dij bijståe. Dau uk angrüüwle an woo Jehovaa dai lüür früüer heer rert hät. Dau uk andenke an wosoo as hai dij al hulpe hät taum slim daile oiwerståe un hät dij dai kraft geewt wat’s duu bruuke däist taum ümstelen måken in dijn leewend. Wäs dij sicher dat dai wat dai Roore Meer upmåkt hät taum dai israeliten rere kan dij helpe taum Jësus någåe. (Êxo 14:13) Häw dai neemlig sicherhët as dai salmist, wat sägt hät: “Jehovaa is bij mij; ik dau kain angst häwe. Wat kan dai mësch gëgen mij måke?” (Sal 118:6)

14. Wat häst duu lërt oiwer Masae un Tomoyo?

¹⁴ Anerd dail wat oos uk koråsch geewe kan, is saien dat Jehovaa beschåmt lüür al hulpe hät koråsch häwe taum preegen. Sai ais wat is passijrt is mit dai swester Masae. Sai wäir beschåmt un däir maine sai krëg ais nij dai preegarbëd måkt un fortele mit dai frömde wäir nog slim. Dun sai hät sich nog anstrengt taum Jehovaa un dai lüür lijbe. Sai hät dacht an woo nöörg wäir an dës lätste dåg preege un hät tau Jehovaa beert dat hai eer helpe däir mër lust häwe taum preegen. Masae hät eer angst oiwerståe kreege un is sogår pionijr woore. Jehovaa helpt uk dai mit wat anfänge daue ane preegen ‘koråschlig sin’. Sai ais wat passijrt is mit dai swester Tomoyo. As sai anfånge hät ane preegen, dat airst huus wat sai fortelt hät, hät dai fruug soo schimpt: “Ik wil nischt waite fon Jehovaa’s Tüügen!” un sai hät glijk dai doir ranerslåe. Åwer dai swester Tomoyo hät kain angst hat un hät soo sägt tau dai anerd swester: “Häst saie? Ik häw bruukt går nischt säge. Sai hät al saie dat ik Tüügen fon Jehovaa bün. Ik bün sër fröölig!” Tomoyo is uk nuu ain pionijr.

15. Wen dai preegarbëd ni sër licht is tau oos, woo koine wij dai fische lüür nåmåke? Un woweegen muite wij dat måke?

¹⁵ Dat dat fischen richtig geewe schal, den mut dai sich anstrenge. Dit däit bedüüre man mut sich sër anstrenge taum air dail måke dat dat måkt schal ware, lijkerst wen dat ni licht is. Wee fische däit taum sich ernääre mut sich anstrenge taum tijg upståe, mut blijwe bet dat fischen al is un wijrer fische lijkerst wen air gewiter is. Wij uk muite oos anstrenge taum wijrer preege wen dat uk ni licht is un ni nålåte. (Mat 10:22)

16. Wat kan oos helpe daile måke wat ni licht sin?

¹⁶ Feel mål wile wij wat måke wat sër licht is, åwer wekmåls muite wij wat måke wat ni licht is. Åwer den muite wij lëre oos anstrenge. Un wen wij soo måke wile muite wij hülp häwe. Jehovaa giwt oos dai hülp doir sijn hailig gaist. (Gál 5:22 un 23)

17. Soo as stäit in 1 Coríntios 9:25 bet 27, wat däir Paulo måke wen hai müst wat måke wat ni licht wäir?

¹⁷ Apostel Paulo däir sich anstrenge. Åwer hai hät sägt hai müst sijn körper ‘stråwe’ taum måken wat richtig wäir. (Lees 1 Coríntios 9:25 bet 27.) Hai hät dai coríntios taureert taum sich anstrenge taum dai daile måke lijkerst wen ni licht wäire un dat sai ales “fornünftig un in ordnung” måke schule. (1 Cor 14:40) Wij muite oos anstrenge taum ümer daile måke dat wij stark in gloobe sin un dat hät uk besägen mit ümer dai arbëd måke taum lüür fische. (Atos 2:46)

18. Wat däit måke dat Jehovaa oos preegarbëd feele wërd giwt?

¹⁸ Air wat fische däit taum sich ernääre mut feel fisch krijge. Åwer upm preegarbëd, dat wat mëre wërd hät is ni woo feel lüür as wij helpe daue God sijn dijners sin. (Luc 8:11 bet 15) Wat hät mëre wërd tau Jehovaa is wen wij bijblijwe daue preege un dai lüür helpe Jësus någåe. Woweegen? Weegen wij daue Jehovaa un em sij Kind horge. (Mar 13:10, Atos 5:28 un 29)

19-20. Woweegen uphaupt nuu muite wij mithelpe upm preegarbëd?

¹⁹ In wek gëgende kan man fische bloos wek månate upe jår. In dës stele, air mësch wat fische däit, däit sich nog düler anstrenge wen hai süüt dat dai tijd taum fischen alwart. Nuu is dai tijd dat wij oos düler anstrenge muite taum lüür fische, weegen dai ën fon dës wild däit rasch kåme! Wij häwe wënig tijd taum dai lüür eer leewend rere. Dårweegen dau ni lang luure up dai best tijd taum anfänge preege. (Ecl 11:4)

²⁰ Nuu is tijd taum sich ni forgeete woweegen man preege däit, mër kene oiwer dai Bijbel un sich anstrenge taum måke dat wat ni licht is. Wäs air fon dai mër as 8 miljone wat lüür fische un krijg dai lustigkët wat fon Jehovaa kümt. (Nee 8:10) Dau ni nålåte dijn best upm preegarbëd måke un bijblijwe preege bet dat ën. Åwer un dai wat al lüür fische daue? Wat kan eer helpe bijblijwe dës arbëd måke? Anerd week daue wij drai daile lëre wat oos dårmit helpe daue.