1. Jeso o yitseri king mo a bitsa banna ka bane ba go loba dihlapi fote ba makiye ying mo a ba bitsa?

TSA go loba dihlapi ke mo go ro ba bhizinisi ga mapostola yawa—Petro, Andreya, Jakobo le Johane. Nagana ke mo ba makele go segela kaye mo ba kwa Jeso a re: “Nlateleleneng, ke nyoko maka gore le lobe batho.” * Ba yye ba maka byang? Baebele yi re: “Ba napa ba lahla matabane ya bona ke mokane ba mo latelela.” (Mat. 4:18-22) Sepheto so ba se segeleleng se yye sa ro napa se tšhentšha maphelo ya bona. Ne ba ka sa sa loba dihlapi, ne ba nyoko “loba batho ba phela.” (Luk. 5:10) Le lekgono, Jeso o sa na a bitsa batho ba dipelo tsa go bafala ba gore ba kwana le nnete. (Mat. 28:19, 20) Ayitsano wene o dumele mo Jeso a go bitsa a re o tle o thomise go loba batho?

2. Ke ntaba re tshwanele re tseyele gedimo taba yowa ya go loba batho fote king so se nyoko re gelepang gore re segelele sepheto sowa?

² Nakwenngwana ke botalanyana o kene o tšhuta Baebele fote o šele o nyaka go ba motšhomayedi wa ditaba tsa go bafala. O sa lahle tewu mo nkare o sa kamaka go segelela sepheto sone. Sepheto so o nyakang go se segelela ke se segolo, ke sona se makang gore o kamake. Ke nnete gore Baebele yi re Petro le banghana bage ba yye ba šiya matabane ya bona ka “nako yonone.” Mara Petro le bhuti wage a baa yakgoswela go segelela sepheto. Ba yye  ba thomisa ka go fetsa dikgwedi tsa go teya ka ku ga kobodi (6) ba kene ba nyaka go tšiba le go yamogela gore Jeso ke Mesiya. (Joh. 1:35-42) Le wene o ka fo ba o šele o tšhutiye tsa go tlala ka Jehova le Jeso fote o ka fo ba o kene o nyaka go ya mahlong o gola ga tso tsa Modimo. Mara taba yowa di nyaka o yi nagane gabutši mo o soko segelela sepheto sa gore o be motšhomayedi. Petro, Andreya le ba bangwana ba gelepiye king gore ba segelele sepheto sa bona?

3. O nyoko gelepa king gore o nabele go maka so Jeso a se kgopelang ho gago?

³ Ba mathomothomo bo ne go le malata ya Jeso ke mo go le batho ba go karakara, ba tšiba dilo, ba gore ba na le lešiši fote ba kgona go tigapeletsa go maka dilo tse dingwana. Di šupa nkare tsotsone di makiye gore ba be digele tsa go loba batho. Hlogotaba yowa yi nyoko go šupetsa gore o ka maka byang gore tshwane nabo gore o thogo ba segele mo o kene o latelela Kreste.

4. Ke ntaba Petro a yye a thoma mmereko wa go loba dihlapi?

⁴ Petro ne a loba dihlapi gore a thogo pasopa ba mutši wage, mara ke mo a sa fo makela moyano. Di šupa nkare Petro ke mo a kwana natso tsa go loba dihlapi. (Joh. 21:3, 9-15) Le mmereko wa go loba batho o yye a tšhuta go kwana nawo. Jehova o yye a mo gelepa ga Petro gore a be segele ga mmereko wowa.—Meber. 2:14, 41.

5. Luka 5:8-11 yi re ke ntaba Petro a yye a tšhoga fote rune re ka gelepa king mo re tikwa go tshwana naye?

⁵ Selo se segolo so se makang gore re tšhomayele ke gore ga Jehova re mo nyaka ka matla. Taba ya gore ga Jehova re mo nyaka ka matla yi re tšhofa gore re botse batho ka yene le mo re kwa nkare rune di ya re šita. Nakwela Jeso a bitsa Petro gore a tle a lobe batho, o yitseri: “O sa tšhoge.” (Bala Luka 5:8-11.) Petro ne a sa tshose ke gore go nyoko makega ying mo a ka ba  lelata. Mara ne a tshusiye ke mohlolo wo Jeso a wo makiyeng mo a maka gore ba tshware dihlapi tsa go tlala, sosone se makiye gore Petro a kwe nkare yene di nyoko mo šita tsa go bereka le Jeso. Le wene o ka fo kwa o tšhoga go tshwana le Petro, o tshosa ke gore o nyoko ba lelata la Kreste. Mo nkare go ka mokgonone, maka gore ga Jehova, Jeso le moyagelani wago o ba nyake ka matla, sosone se nyoko maka gore o dumele mo Jeso a go bitsa gore o tle o lobe batho.—Mat. 22:37, 39; Joh. 14:15.

6. King tse dingwana tso di makang gore re tšhomayele?

⁶ Tla re bolaboleneng ka tse dingwana tso di makang gore re tšhomayele. Re nyaka go theetsela Jeso mo a re: “Ariyeneng . . . le ye maka batho malata.” (Mat. 28:19, 20) Fote re tšhomayela ka taba la gore batho ba “šigamme fote ba fo tseyatseyega” ka thoko ba kene ba wonngwe go tšhuta nnete ka Mmušo wa Modimo. (Mat. 9:36) Jehova o nyaka gore mehlobo ka mokana ga yona ya batho yi tšibe mong yona nnete le gore yi phone.—1 Thim. 2:4.

7. Maroma 10:13-15 yi šupetsa ka mokgo mang gore mmereko wa go tšhomayela di nyaka re wo tseyele gedimo?

⁷ Go tšiba gore mmereko wowa wa go tšhomayela wo phonisa maphelo ya batho go nyoko re tšhofa gore re nabele go wo maka. A wo tshwane le mmereko wo wo makang ke motho wa go rekisa kela wa go ja dihlapi tso a di lobiyeng, rune re “loba” batho gore re thogo ba phonisa.—Bala Maroma 10:13-15; 1 Thim. 4:16.

8-9. King so motho wa go loba dihlapi a tshwaneleng go se tšiba fote ke ntaba?

⁸ Ka dinako tsa Jeso, Leisrayele la gore le loba dihlapi ke mo di nyaka le tšibe gore ke dihlapi tsa mošaga mang tso le ka di lobang. (Lef. 11:9-12) Fote ke mo di nyaka le tšibe gore dihlapi tsone di krayega kaye. Ga go tlala dihlapi di krayega ga dipoleke tsa gore di kwana le meetši ya gona fote go na le tsa go ja tsa go tlala. Ayitsano di ya hlupa gore motho ye a lobang dihlapi o di loba ka nako mang? Hlatse ya ku polekeng ya go dukuluga ke meetši ya Pacific yi yye ya bolabola se sengwana sa go yelana le nako ya gabutši ya go loba dihlapi ka taba la gore ke mo yi bitsa morumiwa ye mongwana yi re ba koriye gwe loba dihlapi. Mogageru wa morumiwa o yitseri, “Re ko ya ka motshwana ka 9 ya ka bošego.” Mogageru o yye a fetola ka gore, “A wo kwisisi. Re ya ka nako yo dihlapi di lobegang ka yona, yi seng ka nako yo yi tshwaneleng rune.”

⁹ Le bo ne ba loba batho ka dinako tsa mapostola ke mo ba ya dipolekeng tso ne ba kraya batho ba go tshwana le dihlap ka nako yo yi tshwaneleng dihlapi tsone. Mo re beyisa, bo ne ba latela Jeso ke mo ba tšhomayela tempeleng, disinagogeng, mutši ka mutši le mmakete. (Meber. 5:42; 17:17; 18:4) Di nyaka le rune re tšibe maphelelo ya batho ba tšhomong ya rune. Di nyaka re phendhuge le seyemo gore re thogo tšhomayela mo batho ba krayegang gona le ka nako ya gore re ka ba kraya ka yona—1 Makor. 9:19-23.

10. Mokgahlo wa Jehova wo re neyye dithulusi difeng?

¹⁰ Motho wa go loba dihlapi di nyaka a be le dithulusi tsa gabutši gore a thogo maka mmereko wage a boye a kgone le go di berekisa. Le rune di nyaka re be le dithulusi mo re tšhomayela. Fote di nyaka re kgone go di berekisa. Jeso o tšhutisiye malata yage gore mmereko wa go loba batho ba wo make byang. O ma butsiye gore ma rwale ying, ma tšhomayele kaye le tso ma tshwaneleng go di hlaya. (Mat. 10:5-7; Luk. 10:1-11) Lekgono, mokgahlo wa Jehova wo makiye Lebhokisi la go Tšhutisa la gore le na le dithulusi tsa gore di ya bereka. * Fote re tšhutisiwa go berekisa dithulusi tsone. Mo re šele re tšhutegiye, a re sa kwa re titšhoga fote re ba digele mo re kene re maka mmereko wa rune.—2 Thim. 2:15.

11. Ke ntaba di nyaka bo ba lobang dihlapi ba šišimala?

¹¹ Bo ba go ba le dibhizinisi tsa go loba dihlapi di nyaka ba šišimale. Ka dinako tse dingwana ba gahlana le dintshitshiri ku lewatleng. Ga go tlala ba bereka bošego le ga gore go ka fo tsoga sedingwane nako ye nngwana le ye nngwana. Ba go loba batho le bona di nyaka ba šišimale. Mo re tšhomayela ke mokane batho ba thomisa go tšiba gore ke rune Dihlatse tsa Jehova, re ka gahlana le “didingwane” tsa go tshwana le go phigisa ke ba mitši kela mašaga ya rune, banghana ba rune ba ka re poyilanya kela ra kgongwetsa ke mo batho ba sa nyake go theetsela molayetsa wa rune. Mara tsotsone a di re makatse. Jeso o yye a pasopisa malata yage gore o nyoko ma roma ga batho ba gore ba womme dihlogo.—Mat. 10:16.

12. Jošuwa 1:7-9 yi re king so se ka re gelepang gore re šišimale?

¹² King so se ka go gelepang gore o šišimale? Sa mathomo, di nyaka o di tshepa gore Jeso yetiye mahlong mmereko wa go tšhomayela a le ku legedimong. (Joh. 16:33; Kut. 14:14-16) Ke mokane o di tshepe o sa thogathoge tsa gore Jehova o yitseri o nyoko go pasopa. (Mat. 6:32-34) Mo tumelo yago yi kene yi tiya, o ko di kweng le wene gore wa šišimala. Nakwela Petro le banghana bage ba šiya bhizinisi ya bona ya go loba dihlapi gore ba thogo latelela Jeso, ba šupetsiye gore ba na le tumelo ye kgolo. Le wene o šupetsiye gore o na le tumelo ye kgolo mo o botsa banghana le mašaga yago gore o tšhuta Baebele le Dihlatse tsa Jehova le gore o šele o ya megahlanong! Re ya tšiba gore o tšhentšhiye maphelelo  yago gore o thogo phela ka melawo ya Jehova ya go loka. Tsotsone le tsona di nyaka tumelo le lešiši. Mo o kene o ya mahlong o šišimele, o sa lebale gore “Jehova o nago gongwana le go gongwana mo o yang gona.”—Bala Jošuwa 1:7-9.

13. Go ghayela ka tso o di tšhutiyeng le go rapela go nyoko go gelepa byang gore o šišimale?

¹³ King se sengwana so o ka se makang gore o thogo šišimala? Rapela gore o be le lešiši fote o sa hlagasele. (Meber. 4:29, 31) Jehova o nyoko fetola merapelo yago fote a ka sa tsoge a go lahliye. O nyoko fo dula a go thega. Fote o ka ghayela ka dilo tso Jehova a di makiyeng mo a phonisa ba bangwana ku botala. O ka nagana le ka mokgo Jehova a yyeng a go gelepa ka gona mo o gahlana le tsa go ghula le ka mokgo a yyeng a go neya matšhika mo o kene o tšhentšha maphelelo yago. Nnete Ye a yetetsiyeng batho bage Lewatleng le Lekhubedu, le wene a ka go gelepa gore o be lelata la Kreste. (Ek. 14:13) Tseyela ga mopisalema yela a hlayyeng gore: “Jehova o ka ho nthoko gaka; Nka sa tšhoge selo. Motho a ka mmaka ying mara?”—Pis. 118:6.

14. O tšhuta ying ga tso di yyeng dya tlela Masae le Tomoyo?

¹⁴ Mokgwa wo mongwana wo wo ka re gelepang gore re šišimale ke go tšhuta ka mokgo Jehova a gelepiyeng batho ba gore ba na le dihlong ka hlago gore ba thogo šišimala. Tla re bolaboleneng ka tso mogageru wa mosadi ye ba reng ke Masae a gahlanneng natso. Ne a nagana gore a ka sa di kgone tsa go tšhomayela ka taba la gore ne a na le dihlong. Ne di mo thathafela go bolabola le batho ba gore aa ba tšibi, gage ne go fo tshwana le mo motho a leketsa go kalama lepharo la go lefa, a re a ka sa tsoge a di kgonne. Byalo, o yye a maka se sengwana go šupetsa gore ga Modimo le bayagelani o ba nyaka ka matla. O gelepiye ke go nagana ka taba ya gore mmereko wowa wo tshwanele go makiwa ka go yakgoswa ke mokane a rapela gore Jehova a mo gelepe a nabele go tšhomayela. O yye a hlula tso ne a di tšhaba a boya a bereka go le lephayona la nako ka moka. Jehova a ka gelepa batšhomayedi ba gore a yi botala ba thomme go tšhomayela gore ba “šišimale.” Go na le mogageru wa mosadi ye ba reng ke Tomoyo. Tšatši lo a thommeng go tšhomayela mutši ka mutši, ga ntlo ya mathomo o yye a gahlana le mosadi wa gore o yye a mo kgwasolanya a re: “Dihlatse tsa Jehova a ke kwane natso!” ke mokane a boša sekwalo. Tomoyo o yye a šišimala a botsa ye a sepelang naye gore: “O mo kwile mara? A ka hlaya selo mara o di bonne gore ke nna Hlatse ya Jehova. Ke jabodiye ka matla wa tšiba!” Gana byalo Tomoyo ke lephayona la nako ka moka.

15. Ba ra byang mo ba re o tigapeletsa go maka dilo tse dingwana fote ke ntaba di nyaka gore Makreste ma yi make taba yone?

¹⁵ Gore motho a thogo ba segele sa go loba dihlapi, di nyaka go be le dilo tso a tigapeletsang go di maka. Go tigapeletsa go maka dilo go hlatolliwa go le “go kgona go titšhofa gore o thogo maka dilo tsa gore di tshwanele di makege.” Batho ba go loba dihlapi gore ba thogo di rekisa di nyaka ba tigapeletse gore ba tsoge go sa le ka phu, ba make mmereko ba šinye ba wo fetse fote ba fo ya mahlong ba bereka le mo go ka fo ba go fisa kela go bata byang. Le rune beng di nyaka re ro titšhofa gore re thogo tiyisela le go fetsa mmereko wa rune.—Mat. 10:22.

16. Re ka maka byang gore re titšhofe go maka dilo tse dingwana?

¹⁶ A re belegiwi re kgona go tigapeletsa go maka dilo. Ka hlago re nabela gore dilo di dule di le lula. Mara go gongwana go ka nyaka re ro ntsha tšhinghi gore dilo tse dingwana di makege. Byalo di nyaka re tigapeletse gore re thogo di maka le mo di baba. Jehova o re gelepa ka moya wage wa go hlawolega gore re thogo di maka.—Magal. 5:22, 23.

17. Makorente wa Mathomo 9:25-27 yi re Pawulo wa lepostola o makiye ying gore a thogo tigapeletsa go maka dilo?

 ¹⁷ Pawulo wa lepostola ne a kgona go tigapeletsa go maka dilo. Mara o yye a hlaya gore ne di nyaka gore a “tule” mmele wage gore a thogo maka dilo tsa gabutši. (Bala 1 Makorente 9:25-27.) O yye a botsa ba bangwana gore ba titshware le gore ba make dilo “gabutši le ka letheto.” (1 Makor. 14:40) Di nyaka re karakare gore re thogo tigapeletsa go berekela Jehova, gana hone go kena le taba ya go dula re maka mmereko wa go loba batho.—Meber. 2:46.

18. Re nyoko maka king gore Jehova a di bone gore re ya phomelela ga mmereko wowa?

¹⁸ Go šupetsa gore motho o phomelele ga mmereko wa go loba dihlapi, re bona mo a lobiye dihlapi tsa go tlala. Mara rune re ka sa nape re re re phomelele ga mmereko wa go tšhomayela ka taba la mo re gelepiye batho ba go tlala gore go be Dihlatse tsa Jehova. (Luk. 8:11-15) Solanka re ya mahlong re tšhomayela ditaba tsa go bafala le go tšhutisa ba bangwana, Jehova o re re phomelele. Ke ntaba? Ka taba la gore re theetsela yene le Morwayi wage.—Mar. 13:10; Meber. 5:28, 29.

19-20. Re maka king ka matlamatla gore re tšhomayele gana byalo?

¹⁹ Ga dinaga tse dingwana, baa rakela gore go lobiwe dihlapi ka dikgwedi tse dingwana. Ga dipoleke tsone, mo nako ya go loba dihlapi yi le thina le go fela, ye a lobang dihlapi o nyaka go loba dihlapi tsa go tlala ka mokgo a ka kgonang ka gona. Rune re loba batho, byalo go na le so se re tšhofang ka matla gana byalo: Taba ya gore lefase lowa le bakiye mafelelong ka go yakgoswa! Ke ye nyana ka matla nako yo yi šeleng ya gore re botse batho ka ditaba tso tsa gore di nyoko ba phonisa. O sa jikajiki o fo re o yemele nako ya gabutši gore o thogo ba tšhomayelela ditaba tsowa.—Mmo. 11:4.

²⁰ Thomisa gana byalo go tiputsisa gore ke ntaba o tshwanele go tšhomayela, o tšhute tsa go tlala ka Baebele, o šišimale fote o tigapeletse go maka dilo. Bereka ggoši le batho ba go teya ka ku ga mabala (8) ya dimiliyoni ba gore ba loba dihlapi ke mokane Jehova o nyoko maka gore o jabole. (Neh. 8:10) Tikemisele go maka mmereko wowa ka mokgo o ka kgonang ka gona go segela mafelelong. Ga hlogotaba ya go latela re nyoko bolabola ka dilo ka ditharo tsa gore di nyoko maka gore re ye mahlong re kene re maka mmereko wa go loba dihlapi ka go tšhomayela ditaba tsa go bafala ka Mmušo wa Modimo.