1. Qatan­ngutit ar­nat ilagiin­ni qanoq tapersersuisar­pat, ilar­pas­suili sunik ajor­nar­torsiuteqar­pat? (Saq­qaani as­sit takuk­kit).

QATAN­NGUTER­PAS­SUIT ar­nat ilagiin­ni iliuuseqangaar­tar­tut qujamasuutigingaar­pavut! As­sersuutigalugu oqaluus­sisarlutil­lu ataatsimiin­ner­ni peqataasar­put. Ilaasa naalagaaf­filersaarfin­nik aserfal­latsaaliuinermi ikiuut­tar­put up­peqatimin­nil­lu soqutigin­nin­nermik ersersitsisarlutik. Soorunami aam­ma ajor­nar­torsior­tar­put. Ilaasa angajoq­qaatik utoq­qalisut isumas­sor­tar­paat. Al­lat ilaqut­tamin­nit akerlilersor­neqar­put. Al­lal­lu anaanaap­put kisimiit­tut ilungersorlutik qitor­namin­nik pilersuisut.

2. Sooq qatan­ngutivut ar­nat tapersersus­savavut?

² Sooq qatan­ngutivut ar­nat tapersersus­savavut? Ar­nat silarsuarmi ataq­qineqar­tariaqar­nermis­sut ataq­qineqar­tuaan­nan­ngim­mata. Aam­ma Biibilimi kajumis­saar­neqar­pugut taak­ku tapersersus­sagivut. As­sersuutigalugu apustilip Paulusip ilagiit Romamiit­tut peq­quai Føbe tikil­luaq­qus­sagaat “pisariaqagaanil­lu tamanik ikiorlugu”. (Rom 16:1, 2) Paulusip farisiiariugal­larami farisiiareqatimisut ar­nat nikanar­nerusutut pisarsimas­sagunaraluarlugit kristumiun­ngorami Jiisusi ilaarlugu ar­nat ataq­qin­nit­tumik inus­siar­nersumil­lu pisar­pai. – 1 Kor 11:1.

3. Jiisusip ar­nat qanoq pisar­pai, ar­nal­lu Guutip piumasaatut ilior­tut qanoq isigin­nit­taaseqarfigai?

³ Jiisusip ar­nat tamaasa ataq­qin­nit­tumik pisar­pai. (Joh 4:27) Nalimini juutit up­perisarsior­nik­kut siut­tuisa ar­nanut isigin­nit­taaseqar­nerat­tut isigin­nit­taaseqan­ngilaq. Biibili pil­lugu ujarlerfis­siami ima al­las­simavoq: “Jiisusi ar­nat pil­lugit ataq­qin­nin­ngitsumik oqaaseqan­ngisaan­nar­poq.” Jiisusip ar­nat Ataatami piumasaatut ilior­tut im­mik­kut ataq­qingaar­pai. Maluginiar­nar­poq anersaak­kut ilaqut­tani eq­qar­toramigit angutit kisiisa eq­qaanagit aam­ma ar­nat eq­qaam­magit. – Matt 12:50.

4. Al­laaserisami matumani suut sam­mis­savavut?

 ⁴ Jiisusip anersaak­kut qatan­ngutini ar­nat ikioriaan­naajuaan­nar­pai, pingaar­tip­pai il­lersor­tarlugil­lu. Qatan­ngutinik ar­nanik soqutigin­nin­nermut tun­ngatil­lugu Jiisusi qanoq ilaarsin­naanerlutigu sam­meriar­tigu.

5. Sooq qatan­ngutit ar­nat ilaat ineriar­tor­nar­tumik peqatigiin­ner­nut ilaan­ngitsoor­tar­pat?

⁵ Tamat­ta, angutaasugut ar­naasugul­lu, ineriar­tor­nar­tumik peqateqar­tar­nis­sar­put pisariaqar­tip­par­put. Ilaan­nik­kul­li qatan­ngutit ar­nat tamatumun­nga tun­ngatil­lugu pisariaqar­titar­tik matus­susin­ngitsoor­tar­paat. Sooq? Oqaaseqaatit tul­liut­tut malugik­kit. Qatan­ngut ar­naq Jordanimik * atilik ima oqar­poq: “Aap­paqan­ngin­nama ilaan­nik­kut ilagiin­nut ilaanangalu naleq­qutin­ngitsutut misigisar­punga.” Qatan­ngut ar­naq Kristenimik atilik pioneriusoq kif­far­tor­nerusin­naajumal­luni ilagiin­nut al­lanut nuut­toq ima oqar­poq: “Ilagiin­nut al­lanut nooq­qam­merluni kiserlior­nar­poq.” Soorunami aam­ma qatan­ngutit angutit taama misigisin­naap­put. Inoqutigiin­ni up­perisaqaqatigiin­ngitsuniit­tut uinik­kut ilaqut­tatik qanitarinagit misigisin­naap­put anersaak­kul­lu ilaqut­tamin­nut ilaan­ngitsutut misigisin­naal­lutik. Angerlarsimaf­fim­min­nit aneriaan­naan­ngitsut ilaqut­tamin­nil­lu nap­parsimasumik isumagin­nit­tariaqar­tut aam­ma kiserliorsin­naap­put. As­sersuutigalugu An­net­te ima oqar­poq: “Arlaan­nut qaaq­qusaagaangama qujaan­nar­tariaqar­tar­punga paarlatseqan­ngik­kuma anaanaga qimas­sin­naan­ngin­nak­ku.”

6. Lukasi 10:38-42 al­las­simasutut Jiisusip Mar­tha Marialu qanoq ikior­pai?

⁶ Jiisusi anersaak­kut qatan­ngutini ar­nat peqatigisarlugil­lu taak­kunun­nga ikin­ngutaal­luar­tuuvoq. Mariamut Mar­thamul­lu, marluul­lutik aap­paqan­ngitsuugunar­tunut, ikin­ngutaanera sam­meriar­tigu. (Lukasi 10:38-42 atuakkit). Oqaatsimigut iliuutsimigul­lu toq­qis­sisimatit­tar­pai. Mariap ajoqersuk­katut Jiisusip isigaasa kil­linganut ingin­nis­sani it­toorin­ngilaa. * Mar­thalu Mariap ikiun­ngim­mani eq­qarsaatimi Jiisusimut aniatin­nis­saan­nut tunuarsimaan­ngilaq. Katerisimaar­nermin­ni tamatumani Jiisusip ar­nat taak­ku marluk anersaak­kut ikior­pai. Jiisusil­lu ar­nanut taak­kunun­nga qatan­ngutaan­nul­lu Lazarusimut arlaleriarluni pulaar­tar­nermigut soqutigin­nin­nini ersersit­tar­paa. (Joh 12:1-3) Taamaat­tumik tupin­nan­ngilaq Lazarusi perulun­nar­tumik nap­parsimalermat Maria Mar­thalu Jiisusimut ikioq­qum­mata. – Joh 11:3, 5.

7. Ilaatigut qatan­ngutit ar­nat qanoq qiim­mas­sarsin­naavavut?

⁷ Qatan­ngutit ar­nat ilaat ataatsimiin­nerit saniatigut up­peqatimin­nik peqateqar­nis­samut periarfis­sakip­put. Taamaat­tumik ataatsimiin­ner­ni taak­ku ilas­sisas­savavut, oqaloqatigisas­savavut asaneqar­tutul­lu misigitit­tas­sal­lugit. Jordan, siusin­nerusuk­kut eq­qaaneqar­toq, ima oqar­poq: “Ataatsimiin­ner­ni akis­sutik­ka pil­lugit nersualaar­neqaraangama, oqaluus­seqatiserineqaraangama al­latul­luun­niit soqutigin­nin­nermik ersersitsivigineqaraangama qiim­maal­lat­taqaanga.” Qatan­ngutivut ar­nat paasitit­tariaqar­pavut uagutsin­nut pingaaruteqangaar­tut. Qatan­ngut ar­naq Kiamik atilik ima oqar­poq: “Ataatsimiigian­ngitsooraangama isumaalugineqarlunga arlaatigut at­tavigineqar­tar­punga. Tamatuman­nga paasisar­para up­peqatima soqutigigaan­nga.”

8. Jiisusi aam­ma al­latut qanoq ilaarsin­naavar­put?

 ⁸ Jiisusi ilaarlugu qatan­ngutit ar­nat pif­fis­saqarfigisarsin­naavavut. Im­maqa neriar­toq­qusin­naavavut aliik­kusersoqatigiin­nis­samul­luun­niit iseriar­toq­qulaarlugit. Pulaar­toqaraangat­ta oqaloqatigiin­ner­put ineriar­tor­nar­tuutik­kusut­tar­par­put. (Rom 1:11, 12) Utoq­qaaner­tat Jiisusip isigin­nit­taasiatut isigin­nit­taaseqar­tariaqar­put. Jiisusip nalun­ngilaa kisimiit­tut ilaasa aap­paqan­ngin­ner­tik pis­sutigalugu ar­torsarsin­naasut, erseq­qis­sar­paali aap­par­taar­neq meerar­taar­nerluun­niit pil­lualivis­sutaaneq ajor­tut. (Luk 11:27, 28) Jehovamum­mi kif­far­tor­neq pil­lualivis­sutigisar­par­put. – Matt 19:12.

9. Utoq­qaaner­tat qanoq qatan­ngutit ar­nat ikiorsin­naavaat?

⁹ Ingam­mik utoq­qaaner­tat up­peqatitik ar­nat anersaak­kut qatan­ngutimit­tut anaanamit­tul­lu pisas­savaat. (1 Tim 5:1, 2) Pitsaas­saaq utoq­qaaner­tat ataatsimiin­nerup sior­na kingor­nalu ar­nat taak­ku oqaloqatigisarunik­kit. Kristen, ar­naq siusin­nerusuk­kut eq­qaaneqar­toq, ima oqar­poq: “Utoq­qaaner­tat ilaata ulapit­tuusunga malugigamiuk soqutigin­nil­luni sulerisar­nersunga paaserusup­paa. Taamatut soqutigineqar­nera qujamasuutigingaar­para.” Utoq­qaaner­tat anersaak­kut qatan­ngutimin­nik ar­nanik oqaloqatigin­nit­tar­nermik­kut ersersit­tar­paat  taak­ku soqutigalugit. * An­net­tep, siusin­nerusuk­kut eq­qaaneqar­tup, utoq­qaaner­tanik akut­tun­ngitsumik oqaloqateqar­tar­nerup iluaqutis­sar­taa eq­qaavaa. “Ilisarisimaqatigiin­neruler­tar­pugut. Taamaat­tumik ajor­nar­torsiuteqaleraangama taak­kunun­nga saaf­figin­neriaan­naasutut misigisar­punga.”

10. Qatan­ngutit ar­nat suna nuan­naarutigisar­paat?

¹⁰ Tamat­ta, angutaagut­ta ar­naagut­taluun­niit, pigin­naanivut malugineqaraangata suliavul­lu pingaar­tin­neqaraangata nuan­naar­tar­pugut. Pigin­naanivul­li suliavul­lu pingaar­tin­neqan­ngik­kaangata nikal­lor­tar­pugut. Pioneriusoq aap­paqan­ngitsoq Abigailimik atilik nas­suer­poq ilaan­nik­kut inut­tut soqutigineqan­ngitsutut misigisarluni. Isumaqar­poq angajoq­qaani qatan­ngutinilu ilagiin­ni ilisarisimaneqarluar­tut, nam­minerli ilisarisimaneqar­piar­nani. Maluginiarsin­naavar­put qatan­ngutip ar­nap Pamimik atil­lip misigisaa. Taan­na aap­paqan­ngitsuuvoq ukior­pas­suar­nilu ajoqersuiar­tor­titatut kif­far­torluni. Nunagisaminut uter­poq angajoq­qaaminik paaq­qin­nik­kiar­torluni. Maan­na 70-it sin­nerlugit ukioqarluni suli pioneriuvoq. Ima oqar­poq: “Pingaar­tin­neqarlunga oqarfigineqaraangama qiim­mas­saatiginer­paasar­para.”

11. Jiisusip ar­nat kif­far­toqatigisar­tak­kani pingaar­til­lugit qanoq ersersip­paa?

¹¹ Jiisusip ar­nat Guutimik mianerin­nit­tut ‘pigisatik’ atorlugit taas­sumin­nga isumagin­nit­tut qujamasuutigai. (Luk 8:1-3) Taamatut im­mik­kut pisin­naatitaaf­feqar­tiin­nar­nagit aam­ma anersaak­kut it­tunik itisuunik oqalut­tuup­pai. As­sersuutigalugu toqunis­sani makititaanis­sanilu taak­kunun­nga eq­qar­tor­pai. (Luk 24:5-8) Ar­nat taak­ku an­nikil­lior­titaajumaar­neran­nut piareersimaq­qul­lugit apustilinik ikiuinermisut ikior­pai. (Mark 9:30-32; 10:32-34) Jiisusi tigusaam­mat apustilit qimaap­put, ar­nal­li Jiisusimik isumas­suisarsimasut taan­na nap­pak­kami an­niar­titaaf­fim­mi toqulersoq ungasin­nagu najor­paat. – Matt 26:56; Mark 15:40, 41.

12. Jiisusip ar­nat sunik sulias­sip­pai?

¹² Jiisusip ar­nat pingaarutilin­nik sulias­sip­pai. As­sersuutigalugu ar­nat Guutimik mianerin­nit­tut Jiisusimik makititaasimasumik takun­neq­qaar­tuup­put. Toqusunit makititaanini pil­lugu ar­nat taak­ku apustilinut oqariar­tor­tip­pai. (Matt 28:5, 9, 10) Ukiumi 33-mi piinsip ul­luani anersaaq il­ler­nar­toq kuineqarmat aam­ma ar­nat najuus­simasin­naap­put. Najuus­simagunik qatan­ngutit ar­nat tanin­neqaq­qam­mersut taak­ku tupin­nar­tulior­nik­kut al­lamiutut oqalut­talersimas­sap­put aam­ma “Guutip tupin­nangaar­tuliai” pil­lugit al­lanut oqalut­tuar­talersimas­sal­lutik. – ApS 1:14; 2:2-4, 11.

13. Kristumiut ar­nat ul­lumik­kut sulerisar­pat, iliuuserisar­tagaal­lu pil­lugit qujamasun­ner­put qanoq ersersis­sin­naavar­put?

¹³ Qatan­ngutivut ar­nat Jehovamut kif­far­tor­nermin­ni iliuuserisar­pas­sui pil­lugit nersualaar­neqar­tariaqar­put. Kif­far­toriaatsit tas­saasin­naap­put sanaar­tor­neq, aserfal­latsaaliuineq, oqaluus­sisar­toqatigiin­nik al­lamiutut oqaasilin­nik tapersersuineq Betelimilu kif­far­tor­neq. Ajunaar­nersuaqar­til­lugu ikiuut­tar­put, Biibililersaarutinik nutsereqataasar­put aam­ma pioneriul­lutil­lu ajoqersuiar­tor­titaasarlutik. Qatan­ngutit ar­nat angutitul­li pionerinut ilin­niarfim­mi, Kristumiunut Oqaluus­sisar­tunut Ilin­niarfim­mi Ilin­niarfim­milu Gileadimi ilin­niar­tar­put. Aam­ma aap­paqar­tut uimin­nik tapersersuim­mata uiusut Jehovap peqatigiis­sor­taani akisus­saaf­fim­min­nik naam­mas­sin­nis­sin­naap­put. Qatan­ngutit angutit akisus­saaf­fil­lit taak­ku nuliamin­nit tapersersor­neqan­ngik­kunik ‘inun­nik tunis­sutaasutut’ tamak­kiisumik  kif­far­torsin­naas­san­ngik­kaluar­put. (Ef 4:8, NW) Qatan­ngutit ar­nat taak­ku kif­far­tor­neran­ni qanoq tapersersorsin­naavigit?

14. Tus­siaat 68:12-imi al­las­simasoq tun­ngavigalugu utoq­qaaner­tat ilisimas­suseqar­tut susar­pat?

¹⁴ Utoq­qaaner­tat ilisimas­suseqar­tut nalun­ngilaat qatan­ngutit ar­nat piumas­suseqar­tut ‘amerlaqisut’ nutaarsias­samil­lu nuan­nersumik oqaluus­sil­laq­qis­suusar­tut. (Tussiaat 68:12 atuaruk). Taamaat­tumik taak­kua misilit­tagaat utoq­qaaner­tanit iluaqutiginiar­neqar­tar­put. Abigail, siusin­nerusuk­kut eq­qaaneqar­toq, oqaluus­sinermi aal­lar­neeriaatsit suut sun­niuteqar­ner­paajusorinerlugit qatan­ngutinit angutinit aperineqaraangami nuan­naar­tar­poq. Ima oqar­poq: “Taamaalioraangata Jehovap peqatigiis­sor­taani pingaar­tin­neqarlunga paasisar­para.” Utoq­qaaner­tal­lu nalun­ngilaat qatan­ngutit ar­nat inersimal­luar­tut aalajaatsut qatan­ngutinik ar­nanik inuusun­nerusunik ajor­nar­torsior­tunik ikiuil­luarsin­naasut. (Tit 2:3-5) Erseq­qip­poq qatan­ngutivut ar­nat pingaar­tin­neqar­tariaqar­tut!

15. Qatan­ngutit ar­nat qaquguk­kut ikior­neqar­tariaqarsin­naap­pat?

¹⁵ Qatan­ngutit ar­nat ajor­nar­torsioraangamik ikior­neqar­tariaqar­tarsin­naap­put. (Es 1:17) As­sersuutigalugu uil­lar­nerup avis­simasul­luun­niit il­lersor­neqar­nis­sani uigigaluamilu suliarisarsimasaanut tun­ngatil­lugu ikior­neqar­nis­sani pisariaqar­tis­sin­naavaa. Qatan­ngut ar­naq utoq­qaq nakorsamik oqaloqateqar­nermini ikior­neqar­tariaqarsin­naavoq. Qatan­ngul­luun­niit ar­naq pioneriusoq Jehovap peqatigiis­sor­taani al­lanik suliaqar­tar­toq pioneritut al­latul­li oqaluus­sitigin­ngin­nini pil­lugu avoq­qaarineqar­toq il­lersor­neqar­tariaqarsin­naavoq. Qatan­ngutivut ar­nat al­latut qanoq ikiorsin­naavavut? Jiisusip maligas­siuinera sam­meq­qeriar­tigu.

16. Markusi 14:3-9 al­laatigineqar­tutut Jiisusip Maria qanoq il­lersor­paa?

¹⁶ Jiisusip anersaak­kut qatan­ngutini ar­nat paatsoor­neqaraangata il­lersupal­lat­tar­pai. As­sersuutigalugu Maria Mar­thamit uparuar­neqarmat il­lersor­paa. (Luk 10:38-42) Marialu aalajangiinerlun­nerar­neqarmat Jiisusip aap­pas­saanik taan­na il­lersor­paa. (Markusi 14:3-9 atuakkit). Mariap eq­qarsar­taasia paasil­luaramiuk Jiisusip taan­na nersualaarlugu najuut­tut ima oqarfigai: ‘Ajun­ngitsumik iliorfigaanga. ... Pisin­naanini naaper­torlugu ilior­poq.’ Al­laat siulit­tuutigaa “silarsuarmi tamarmi sumiluun­niit iivangkiiliu oqaluus­sis­sutigineqaraangat” Mariap iliuusia oqalut­tuarineqar­tas­sasoq, soorlu al­laaserisami matumani oqalut­tuarineqar­toq. Maluginiar­nar­poq Jiisusip silarsuarmi tamarmi oqaluus­sinis­saq ar­nap taas­suma nam­minis­sarsiorani iliuusianut atas­susermagu! Mariap uparuar­neqareerluni Jiisusip oqaasii tup­pal­lersaatigisimas­savai.

17. Qaquguk­kut qatan­ngut ar­naq il­lersor­tariaqalersin­naava?

¹⁷ Anersaak­kut qatan­ngutitit ar­nat pisariaqaraangat il­lersor­tar­pigit? As­sersuuteqariar­ta. Qatan­ngut Nalunaajaasuun­ngitsumik uilik ataatsimiin­ner­nut inor­tuikulasoq ataatsimiin­nerlu naaniariar­toq anisar­toq oqaluus­sisar­tut ilaasa malugaat. Aam­ma malugaat qaqutiguin­naq meeq­qani ataatsimiigiaqatigisarai. Tamak­kulu pil­lugit isor­nar­torsiuiler­put isumaqaramik taas­suma qitor­nani ataatsimiigiaqatigisar­nis­saan­nik uini akuerseq­qul­lugu piumaf­figisariaqaraluaraa. Qatan­ngul­li ar­naq taan­na sapin­ngisaminik iliuuseqar­poq. Pif­fis­sani tamaat piumasamisut atorsin­naan­ngilaa, aam­ma meeq­qaminut oqar­tus­saas­susia kil­leqar­poq. Il­lit il­lersorlugu susin­naavit? Qatan­ngut ar­naq pineqar­toq nersualaar­taruk­ku suliaalu ajun­ngitsut al­lanut oqalut­tuarisaruk­kit oqal­lisigineqar­nera nikal­lor­nar­toq unitsis­savat.

18. Qatan­ngutivut ar­nat aam­ma qanoq al­latigut ikiorsin­naavavut?

 ¹⁸ Qatan­ngutivut ar­nat sulias­satigut ikiuinik­kut asan­nit­tuliorfigisin­naavavut. (1 Joh 3:18) An­net­te, anaanaminik nap­parsimasumik isumagin­nit­tuusoq, ima oqar­poq: “Ilaan­nik­kut al­lamik suliaqarsin­naaq­qul­lunga qatan­ngutit paarlak­kiar­tor­tar­paan­nga nerisas­sanil­luun­niit pajul­luta. Taamatut pineqar­tarama asaneqar­tutut ilagiin­nilu pingaar­tin­neqar­tutut misigivunga.” Jordan aam­ma ikior­neqar­poq. Qatan­ngum­mit angum­mit biilinik qanoq iluarsaas­sisin­naanerluni ilitsersor­neqar­poq. Ima oqar­poq: “Tup­pal­ler­naqaaq nalunagu up­peqatima ajutuun­ngin­nis­sara eq­qarsaatigisaraat.”

19. Utoq­qaaner­tat aam­ma al­latut qatan­ngutinik ar­nanik qanoq ikiuisin­naap­pat?

¹⁹ Aam­ma utoq­qaaner­tat qatan­ngutit ar­nat pisariaqar­titaan­nik eq­qumaf­figin­nin­niar­tuup­put. Nalun­ngilaat qatan­ngutit ar­nat ajun­ngitsumik pineqar­nis­saat Jehovap kis­saatigigaa. (Jaak 1:27) Taamaat­tumik Jiisusi ilaarlugu ingasaas­siniar­tuunatik inus­siar­nersuuneq paasin­nit­tuunerlu najoq­qutas­sanit pingaar­tin­neruaat. (Matt 15:22-28) Utoq­qaaner­tat ikiueriaan­naasarmata qatan­ngutit ar­nat asaneqar­tutut misigisar­put. Oqaluus­sisar­toqatigiin­nik nak­kutil­liisup paasigamiuk Kia nuulersoq ikior­teqar­nis­saa ingerlaan­naq isumagaa. Kia ima oqalut­tuar­poq: “Taman­na paasigak­ku uip­pakajaar­pal­laarun­naar­punga. Utoq­qaaner­tat qiim­mas­sarman­nga pisariaqar­titan­nil­lu ikiorman­nga misigivunga ilagiin­ni pingaar­tin­neqarlunga ajor­nar­torsioraangamalu kisimiin­nanga.”

20-21. Qatan­ngutit ar­nat pingaar­til­lutigit qanoq ersersis­sin­naavar­put?

²⁰ Nalitsin­ni ilagiin­ni kristumiunik ar­nar­pas­suaqar­poq sulil­luar­tunik tapersersor­neqar­tariaqar­tunil­lu. Jiisusi ilaarlugu qatan­ngutit ar­nat pif­fis­saqarfigigutsigit ilisarisimalerutsigil­lu taak­kunin­nga ikiuisin­naavugut. Guutimut kif­far­tor­nermin­ni iliuuserisaat pil­lugit pingaar­tis­sin­naavavut. Il­lersor­tariaqaraangatalu il­lersorsin­naavavut.

²¹ Apustilip Paulusip Romamiunut al­lak­kani naggaseramigit kristumiut ar­nat qulingiluat atiisigut taavai. (Rom 16:1, 3, 6, 12, 13, 15) Ar­nat taak­ku inuul­luaq­qutil­lutil­lu nersualaar­neqar­ner­tik tusaramik­ku qiim­maal­las­simas­sap­put. Uagut­taaq qatan­ngutit ar­nat ilagiitsin­niit­tut tamaasa tapersersor­tigit. Taamaaliorut­ta anersaak­kut ilaqutatsitut pingaar­til­lugit ersersis­savar­put.