1. Magageru ya basadi ma thega mokgahlo wa Modimo ka mokgo mang, mara ya go tlala ma hlakana le tsa go ma ghula tsa mošaga mang? (Lebelela sethombhe sa ka tawong.)

RE RO šitega le go hlatolla majabolelo ya rune ka taba la basadi bo go leng Makreste bo re nang nabo ka ho diphutegong! Mo re beyisa, baa fetola mo ba le megahlanong fote ba tšhomayela ditaba tsa go bafala. Ba bangwana ba maka mmereko wa go lukisa Diholo tsa Mmušo fote ba hlupega ka magageru ya mangwana ya ka ho phutegong. Mara le bona ba na le tsa go ba phiriketsa. Ba bangwana ba pasopa babelegi ba bona ba gore ba šele ba tsofele. Ba bangwana ba phigisa ke ba mitši ya bona ba gore a yi Dihlatse. Ke mokane go gongwana o kraya mosadi a tigudisela bana bage a le ntoši fote a tshwanele go bereka go baba.

2. Ke ntaba di nyaka re tšhute go tiyisa magageru ya basadi?

² Ke ntaba ka matlamatla di nyaka re tiyise magageru ya basadi? Ka taba la gore di ro ba tshwanela gore re ba hlompe, mara ga go tlala batho ba lefase ba ba tseyela fase. Go tokegela gana hone, Baebele yi re re ba thege. Mo re beyisa, Pawulo wa lepostola o kgopele phutego ya Roma gore yi yamogele Foyibhi fote ba mo “neye dilo ka moka tso a di gayelang.” (Mrm. 16:1, 2) Nakwela Pawulo a sa le Lefaraseyi, di šupa nkare le yene ne a tseyela basadi fase. Mara mo go šele go le Mokreste, o yye a tseyela ga Jeso ke mokane a thomisa go hlompa basadi le go ba tshwara gabutši.—1 Makor. 11:1.

3. Jeso ne a tshwara basadi byang, fote bo ba gore ba maka dilo tsa gore di jabodisa Modimo ne a ba tseya byang?

³ Jeso ne a hlompa basadi ka mokana ga bona. (Joh. 4:27) Ne a sa ba tshware ka mokgo baruti ba Majuda ne ba ba tshwara ka gona. Gabutšibutši, puku ye nnngwana ya go hlatolla dilo tsa ka Baebeleng yi re: “A go na so Jeso a se bolabodiyeng sa go šupetsa gore ne a tseyela basadi fase.” Jeso ne a kwana ka matla le basadi ba gore ba maka dilo tsa go jabodisa Papage. Gabutšibutši ke  mo a re ke bosesi wage a boya a bolabola ka bona mo a bolabola ka banna ba ka ho phutegong bo ne a ba tseya ba tshwana le batho ba gabo.—Mat. 12:50.

4. Ga hlogotaba yowa re nyoko bolabola ka ying?

⁴ Jeso ne a dula a tikemisele go gelepa magageru ya basadi ya gore ma berekela Modimo. Ne a ma tseyela gedimo fote a ma yemelela. Tla re boneneng ka mokgo re ka kopiselang ga Jeso ga taba ya go tseyela magageru ya basadi gedimo.

5. Ke ntaba di se lula ga magageru ya mangwana ya basadi gore ma kraye banghana ba gabutši?

⁵ Ka mokana ga rune re nyaka banghana ba gabutši. Mara ka dinako tse dingwana, magageru ya basadi ma thathafalela ke go kraya banghana ba gabutši. Ke ntaba? Theetsela tso ba bangwana ba di hlayyeng. Mogageru ye mongwana wa mosadi ye ba reng ke Jordan * o re, “A ke na monna, byalo ga go tlala ke na le go kwa nkare ke lahlegiye ka ho phutegong.” Kristen, wa gore o rurele ga poleke ye nngwana gore a ye phayona gona, o re “Mo o sa tšwa go segela phutegong ya nyuwane, o ka bhorega.” Le magageru ya mangwana ma ka fo tikwa ka mokgonone. Motho wa gore ga gabo ke yene Hlatse a ntoši a ka fo kwa nkare yene le ba gabo a ba nape ba tšhayisana gabutši fote le ka ho phutegong a kwa nkare magageru a ba nape ba mo kwisisa gabutši. Bo ba gore a ba kgone go sepelanya ka taba la gore baa lwala le ba gore ba pasopa mašaga ya gore maa lwala, ba ka kwa bodutu. Annette o re, “Mo ba mmema ne ke sa kgone go ya ka taba la gore ne ke pasopa mmane.”

6. Luka 10:38-42 yi re Jeso o gelepiye Mata le Mariya ka mokgo mang?

⁶ Jeso ne a fokatsa le magagabo ya basadi fote ne a nghanelanne nabo. Tla re bolaboleneng ka senghana so Jeso ne a le naso le Mata le Mariya, ba gore di šupa nkare ke mo ba se na banna. (Bala Luka 10:38-42.) Di fo ba lekgwaying gore dilo tso Jeso ne a di bolabola le go di maka, ke mo di maka gore ba tikwe ba f’lo re tswee. Mo re beyisa, Mariya aa tšhaba go dula mawotong ya Jeso. * Fote nakwela Mariya a sa gelepe Mata go maka tsa go ja, Mata aa tšhaba go thuletsela Jeso gore taba yone yi mo tshwara byang. Jeso o yye a berekisa nako yone gore a thogo tšhutisa basadi bowa ka babedi dilo tsa go tlala ka Modimo. Fote o šupetsiye Mata, Mariya le bhuti wa bona Lazaro gore wa tihlupa ka bona ka go fela a ba vakašela. (Joh. 12:1-3) A di re makatse gore nakwela Lazaro a lwala ka matla, Mariya le Mata ba yye ba llela ga Jeso.—Joh. 11:3, 5.

7. Magageru ya basadi re ka ma tiyisa ka mokgwa wofeng wo mongwana?

⁷ Magageru ya mangwana ya basadi ma fo ba ma kgona go bona magageru ya mangwana mo ma le megahlanong fela. Byalo re nyaka gore mo nako yone yi segela, re make gore ba tikwe le bona gore re ba yamogela ka matsogo ka mabedi, re bolabole nabo fote re ba šupetse gore re ba tseyela hlogong. Jordan, yela re šeleng re bolabodiye ka yene, o re, “Ke ngwalangwala ke sa fetse mo ke kwa ba bangwana ba nthanaka ka taba la tso ke di hlayyeng mo ke fetola megahlanong, mo ba kgopela go ya le nna tšhomong kela ba maka se sengwana.” Di nyaka re šupetse magageru ya basadi gore re ma tseyela gedimo. Kia o re: “Mo nka šitega go ya mogahlanong, ke ya tšiba gore ye mongwana o nyoko nromela molayetsa a butsisa gore ayitsano ke tsugiye. Sosone fela se fo nšupetsa gore magageru ma nnyaka ka matla.”

8. King tse dingwana tso re ka di makang go šupetsa gore re kopiye ga Jeso?

⁸ Le rune re ka fokatsa le magageru ya basadi,  go fo tshwana le Jeso. Nakwenngwana re ka ba bitsa gore ba tle mitšing ya rune gore re tle re je nabo kela re tijabodise nabo. Mo ba tlile, di nyaka re bolabole dilo tsa gore dya yagisa. (Mrm. 1:11, 12) Bagolo le bona di nyaka ba nagane go tshwana le Jeso. Jeso ne a tšiba gore ba bangwana ba nyoko thathafela ke go dula ba sa šadha, nka taba lo a yyeng a hlaya gore motho a ka jabola le mo a šadha kela a se na bana. (Luk. 11:27, 28) Mara motho o jabola tsa mannete mo a yetisa tsa Jehova mahlong.—Mat. 19:12.

9. Bagolo ba ka gelepa magageru ya basadi byang?

⁹ Bagolo ka matlamatla di nyaka ba tshware magageru ya basadi tsa nkare ke bosesi kela bommane ba bona. (1 Thim. 5:1, 2) Bagolo ba ko ba ba maka gabutši mo ba ka fo tipeyela nako ya go bolabola le magageru ya basadi mo go soko thoma megahlano ya phutego kela mo yi fediye. Kristen o re: “Mogolo ye mongwana o di bonne tsa gore ke dula ke tshwareganne ke mokane a mputsisa gore ke dula ke tshwareganne ka ying. Taba yowa yi ntikisiye ka matla.” Mo bagolo ba tineya nako ya go bolabola le magageru ya basadi, ba šupetsa gore baa tihlupa ka bona. * Annette, yela re bolabodiyeng ka yene, o šihlele taba ye nngwana ya go šupetsa gore di gabutši ka matla go dula re bolabola le bagolo. O re: “Ke kgona go ba tšiba gabutši fote le bona ba kgona go ntšiba gabutši. Sowa se maka gore mo ke gahlana le tsa go nghula, ke sa tšhabe go ba kgopela gore ba n’gelepe.”

10. Magageru ya basadi ma ka gelepa king gore ma jabole?

¹⁰ O monna kela o mosadi, ka mokana ga rune re ya jabola mo ba bangwana ba tseyela gedimo ba boya ba leboga tso re di makang. Mara, mo ba bangwana ba tseyela fase tso re di makang, tsotsone di ya re kgongwetsa. Abigail, wa gore ke lephayona la gore a le soko šadha, o re ka dinako tse dingwana o kwa nkare batho ba mo tseyela fase, o re: “Ba fo ntseya ke le sesi wa moketekete kela morwediya wa moketekete. Ka dinako tse dingwana ke kwa nkare a ba mpone.” Mara, bona se sengwana so se hlayyeng ke mogageru ye mongwana wa mosadi ye ba reng ke Pam. O berekiye go le morumiwa a kene a sa šadha ka mengwaga ya go tlala. Mara o yye a sologa a ya gaye, a ye pasopa babelegi bage. Gana byalo o na le gana hala ga 70 ya mengwaga, fote o sa na a phayona. Pam o re: “So se yyeng sa ntiyisa ka matlamatla ke mo ke kwa ba bangwana ba mpotsa gore ba leboga mmereko wo ke wo makang.”

11. Jeso o šupetsiye ka ying gore o tseyela gedimo tso ne di maka ke basadi bo ne ba mo gelepa ga mmereko wa go tšhomayela?

¹¹ Jeso ke mo a tseyela gedimo taba ya gore basadi ba go tshepega ba yye ba mo gelepa “ka dilo tsa bona.” (Luk. 8:1-3) O dumele gore ba mo makele dilo a boya a ba tšhutisa go maka tso Modimo a di nyakang. Mo re beyisa, o ba butsiye gore o nyoko bolayiwa a boya a tsusiwa. (Luk. 24:5-8) O yye a lukiselela mapostola yage ga dilo tso ne ma nyoko ghulana natso, le basadi bowa o yye ba lukiselela. (Mar. 9:30-32; 10:32-34) Mapostola ya Jeso ma yye ma tšhaba nakwela a tshwariwa, mara go na le basadi ba gore ba yye ba mo thega bo ne ba le gona nakwela a kgwela phateng ya mohlupego.—Mat. 26:56; Mar. 15:40, 41.

12. Jeso o neyye basadi mmereko wa mošaga mang?

¹² Jeso o neyye basadi mmereko wo mogolo ka matla. Mo re beyisa, ke bona ba mathomo ba gore ba bonne Jeso ka nthago ga gore a tsusiwe. O neyye basadi bone mmereko wa gore ba ye ba hlayisele mapostola yage gore o dilahlong. (Mat. 28:5, 9, 10) Ka Pentekoste ya 33 C.E. nakwela malata yage ma tlotsiwa ka moya wa go hlawolega, di ka makega gore le basadi ne ba le gona gana hone. Mo nkare go sone, di ra gore magageru yawa ya basadi ya gore ne ma sa tšwa go tlotsiwa le wona ma yye ma di kgona go bolabola mebolabolo ya mehlobohlobo le go botsa ba bangwana ka “dilo tsa go makatsa tsa Modimo.”—Meber. 1:14; 2:2-4, 11.

13. Magageru ya basadi ma maka ying lekgono fote rune re ka šupetsa ka ying gore re tseyela gedimo so ma se makang?

¹³ Di nyaka re ma thanake ka matla magageru ya rune ya basadi ka taba la mmereko wo ma wo makelang Jehova. Tse dingwana tso ba di makang ke go yaga le go pasopa meyago, go gelepa megoba ye menyana mo yi tšhomayela ka mebolabolo ye mengwana le go gelepa Bethele. Ba gelepa ga mmereko wa go yimullana, wa go hlatolla dupuku tsa rune fote ba bereka go le maphayona le barumiwa. Go fo tshwana le magageru ya banna, magageru yawa ya basadi le wona maa ya ga sekolo sa maphayona, Sekolo sa Batšhomayedi ba Mmušo le Sekolo sa Gilead. Go tokegela gana hone, basadi ba gelepa banna ba bona ka tse dingwana gore ba thogo kraya nako ya go maka mmereko wa go roba wa ka ho phutegong le wa ka ho mokgahlong. Banna bowa re ba ‘neyye ke Modimo’ fote ba maka mebereko ya go tlala ka matla, mara hala basadi ba bona ba se šiyo ho thina, aritši. (Maef. 4:8) Ayitsano o bona nkare o ka ba gelepa ka mokgo mongwana?

14. Pisalema 68:11 yi re bagolo ba gore ba hlalefiye ba maka ying?

¹⁴ Bagolo ba gore ba hlalefiye ba kwisisa gore magageru ya basadi ma “tlele ka matla” fote ga go tlala ga mmereko wa go tšhomayela ditaba tsa go bafala ba fo teya ba tshwarelele. (Bala Pisalema 68:11.) Byalo bagolo ba leketsa gore le bona ba kote se sengwana ga bona. Abigail, yela re bolabodiyeng ka yene, o re di mo jabodisa ka matla mo magageru ya banna ma mmutsisa gore king tso di  mmerekelang mo a bolabola le batho tšhomong. O re, “Ke napa ke ro di bona gore le nna Jehova o ntseyela gedimo ka ho mokgahlong wage.” Go tokegela gana hone, bagolo baa di tšiba tsa gore magageru ya basadi ya gore ma butšwiye fote maa tshepega ma kgona go gelepa magageru ya basadi ya gore ma sa gola mo ma gahlana le tsa go ma ghula. (Tit. 2:3-5) Yii, magageru yawa ya basadi di nyaka re ma tseyela hlogong ka matla!

15. Ke leng ga gore magageru ya basadi ma ka nyaka wa go ma yemelela?

¹⁵ Ka dinako tse dingwana mo magageru ya basadi ma gahlana le dilo tsa go ma ghula, o ka kraya ma nyaka wa go ma yemelela. (Jes. 1:17) Mo re beyisa, mosadi wa gore o hlokofalele ke monna kela wa gore monnage o mo lahliye a ka nyaka motho wa go mo yemelela le wa go mo gelepa ka dilo tse dingwana tsa gore ne di maka ke monnage. Mogageru wa mosadi wa gore o tsofele a ka nyaka go gelepiwa mo a ye bolabola le togotela yage. Kela mogageru wa mosadi wa gore ke lephayona wa gore fote o maka mmereko wo mongwana ga tso tsa Modimo a ka nyaka gore motho a mo yemelele mo ba bangwana ba bolabolela thoko ba re aa yi tšhomong go tshwana le maphayona ya mangwana. Re ka maka ying se sengwana gore re thogo gelepa magageru yawa ya basadi? Tla re boyeleneng ga mošupetso wa Jeso fote.

16. Mareka 14:3-9 yi re Jeso o yemelele Mariya ka mokgo mang?

¹⁶ Jeso ne a yakgoswela go yemelela magagabo ya basadi mo ba bangwana ba nyaka go ma tseyatseya. Mo re beyisa, o yye a yemelela Mariya mo Mata a re aa make tsona. (Luk. 10:38-42) Fote o yye a yemelela Mariya mo ba bangwana ba tseya nkare o segelele sepheto sa gore a yi sona. (Bala Mareka 14:3-9.) Jeso ne a kwisisa gore ke ntaba Mariya a maka ka mokgonone, a boya a ro mo thanaka a re: “Mosadi yewa o mmakele selo sa go bafala ka matla. . . . O makiye so a ka se kgonang.” O šinnye a porofeta le gore selo sa gabutši so mosadi yewa a se makiyeng se nyoko bolabodiwa “go gongwana le go gongwana ga gore go nyoko tšhomayediwa ditaba tsa go bafala lefaseng ka mokana ga lona,” le hlogotaba yowa yi kene yi bolabola ka yene tsotso. Wa tšiba di ya makatsa gore Jeso o hlayye gore ditaba tsa go bafala di nyoko segela lefaseng ka moka di bolabola le ka taba yo ya go šupetsa go kwelana go baba yo yi makiyeng ke mosadi yewa! Batho ba bangwana ba ka fo ba ba yye ba mo tlokolanya ga Mariya ka tso a di makiyeng, mara di šupa nkare tso Jeso a di bolabodiyeng di mo tiyisiye ka matla!

17. Re beyisele gore ke leng ga gore di ka nyaka gore re yemelele mogageru wa mosadi.

¹⁷ Ayitsano wa ma yemelela magageru ya basadi mo ma nyaka wa go ma bolabolela? Mo re beyisa, tseya taba ye nngwana ke yowa. Batšhomayedi ba bangwana ka ho phutegong ba bona mogageru wa mosadi wa gore monnage a yi Hlatse a dula a segela megahlano yi šele yi thomme ke mokane a yakgoswa a sepela mo yi fela. Ba bona le gore a yi ga tlele a tla le dibananyana tsage. Ke mokane ba thomisa go mo sola ba re nke a tseye bananyana bone ka tšhinghi a tle nabo megahlanong, le mo monnage a sa nyake. Mara a ba tšibi gore mogageru yewa wa mosadi o kene wa leketsa ka mokgo a ka kgonang. Monnage ke yene ye a lawolang dilo tsa go tlala tso mosadi yewa a di makang; fote monnage ke yene a hlayang gore go makege ying ka bana ba bona. O ka maka byang mo o kwa ba bangwana ba mo sola? Mo o ka thanaka mogageru yewa wa mosadi ka go bolabola ka dilo tsa gabutši tso a di makang, o ko ba o gelepiye gore ba lesetse go mo seba.

18. King se sengwana so re ka se makang gore re gelepe magageru ya rune ya basadi?

¹⁸ Re ka makela magageru ya basadi dilo tse dingwana go šupetsa gore re tihlupa ka wona. (1 Joh. 3:18) Annete ke mogageru yela wa mosadi wa gore ke mo a pasopa mmane wage wa go lwala, byalo o re: “Banghana ba ka ba bangwana ne ba fela ba tl’le nkhutsiseng gore ke thogo maka tse dingwana kela ba nleyela le tsa go ja. Ke  napiye ke di tshepa tsa gore ke ya bonala ka ho phutegong fote ba nnyaka tsa mannete.” Jordan le yene o yye a gelepiwa. Mogageru ye mongwana wa monna o mo tšhutisiye gore koloyi yage a ka yi pasopa byang. O re: “Dya njabodisa mo ke bona gore magageru ma nyaka gore ke dule ke pasopegiye.”

19. King tse dingwana tso bagolo ba ka di makang gore ba thogo gelepa magageru ya basadi?

¹⁹ Bagolo le bona ba dula ba ntshiye maahlo dikwakweng gore ba thogo gelepa magageru ya basadi. Ba di tšiba gabutši tsa gore Jehova o nyaka gore magageru ya basadi ma tshwariwe gabutši. (Jak. 1:27) Bagolo ba yekisela Jeso ka go sa duli ba beya molawo mara ba leketsa go kwisisa taba gabutši fote ba šupetsa go kwelana go baba. (Mat. 15:22-28) Mo bagolo ba gelepa magageru yawa ya basadi, ma kgona go bona gore Jehova le mokgahlo wage ba ba nyaka ka matla. Mo mogolo ye a wokamelang mogoba wo mongwana wo Kia a leng ga wona ka phutegong a di kwelela tsa gore o rurela go gongwana, o yye a napa a lukiselela gore ba mo gelepe. Kia o re “Ke f’lo kwa pelo yowa yi yitseri kgehle. Ke mo ba mpotsa dilo tsa go yagisa ba boya ba mmakela tsa gabutši, tsotsone di nšupetsiye gore ba ntseyela gedimo ka matla le gore ba ko ba ba le ho thina mo go na le tsa go nkena matolong.”

20-21. Re ka ma šupetsa byang ga magageru ya rune ya basadi gore re ma tseyela gedimo ka matla?

²⁰ Ka ho diphutegong tsa rune, go na le Makreste ya basadi ya go tlala ka matla ya gore ma karakara ka matla ma leketsa go maka tsona fote ma nyaka gore re ma gelepe. Mošupetso wa Jeso wo re tšhutisiye gore re ka gelepa magageru yawa ka go fokatsa nawo le gore re thogo ma tšiba gabutši. Re ka leboga mmereko wo ma wo makelang Modimo. Fote re ka ma yemelela.

²¹ Mo Pawulo wa lepostola a šele a le thina le go kwala lengwalo lo ne a le ngwalele Maroma, o bolabodiye ka nkokwane (9) ya basadi, a ba hlaya ka mabitso. (Mrm. 16:1, 3, 6, 12, 13, 15) A re kamake gore basadi bone ba yye ba kwa ba tiyelele mo ba kwa Pawulo a ba tamisa a boya a ba thanaka. Le rune di nyaka re gelepe magageru ka mokana ga wona ya basadi ka ho phutegong. Mo re maka ka mokgo, re šupetsa gore re ma tseyela gedimo go tshwana le batho bo re dulang nabo ka ho gaye.