1. Sisters haitʼéego Jiihóvah biorganization yíká anídaajah, ákondi haʼátʼíí bee bichʼįʼ anídahaztʼiʼ? (Naaltsoos bikááʼdę́ʼígíí níníłʼı̨́.)

CONGREGATIONGI nihisisters yéigo nidaalnishígíí baa ahééh daniidzin! Áłah nídeidleehgi índa nidahwiilneʼgóó áká anídaalwoʼ. Kingdom Hallgi hashtʼedahósin dóó yił daʼoodlánígíí yídaneedlı̨́įgo yikʼidadéezʼı̨́ı̨́ʼ. Ákótʼée ndi, bee bichʼįʼ anídahaztʼiʼii dahólǫ́. Łaʼ bishchíinii náás daazlı̨́įʼii yaa ádahalyą́. Łaʼ éí bikʼéí bikʼijįʼ yádaałtiʼ ndi hadaʼólní. Łaʼ éí yéigo ádaatʼı̨́įgo tʼáá sáhí áłchíní deinisé.

2. Haʼátʼíí biniyé sisters bíká anéijah doo?

² Haʼátʼíísh biniyé nihisisters bíká anídeijah? Jó, tʼáá ałtsogóó sáanii doo yáʼátʼéehgo baa nitsídahakees da. Diyin Bizaad éí sáanii baa ádahołyą́ ní. Yilʼaadii Paul ákótʼéego Romegi áłah níjídleehígíí Fííbii “tʼáá haʼátʼíhída nihíyókeedígíí bee bíká anáhjah,” hodííniid. (Rom. 16:​1, 2) Férisii bibee óʼoolʼįįłii bikʼehgo, Paul shı̨́ı̨́ sáanii doo yaa joobaʼ da ńtʼééʼ. Oodlání jizlı̨́įʼgo, Jesus sáanii bił nilı̨́įgo yaa joobaʼígíí beʼjíłʼı̨́ jizlı̨́ı̨́ʼ.—1 Cor. 11:1.

3. Jesus éí sáanii haitʼéego yaa nitsékees ńtʼééʼ, áádóó Jiihóvah íinízinii yikʼehgóó ádaatʼéii ałdóʼ?

³ Jesus éí sáanii tʼáá ałtso bił nilı̨́ı̨́ ńtʼééʼ. (John 4:27) Jews beʼoodląʼ yá naazíinii nahalingo doo sáanii nichǫ́ʼígo yaa nitsékees da ńtʼééʼ. Diyin Bizaad naalkaahgo éí “Jesus doo yáʼátʼééhgóó sáanii yá haadzííʼ” haʼníigo doo haaʼída bee akʼeʼashchı̨́į da. Jesus éí sáanii Jiihóvah  íinízinii yikʼehgóó ádaatʼéii aláahgo yaa nitsékees ńtʼééʼ. Shilah hałní áádóó hastóí yił naakaiígíí bił tʼááłaʼí hajííjéeʼgo haa nitsékees ńtʼééʼ.—Matt. 12:50.

4. Haʼátʼíí baa nídadíitʼįįł?

⁴ Jesus éí sisters yíká adoolwołgi doo tʼą́ą́ʼ kótʼée da. Tʼáá ájíłtso haa ahééh nízin áádóó hachʼą́ą́h hahaasdzííʼ. Jesus bedaʼiilʼı̨́į dooleełgi baa nídadíitʼįįł.

5. Haʼátʼíí biniinaa sisters ahínáʼiildahgóó ndaakai doo yę́ę bá ndanitłʼah?

⁵ Tʼáá áníiltso ahínéiikahgo nihá yáʼátʼééh. Sisters łaʼ kótʼéego ahínáʼiildahígíí tʼáá bá ndanitłʼah. Haʼátʼíí biniinaa? Nihisister Jordan * kóní: “Shichʼooní tʼahdoo haleeh da, áko ahíʼiildahgi tʼáá sáhí yisháahgo doo ídínéeshnáa da.” Kristen, pioneer nilı̨́įgo, ániid kweʼé nínáago ání: “Congregation doo hwéédahósingóó tʼáá sáhí áníshtʼé jinízin łeh.” Haghandóó doo daʼoodlą́ą́góó doodaiiʼ congregation bitsʼą́ądi hojílǫ́ǫgo éí bikʼee yínííł jílı̨́į łeh. Tʼóó hooghangi naazdáhígíí áádóó bikʼéí yaa ádahalyánígíí ałdóʼ doo bił dahatsʼíid da. Annette ání: “Shimá baa áháshyą́ągo biniinaa ahínáʼiildahgóó doo naasháa da.”

6. Luke 10:​38-42 bikʼehgo Jesus éí haitʼéego Martha dóó Mary yíká eelwod?

⁶ Jesus éí sáanii yił tádookai áádóó áhánígo hakʼis danilı̨́ı̨́ ńtʼééʼ. Łaʼ tʼah doo hachʼooní dahaleehígíí daʼjítah. Mary dóó Martha kótʼéego áhánígo bikʼis jílı̨́ı̨́ ńtʼééʼ. (Luke 10:​38-42 yíníłtaʼ.) Jesus yáłtiʼgi índa ááníiłgi binahjįʼ Mary dóó Martha doo haitʼéegoda baa nitsékees da. Mary éí íhoołʼaahii jílı̨́įgo Jesus bidááhdóó jizdáa łeh. * Kʼé daʼahizhdiʼnínígíí biniinaa. Martha éí Mary doo áká iilyeed da níigo tʼáadoo yistiʼí Jesus yił hoolneʼ. Tʼáá ájíłah diyingo naʼnitin yee háká eelwod. Díí sáanii dóó bilah Lázaras Jesus tʼáá ahą́ą́h haa nádááh ńtʼééʼ. (John 12:​1-3) Kʼé daʼahizhdiʼnínígíí binahjįʼ Mary dóó Martha halah Lázaras bąąh dahooʼaʼgo, Jesus háká adoolwołgo nijólí.—John 11:​3, 5.

7. Haitʼéego sisters hadaʼólníigo ádeiyíníilzin doo?

⁷ Łaʼ sisters áłah néidleehgi tʼéiyá náánáłaʼ oodlání yił ahínéikah. Éí biniinaa yéigo kʼé dabidiiʼníi doo, bichʼįʼ yádeiltiʼ doo, áádóó bąąh danihíniʼígíí bił béédahózin doo. Jordan, tʼáá íídą́ą́ʼ haadzííʼ yę́ę, ání: “Łaʼda nizhónígo comment íinilaa shiłníigo, nahaneʼgóó diitʼash doodaiiʼ shichʼįʼ kʼé nídzingo ayóó baa ahééh nisin.” Sisters tʼáá íiyisíí baa ahééh daniidzin, éí bee bichʼįʼ yádeiltiʼ doo. Kia ání: “Áłah néidleehgi doo yishááhgóó, shaa nantáago łaʼda text shichʼįʼ áyiiłʼįįh. Brothers dóó sisters ayóóʼádashóʼníigo baa ákonisin.”

8. Jesus haitʼéego ałdóʼ bedaʼiilʼı̨́į doo?

⁸ Jesus nahalingo, sisters bá nahosiilʼą́ągo bił ahínéikah doo. Daʼdiidı̨́ı̨́ł doodaiiʼ honeení biniyé nihaa díínááł bididiiʼniił. Nihaa níyáago éí haʼahóní saad tʼéí íiyisíí bee yádeiltiʼ doo. (Rom. 1:​11, 12) Jesus bił bééhózingo éí asdzání tʼah doo bichʼooní haleehii ląʼí bee  bichʼįʼ anídahaztʼiʼ, ákondi díí sisters bił dahózhǫ́ǫ doogo átʼé. Hachʼooní dóó haʼáłchíní haleehgo tʼéiyá hoł hózhǫ́, doo níi da. Jesus sáanii yaa nitsékeesígi átʼéego elders nitsídajikees doo. (Luke 11:​27, 28) Jiihóvah bá naʼaʼaʼ alą́ąjįʼ óolzingo tʼéí ił hózhǫ́ doo nidootʼih da.—Matt. 19:12.

9. Elders éí haitʼéego sisters yíká anídaajah?

⁹ Elders éí sisters náás daazlı̨́įʼii hamágo índa sisters ániid ndaakaígíí halah nahalingo baa nitsídajikees doo. (1 Tim. 5:​1, 2) Meetings tʼah doo bee hahalzhííshgóó doodaiiʼ bikéédóó sisters bił ahił nidahojilneʼ doo. Kristen ání: “Elder łaʼ tʼáá áłahjįʼ yishnishgo yaa ákoniizı̨́ı̨́ʼ, áko éí hazhóʼó bee shił hodiilnih shidííniid. Shąąh bíniʼgo ání, áko yéigo baa ahééh niizı̨́ı̨́ʼ.” Elders kótʼéego sisters yaa ádahalyą́. * Annette, tʼáá íídą́ą́ʼ haadzííʼ yę́ę, éí elders tʼáá ahąąh bił ałchʼįʼ yádajiłtiʼgo yáʼátʼééh ní. “Elders shéédahósin, shí ałdóʼ béédahosésįįd. Áko nanitłʼahgo shił hooʼaahgo, shíká ohjeeh dideeshniiłgi doo shá nantłʼa da.”

10. Sisters haitʼéego bił dahózhǫ́ǫ doo?

¹⁰ Tʼáá áníiltso nizhónígo naanish áníłʼı̨́ nihiʼdiʼniihgo nihitah yáʼáhootʼéeh łeh. Nihinaanish doo baa ahééh hwiindzingóó éí bikʼee doo ákóniitʼée da łeh. Abigail éí tʼah doo bichʼooní haleeh da áádóó pioneer nilı̨́. Éí kótʼéego ádaa hojilneʼ: “Łahda tʼóó shilááhgóó adéestʼı̨́ı̨́ʼ nahalin łeh. Eiiyeeʼ kóolyéhígíí bilah doodaiiʼ kóolyéhígíí bitsiʼ bee shééhoʼdílzin.” Náánáłaʼ sister Pam kótʼéego baa haneʼ. Hachʼooní doo hólǫ́ǫ da áádóó missionary jílı̨́įgo ląʼí nááhai. Kʼad éí 70dóó baʼaan honááhai, tʼahdii pioneer jílı̨́ áádóó hazhéʼé dóó hamá baa áhojilyą́. Ájíní: “Binaashnishígíí łaʼda yaa ahééh nízingo yee shichʼįʼ haadzihgo tʼáá yéígo shíká iilwoʼgo átʼé.”

11. Jesus nahalneʼgóó sáanii bił tádookai yę́ę haitʼéego bił nilı̨́ı̨́ ńtʼééʼ?

¹¹ Jesus éí sáanii naalyeʼé yee háká anájah yę́ę baa ahééh jinízin ńtʼééʼ. (Luke 8:​1-3) Sáanii łaʼ áká adeeshwoł niizįįhgo bee bá hojisʼą́, áádóó tʼáá aaníigo diyin kʼehgo naʼnitin bee nazhneeztą́ą́ʼ. Dazhdootsaał áádóó nááhoʼdiilzá dooleełgi ałdóʼ bee bił hojoolneʼ. (Luke 24:​5-8) Sáanii dóó ídahoołʼaahii hanááł Jesus atíbiʼdilʼı̨́įgo biʼdiyoolyééł bichʼįʼ hadaʼjólníi doo biniyé tʼáá bítséedi hoł hoolneʼ. (Mark 9:​30-32; 10:​32-34) Hoʼdiiltsoodgo hódahoołʼaahii yóóʼaheezhjééʼ, ndi sáanii háká anájah yę́ę éí tʼáá dajiztsą́ąjįʼ hoł dahólǫ́.—Matt. 26:56; Mark 15:​40, 41.

12. Jesus éí naanish haitʼéhígíí sáanii yeidiyiiʼaah ńtʼééʼ?

¹² Jesus éí sáanii yaʼólíigo naanish daʼílíinii yeidiyiiʼaah ńtʼééʼ. Baa nitsíníkees, Jesus náábiʼdiilzáago tsʼídá áłtsé ooʼíinii dabidooʼniidígíí éí díí sáanii oodlání danilínígíí. Náádiidzá dadohníigo shikʼisóó bee bił dahołneʼ hodííniid. (Matt. 28:​5, 9, 10) Péntekast 33 C.E. yihah góneʼ níłchʼi diyinii hwiiʼ hadadéébįįd yę́ęgi sáanii daatsʼí ałdóʼ ákwii daʼjítah. Sáanii ákwii daʼjítahgo éí náánáłaʼ saad bee yádajiłtiʼgo “Diyin God ayóó átʼéego yaa naagháhígíí” baa dahojoolneʼ.—Acts 1:14; 2:​2-4, 11.

13. Dííshjı̨́įdi sisters haʼátʼíí bindaanish áádóó haitʼéego bichʼįʼ ahééh daniidzin doo?

¹³ Nihisisters Jiihóvah yá ndaalʼaʼígíí ahéheeʼ dabidiiʼníi doo, háálá ahééh hwiindzin dayoosbą́. Kin ádaalneʼ dóó baa ádahayą́ągi nidaalnish, saad łahgo átʼéego bee yátiʼ bíhooʼaahgi áká anídaajah, áádóó tʼáá bí ádeinízingo Béthel bił nahazʼą́ą́góó áká anídaajah. Nitsihodínídéelgo ałdóʼ áká iijah, naaltsoos nihá translate ádeileʼ, áádóó pioneers dóó missionaries danilı̨́. Brothers yił pioneer school, School for Kingdom Evangelizers dóó Gilead Schoolgóó daʼółtaʼ. Jiihóvah biorganization dóó congregations bił nahazʼą́ą́góó bichʼooní yíká anídaajah. Hweʼasdzą́ą́ tʼáágéedgo hastóí “aa deetʼáanii” dajílínígíí hanaanish tʼáá biʼoh nídajidleeh doo. (Eph. 4:8) Sisters bindaanishgi haitʼéego bíká adíilwołgo átʼé?

14. Psalm 68:11 éí sáanii haitʼéego yaa halneʼ, elders díí yaa ákodanízingo haa daatʼįįh?

¹⁴ Elders hóyą́ągo nitsídaakeesii éí sáanii “tʼóó ahayóí” nidahalneʼgo baa ákodazhnízin. Tʼáá bí naanish ádaa deidiyiiʼaahgo haneʼ yáʼátʼéehii nizhónígo  yaa nidahalneʼ. (Psalm 68:11 yíníłtaʼ, NW.) * Nidahalneʼ dayiichįįh, áko elders yíká anídaajah. Abigail, tʼáá íídą́ą́ʼ baa chʼíhootʼą́, éí elders nahojilneʼgi haitʼéego lá diné daníistsʼą́ą́ʼ daaníigo nidahódíłkidgo baa hoł hózhǫ́. Ájíní: “Jiihóvah bidineʼé bitahgi shá hazʼą́ągo baa ákonisin.” Sisters beʼoodląʼ dabidziilígíí éí sisters ániid ndaakaii nideinitinígíí elders baa ákodazhnízin. (Titus 2:​3-5) Dooládóʼ shı̨́ı̨́ nihisisters baa ahééh dahwiinidzin da!

15. Haa hootʼįįhgo sister łaʼ bá hazhdoodzih?

¹⁵ Sisters bichʼįʼ anáhóótʼiʼ haleehgo, łaʼda bá yáłtiʼgo bíká análwoʼ doo. (Isa. 1:17) Sister bąąh áhásdįįdii doodaiiʼ bichʼooní yił ałtsʼátʼáazhgo łaʼda bá nahaʼáago bá yáłtiʼ dooleełii yídin nilı̨́į łeh, bichʼooní shı̨́ı̨́ díí binaanish ńtʼééʼ. Sister náás silı̨́įʼii éí azeeʼííłʼíní yichʼįʼ yáłtiʼgi bee bichʼįʼ anáhóótʼiʼ łeh. Pioneer sister doo ayóó hootahgóó nahalneʼgo bee baa náhátʼı̨́įgo éí Jiihóvah biorganization yá naalnishgi łaʼ hazhóʼó bá hazhdoodzih. Sisters haitʼéego ałdóʼ bíká adiijahgo átʼé? Ííshją́ą́ shı̨́ı̨́ Jesus áátʼįįd yę́ę náádadíníilʼįįł.

16. Mark 14:​6-9 bikʼehgo Jesus haitʼéego Mary yichʼą́ą́h haadzííʼ?

¹⁶ Jesus éí tsı̨́įłgo sisters yichʼą́ą́h haadzih. Martha bideezhí yeinítʼı̨́įgo Mary yichʼą́ą́h haadzííʼ. (Luke 10:​38-42) Łahgo éí akʼah ílíinii tʼóó bee nijizneʼ hodiʼníigo Jesus hachʼą́ą́h hanáánáádzííʼ. (Mark 14:​6-9 yíníłtaʼ.) Mary ájítʼínígíí Jesus bił bééhózingo áháłní: “Yáʼátʼéhígi shá ádzaa, tʼáá bízhneelʼánígi ájiidzaa.” Nahasdzáán bikááʼgóó haneʼ yáʼátʼéehii baa dahaneʼgo, Mary joobaʼgo ájíítʼįįd yę́ę atah baa dahaneʼ doo, ní Jesus. Éí kʼad baa daʼííníiltaʼ. Mary ádzaaígíí dííshjı̨́įdi baa nihił dahózhǫ́ǫgo baa nidahwiilneʼ. Mary bichʼą́ą́h hajoodzíiʼgi yéigo yee haʼólní silı̨́ı̨́ʼ.

17. Sister bichʼą́ą́h hadíídzihgi łaʼ baa chʼíhoníʼaah.

¹⁷ Niísh sisters bichʼą́ą́h háánídzih? Kótʼéego hooʼaʼgo baa nitsíníkees. Sister bichʼooní doo oodlání nilı̨́ı̨́góó biniinaa meetingdi doo hąh nádáah da áádóó tʼáá tsı̨́įłgo dah nídiidááh. Baʼáłchíní doo ahą́ą́h néíʼish da. Haʼátʼíí biniyé hachʼooní tʼóó bá hojisʼą́ daaníigo haa nídaatʼı̨́. Ákondi hó éí tʼáá bízhneelʼánígi bee ájítʼé. Łahda bichʼooní haʼátʼíí shı̨́ı̨́ ádíílííł biłníigo átʼé. Bichʼooní áłchíní yá nahaʼáagi ałdóʼ bił nilı̨́. Nisister kótʼéego baa náhátʼı̨́įgo haa díínííł? Sister baa náhátʼínígíí yáʼátʼéehgo bá hadíídzih áádóó tʼáá bí ałdóʼ bee bichʼįʼ hadíídzih. Kótʼéego éí doo yáʼátʼééhgóó yátiʼ nidootʼih.

18. Haʼátʼíí ałdóʼ nihisisters bee bíká adiilwoł?

¹⁸ Sisters baa ádahwiilyą́ągo bíká anídeijah. (1 John 3:18) Annette, bimá yaa áhályą́ yę́ę, ání: “Shikʼis shaa nídaakahgo shimá baa áháyą́ągi shíká anídaajah, łaʼ éí chʼiyáán deíkááh. Congregationgi anishtahgo ayóóʼáshidóʼní.” Jordan ałdóʼ bíká anídajilwoʼgo átʼé. Brother łaʼ chidí baa áháyą́ągi yee nahoneeztą́ą́ʼ. Ájíní: “Shibrothers dóó sisters yáʼátʼéehgo chidí bee naasháa doo dashóʼní.”

19. Elders éí sisters haʼátʼíí ałdóʼ bee bíká azhdoojah?

¹⁹ Elders ałdóʼ sisters yikʼidadéezʼı̨́ı̨́ʼ. Sisters yáʼátʼéehgo baa ádahojilyą́ągo  Jiihóvah bił bééhózin. (Jas. 1:27) Sisters baa ádahołyą́ągo tʼáadoo ayóó kótʼé dabidohníní, ndi Jesus nahalingo tʼáá bá nahosołʼą́. (Matt. 15:​22-28) Elders tʼáadoo kódaahnééh dabidiʼníní áká iijahgo, sisters éí Jiihóvah ayóóʼábóʼníigi bił béédahózin. Kia náánáłahjįʼ deeznáago elders bíká ííjééʼ. Kia ání: “Shide áhootʼé yę́ę nahjįʼ kódzaa. Elders doo tʼáá sáhí nichʼįʼ anáhóótʼiʼ da dashiłníigo saad bee haʼahóníinii yee shichʼįʼ yádaałtiʼgo shíká ííjééʼ.”

20-21. Nihisisters oodlání danilínígíí haitʼéego nihił danilı̨́įgo ádeiyíníilzin doo?

²⁰ Dííshjı̨́įdi congregationgi sisters yéigo nidaalnishígíí bíká adiijahígíí tʼóó ahayóí. Jesus áhánígo sisters yił ahéédahólzin yę́ęgi átʼéego nihí ałdóʼ sisters bił ahínéikahgo áhánígo béédahodiilzįįł. Jiihóvah yá nidahalneʼgi baa ahééh daniidzingo bichʼą́ą́h hadiidzihgo átʼé.

²¹ Yilʼaadii Paul naaltsoos ałchʼįʼ ánéídléehgo sáanii oodlání danilínígíí náhástʼéí yitaa íízhiʼ. (Rom. 16:​1, 3, 6, 12, 13, 15) Sáanii yáʼátʼééh dabidooʼniidígíí yaa bił dahózhǫ́. Haaʼíshąʼ tʼáá áníiltso nihisisters bíká anídeijah leʼ. Nihił danilı̨́įgo diyin kʼehgo bił k’é daʼahidiiʼníi doo.