1-2. Movwelana na lemba la 1 Timoteo 6:20, Timoteo awachenle n’ni?

PYAILEMEELO i-yedhela atu enango ira tanisaka-edhele vyongo vi-u vyofuneya vinjinji. Mofwanafwani-a, atu anjinji a-iyo ninolokoti-a kobiri dhi-u bakoni. I-yo nalokoti-a weule ninororomela ira nee mbava venango jinangojene kavinaodeya dhowa manibela weule. Veva nitovwechechavo pama jinoongiwa roromela mutu mwinango mlokoti-a vyongo vi-u vyofuneya.

² Muleri 1 Timoteo 6:20. Rumiwi Paulo atomthuucha Timoteo ira liye atowachela vyongo vyofuneya—ali dodoliso lofwanelela lavyongo vinofuna Nlungu airela atu othene availambwila. Timoteo thitho atowachela ngari “yolaleela madhu” na “yolaba basa la namalaleya.” (2 Timo. 4:2, 5) Ngumwasiwa Paulo atomlimbi-a Timoteo ira alokote mva-a atu mandhanimwee momroromela. Ninga Yohova mwamroromele liye Timoteo thitho utoniroromela i-yo niva-a vyongo vyofuneya. Vyongo vyevi piivi? N’nga ninabarele a-vi fuma iniva-idhe Yohova?

3-4. Ndi vavyongo vivi vinango vinooni-a ira imbarimbari ya Bibilya chofuneya vinjinji?

³ Yohova mooma rima, utoniva-a dodoliso laimbarimbari lofuneya m’madhwee a Bibilyani. Imbarimbari yei, chofuneya vinjinji neri-a inonifunji-a moda ofuna ulukuli-a uxamwali-u la Yohova thitho inonifunji-a vyongo vinodhi-a imwerumweru yaimbarimbari. Nairumela imbarimbariyo no wendanga movwelana navinofunji-a aliwa ninooda kala othathuwa. Nino-iya kala adhari amafunji-edho onama na vyoira vyo-ovwelana na makalelo apama.—1 Akor. 6:9-11.

⁴ Yongo inango inoongela i-yo ira imbarimbari ya Madhu a Nlungu chofuneya, choi Yohova unozindiyeli-a imbarimbari waatu ale ali odhiyevi-a na a “mathuulelo aphama oakhami-a” (Mayir  13:48) Atu enala anorumela ndhila ino-indedha Yohova malamboano vovwei-a imbarimbariyo. (Mateu 11:25; 24:45) Mwa-okene, chipo kanaode izindiela noifundedha imbarimbari, thitho kavali jilijofuneya vailambwila kwaranya imbarimbariyo.—Sang. 3:13, 15.

5. Chini inoniroromelana Yohova?

⁵ Yohova thitho utoniroromela ira naafunji-e atu vyongo vinofuna liye na makalelwee vavinofuna liye dhaira sogolou. (Mateu 24:14) Milanyu inolaleela i-yo nja preso yavadhulu. Milanywiyo inoakami-a atu ira takale banjani mwa Yohova thitho ava-a ngari yodhakala na ingumi yo-oma mwiilambo ipya. (1 Timo. 4:16) Kavinobala ira ninolaba vinjinji venango vang’ono mubasa lolaleela, mbwenye othene nili ikundu ya basa lofuneechecha linolabiwa kainoli. (1 Timo. 2:3, 4) Mo-okaikela pyova-a tikizo kala afwiwa anamakami-a basa a Nlungu!—1 Akor. 3:9.

6. Chini jaaireele makristau enango mwasa o-odhiing’anela pama?

⁶ Makristau manjinji alio hora ya Timoteo, tatoopwaza ngari yokala anamalaba afwiwa a Nlungu. Mofwanafwani-a, Dema adhiveliwana ilambo, moi ee-no kaa-indedhile paama ngari yana liye yolaba vambo-i na Paulo. (2 Timo. 4:10) Fugelo na Heremogene naaluwene tatoo-iya basa liwa lolaleela, apwase tatawa onanyarwa yo-ara-ariwa ninga vyate Paulo. (2 Timo. 1:15) Hemenayo, Alexandre na Fileto tatoodobeya na mafunji-edho onama fiedha i-ya imbarimbari. (1 Timo. 1:19, 20; 2 Timo. 2:16-18) Vinooneya ira, othene enala tali olimba mwauzimu, mbwenye taoofiedha titeya uthoni aliwa i-ya imbarimbari yali yapreso yavadhulu.

7. N’nga Satana uno-indi-edha basa migo-iivi ira animange?

⁷ Malambo ano Satana thitho unofuna aniwaki-e fuma ilimandhani mwi-u iniva-idhe Yohova moniroromela. N’nga uno-indi-edha basa migo-i ivi? Voroma, liye uno-indi-edha basa vyowaredhana ninga nyumbo na vyonela. Dhela mwandhila yenna, Satana unova-a mathuuleloni mwaatu makalelo othakala ira niode leli-a mandhi-u ira imbarimbari ivuluwe. Ndhila inango, liye unonidhi-edha ova. Mo-indi-edha basa atu anoalabana i-yo vambo-i venango afunjana, vyevyo e-i venango a-ra-ariwawene, liye unofuna ira na-alaleelenga. Yanararu, unodhela waatu opanduwa avandhuwile i-ya imbarimbari. Liye unodhilimbi-edha ira animangena go-i unoongiwa “monama ira ‘dodoliso’” linomwadha aliwa dedi-anga ira i-yo ni-iyachi imbarimbari.—1 Timo. 6:20, 21.

8. Mufunjedhilen’ni vavyoirela vya bali Danieli?

⁸ Na-aire polepole mwavang’ono na vang’ono ninoroma leli-a mandhi-u ira nimore-e imbarimbari. Kaonani vyamwireele Danileli, * asimbwecha  dhiveliwa ugwa jogo yamatelefonini venango computadoreni. Liye aongile ira: “Ndaromile ugwa jogo yenna ndingana vyawa 10. Maromelo, ndera ugwa jogo baasi kandathangani-avo vinango. Mbwenye vira wahora ndatoroma ugwa majogo oira vyauwalanga na oira vyamizimu yothakala.” Danieli atofiya vomalanga mahora 15 vadambo limbo-i agwanga majogo enala. Liye atodhowanave onga ira: “Vathivathi varima ndanoidhiwa ira hora inomalela miyo gwanga jogo thitho na tundu wamajogo anowarendhana miyo anaandisusi-edha undendai vaixamwali yanga na Yohova. Mbwenye rimanga watoumelela viirangave. Ndaona ira makundo a Bibilya kaathangani-avo vyoira vyanga. Vyevyo thitho vinooda niireela wa-iyo othene. Vyowaredhana podi nifii-a venangovene voleli-a mandha ira imbarimbari imore. Vyevyo vaireya, ninooda luza vyongo vyapama viniva-idhe Yohova moniroromela.

9. Movwelana na lemba la 1 Timoteo 1:18, 19, amlandani-idhe Timoteo naaniya?

⁹ Muleri 1 Timoteo 1:18, 19. Paulo amlandani-idhe Timoteo na nyathoropa thitho ongolimbi-a moi e-ni: Ndowanave koma kondo yapama.” Koma kondo weu kaali komakoma wene mooneya, mbwenye ali mwauzimu. N’nga makristau na anyathoropa okoma kondo talandan’ne a-vi? Mbamakalelo avi anofwanela i-yo kaana ninga anyathoropa a Kristu? Ninofuna nione vyofunjedha vithanu vyokumela muifwanafwani-o ya Pauloyi vinonifunji-a aliwa. Vyofunji-a vyevi vinodha nikami-a ira niji-indede pama pama imbarimbari.

10. N’nga dhivelela wa Nlungu chini, mwasiwa ngan’ni kofuneya?

¹⁰ Mukale odhivelela wa Nlungu. Nyathoropa wapama ngororomeleya. Liye unokoma kondo nakopolodhee dhothene ira amvunele mutu unodhiveliwana liye venango vofuna vunela jongo jinoona liye kala ja preso yavadhulu. Paulo atomlimbi-a Timoteo ira akale odhivelela wa Nlungu—venango nionge ira, a-indedele pama mororomeleya wa Nlungu. (1 Timo. 4:7) Naulukuli-a udhiveli-u wa Nlungu, ninodha ulukuli-a i-ndedela wi-u mwakopolo ifunelo yi-u yo-ara imbarimbari.—1 Timo. 4:8-10; 6:6.

11. Mwasiwa ngwan’ni ninofwanela kaana kalelo lodhilangi-a o-kave?

¹¹ Mudhilangi-enga mwekene. Nyathoropa unofwanela adhilangi-enga ekave afuna ira akalenga okozeya hora dhothene vofuna dhowa kondoni. Timoteo ali okozeya mwauzimu mwasa oi anoovwela malangi-o a Paulo: liye anotawa naluveluve wa vyothakala, anodhilimbi-edha a-rela kalelo waukristau thitho awandhanechana makristau afwee airoromelo ninga liye. (2 Timo. 2:22) Yamwiri-a ee-no ali kalelo looda vilangi-a ekave. Vyevyo vili saasawa na i-yo. Ninofwanela kaana kalelo ovilangi-a o-kave ira niode ganyali kondo ya naluveluve wa vyothakala. (Aroma 7:21-25) Ninofwanela dhilangi-a o-kave ira niungule umutu wawale no wara mpya. (Aef. 4:22, 24) Thitho ninofwanela vilangi-a o-kave ira na-alole chenyela wabasani la dambo na dambo niimanani-a fiya vamigumanoni.—Aeb. 10:24, 25.

12. N’nga ninawenjedhele a-vi dodoliso li-u vo-indi-edha basa Bibilya?

¹² Nyathoropa unofwanela trenari ira aodenga i-ndi-edha basa pama futidhee. Unofwanela viiranga vyevyo hora dhothene ira akaena dodoliso lapama. Molandana na vyevyo, i-yo ninofwanela kaana dodoliso lapama la Madhu a Nlungu. (2 Timo. 2:15) Dodoliso lowenjedheleya ninolifunjedha migumanoni. Mbwenye nafuna ira niode afiya atu varimani va vyoonga vya Bibilya, ninofwanela kaana ilemeelo yofunjadha Bibilya va-oka hora dhothene. Ninofwanela i-ndi-edha basa Madhu a Nlungu ira nilimbi-e iroromelo yi-u. Vyevyo vinothangani-avo vinjinji a-kala leri Bibilya baa-i. Ninofwanela Vithuulelanga  vinoleri i-yovyo no sakasaka makundo ovwei-iwa pama m’mabukuni menango. Nera e-no, ninooda vwechecha malemba molinyali thitho a-indi-edha basa vaingumi yi-u. (1 Timo. 4:13-15) Moi ee-no, ninooda kaana dodoliso lo-indi-edha basa Madhu a Nlungu vofuna funji-a atu enango. Ninowelela madhu oira vyevyo kavinothapulela leri baa-i versu la Bibilyani ira mutu onovwa e-i. Ninofwanela mkami-a mutuo ira avwecheche iwongiwile valembalo ira aode vi-arela vaingumiyee. Nakaana ilelemeelo yofunjedha Bibilya va-oka malambo othene, ninooda wenjedhela dodoliso li-u ninga namafunji-a wa Madhu a Nlungu.—2 Timo. 3:16, 17.

13. Movwelana na lemba la Aebere 5:14, mwasiwa ngwan’ni ninofwanela kala ozindiyela?

¹³ Mukale ozindiyela. Nyathoropa unofwanela zindiyela vyoopi-a vya-ana fiye novaelatu virambela. I-yo thitho ninofwanela funjedha zindiyela makalelo anaode niporeia mwauzimu no iravo yongo ira nivirambeletu. (Sang. 22:3; muleri Aebere 5:14.) Mofwanafwani-a, ninofwanela idhiwa sakula pama vyowaredhana na vyoonela. Mafilme manjinji na vyoonela vyava televisauni vinooni-a makalelo o-okala paama wamakristau. Namwasa wen’na, ninofwanela rambela makalelo enao oi anooda dodomi-a udhiveli-u na Nlungu.—Aef. 5:5, 6.

14. N’nga zindiela wakami-idhe a-vi Danieli?

¹⁴ Danieli uwongiwile voromule, atoozindiela ira ugwa jogo yo-indanana vyamizimu na vyauwalanga, ali vyodaweya. Ere ee-no atoosakasaka va Watchtower Library miru yooda mkami-a volimbana na vyorucha vyeevyo. N’nga yamwireele chini? Danieli atoo-iyachi ugwa majogo o-ofwanelela. Liye atootimi-a ndhilla dhovolowana majogonimo, ongo-iyachi ligarelana naafwee agwechana liye jogo tundu wenuo. Adhaire e-no liye aongile ira: Malo mokalelanga ugwa jogo, ndavireliwa mabasani undendai namudhi, thitho no dhowa migumanoni naabali naarongola apingoni mwanga. Mwachineneeva Danieli ngupainiya thitho ngundimuwa wavapingoni.

15. Mwasiwa ngwan’ni milanyu yonama njoopi-a?

¹⁵ Ninga Timoteo i-yo ninofwanela zindiela vyorucha vya milanyu yaatu opanduwa inomwadha aliwa. (1 Timo. 4:1, 7; 2 Timo. 2:16) Mofwanafwani-a, aliwa anooda mwadha milanyu yonama yoonga abali-u auzimu venango iri-a atu kaikelanga vya gulu la Yohova. Milanyu yonama ninga yen’na, inooda txetxeli-a iroromelo yi-u. Ninofwanela ira polepole ira na-anami-we navyevyo. Namwasa uvi? Namwasa oi, milanyu yen’na anoimwadha “mbaatu okoromana zelu na o-oidhiwa imbarimbari.” Ifunelo yiwa kuromi-a  mikangano noruni-ana.” (1 Timo. 6:4, 5) Anofuna ira niroromele vyaraivwaliwavyo ira naakaikelenga abali-u.

16. N’nga chijongo ivi inaode nidodomi-a?

¹⁶ Kamudodomi-eye na vyoireya. Mwasa oi Timoteo ali “nyathoropa wapama wa Kristu Yesu,” aing’anave basalee baa-i lolaleela. Liye kaavi-iidhe ira kobiri idodomi-e ifuneloyee. (2 Timo. 2:3, 4) Ninga Timoteo, kanilole ira funafuna kobiri udodomi-e ifunelo yi-u vabasa lau Mwene. “Nguru yonami-a yofuna fuma” inooda txetxeli-a udhiveli-u wa Yohova na Madhwee. Inooda nifooki-a a-dhowanga malaleela atu hora dhothene. (Mateu 13:22) Vanwasa wen’na, ninofwanela kaana ingumi yo-ofuna kaana vyongo vinji ira ni-indi-edhe basa hori-u “vofunafuna e-la limburo loroma vya Umwene.”—Mat. 6:22-25, 33.

17-18. Chini inofuna i-yo ira vofuna vunela kalelo li-u lauzimu?

¹⁷ Mukale okozeya ira muode iravo yongo mombaranya. Nyathoropa unofwanela kaana palano yoira adhaode iravo yongo arurumuchiwa. Nafunanga vunela yongo iniva-idhe Yohova moniroromela, ninofwanela iravo yongo mombaranya narurumuchiwa na yoopi-a. N’nga chini jinofuna nikami-a ira niode iravo yongo mombaranya? Ninofwanela kaana palano yongojo ja-anaireye noona ira ninaire a-vi akala ira ninotuchiwa morurumucha.

¹⁸ Ira nifwanafwani-e: mafestani mwinango, vyotuva vinooda saka-edhiwa ira malimbo velela yotuvayo amakaathi duzi na mipando yaalimbo fun ava-iwa vyotuvavyo. Mwasiwa ngwan’ni? Mwasiwa ngoi vakuma irurumucha, atu anjinji anobalaleyavo mombaranya mwavinga viringa. Nasaasawa thitho i-yo ninofwanela vaelatu ona vyo-arela ira “ninakumela wani” naonelanga televizau venango na-indi-edhanga basa internet, mo-odedi-edha naona vyoopi-a venango iruthiruthi yaumandhave, vyooni-a vyauwalanga, venango mwasa oonga vya atu opanduwa. Akala ira natomala kozeela wale, ninooda iravo yongo mombaranya. E-no i-yo ninooda vunela kalelo li-u lauzimu na dhowanave kala ochena vamethoni va Yohova.—Masal. 101:3; 1 Timo. 4:12.

19. Mbamaraeli-o avi anofuna i-yo kaana navunela vyongo vyofuneya viniva-idhe Yohova moniroromela?

¹⁹ I-yo ninofwanela lokota pama vyongo viniva-idhe Yohova moniroromela—imbarimbari ya Bibilyani yapreso yavadhulu na ngari yooda funji-a atu. Naira ee-no, ninodha kaana ithuulela rima yochena, ingumi yokaana idedi-edho na imwerumweru yokami-a atu enango ira tam’mwidhuwe Yohova. Kamukaikele ira mokami-iwana na Yohova. Vyevyo vinodha nikami-a, lokota vile vinivaidhe Yohova moniroromelani!—1 Timo. 6:12, 19.