1, 2. Eska na arhijka 1 Timoteo 6:20, ¿ambe jatsispi para úni Timoteu?

ENGA nema jatsijka ambe ma enga kánikua jukaparharajka, ménisï máteru kʼuiripuni patsarasïndi. Por ejemplu, jamberi bankurhu ma patsaati imeri tuminani para no tsïtani o nema sïpakuni. Ísï jimbo, kurhangusïngachi ambe enga arhikuekajka jukaparhakua ambe patsarani nemani.

² (Arhinta je 1 Timoteo 6:20). Apostuli Pablu miátantaspti Timoteuni eska jukaparhakua ambe intsïnhaspka: jurhimbikua ambe míteni ambe enga Tata Diosï uéjka úni kʼuiripuecha jimbo. Jeoba ístu mintsikaspti Timoteuni paraka aianhpepiringa “Diosïri ambakiti aianhperakuani” (2 Tim. 4:2, 5). Pablu arhispti Timoteuni eska jukaparharapiringa ambe enga intsïnhapka. Ístu, Jeobajtsïni íntskusti jukaparhakua ambe. ¿Nákiskiksï? ¿Ka andichisï jatsi para kánikua jukaparharaani?

3, 4. ¿Andisï xáni jukaparhakue Bibliaeri jurhimbikua ambe?

³ Pʼamojperakua jimbo, Jeobajtsïni mítetarasti jurhimbikua ambe enga Bibliarhu jaka. Kánikua jukaparhakuesti i ambe míteni, jimbokajtsïni jorhendasïnga nénachi uá Jeobaeri amigueni ka néna tsípikua jingoni irekani. Engachi niárajka jorhenguarhini ini ambe ka ísï úni, nóteruchi jakajkusïnguia chkuanderakua ambe níteruchi ísku jándikua ambe úni (1 Kor. 6:9-11).

⁴ Jurhimbikua ambe enga Bibliarhu jaka, ístu jukaparhakuesti jimboka Jeoba imani kʼuiripuechani aianguasïndi engaksï kaxumbitika ka engaksï ambakiti mintsita ma jukaka (Uku. 13:48, TNM). Íksï kʼuiripuecha engaksï kaxumbitika jakajkusïndiksï ambe enga jántsipiri enga mintsinharhikueka ka jánhastini jorhentpijka Bibliaeri ambe ini jurhiatikuecha jimbo (Mat. 11:25; 24:45). Nóchi úpiringa jandiajku jorhenguarhini indeni ambe. Niárani sési kurhanguni  jurhimbikua ambe, sánderu jukaparhakuesti eska ambe uéjki (Prov. 3:13, 15).

5. ¿Náki kʼéri kóntperatajtsïni íntskuski Jeoba?

⁵ Ístu, Jeobajtsïni íntskusti kʼéri kóntperata para máteru kʼuiripuechani jorhendaani imeri ambe ka ambe enga eratseni jaka úni (Mat. 24:14). No ma ambe sánderu jukaparhasti eska i ambe engachi aianhpijka, jimboka jarhuataasïnga kʼuiripuechani paraksï Jeobaeri familia jingoni úkuarhini ka paraksï úni jatsini tsípikua para méntkisï (1 Tim. 4:16). No arhiparini sinchi kánikua aianhpisïni o sánititu, jarhuajpixakachi ini ánchikuarhitani úni enga xáni jukaparhakueka ini jurhiatikuechani jimbo (1 Tim. 2:3, 4). ¡Kʼéri kóntperata máesti Tata Diosï jingoni ánchikuarhini! (1 Kor. 3:9).

6. ¿Ambeksï úkuarhinchaspi máru kristianuecha?

⁶ Timoteueri jurhiatikuechani jimbo, máru kristianuechaksï no jukaparharaspti imani kóntperatani paraksï Tata Diosï jingoni ánchikuarhini. Por ejemplu, jimboka Demasi sánderu tsitispka parhakpini anapu ambe, nóteru uékasptia májku kʼéri marhuani Pablu jingoni (2 Tim. 4:10). Fijelu ka Ermójenesi nóteruksï aianhpesptia jimboka peekaksï chénga eskaksï májkueni no sési kánhapiringa eska Pablu (2 Tim. 1:15). Imeneo, Alejandru ka Filetu, apostataksï úkuarhispti ka jurajkusptiksï jurhimbikuani (1 Tim. 1:19, 20; 2 Tim. 2:16-18). Íksï kʼuiripuecha, niáraspti xénchani Jeobani, peruksï nóteru jukaparharasptia ambe engaksï intsïnhapka.

7. ¿Ambe úrasïni Noambakiti parachi nóteru jukaparharania jurhimbikuani?

⁷ ¿Ambe úrasïni Noambakiti parachi nóteru jukaparharania ambe engajtsïni Jeoba íntskuka? Ju je exeni máru ambe. Imani ambe úrasïndi enga jindeka para tsípikuarhini, telebisioni, pelikulechani, Interneti, periodikuechani, ka máteru ambe para úni eskachi ménderueni eratseaka ka jámani ka niáranchi jurajkuni jurhimbikuani. Ístu, úraasïndi máteru kʼuiripuechani parajtsïni chérani o no sési kámani ka parachi nóteru aianhpinia. Ka jánguarhintasïndi parachi jakajkuni apostatecheri “jorhengua arhikatani” ka jurajkunchi jurhimbikuani (1 Tim. 6:20, 21).

8. ¿Ambechi jorhenguarhisïni ima amberi enga Danieli nitamakuarhipka?

⁸ Engachi no jingontku jámaska, úpiringachi sánhani arhini jurajkuni jurhimbikuani. Ju je exeni ambe enga úkuarhinchapka Daniel, * enga kánikua tsitienga bideojuegucha jingoni chʼanani. Ima uandantasïndi: “Engani 10 jatiripka, uénaspka bideojueguecha jingoni chʼanani. Uénani jámani, imani úraasïrenga engaksï no xáni no sési japka. Peru sánhani arhispka imecha jingoni chʼanani engaksï atajperakuerika ka demoniuechiri ambe”. Danieli niáraspti  pauani pauani 15 ora chʼanani. Ima uandantasïndi: “Ísïsti, mítespka eskaksï i chʼanakuecha ka na engani xáni tiempu úrenga, úxapka eskani jarharepiringa Jeobani, peru nóteruni no sési exesïrenguia indeni ambe ka eratsesïrenga eskaksï Bibliaeri konsejuecha no jindespka para ji”. I ambejtsïni jorhendasïndi eska engachi no jingontku jámaska imani ambe jingoni engachi tsípikuarhijka, uáti úni eskachi no jukaparharaaka jurhimbikuani. Ka enga i ambe úkuarhiska, uákachi jurajkuni imani jukaparhakua ambe engajtsïni Jeoba íntskuka.

9. Eska na uandajka 1 Timoteo 1:18, 19, ¿Pablu ambe jingoni terukutantaspi Timoteuni?

⁹ (Arhinta je 1 Timoteo 1:18, 19). Pablu terukutantaspti Timoteuni soldadu ma jingoni ka juramukuspti eska no jurajkupiringa uarhipeni “ini ambakiti guerrani jimbo”. Peru no arhikuekaxapti kʼuiripuecha jingoni uarhipeni. ¿Nénaksï kristianuecha sáno májkueniski komueska soldaduecha engaksï uarhipeni nirajka? ¿Ambechi jatsiski para úni Kristueri soldaduecha? Ju je exeni iúmu ambe engajtsïni Pablueri ejemplu jorhendajka parachi no méni jurajkuni jurhimbikuani.

10. ¿Ambe arhikuekasïni Jeobantku kómarhini ka andisï xáni jukaparhakue eskachi ísï uáka?

¹⁰ Ju je Tata Diosïntku kómarhini. Ambakiti soldadu ma mintsinharhikuesïndi. Kánikua jánguarhintasïndi kuájchakuni nemani enga xénchajka o imani ambe enga jukaparharajka. Pablu pʼímarhispti Timoteuni paraka Tata Diosïntku kómarhipiringa, i ambe arhikuekasïndi eska xénchapiringa ka méntkisï janhanharhini (1 Tim. 4:7). Engachi jánguarhintaska sánderu xénchani Tata Diosïni, sánderuchi no méni uékaaka jurajkuni jurhimbikuani (1 Tim. 4:8-10; 6:6).

11. ¿Andichisï jatsi para kánikua jánguarhintani?

¹¹ Ju je jánguarhintani úni ambe enga sési jaka. Soldadu ma jatsisti para jánguarhintani enga uéjka úni imeri ánchikuarhitani. Ka Timoteu úspti ambe enga Kristueri soldadu ma jatsika para úni, jimboka kurhajchaspka Pabluni, jánguarhintaspti ambakiti kristianu máeni, erachicha jingoni kúnguarhini ka no úni imani ambe enga no sési jaka. (2 Tim. 2:22). Ka para ísï úni, jatsispti para kánikua jánguarhintani. Ka juchajtuchi jatsiska para kánikua jánguarhintani parachi no úni ambe enga no sési jaka (Rom. 7:21-25). Ístu, jatsiskachi para jánguarhintani engachi uéjka jurajkuni ambe engachi antesi uénga parachi úni jimbanhi kʼuiripu máeni (Efes. 4:22, 24). Ka jiáni engachi kuataratini jarhajka jimbokachi chúskutaska ánchikuarhini, jamberichi jatsiaka para kánikua jánguarhintani tánguarhikuarhu nirani (Ebr 10:24, 25).

12. ¿Ambejtsïni jarhuataa parachi ambakiti jorhentpiri máeni?

¹² Enga soldadu ma uéjka sési úraani armechani, jatsisti para someni jorhenguarhini néna úraani. Ka sáno májkueni, kristianuechachi jatsiska para jorhenguarhini sési úrani Tata Diosïri Karakatani (2 Tim. 2:15). Tánguarhikuecha jimbo, exeasïngachi máru ejempluechani na engachi jatsika para úrani. Peru engachi uéjka eskaksï kʼuiripuecha exeaka na enga xáni marhuajka ambe enga Biblia uandajka, jatsiskachi para jandiajku estudiarini Bibliani. Tata Diosïri Karakata jingoni, jatsiskachi para sánderu mintsikani Jeobani. Joperu no solu jatsiskachi para arhintani, sino ístu eratsentani ambe engachi arhintaaka ka jirinhantaani publikasionicharhu parachi sési kurhanguani ka parachi úni máteruechani aianguani (1 Tim. 4:13-15). Ísïchi uáka listu jarhani parachi máteruechani jorhendaani Biblia jingoni. Ísïsti, no solu uétarhisïndi tekstu ma arhikuantaani. Uékasïngachi eskaksï kurhanguaka ka eskaksï exeaka néna marhuakuaua. Ísï jimbo, engachi someni estudiariska Bibliani, uákachi ambakiti jorhentpiri máeni (2 Tim. 3:16, 17).

13. Ísï eska na uandajka Ebreu 5:14, ¿andichisï jatsi para jánhaskatini?

 ¹³ Ju je jánhaskatini. Soldadu ma jatsisti para tʼuini exenia enga ambe ma no sési úkuarhiaka ka kéndikuni. Juchajtuchi jatsiska para exeni ambe engajtsïni úpiringa no sési úchini ka kéndikukuarhinchi (arhinta je Ebreu 5:14; Prov. 22:3). Por ejemplu, jatsiskachi para sési erakuni ambe jingonchi tsípikuarhia. Sáno méntkisï enga telebisionirhu xarharajka ka pelikulecharhu, ísku jándikueri ambesïndi. Kristianuechachi no tsípikuarhisïnga ini ambe jingoni jimboka sánhani arhini úpiringa úni eskachi nóteru xénchapiringuia Jeobani. Míteskachi eska Tata Diosï kurhunhisïnga ísku jándikua ambe ka eska ima kʼuiripuecha engaksï indeni ambe újka, jandiajkuksï no sési ambe úkuarhinchasïnga ka ístuksï máteruechani no sési úkuasïndi (Efes. 5:5, 6).

14. ¿Néna jarhuataspi Danielini jánhaskatini?

¹⁴ Danieli engachi párrafu 8 jimbo uandaka, uénaspti kuenta íntskukuarhini eska no sési jarhaska bideojueguecha jingoni chʼanani engaksï atajperakuerika ka demoniuecheri ambeni. Jirinhantaspti ambe enga uandajka Watchtower Library inderi ambe ka para úni jurajkuni indeni jásï chʼanakua ambe. ¿Ambe úkuarhispi tátsekua? Nóteru úraasptia imani bideojueguechani engaksï no sési úkuni japka ka ístu nóteru chʼanasïrendia máteruecha jingoni. Danieli uandasïndi: “Enbesi de bideojueguecha jingoni chʼanani, uérasïrenga kʼumanchikuarhu ka máteru ambe úni o kúnguarhikuarhu anapu erachicha jingoni jarhani”. Danieli iásï prekursoristia ka orhejtsïkuti.

15. ¿Andisï xáni no sési jaki chkuanderakua ambe jakajkuni?

¹⁵ Ísï eska Timoteu, juchajtuchi jatsiska para kurhanguni eska kánikua no sési útspisïnga ima informasioni engaksï apostatecha etsakujka (1 Tim. 4:1, 7; 2 Tim. 2:16). Por ejemplu, jamberiksï jánguarhintajti chkuanderakua ambe etsakuni juchari erachicheri ambe o eskachi nóteru xáni mintsikaakia Jeobaeri kúnguarhikuani. I chkuanderakua ambe úpirindi úni eskachi sánhani arhipiringa nóteru mintsikania Jeobani. Ju je no jakajkuni indeni ambe, jimbokaksï kʼuiripuecheriska “engaksï no sési jásï eratsekua jukaka ka engaksï no mindu míteka ambe enga sési jimboeka” ka engaksï uéjka eskachi no sési arhijperaaka ka eskachi no sési pájperaaka (1 Tim. 6:4, 5). Imechaksï uékasïndi eskachi jakajkuaka imecheri chkuanderakua ambe ka eskachi no mintsikauaka juchari erachichani.

16. ¿Ambechi no jatsiski para sánderu tsitini?

 ¹⁶ Ju je imani ambe úni enga sánderu jukaparhakueka. Komueska “ma ambakiti soldadu Jesukristueri”, Timoteu jatsispti para aianhpini jarhani Tata Diosïri ambe ka no jurajkuni eska jatsikuarhekua ambe o máteru ambe ójkutapiringa (2 Tim. 2:3, 4). Májkueni eska ima, nóchi jatsiska para sánderu tsitini jatsikuarhekua ambe uékani jatsini. Jatsikuarhekua ambe úpirindi úni eskachi nóteru xénchapiringuia Jeobani, nóteru jukaparharania imeri Karakatani ka ni uékani aianguani máteru kʼuiripuechani Bibliaeri ambe (Mat. 13:22). Jatsiskachi para arisku sáni irekani ka úrani juchari tiempuni ka uinhapikuani para orheta peerani Reinueri ambe (Mat. 6:22-25, 33).

17, 18. ¿Ambechi uá parachi kuájchakuni juchari pájperakua Jeoba jingoni?

¹⁷ Ju je listu jarhani parachi jirejiresï úni ambe ma. Soldadu jatsisti para tʼuini exenia ambe uá jiáni enga no sési ambe úkuarhiaka. Engachi uéjka útasï imani ambe jatsini engajtsïni Jeoba íntskuka, jatsiskachi para jirejiresï úni ambe ma engachi exeaka eskajtsïni ambe ma uáka no sési úchini. ¿Ambejtsïni jarhuataa ísï úni? Tʼuini eratsenia ambe engachi uáka enga inde ambe úkuarhiska.

¹⁸ Por ejemplu nani enga uánikua kʼuiripu tánguarhijka, sáno méntkisïksï arhinhasïndi eska antesi de uénakuarhini programa exeakaksï naniasïsï sánderu sóntku uéntani. ¿Andi? Jimboka enga niáraska no sési ambe úkuarhini, tʼuinksï míteatia naniasïsï sóntku uéntani. Májkueni, ju je antesi exeni ambechi uá úni enga ma repentku uéraaka Internetirhu, pelikularhu o telebisionirhu informasioni engaksï apostatecha petajka o enga ísku jándikueri ambe xarharaaka o atajperakueri ambe. Engachi tʼuini listu jauakia, jirejiresïchi míteaka ambe úni parachi kuájchakuni juchari pájperakua Jeoba jingoni ka eskajtsïni Jeoba seguirini jauaka jaiapanhentani (Sal. 101:3; 1 Tim. 4:12).

19. ¿Nénachi pʼikuarheraa engachi jukaparharaska ambe engajtsïni Jeoba íntskuka?

¹⁹ Kristianuechachi jatsiska para kuájchakuni jukaparhakua ambe engajtsïni Jeoba íntskuka: ambakiti ambe enga Biblia uandajka ka kʼéri kóntperata para máteruechani jorhendaani indeni ambe. Engachi jukaparharaska indeni ambe, juchari konsiensia sési jauati, tsípikua jingonchi irekaaka ka sésichi pʼikuarheraaka máteruechani jarhuataani míteni Jeobani. Imeri jarhuajperata jingoni, uákachi kuájchakuni imani ambe engachi intsïnhaka (1 Tim. 6:12, 19).