Aarvatthōdu ūliyam seidha andha sagōdhara sagōdharigalei Yegōvaa balappadutthinaar. Andha varushatthil payaniyargaludeiya [appōdhu, kaalpaarttargal] ennikkei 225-ilirundhu 350-aaga uyarndhadhu. Adhōdu, mudhal dhadaveiyaaga 8,000-kkum adhigamaana prasthaabigal [appōdhu, klaas varkkars] thangaludeiya ūliyatthei thaleimei aluvalagatthukku arikkei seidhaargal. Avargaludeiya muyarchigalei Yegōvaa alavillaamal aasīrvadhitthaar.

“Ippōdhu Vaalum Latchakkanakkaanōr Ini Marippadhillei!” endra thaleippil 1920, Maarch 21-aam thēdhi sagōdharar Jōsaph F. Radharfōrd pēchu kodutthaar. Andha samayatthil avardhaan Baibil Maanaakkargalei munnindru valinadatthikkondu irundhaar. Aarvamullavargalei andha pēchukku aleippadharku thangalaal mudindha ellaa muyarchigaleiyum Baibil Maanaakkargal seidhaargal. 3,20,000 aleippidhalgalei kodutthaargal. Andha nigalchikkaaga Niyu Yaark Nagaratthilirundha oru periya mandratthei vaadageikku edutthaargal.

Baibil Maanaakkargal edhirpaartthadheivida kūttam kuvindhadhu. Andha mandratthukkul 5,000-kkum adhigamaanavargal vandhaargal. Irukkeigal illaadhadhaal mīdhi 7,000-kkum adhigamaana pēr thirumbi pōivittaargal. “Sarvadhēsa Baibil Maanaakkargal nadatthiya kūttangalilēyē idhudhaan miga periya kūttam, idhu makkalukku migavum aarudhal alitthadhu” endru Kaavarkōburam sonnadhu.

“Ippōdhu vaalum latchakkanakkaanōr ini marippadhillei!” endra seidhiyei solvadhil Baibil Maanaakkargal pērpōnavargalaaga irundhaargal. Andha samayatthil, prasanga vēlei innum periya alavil seiyappada vēndum enbadhu avargalukku puriyaamal irundhaalum avargal aarvamaaga prasangitthaargal. 1902-il kūttangalukku vara aarambittha Aidaa Ōmsted endra sagōdhari ippadi sonnaar: “Ellaa manushangalukkum arpudhamaana aasīrvaadhangal kaatthirukkudhunu engalukku nallaa therinjirundhuchu. Adhanaala, paarkkaravangakitta ellaam nalla seidhiya sonnōm.”

Niyu Yaark, Bruklinil irundha 35 Mirtil Avanyuvil oru kattidam vaadageikku edukkappattadhu. Andha kattidam Betthēlukku pakkatthilēyē irundhadhu. Sagōdharargalukku thodarndhu aanmīga unavu kideikka vēndum enbadharkaaga Betthēlilirundha sagōdharargal oru achadikkum iyandhiratthei vaanginaargal. Piragu, adhil prasurangalei achadikka aarambitthaargal.

Janavari 1920-il Līyō Pellum Vaaltar Keslarum Betthēlukku vandhaargal. Avargal vandha mudhal naalil enna nadandhadhendru Vaaltar sonnaar: “Naanga pōi sērndhadhum achaga kangaani engala paartthu, ‘Matthiyaana saappaattukku innum ondrarei maninēram irukku’ appadinu sonnaaru. Kattidatthōda kīltthalatthula, attei pettigalla butthagangal irundhuchu. Adheiyellaam konduvara sonnaaru.”

Aduttha naal enna nadandhadhu enbadhei patri  Līyō ippadi sonnaar: “Andha kattidatthōda thareitthalatthula irundha suvargala kaluvuradhudhaan engalōda vēlei. Suvargal romba alukkaa irundhuchu. Andha maadhiriyaana vēleiya naan senjadhē illa. Aanaa adhu Kadavulōda vēlei, adhu enakku kideicha oru baakkiyam.”

Sila vaarangalilēyē, Betthēlil irundha sagōdharargal Kaavarkōburatthei surusuruppaaga achadikka aarambitthaargal. Mudhal thalatthil ameikkappattirundha achu iyandhiratthil Pibravari 1, 1920 Kaavarkōburam achadikkappattadhu. Mottham 60,000 pradhigalei achaditthaargal. Adhēsamayatthil, kīltthalatthil oru periya achu iyandhiratthei ameitthaargal. Ēpral 14, 1920 idhalilirundhu Dha Gōldan Ēj patthirikeiyeiyum achadikka aarambitthaargal. Andha sagōdharargalin muyarchigalei Yegōvaa aasīrvadhitthaar enbadhu thelivaaga therindhadhu.

Yegōvaavukku unmeiyaaga irundhavargal putthuyir petru marubadiyum otrumeiyaaga avarukku sēvei seidhukondirundhaargal. Aanaal, 1917-ilirundhu 1919 varei irundha kadinamaana kaalappagudhiyil Baibil Maanaakkargal silar ameippeivittu veliyē pōivittaargal. Avargalukku udhavuvadharkaaga enna muyarchi edukkappattadhu?

Ēpral 1, 1920 Kaavarkōburatthil, “Naam Ondrusērndhu Samaadhaanamaaga Vaalvōm” endra thaleippil oru katturei vandhadhu. Adhil anbaana indha vaarttheigal irundhana: “Kadavuludeiya sakthiyei petrirukkira ellaarum . . . nadandhadhei marandhuvittu . . . orē udalaai ondrusērndhu sēvei seiya thayaaraaga iruppaargal endru naangal urudhiyaaga nambugirōm.”

Indha anbaana vaarttheigal, nireiya pērudeiya manadhei thūndina. Oru thambadhi ippadi eludhinaargal: “Ellaarum prasanga vēleiyei seidhukondirundhabōdhu, naangal oru varushatthukkum mēl summaa irundhuvittōm. Adhu thavarendru therigiradhu. . . . Inimēl naangal idhupōl seiyavē kūdaadhu enbadhil urudhiyaaga irukkirōm.” Putthuyir petra idhupōndra sagōdhara sagōdharigalukku munnaal ēraalamaana vēleigal irundhana.

Nireivēritthīrndha Ragasiyam (Aangilam) endra butthagam 1918-il thadei seiyappattabōdhu, ēraalamaana pradhigalei Baibil Maanaakkargal sērtthu vaittthirundhaargal. Piragu, adhei patthirikei vadivil achittu Jūn 21, 1920-ilirundhu mummuramaaga viniyōgikka aarambitthaargal.

Payaniyargal mattumalla, prasthaabigal ellaarum  indha viniyōgippukkaaga aleikkappattaargal. “‘Ondru seivēn, Nireivēritthīrndha Ragasiyam butthagatthei viniyōgippēn’ enbadhudhaan ovvoruvarin dhaaraga mandhiramaaga irukka vēndum” endru Jūn 1920-il vandha Bullattin sonnadhu. (Ippōdhu, Nam Kristhava Vaalkkeiyum Ūliyamum Payirchi Butthagam.) Indha viniyōgippukkaaga sagōdhara sagōdharigal vīttukku vīdu ūliyatthil kalandhukondadhaagavum, avargalil nireiya pērukku vīttukku vīdu ūliyam seivadhu adhudhaan mudhal dhadavei endrum Edmand Hūppar sonnaar. “Naanga edhirpaartthadhavida seiradhukku nireiya vēleigal irukkudhungradha naanga purinjukka aarambichōm” endrum avar sonnaar.

Mudhal Ulaga Pōrin samayatthil, matra naadugalilirundha Baibil Maanaakkargalei thodarbukolvadhu kashtamaaga irundhadhu. Adhanaal, andha naadugalilirundha sagōdhara sagōdharigalei urchaagappadutthavum, ūliya vēleigalei olungameikkavum Sagōdharar Radharfōrd virumbinaar. Aagast 12, 1920-il, avarum naangu sagōdharargalum Ingilaandhukkum matra naadugalukkum thangaludeiya sutruppayanatthei aarambitthaargal.

Radharfōrd Ingilaandhukku pōnabōdhu, angē mūndru maanaadugalum 12 podhu kūttangalum nadatthappattana. Ivatril kittatthatta 50,000 pēr kalandhukondaargal. Radharfōrdin indha sandhippei patri Kaavarkōburam ippadi sonnadhu: “Nanbargalukku putthunarchiyum urchaagamum kideitthadhu. Innum otrumeiyaagavum anbaagavum avargal sēvei seidhaargal. Vaadippōna palarudeiya idhayangal malarndhana.” Paarisukku pōnabōdhu, “Ippōdhu Vaalum Latchakkanakkaanōr Ini Marippadhillei!” endra pēchei Sagōdharar Radharfōrd kodutthaar. Pēchei aarambitthabōdhē mandratthil kūttam nirambivalindhadhu. Innum nireiya vishayangalei therindhukolla aaseippaduvadhaaga 300 pēr sonnaargal.

Adutthaduttha vaarangalil, Sagōdharar Radharfōrdum avarōdu pōyirundha matra sagōdharargalum Ēthans, Keirō, Jerusalēm aagiya idangalukku pōnaargal. Indha nagarangalil aarvam kaattiyavargalukku thodarndhu udhava, Jerusalēmukku pakkatthilirundha Raamaalaavil Sagōdharar Radharfōrd oru kilei aluvalagatthei ērpadutthinaar. Piragu, avar marubadiyum Airōppaavukku pōi Matthiya Airōppiya Kilei Aluvalagatthei ērpadutthinaar. Angēyē prasurangalei achadippadharkaana ērpaadugaleiyum seidhaar.

Septambar 1920-il, Dha Gōldan Ēj patthirikei en 27 sirappidhalaaga veliyidappattadhu. 1918-il Baibil Maanaakkargalukku nadandha kodumeigalei idhu velichampōttu kaattiyadhu. Aarambatthil kurippidappatta periya achu iyandhiram, indha patthirikeiyin 40 latchatthukkum adhigamaana pradhigalei  achadippadharkaaga raappagalaaga ōdikkondirundhadhu.

Sagōdhari Emaa Maarttinmīdhu pōdappatta vitthiyaasamaana valakkei patri indha patthirikeiyil sollappattirundhadhu. Kalifōrniyaavil irukkira Saan Bernaardinōvil payaniyaraaga avar sēvei seidhuvandhaar. Maarch 17, 1918-il, avarum sagōdharargal E. Haam, E. J. Sōnenberg, E. A. Stīvens aagiyōrum Baibil Maanaakkargal nadatthiya oru kūttatthukku pōyirundhaargal.

Andha kūttatthukku innoruvarum pōyirundhaar. Aanaal, Baibilei patri katrukkolvadharkaaga avar pōgavillei. “Arasaanga vakkīl aluvalagam kēttukkittadhunaala. . . naan andha kūttatthukku pōnēn. Ēdhaavadhu aadhaaram kideikkumaanu paarkkuradhukku ennei anuppichaanga” endru pirpaadu avar otthukkondaar. Avar edhirpaarttha aadhaaram, adhaavadhu Nireivēritthīrndha Ragasiyam butthagam, avarukku kideitthadhu. Sila naatkalukku piragu, Sagōdhari Maarttinum mūndru sagōdharargalum kaidhu seiyappattaargal. Thadei seiyappatta andha butthagatthei avargal viniyōgitthadhaagavum, adhan mūlam Ulavu Sattatthei mīriyadhaagavum solli avargalmīdhu kutram sumatthinaargal.

Avargal kutravaaligal endru thīrppalikkappattu mūndru varuda sireitthandanei kodukkappattadhu. Avargal nireiya dhadavei mēlmureiyīdu seidhaargal. Adharkumēl appadi seivadharku sattatthil idamillaadhadhaal Mē 17, 1920-il avargal sireikku pōnaargal. Aanaal, sīkkiratthil kaatchi maaravirundhadhu.

Jūn 20, 1920-il, Saan Fraansiskōvil oru maanaadu nadandhadhu. Sagōdhari Maarttinukkum matra mūndru sagōdharargalukkum enna nadandhadhu enbadhei patri andha maanaattil Sagōdharar Radharfōrd sonnaar. Adhei kēttabōdhu angirundhavargal adhirchiyadeindhaargal. Ellaarum sērndhu Amerikka adhibarukku oru teligraam anuppa vēndumendru mudivu seidhaargal. Adhil ippadi eludhi anuppinaargal: “Ulavu sattatthei mīriyadhaaga solli. . . Thirumadhi Maarttinukku kodukkappatta dhandanei. . . aniyaayamaanadhu. Kūttaatchi adhigaarigal thangaludeiya adhigaaratthei payanpadutthi. . . Thirumadhi Maarttinei. . . sikka vaittthirukkiraargal. Avarei sireiyil thalla vēndum enbadharkaaga avarmīdhu valakkei jōdittthirukkiraargal. Indha aniyaayamaana seyalei. . . naangal kandanam seigirōm.”

Sagōdhari Maarttin, Sagōdharargal Haam, Sōnenberg, matrum Stīvensudaiya dhandaneiyei aduttha naalē Adhibar Wudrō Vilsan ratthu seidhaar. Aniyaayamaaga avargal anubavittha sirei dhandaneiyum mudivukku vandhadhu.

1920-il thaleimei aluvalagatthil ēraalamaana vēleigal nadandhana. Andha varusham mudivadeiyappōgira samayatthil, andha varusham muluvadhum nadandhadhei nineitthu Baibil Maanaakkargal romba sandhōshappattaargal. (Mat. 24:14) Adutthu vandha varushatthil, adhaavadhu 1921-il, prasanga vēlei innum sūdupiditthadhu.