1. Silatusaar­ner­paamik qanoq aalajangiisin­naavugut?

ANGAJOQ­QAAT aalajangigaat qitor­naan­nut sivisuumik sun­niuteqarajup­put. Aalajangiinerlup­pata qitor­naasut ajor­nar­torsiulersin­naap­put. Silatusaar­tumil­li aalajangiip­pata qitor­naasut nalerisimaarlutil­lu pil­luar­nis­saat ilimanar­ner­paavoq. Soorunami qitor­naasut aam­ma nam­min­neq silatusaar­tumik aalajangiisariaqar­put. Aalajanger­neq silatusaar­ner­paaq tas­saavoq Jehovamut, Ataatatsin­nut asan­nit­tumut qilam­miusumut, kif­far­tor­niarluni aalajanger­neq. – Tuss 73:28.

2. Jiisusi taas­sumalu angajoq­qaavi silatusaar­tumik qanoq aalajanger­pat?

² Josefip Marial­lu meeq­qatik Jehovamik kif­far­tuleq­qul­lugit ikiorusup­paat, aalajangiisar­neran­nil­lu erser­poq Jehovamut kif­far­tor­neq inuunermin­ni pingaar­ner­paatik­kaat. (Luk 2:40, 41, 52) Jehovap piumasaatut iliorsin­naajumal­luni Jiisusi aam­ma silatusaar­tumik aalajangiisar­poq. (Matt 4:1-10) Inersimasun­ngorami sapiitsuul­lunilu ilumoorfigin­nit­tuul­lunilu inus­siar­nersuuvoq. Er­neq taamaat­toq angajoq­qaat Jehovamik mianerin­nit­tut kik­kul­luun­niit tul­luusimaarutigalugulu nuan­naarutigis­savaat.

3. Al­laaserisami matumani apeq­qutit suut akis­sutis­sarsis­savavut?

³ Al­laaserisami matumani apeq­qutit uku akis­sutis­sarsis­savavut: Jiisusi pil­lugu Jehova silatusaar­tumik qanoq aalajanger­pa? Angajoq­qaat kristumiut aalajangiinermut tun­ngatil­lugu Josefi Marialu qanoq ilin­niarfigisin­naavaat? Kristumiut inuusut­tut aalajangiinermut tun­ngatil­lugu Jiisusi qanoq ilin­niarfigisin­naavaat?

4. Jehova er­nini pil­lugu pingaarutilim­mik sumik aalajanger­pa?

⁴ Jehovap Jiisusimut angajoq­qaajul­luarumaar­tut toq­qar­pai. (Matt 1:18-23; Luk 1:26-38) Mariap qaman­nga pisumik oqaasiinit Biibilimi al­las­simasunit erser­poq Jehovamut taas­sumalu oqaasiinut asan­ningaar­tuusoq. (Luk 1:46-55) Josefip Jehovap siulersuineranut naalan­nermigut ersersip­paa Guutimik mianerin­nit­tuul­lunilu taas­suman­nga iluarineqarusul­luni. – Matt 1:24.

5-6. Jehovap er­nini sunut il­lersun­ngilaa?

⁵ Malugiuk Jehovap Jiisusimut angajoq­qaas­satut toq­qagai pisuujun­ngitsuusut. Josefip Marial­lu piitsuunerat erser­poq Jiisusip inun­ngor­nerata kingor­na pil­liutaan­nit. (Luk 2:24) Ilimanar­poq Josefi Nazaretimi angerlarsimaf­fim­mi eq­qaani san­naveqarsimasoq tas­sanilu sanasutut sulisar­toq. Inooriaasiat pilimanian­ngitsuusimas­saaq, ingam­mik ikin­ner­paamik arfineq-marlun­nik meeraqalermata. – Matt 13:55, 56.

⁶ Jiisusi navianar­tut ilaan­nut Jehovamit il­lersor­neqaraluarluni ajor­nar­torsiuteqar­tar­poq. (Matt 2:13-15) As­sersuutigalugu ilaqutaasa ilaasa up­perin­ngilaat. Takorlooruk Jiisusip Mis­siarsiunini pil­lugu ilaqut­tami ilaasa aal­laq­qaam­mut up­perin­ngim­man­ni qanoq pakatsisimatigis­sasoq. (Mark 3:21; Joh 7:5) Aam­ma ilimanar­poq Jiisusi inuusutsil­lugu Josefi toqusimas­sasoq, Jiisusil­lu taman­na an­niaatigisimas­savaa. Taamatut toqusooramik Jiisusi, nukap­piaq­qanit angajul­liugami, ilaqut­taminik pilersuisus­san­ngorsimagunar­poq. (Mark 6:3) Jiisusip peroriar­tor­nermini ilaqut­taminik isumas­suinis­sani ilik­karsimavaa. Taak­ku pilersor­niarlugit suleruloor­tarsimas­saaq. Taamaat­tumik un­nuk­kut qasoq­qasar­neq nam­mineq misigisar­paa.

7. (a) Aap­pariit meeq­qanik perorsaanermut tun­ngatil­lugu apeq­qutit suut eq­qarsaatigisariaqar­paat? (b) Meeq­qanik ilin­niar­titsinermi Us­satit 2:1-6 qanoq iluaqutaasin­naap­pat?

⁷ Aap­pariiugus­si meerar­taarusut­tut apeq­qutit uku eq­qarsaatigisigit: ‘Maniguut­tuuvugut anersaak­kul­lu it­tunik pingaar­titsisuul­luta? Jehovap meeq­qamik inoorlaamik erlin­nar­tumik isumagin­nit­tus­satut toq­qarusus­savaatigut?’ (Tuss 127:3, 4) Meeraqaruit uku eq­qarsaatigik­kit: ‘Meerara sulil­luar­nerup  pingaaruteqar­neranik ilin­niar­tip­para?’ (Oqal 3:12, 13) ‘Meeq­qak­ka Saatanip silarsuaani timik­kut ileq­qus­satigul­lu navianar­tunut sapin­ngisan­nik il­lersor­pak­ka?’ (Uss 22:3) Meeq­qatit ajor­nar­torsiutaasin­naasunut tamanut il­lersorsin­naan­ngilatit. Taamaalior­toqarsin­naan­ngilarmi. Ajor­nar­torsiutaasin­naasunul­li piareersimasin­naaq­qul­lugit Guutip oqaasiani siun­nersuutis­sarsior­tar­nis­samut asan­nit­tumik ilin­niar­tit­tuarsin­naavatit. (Ussatit 2:1-6 atuakkit). As­sersuutigalugu ilaqutaasut ilaat Jehovamut pal­lorfigin­nik­kun­naar­pat Guutip oqaasia atorlugu Jehovamik ilumoorfigin­nit­tuar­nerup pingaaruteqar­neranik meeq­qat ilin­niar­tis­sin­naavat. (Tuss 31:24) Asasamil­luun­niit toqusoorus­si aliasun­nerup naam­magalugu ator­neqarsin­naanera qanorlu eq­qis­sisoqarsin­naasoq Guutip oqaasia atorlugu takutiguk. – 2 Kor 1:3, 4; 2 Tim 3:16.

8. Mosesimik al­lak­kat tal­limaat 6:6, 7-ilu naaper­torlugit Josefi Marialu susariaqarsimap­pat?

⁸ Jiisusi Josefimit Mariamil­lu ilin­niar­tin­neqar­nermigut Guutimit iluarisaaler­poq; taak­kumi Jehovap angajoq­qaanut siun­nersuutai maleruar­paat. (5 Mosesi 6:6, 7 atuakkit). Jehovamik asan­ningaar­put meeq­qamil­lu aam­ma taamatut asan­nin­nis­saan­nik ilin­niar­titsiner­tik pingaar­ner­paatip­paat.

9. Josefip Marial­lu pingaarutil­lit suut aalajangiup­paat?

⁹ Josefi Marialu aalajanger­put aalajangersimasumik Jehovamik pal­lorfigin­nin­neq ileq­qoriniarlugu. Ukiumoor­tumik Jerusalemimut poorskisioriar­tor­tar­put aam­ma synagogimi Nazaretimiit­tumi sapaatit-akun­neri tamaasa ataatsimiit­tarsimas­sal­lutik. (Luk 2:41; 4:16) Ilaqutariit­tut Jerusalemimut angalanermin­ni Jiisusi qatan­ngutaalu Jehovap in­nut­taasa oqalut­tuarisaanerat pil­lugu ilin­niar­tit­tarsimas­savaat. Sumiif­fiil­lu Al­lak­kani Il­ler­nar­tuni eq­qaaneqar­tut aq­qusaar­tarsimasin­naavaat. Ilaqutariit­tut amerliar­tor­til­lutik Josefip Marial­lu anersaak­kut it­tunik sam­misaqar­tar­ner­tik saper­narsiar­toraluar­toq aalajangiusimajuaramik­ku pil­luaq­quneqar­put. Jehovamik pal­lorfigin­nin­neq sal­liuk­kamik­ku ilaqutariit­tut anersaak­kut ingerlal­luar­put.

10. Angajoq­qaat kristumiut Josefi Marialu qanoq ilin­niarfigisin­naavaat?

¹⁰ Angajoq­qaajususi Guutimik mianerin­nit­tuususi,  Josefi Marialu qanoq ilin­niarfigisin­naavisigit? Pingaar­ner­paamik Jehovamik asan­ningaar­nerit oqaatsik­kut iliuutsik­kul­lu meeq­qan­nut takutiguk. Tunis­sutigisin­naasat an­ner­paaq tas­saavoq meeq­qavit Jehovamik asan­nin­nis­saan­nik ilin­niar­titsineq. Meeq­qat ileq­qulius­sin­naasaasa pingaar­ner­paat ilaat tas­saavoq atuaq­qis­saar­tar­neq, qinusar­neq, ataatsimiigiar­tar­neq oqaluus­seqataasar­nerlu. (1 Tim 6:6) Soorunami meeq­qatit timik­kut pilersor­tariaqar­patit. (1 Tim 5:8) Eq­qaamajul­li meeq­qavit Jehovamut at­taveqarluar­ner­tik pis­sutigalugu, pigisatik pis­sutiginagit, silarsuatoq­qamit matuman­nga an­naan­neqas­sasut paratiisimiilis­sasul­lu. * – Ez 7:19; 1 Tim 4:8.

11. (a) Timotheusimut al­lak­kat siul­liit 6:17-19 iluaqutigalugu angajoq­qaat meeq­qamin­nut tun­ngatil­lugu silatusaar­tumik qanoq aalajangiisin­naap­pat? (b) Ilis­si ilaqutariit­tut qanoq anguniagaqarsin­naavisi, tamak­kulu qanoq pil­luaq­quneqaatigisin­naavisigit? (Takuuk ungalusaq “ Sunik anguniagaqarusup­pisi?”)

¹¹ Angajoq­qaar­pas­suit kristumiut inoqutimin­nut anersaak­kut it­tunik silatusaar­tumik aalajangiisar­tut takul­lugit qiim­maal­lan­naqaaq! Aalajangersimasumik pal­lorfigin­neqatigiit­tar­put. Ataatsimiigiar­tar­put, ataatsimeersuariar­tar­put oqaluus­sisarlutil­lu. Al­laal­lu ilaqutariit ilaat oqaluus­sif­figineqakulan­ngitsumut oqaluus­siar­tor­tar­put. Al­lat Betelimut takor­nariar­tar­put Jehoval­luun­niit peqatigiif­fiani sanaar­toqataasarlutik. Ilaqutariit taamaalior­tar­tut aningaasatigut pil­liuteqar­tar­put ajor­nar­torsiuteqalersin­naal­lutil­lu. Jehovamil­li anersaak­kut pil­luaq­quneqangaar­tar­put. (1 Timotheusi 6:17-19 atuakkit). Meeq­qat ilaqutariin­ni taamaat­tuni peroriar­tor­tut ileq­qutik inersimasun­ngoraangamik ingerlatiin­nar­tar­paat, taamatul­lu peroriar­tor­ner­tik nuan­naarutigisar­paat! * – Uss 10:22.

12. Jiisusi peroriar­tor­til­luni susariaqar­tarsimava?

¹² Jiisusip Ataataa qilam­miusoq tamatigut silatusaar­tumik aalajangiisar­poq, angajoq­qaavilu nunamiut aam­ma silatusaar­tumik aalajangiisar­put. Jiisusili peroriar­tor­til­luni aam­ma nam­mineq aalajangigas­saqar­taler­poq. (Gal 6:5) Uagutsitul­li piumasamisut iliorsin­naatitaavoq. Nam­mineq soqutigisani sal­liun­niarlugit aalajangersimasin­naagaluar­poq. Taamaalior­nanili Jehovamut at­taveqar­nini sal­liun­niarlugu aalajanger­poq. (Joh 8:29) Maligas­saal­luar­nera ul­lumik­kut inuusut­tut qanoq iluaqutigisin­naavaat?

13. Jiisusi suli ukiukil­luni pingaarutilim­mik qanoq aalajanger­pa?

¹³ Jiisusi meeraanerminiil­li angajoq­qaani  naalan­niarlugit aalajanger­poq. Angajoq­qaaminit ilisimasaqar­nerusorin­ngin­nami siun­nersuutaan­nik itigar­titsineq ajor­poq, ‘naalat­tar­paali.’ (Luk 2:51) Jiisusip nukap­piaq­qani angajul­lersaasutut akisus­saaf­fini pimoorut­tarsimas­savaa. Ilaqut­taminik pilersueqataajumal­luni Josefi sanasuusoq ilin­niarfiginis­saa ilungersuutigisimas­savaa.

14. Qanoq nalun­ngilar­put Jiisusi Guutip oqaasianik atuaq­qis­saar­tar­tuusimasoq?

¹⁴ Jiisusip tupin­nar­tulior­nik­kut naar­tugineqalersimanini nam­minerlu pil­luni Guutimit oqariar­tor­titaasut oqaasii pil­lugit angajoq­qaaminit tusarsimas­savai. (Luk 2:8-19, 25-38) Jiisusip oqalut­tuun­neqar­tar­nini naam­maginagu aam­ma nam­mineq Al­lak­kanik Il­ler­nar­tunik atuaq­qis­saar­tarsimavoq. Taman­na qanoq nalun­ngilar­put? Jerusalemimi ilin­niar­titsisut Jiisusip meeraasup “ilisimas­susia akis­sutaalu” tupigusuutigim­mas­suk. (Luk 2:46, 47) Jiisusil­lu Guutip oqaasianik atuaq­qis­saarluar­tarsimagami aq­qaneq-marluin­nar­nik ukioqarluni up­peril­luin­nar­paa Jehova Ataatagalugu. – Luk 2:42, 43, 49.

15. Jehovap piumasaatut ilior­niarluni aalajangersimanini Jiisusip qanoq ersersip­paa?

¹⁵ Jiisusi Jehovap qanoq ilioq­qugaani paasigamiuk taas­suma piumasaatut ilior­niarluni aalajanger­poq. (Joh 6:38) Nalun­ngilaa inup­pas­suar­nit uumigineqas­sal­luni. Taman­na nuan­narin­ngik­kaluarlugu Jehovamut naalat­tuarumal­luni aalajanger­poq. Ukiumi 29-mi kuisik­kami Jehovap piumasaatut ilior­nis­sani pingaar­ner­paatip­paa. (Hebr 10:5-7) Ataatami piumasaatut ilior­nis­sani aalajangiusimajuaan­nar­paa, al­laat nap­pak­kami an­niar­titaaf­fim­mi toqulerluni. – Joh 19:30.

16. Meeq­qat Jiisusi ilaatigut qanoq ilin­niarfigisin­naavaat?

¹⁶ Angajoqqaatit naalakkit. Josefitut Mariatul­lu angajoq­qaatit naam­mal­luin­nar­tuun­ngil­lat. Jehovamil­li peq­quneqar­put ilin­nik il­lersuil­lutil­lu ilin­niar­titsil­lutil­lu siulersuis­sasut. Siun­nersuutaat maleruar­taruk­kit oqar­tus­saas­susial­lu ataq­qiguk­kit ‘pil­luas­saatit’. – Ef 6:1-4, tastamantitâĸ.

17. Josva 24:15 naaper­torlugu inuusut­tut nam­mineq qanoq aalajanger­tariaqar­pat?

¹⁷ Kina kiffartorfigiumanerlugu aalajangerit. Jehova kinaanersoq, qanoq piumasaqar­nersoq  piumasaalu naaper­torlugu qanoq iliuuseqarsin­naasutit nam­mineq misis­sor­tariaqar­pat. (Rom 12:2) Taava Jehova kif­far­torfiginiarlugu aalajangersin­naalis­saatit, taman­nami inuunin­ni aalajangigas­sat pingaar­ner­paar­taraat. (Josva 24:15 atuaruk; Oqal 12:1) Biibili atuar­tarlugulu atuaq­qis­saar­taruk­ku Jehova asanerujar­torlugulu up­perinerujar­tus­savat.

18. Inuusut­tut qanoq aalajanger­tariaqar­pat, qanorlu kinguneqas­sava?

¹⁸ Jehovap piumasaa inuuninni salliuguk. Saatanip silarsuaata isumaqalersin­niar­paatit pigin­naanitit im­minut iluaqutaatik­kuk­kit pil­luas­sasutit. Pigisanil­li pingaar­titsisut ‘im­min­nut amerlasuunik erloqis­sutis­sior­tar­put’. (1 Tim 6:9, 10) Jehovali tusar­naar­taruk­ku piumasaalu inuunin­ni sal­liun­niarlugu aalajangeruit silatusaas­sal­lutil­lu “iluatsitsil­luas­saatit”. – Jos 1:8.

19. Angajoq­qaat suna eq­qaamasariaqar­paat?

¹⁹ Angajoq­qaajususi, meeq­qas­si Jehovamut kif­far­tuleq­qul­lugit sapin­ngisas­sin­nik ikiorsigit. Taan­na tatigigus­siuk silatusaar­tumik aalajangiisin­naaq­qul­lusi ikius­savaasi. (Uss 3:5, 6) Eq­qaamasiuk iliuutsisi oqaasis­sin­nin­ngar­nit meeq­qas­sin­nut sun­niuteqar­nerusar­tut. Taamaat­tumik meeq­qas­si Jehovamit iluarisaanisaan­nik periarfis­sik­kumal­lugit silatusaar­tumik aalajangiisaritsi.

20. Inuusut­tut Jehova kif­far­torfiginiarlugu aalajangerunik qanoq pil­luaq­qusaas­sap­pat?

²⁰ Inuusut­tuususi, silatusaar­tumik aalajangiisarsin­naaq­qul­lusi angajoq­qaas­si ikiorsin­naavaasi. Guutimil­li iluarisaajumal­lutit nam­mineq silatusaar­tumik aalajangiisariaqar­putit. Taamaat­tumik Jiisusi ilaarlugu Ataatat asan­nit­toq qilam­miusoq kif­far­torfiginiarlugu aalajangerit. Taamaalioruit maan­nak­kut inuunerit siuner­taqarlunilu pis­sanganar­tuus­saaq, sam­misas­saaleqif­fiunanilu. (1 Tim 4:16) Siunis­samilu inuunerit pil­luar­nar­ner­paas­saaq!