1. Mat­thæusi 28:18-20 naaper­torlugit Jiisusi qanoq peq­qusiva?

JIISUSIP toqusunit makititaareerluni ajoqersuk­kani Galilæami katersuus­simasut saq­qum­merfigai. Pingaarutilin­nik oqaasis­saqar­poq. Sunik? Oqaasii Matthæusi 28:18-20 atuarsin­naavavut. – Atuakkit.

2. Apeq­qutit suut sam­mis­savavut?

² Jiisusip ajoqersugan­ngor­titsior­toq­qusinera ul­lumik­kut Guutip kif­faanut aam­ma atuup­poq. Taamaat­tumik apeq­qutit pingasut Jiisusip suliareq­qusaanut tun­ngasut sam­meriar­tigit. (1) Ajoqersugan­ngorlaat Guutip peq­qus­sutaanik ilin­niar­tin­nerisa saniatigut aam­ma sus­saagut? (2) Biibilimik atuaq­qis­saar­tar­tut anersaak­kut siumukaq­qul­lugit oqaluus­sisar­tut ilagiin­niit­tut tamarmik qanoq ikiueqataasin­naap­pat? (3) Up­peqativut unit­tooq­qasut ajoqersugan­ngor­titsior­toq­qis­sin­naaleq­qul­lugit qanoq ikiorsin­naavavut?

3. Jiisusip peq­qus­sutaanut aam­ma suna ilaava?

³ Jiisusip oqaasii paatsuugas­saan­ngil­lat. Peq­qus­sutaanik inuit ilin­niar­tit­tariaqar­pavut. Malugin­ngitsuus­san­ngilar­pul­li pingaarutilik. Jiisusi ima oqan­ngilaq: ‘Ajoqersorsigit ilis­sin­nut peq­qus­sutin­nik tamanik.’ Imali oqar­poq: Ajoqersorsigit “ilis­sin­nut peq­qus­sutik­ka tamaasa maleruaqqullugit”. Taamaaliorumal­luta Biibilimik atuaq­qis­saaqateqaraangat­ta ilin­niar­titsiin­narata aam­ma atuaq­qis­saaqatit­ta qanoq ilior­nis­saanik ilitsersuus­sisariaqar­pugut. (ApS 8:31) Sooq?

4. Peq­qus­sum­mik maleruaaneq qanoq paasisariaqar­pa? As­sersuuteqarit.

 ⁴ Peq­qus­sum­mik ‘maleruaagaangat­ta’ peq­qus­sut pineqar­toq naalat­tar­par­put. Kristusip peq­qus­sutaanik maleruaanis­saq, tas­sa naalan­nis­saq, qanoq ilin­niar­titsis­sutigineqarsin­naasoq paasiuminarsarlugu as­sersuuteqariar­ta. Biiler­nermut ilin­niar­titsisup ilin­niar­titani angal­lan­nermi malit­tarisas­sanik maleruaanis­saanik qanoq ilin­niar­tit­tar­paa? Angal­lan­nermi qanoq malit­tarisas­saqar­nersoq ilin­niar­titsis­sutigeq­qaar­tar­paa. Malit­tarisas­sal­li qanoq maleruar­neqas­sasut ilin­niar­tik­kumal­lugu iliuuseqar­nerusariaqar­poq. Ilin­niar­titami ilin­niak­katik qanoq atorsin­naaneraat ilin­niar­tik­kumal­lugit biileqatigitil­lugit ilitsersor­tariaqar­pai. As­sersuut taman­na qanoq ilin­niarfigaar­put?

5. (a) Johan­nesi 14:15 aam­ma Johan­nesip al­lagai siul­liit 2:3 naaper­torlugit atuaq­qis­saaqatigisar­tak­kavut soq­qul­lugit ilin­niar­tit­tariaqar­pavut? (b) Atuaq­qis­saaqatigisar­tak­kavut ilaatigut qanoq ilin­niar­tis­sin­naavavut?

⁵ Biibilimik atuaq­qis­saaqateqaraangat­ta Guutip uagutsin­nut piumasaqaataanik ilin­niar­tit­tar­pavut. Iliuuseqar­nerusariaqar­pugul­li – tas­sa ilik­kak­kamin­nik ul­luin­nar­ni maleruaanis­saan­nik ilin­niar­tit­tariaqar­pavut. (Johannesi 14:15; 1 Johannesi 2:3 atuakkit). Maligas­siuinik­kut atuaq­qis­saaqatigisar­tak­kat­ta atuarfim­mi, sulif­fim­mi aliik­kutaqar­nermiluun­niit najoq­qutas­siat Biibilimeersut qanoq maleruarsin­naaneraat takutis­sin­naavavut. Nam­mineq misigisatsin­nik oqalut­tuar­nik­kut ersersis­sin­naavar­put najoq­qutas­sianik Biibilimeersunik maleruaaneq navianar­tunut qanoq il­lersuutigisimagip­put silatusaar­tumil­luun­niit aalajangiinis­samut qanoq iluaqutigisimagip­put. Atuaq­qis­saaqatigisar­tak­kavut qinoqatigigaangatsigit taak­ku anersaamit il­ler­nar­tumit siulersor­neqaq­qul­lugit Jehovamut qinusarsin­naavugut. – Joh 16:13.

6. Jiisusip peq­qus­sutaanik maleruaanermik ilin­niar­titsinermut aam­ma suna ilaava?

⁶ Jiisusip peq­qus­sutaanik maleruaanermik ilin­niar­titsinermut aam­ma suna ilaava? Biibilimik atuaq­qis­saaqatigisar­tak­kat­ta ajoqersugan­ngor­titsior­tor­nermi peqataarusus­suseqaleq­qul­lugit ikior­tariaqar­pavut. Atuaq­qis­saaqatigisar­tak­kat­ta ilaasa oqaluus­seqataanis­sar­tik an­nilaangagisar­paat. Taamaat­tumik up­perluar­tuuleq­qul­lugit sal­lusuis­sutinik Biibilimeersunik paasin­nil­luar­nis­saan­nik ikiuinitsin­ni erinitsajuit­tariaqar­pugut. Taava uum­matimik­kut kil­lin­neqarlutik oqaluus­seqataanis­samut piumas­suseqalis­sap­put. Nutaarsias­samik nuan­nersumik oqaluus­seqataarusulersin­niarlugit susin­naavugut?

7. Atuaq­qis­saaqatigisar­tagar­put nutaarsias­samik nuan­nersumik oqaluus­seqataarusulersin­niarlugu susin­naavugut?

⁷ Biibilimik atuaq­qis­saaqatigisar­tak­kavut ilaatigut ima aperisin­naavavut: “Biibilimi ilin­niar­titsis­sutigineqar­tut malerualerak­kit inuunin­ni qanoq iluaqutigaagit? Isumaqar­pit al­lat tusarlius­sap tamatuma tusar­nis­saa pisariaqar­tik­kaat? Il­lit taak­ku qanoq ikiorsin­naavigit?” (Uss 3:27; Matt 9:37, 38) Naqitaaq­qat ilin­niar­titsinermi ator­tak­kat­ta ilaan­nik atuaq­qis­saaqatigisar­tak­kan­nut takutitseriarlutit ilaqut­taminut, ikin­ngutiminut suleqatiminul­luun­niit piuk­kus­sin­naasaminik toq­qaaq­qujuk. Toq­qaanera naaper­torlugu naqitaaq­qanik arlalin­nik tuniuk. Periaaseril­luni qanoq neqeroorutigisin­naanerai sungiusarsiuk. Atuaq­qis­saaqatigisar­tagar­put oqaluus­sisar­tun­ngor­pat soorunami ikior­niarlugu oqaluus­seqatigis­savar­put. – Oqal 4:9, 10; Luk 6:40.

8. Sooq atuaq­qis­saaqatigisar­tak­kat­ta Guutimik tul­lermil­lu asan­ningaar­neruler­nis­saat pingaaruteqar­pa? (Takuuk ungalusaq “ Atuaq­qis­saaqatigisar­tak­kavut qanoq Guutimik asan­nin­neruler­sin­naasut”).

⁸ Eq­qaamajuk Jiisusip peq­qus­sutini “tamaasa maleruaq­qul­lugit” al­lanik ilin­niar­titseq­qugaatigut. Peq­qus­sutaanut ilaap­put inas­sutit an­ner­paat marluk – Guutimik tul­lermil­lu asan­nin­neq. Inas­sutil­lu taak­ku oqaluus­sinermut ajoqersugan­ngor­titsior­tor­nermul­lu at­tuumas­suteqarluin­nar­put. (Matt 22:37-39) Qanoq? Guutimik tul­lermil­lu asan­nin­neq oqaluus­sinis­samut kajumis­sis­sutaasarmat. Biibilimik atuaq­qis­saaqatigineqar­tar­tut ilaasa oqaluus­sinis­sar­tik merserisar­paat. Oqarfigisin­naavavul­li Jehovap ikiuineratigut inuit qunugiun­naariar­tus­sagaat. (Tuss 18:2-4; Uss 29:25) Atuaq­qis­saaqatigisar­tagar­put Guutimik asan­nin­neruleq­qul­lugu qanoq ikior­sin­naagip­put ungalusami al­laatigineqar­poq. Ilagiin­niit­tum­mi ajoqersugan­ngorlaaq asan­nin­neruleq­qul­lugu qanoq ikiuisin­naap­pat?

9. Biiler­nermik ilin­niar­tumik as­sersuusiami ilin­niar­toq ilaatigut qanoq ilik­kagaqar­tar­pa?

⁹ Biiler­nermik ilin­niar­tumik as­sersuusiaq eq­qarsaatigeq­qeriar­tigu. Ilin­niar­toq ilin­niar­titsisoqarluni biiler­til­luni ilaatigut qanoq ilik­kagaqar­tar­pa? Ilin­niar­titsisumi tusar­naar­neratigut biiler­tul­lu al­lat maluginiaq­qis­saar­nerisigut. As­sersuutigalugu ilin­niar­titsisup malugeq­qusin­naavaa biiler­toq al­la inus­siar­nerluni al­lanik siul­liutitsisoq. Imaluun­niit malugeq­qusin­naavaa biiler­tup al­lap al­lanik in­ngiasutsitsiumanani qul­lini sak­kukil­ligai. Maligas­saal­luar­tut ilin­niar­tup nam­mineq biiler­nermini atorsin­naasaminik ilik­kagaqarfigai.

10. Biibilimik atuaq­qis­saaqatigineqar­tar­tup anersaak­kut siumukar­nis­saminut suna iluaqutigis­savaa?

¹⁰ Taamatut­taaq Biibilimik atuaq­qis­saaqatigineqar­tar­tut inuunerup aq­qutaatiguulersut ilin­niar­titsisumin­nik ilik­kagaqaan­naratik Jehovamut kif­faasut maligas­saal­luar­tut al­lat ilin­niarfigisin­naavaat. Anersaak­kut siumukar­nis­samin­nut suna iluaqutigingaas­savaat? Ataatsimiin­ner­nut najuut­tar­neq. Sooq? Ataatsimiin­ner­ni Biibilimik ilin­niar­titsis­sutigineqar­tut ilisimasaqar­nik­kut up­per­nik­kul­lu iluaqutigis­sagamik­kit Guutimil­lu asan­nin­nerulis­sutigis­sal­lugit. (ApS 15:30-32) Aam­ma Biibilimik ilin­niar­titsisup atuaq­qis­saaqatigisar­tak­kani ataatsimiin­ner­ni qatan­ngutinut taas­suma atugaanut as­singusunik atugaqarsimasin­naasunut ilisaritis­sin­naavaa. Ilagiin­ni kristumiutut asan­nin­nermik ersersitsinermut tun­ngatil­lugu maligas­saal­luar­tut takus­savai.

11. Atuaq­qis­saaqatigineqar­tar­tup ilagiin­ni ilaatigut kik­kut maluginiarsin­naavai, taman­nalu qanoq iluaqutigisin­naavaa?

¹¹ As­sersuuteqariar­ta. Biibilimik atuaq­qis­saaqatigineqar­tar­tup angajoq­qaajusup kisimiit­tup malugaa qatan­ngut ar­naq aam­ma angajoq­qaajusoq kisimiit­toq. Qatan­ngut meeq­qani ukiukitsut ataatsimiigiaqatiginiarlugit ilungersorsimas­sasoq eq­qarsaatigalugu atuaq­qis­saaqatigineqar­tar­tup kil­litsis­sutigaa. Atuaq­qis­saaqatigineqar­tar­tup pujor­tar­tarun­naar­nis­saminik saper­nar­titsisup oqaluus­sisar­toq pujor­tar­tarun­naarsimasoq ilisarisimaler­paa. Oqaluus­sisar­toq oqalut­tuar­poq Jehovamik asan­nin­nerujar­tor­til­luni taas­suma peq­qus­sutaanut naalak­kusulersimal­luni. (2 Kor 7:1; Fil 4:13) Qanoq pujor­tar­tarun­naarsimal­luni oqalut­tuarereerlugu ima oqar­poq: “Il­lit­taaq pujor­tar­tarun­naarsin­naavutit.” Atuaq­qis­saaqatigineqar­tar­toq nakus­satsip­poq pujor­tar­tarun­naarsin­naal­lunilu  up­perilerlugu. Ar­nap inuusut­tup Biibilimik atuaq­qis­saaqatigineqar­tar­tup malugaa qatan­ngutip ar­nap inuusut­tup Nalunaajaasuunini nuan­naarutigigaa. Taamaat­tumik nuan­naar­neranut pis­sutaasut pil­lugit paasisaqar­nerorusuler­poq.

12. Sooq oqarsin­naavugut ilagiin­niit­tut tamarmik atuaq­qis­saaqatigineqar­tar­tunik ikiueqataasin­naasut?

¹² Biibilimik atuaq­qis­saaqatigineqar­tar­tut oqaluus­sisar­tunik aalajaatsunik ilisarisimasaqalerunik taak­kua maligas­saal­luar­neran­nit Guutimik tul­lermil­lu asan­nin­nis­samik inas­sut qanoq maleruar­neqar­tar­toq ilik­kar­tar­paat. (Joh 13:35; 1 Tim 4:12) Aam­ma eq­qaaneqareersutut atuaq­qis­saaqatigineqar­tar­tup oqaluus­sisar­tut nam­mineq atuk­kaminut as­singusunik atugaqar­tut ilin­niarfigisin­naavai. Paasisar­paa Kristusimut ajoqersugan­ngorumagaan­ni pisariaqar­tunik al­lan­nguisoqarsin­naasoq. (5 Mos 30:11) Atuaq­qis­saaqatigineqar­tar­tup anersaak­kut siumukar­nerani ilagiin­niit­tut tamarmik arlaatigut ikiueqataasin­naap­put. (Matt 5:16) Atuaq­qis­saaqatigineqar­tar­tunik ataatsimiigiar­tar­tunik il­lit qanoq kajumis­saareqataasar­pit?

13-14. Jiisusip apustilini san­ngiil­leq­qasut qanoq pivai?

¹³ Qatan­ngutivut unit­tooq­qasut Kristusip ajoqersugan­ngor­titsior­toq­qusineranik naam­mas­sin­nis­sin­naaq­qul­lugit ikiorusup­pavut. Jiisusip apustilinik san­ngiil­leq­qasunik pin­neriaasia ul­lumik­kut ilaarsin­naavar­put.

¹⁴ Jiisusip nunami kif­far­tor­nerata naggataatungaani toqungajalersoq apustilit “tamarmik im­mineer­paat qimaal­lutil­lu”. (Mark 14:50; Joh 16:32) Apustilit san­ngiil­ligaluar­tut Jiisusip qanoq pivai? Makititaanermi kingunin­ngua ajoqersuk­kami ilaat ima oqarfigai: “Erseqinasi, qatan­ngutik­kalu oqarfigiar­torsigit [makititaasunga].” (Matt 28:10a) Jiisusip apustilini qimak­kaluaraan­ni nikal­luun­nagit ‘qatan­ngutimisut’ suli isigai. Jiisusi Jehovatul­li naak­kin­nit­tuul­lunilu isumak­keerfigin­nit­tar­tuuvoq. – 2 Kng 13:23.

15. Oqaluus­seqataasarun­naarsimasut qanoq misigis­suseqarfigaavut?

¹⁵ Uagut­taaq oqaluus­seqataasarun­naarsimasut soqutigingaar­pavut. Qatan­ngutigaavut asavavul­lu! Up­peqatit­ta sior­natigut, im­maqa ukior­pas­suar­ni, asan­nit­tulior­tarsimaneri eq­qaamavavut. (Hebr 6:10) Maqaasingaar­pavut! (Luk 15:4-7) Jiisusi ilaarlugu taak­kunin­nga soqutigin­nin­ner­put qanoq ersersis­sin­naavar­put?

16. Qatan­ngutitsin­nik unit­tooq­qasunik soqutigin­nin­ner­put qanoq ersersis­sin­naavar­put?

¹⁶ Ataatsimiinnernut asannillutit qaaqqusakkit. Jiisusip apustilini san­ngiil­leq­qasut nakus­satsin­niarlugit ataatsimooqatigiumal­lugit qaaq­quai. (Matt 28:10b; 1 Kor 15:6) Ul­lumik­kut­taaq unit­tooq­qasut ilagiit ataatsimiin­neran­nut najuuteq­qul­lugit kajumis­saarsin­naavavut. Nalun­ngilar­put arlaleriarluta qaaq­qusariaqarsin­naal­lugit. Agger­patalu nuan­naarutigingaas­savar­put, soorlu Jiisusi nuan­naangaarsimas­sasoq ajoqersuk­kami ataatsimooqatigiumal­luni naapigiarman­ni. – Naleq­qiuk­kit Mat­thæusi 28:16 aam­ma Lukasi 15:6.

17. Unit­tooq­qasoq ataatsimiigiar­pat sus­saagut?

¹⁷ Asannittumik tikilluaq­qusakkit. Jiisusip ajoqersuk­kani naapik­kamigit tikil­luaq­qusaasutut misigitip­pai; oqaaseqaq­qaar­tuuvoq. (Matt 28:18) Unit­tooq­qasoq ataatsimiigiar­pat sus­saagut? Or­nil­lugu asan­nil­luta tikil­luaq­qus­savar­put. Im­maqa aal­laq­qaam­mut qanoq oqas­sanerluta naluar­put. Peq­qusiileqitin­naguli oqaan­narsin­naavugut alianaan­nerarlugu.

18. Unit­tooq­qasut qanoq qiim­mas­sarsin­naavavut?

 ¹⁸ Qiimmassakkit. Jiisusip ajoqersugaasa nunarsuarmi tamarmi oqaluus­seq­quneqar­ner­tik merserisimas­savaat. Ajoqersuk­kanili ima oqarluni qiim­mas­sar­pai: “Ul­lut tamaasa najor­pas­si.” (Matt 28:20) Taama oqar­nera sun­niuteqar­pa? Aap. Ajoqersuk­kat sivitsun­ngitsoq nutaarsias­sap nuan­nersup ilin­niar­titsis­sutiginera nalunaajaatigineralu ulap­putigiler­paat. (ApS 5:42) Unit­tooq­qasut aam­ma qiim­mas­sar­neqar­tariaqar­put. Im­maqa oqaluus­seqataaleq­qin­nis­sar­tik merseraat. Oqarfigisin­naavavut kisimiil­lutik oqaluus­sinavian­ngitsut, piareer­patalu oqaluus­seqatigisin­naavavut. Nutaarsias­sap nuan­nersup oqaluus­sis­sutigileq­qin­nerani ikiuiner­put qujamasuutigis­sagunar­paat. Unit­tooq­qasut qatan­ngutitsitut isigalugit ersersitsivigisarutsigit nuan­nersumik kinguneqarsin­naavoq.

19. Suna kis­saatigingaar­par­put, aam­ma sooq?

¹⁹ Qaqugu tungaanut ajoqersugan­ngor­titsior­tus­saagut? Silarsuup Saatanimit aqun­neqar­tup naggatis­saata tungaanut. (Matt 28:20). Pif­fis­sap tamatuma tungaanut oqaluus­siuarsin­naavugut? Aap, taamaaliorusup­pugut! Pif­fis­sar­put, nukivut pigisavul­lu atorlugit ‘eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut’ ujar­tar­pavut. (ApS 13:48, NW) Taamaalioraangat­ta Jiisusi ilaar­tar­par­put. Taan­na ima oqar­poq: “Uanga nerisas­sara tas­saavoq aal­lar­titsisima piumasaa malil­lugu ilior­nis­saq sulias­sarititaatalu naammas­sinissaa.” (Joh 4:34; 17:4) Uagut­taaq taman­na kis­saatigingaar­par­put. Uagutsin­nut sulias­siis­sutigineqar­toq naam­mas­serusup­par­put. (Joh 20:21) Al­lat, aam­ma unit­tooq­qasut, oqaluus­seqatigerusup­pavut tamat­talu nikal­lujuin­nis­sar­put kis­saatigalugu. – Matt 24:13.

20. Filip­pimiut 4:13 naaper­torlugu sooq Jiisusip sulias­siis­sutaa naam­mas­sisin­naavar­put?

²⁰ Jiisusip sulias­siis­sutaata naam­mas­sinis­saa oqitsuin­naan­ngilaq. Suliarineranili kisimiin­ngilagut. Jiisusip najorumaarluta neriorsor­paatigut. ‘Guutip suleqataatut’ Kristusilu ikior­tigalugu ajoqersugan­ngor­titsior­tor­tar­pugut. (1 Kor 3:9; 2 Kor 2:17) Taamaat­tumik naam­mas­sinis­saa sapin­ngilarput. Sulias­siis­sutip tamatuma suliarinera al­lal­lu taamaaliorsin­naaq­qul­lugit ikiuineq nuan­naarutigalugulu im­mik­kut pisin­naatitaaf­figaar­put! – Filippimiut 4:13 atuaruk.