1. Mateub 28:18-20 ǃnâb ge Jesuba ǁîb di ǁkhāǁkhāsabega tae-e mîmā?

ǁŌBA xub ge khâi ob ge ǁîb di ǁkhāǁkhāsabegu aiǃâ Galileab ǃnâ ge ǂhai. Kaise ǂhâǂhasa xū-eb ge ge ūhâ-i ǁîgab nî mîba-e. ǁNā-e ge tae i? ǁÎb mîdi ge Mateub 28:18-20 ǃnâ a xoamâisa.—Khomai re.

2. Mâ dîde da nî ǃhoaǃgao?

² Jesub di mîmās ǁîb ǁkhāǁkhāsabegab ge mās ge Elob di ǃoaba-aona ǃoas tsîna nētsē ra ǁnaeǁgau. ǁNā-amaga hāre î da ǃnona dîdi hîna Jesub ge mā nî ǁgaumâisa ra ǂkhâǃnâ di xa ǃhoa. ǂGurose, Elob di daoǁgaude da ga ǀasa khoena a ǁkhāǁkhā o, tae-e da nî dī? ǀGamǁîse, matin hoa khoen hîna ǀhaohâb ǃnâ hâna Elobmîsa ra ǁkhāǁkhāsen khoe-e nî hui i i gagasise kai? ǃNonaǁîse, mati da sida di ǃgâsan hîna aoǁnâ sîsen-e ǀūhâna nî hui în ǁkhapa aoǁnâ tsoatsoa?

3. Mâ ǀō-aisa xū-eb ge Jesuba ǁîb di mîmās ǃnâ mā, dī da nî-e?

³ Jesub di daoǁgaudi ge a ǃgāsa. Khoena da ge Jesub ge mîmā xūna nî ǁkhāǁkhā. Xawe da ge ǂhâǂhâsa xū-e tā nî ǀuru. Jesub ge ge mî tama hâ-i: ‘Sago ta gere ǁkhāǁkhā mîmāna’ ǁkhāǁkhā di. Xaweb ge ge mî: ǁÎna ǁkhāǁkhāre în ǃkhōǀgaipe “sago ta gere mîmān hoana.” Jesub di mîmāsa ǁnâuǀnams ge ra ǂâibasen, Elobmîsa ra ǁkhāǁkhāsen khoe-e da ge tae-e i nî dīsa nî ǁkhāǁkhā. Tsî da ge ǁî-e sida di dīb ǃnâ-ūs tsîna mati i nî dīsa nî ǁgau. (ǃNǃkh. 8:31) Tae-i ǃaroma i nēsa a ǂhâbasa?

4. ǁGuiǃā re mati da Elobmîsa ra ǁkhāǁkhāsen khoe-e nî huisa, i i Xristub di mîmāsa ǁnâuǀnam.

 ⁴ ‘ǃKhōǀgaipes’ ge ra ǂâibasen mîmāsats ge ra ǁnâuǀnam di. Mati da khoe-e nî hui i i Jesub ge mā mîmāsa ǃkhōǀgaipe tamas ka io ǁnâuǀnam? Saora aiǁgaus ge nî huida î da ǁnâuǃā tae-e da nî dīsa. Mati i khoe-e audosa ǃnarisa i ra ǁkhāǁkhā khoe-e nî hui i i daob di ǂhanuga ǁnâuǀnam? ǁKhāǁkhā-ao i ge ǁî-i ra ǁkhāǁkhā khoe-e ǂgurose daob di ǁgaraga ǁnâuǀnamsa nî ǁkhāǁkhā. ǁÎb ra ǁkhāǁkhā khoen nē ǂhanuga nî ǁnâuǀnamsab ga ra ǂhâba o, ob ge xū-e nî dī. ǁKhāǁkhāb ra khoe-i ǀkhab ge ǀguiba nî ǃnari tsîb ge ǁî-e nî ǀapemā mati i nî ǃnarisa. Tsî nî kō ǁkhāǁkhāsen i go xūna i ra dīsa. Nē aiǁgausa xu tae-e da ra ǁkhāǁkhāsen?

5. (a) Johaneb 14:15 tsî 1 Johaneb 2:3 ǃoagu da tae-e Elobmîsa da ra ǁkhāǁkhā khoena nî ǁkhāǁkhā dīsa? (b) Aiǁgauna mā re mati da ǁkhāǁkhā da ra khoe-e nî daoǁgausa.

⁵ Elobmîsa da ga nau khoena a ǁkhāǁkhā o, o da ge ǁîna ra hui în Elob di mîmāda ǁnâuǀnam. Xawe da ge nēs xa ǃnāsa-e nî dī. ǁKhāǁkhā da ra khoena da ge nî hui în ǁkhāǁkhāsenan go xūna ǁîn di ûib ǃnâ ûiǂui. (Khomai re Johaneb 14:15; 1 Johaneb 2:3.) Sida di aiǁgausa xu da ge ǁkhāǁkhā da ra khoena nî ǁgau, matin amab ǂans hînan go hōsa nî sîsenǂuisa. Skoli ais, oms ais, tsî ǃgâi ǁaeban ga ra ūhâs tsîna. ǁÎna da ge sida ûib ǃnâ i ge tae-na īs tsîna a ǁgamba ǁkhā. În mû Elobmîs daoǁgaude sao-ais tsū xūna xu ra sâuda ǃkhaisa. Tsî mati i ge huidasa î da ǃgâi mîǁguiga dī. ǁKhāǁkhā da ra khoe-i ra ǁnâu hîna da ge Jehovaba ǃoa nî ǀgore. Tsî da ge Jehovaba nî ǂgan i i ǁîb di ǃanu gagaba ǁî-e daoǁgau.—Jhn. 16:13.

6. Nau khoena Jesub di mîmāna ǁkhāǁkhāsa taena ǃkhōǂgā hâ?

⁶ Jesub mîmāde nau khoena ǁkhāǁkhāsa taena ǃkhōǂgā hâ? ǁKhāǁkhā da ra khoena da ge nî hui în aoǁnâs di turaba ūhâ. ǀNî khoen hîna ra ǁkhāǁkhāsenan ge ra ǃao aoǁnâsa. ǁÎn ǀkha da ge nî ǃnūǃnâxa în ǀgaisa ǂgomsa ūhâ. Nēsa da ga ra dī on ge ǁîn di ǂgaoga nî tsâǀkhāhe tsîn ge aoǁnâs di turaba nî ūhâ. Tae-e da a dī ǁkhā în ǁkhāǁkhā da ra khoena aoǁnâs di turaba ūhâ?

7. Mati da ǁkhāǁkhā da ra khoena nî hui în ǃgâiǂhôasa nau khoen ǀkha ǀgoragus di turuba omkhâi?

⁷ Elobmîsa da ra ǁkhāǁkhā khoena da ge nî dî: “Sadu ûiba mati ge ǃgâiǃgâi-e Elobmîs ǃnâ du ra ǁkhāǁkhāsen xūna du ge a dī tsoatsoa o? Nau khoen tsîn nē haisi-amsa nî ǁnâusa du ra ǂhâba? Tae-e du nî dī î du ǁîna hui?” (ǂKhm. 3:27; Mat. 9:37, 38) ǁKhāǁkhāsen ra khoe-e ǁkhāǁkhās di boksisa ǁgau re. ǁÎ-e mîba re i i ǁî-i di familie-i, ǀhōsa-i tamas ka io ǁî-i ǀkha ra sîsen khoe-i khomais xa nî ǃgâibahe xū-e mā. * ǁKhāǁkhāsen ra khoe-e ǂkhaniroga ǂâusase mā re. ǁÎ-i ǀkha oefen re mati i ǃamku ǀgaub ǃnâ nē ǂkhaniro-e nau khoena nî māsa. Sida ǀkha ra ǁkhāǁkhāsen khoe-i ga ǁāǁnâsa tama aoǁnâ-ao kai, o da ge ǁî-i ǀkha ǀguiba aoǁnâ sîsenni ǃnâ ra ǂoa ǂgao tsî ǁî-e ra hui ǂgao.—Aoǁn. 4:9, 10; Luk. 6:40.

8. Tae-i ǃaroma i a ǂhâǂhâsa i i ǁkhāǁkhā da ra khoena Elob tsî ǁîn di ǀgūkhoena ǀnamma omkhâiba? (“ Elobmîsa ra ǁkhāǁkhāsen khoena hui re în Eloba ǀnama omkhâiba” di hâ boksisa mû re.)

⁸ ǂÂis ǃnâ du ūhâ re Jesub ge ge ǁkhāǁkhāda î da nau khoena ǁkhāǁkhā în ‘ǁîb gere ǁkhāǁkhā mîmān hoana ǃkhōǀgaipe.’ Nēs ge ǀgam kai mîmāra tsîna  ǃkhōǂgā hâ—Eloba ǀnams tsî sa ǀgū khoeba ǀnams—hoara ge aoǁnâ tsî ǁkhāǁkhāsabe dīs sîsenni ǀkha ra ǃgûǀhao. (Mat. 22:37-39) Sida ǀkha Elobmîsa ra ǁkhāǁkhāsen khoena da ga ra hui o în nē mîmāra ǁnâuǀnam, o da ge ǁîna ra hui în aoǁnâ tsoatsoa. Tae-i ǃaroma? Kai ǀnaman ga Jehovab tsî khoena ga ra ūhâba o, on ge ǁnā ǀnami xa ǂkhâǃnâhe tsî nî aoǁnâ. ǀNî khoen ge aoǁnâsa ra ǃao. Xawe da ge ǁîna ǂkhâǃnâ tsî a mîba ǁkhā Jehovab huib ǀkhan khoena nî ǃao ǀûsa. (Psa. 18:1-3; ǂKhm. 29:25) Nē ǁkhāǁkhāǃâs ǃnâ hâ boksis ge ra ǁgau da tae-e da nî dīsa, î da Elobmîsa da ra ǁkhāǁkhā khoena hui în ǁîn ǀnammi Jehovaban ūba hâba kai. Tsî ǀhaohâba mati Elobmîsa ra ǁkhāǁkhāsen khoena nî hui în ǀnamma ǃnāsase ǁgau?

9. ǃNarisa ra ǁkhāǁkhā-e khoe-i di ǂkhōs ǃnâ i ǁkhāǁkhā-e ra khoe-e mâ ǂhâǂhâsa xūna ra ǁkhāǁkhāsen?

⁹ ǃNarisa ra ǁkhāǁkhāhe khoeb di ǂkhōs xa ǂâi re. ǁÎba ra ǁkhāǁkhā khoe-i xōǀkhāb ge ǂnû tsî ra ǃnari. Nē ǀgaub ǃnâb mati ra ǁkhāǁkhāsen? ǁKhāǁkhā bi ra khoe-e ǃgâ tsîb ge nau ǃnari-aon tsîna ǃamkuse ra kō. Aiǁgauseb ge ǁkhāǁkhā ra khoeba ǃamkuse ra ǃnari khoe-e a ǁgaubi ǁkhā, hîna nau khoe-e ra mā-am-e i i ǁî-i ais ai ǃkharu. Tamas ka iob ge ǃamku ǃnari-aoba a ǁgaubi ǁkhā hîna ǁîb di audos ligde ra dima, în nau ǃnari-aona ǃamkuse mû ǁkhā. Tsîb ge ǁîb ra ǁkhāǁkhā khoe-e a ǂkhâǃnâ ǁkhā i i ǁnā khoe-e xu ǁkhāǁkhāsen. Nē ame aiǁgaudi ge ǁkhāǁkhāsen ra khoe-e a hui ǁkhā i i ǁî-i tsîna ǃnari i ga ra o ǁkhā xū-e dī.

10. Elobmîsa ra ǁkhāǁkhāsen khoena tae-i xa nî hui-e în gagasise aiǃgû?

¹⁰ ǁNās ǁkhās khami i ge Elobmîsa ra ǁkhāǁkhāsen khoe-i hîna Jehovaba ra ǃoaba tsoatsoa ǂgao-e, ǁî-i ǁkhāǁkhā-ao-i ǀgui-e xu ǁkhāǁkhāsen tama. Xawe Jehovaba ra ǃoaba ǃgâsan di aiǁgaude xus tsîna a ǁkhāǁkhāsen ǁkhā. ǁNā-amaga, tae-e Elobmîsa ra ǁkhāǁkhāsen khoena nî hui în aiǃgû? Sida di ǀhaode ǃoa īs. Tae-i ǃaroma? Elobmîsa xu hâ daoǁgaudi ǀhaodi ai ra mā-e dige ǁîn di ǂansa nî kaikai, ǂgomsa ǀgaiǀgai tsî nēs ge ǁîna nî hui îb Eloban ūba hâ ǀnamma kai. (ǃNǃkh. 15:30-32) ǀHaodi ai i ge ǁî-e ra ǁkhāǁkhā khoe-e, ǁîna nau ǃgâsan ai a mâi-aiǃâ ǁkhā hîna ge ǁîn ǀkha ǀgui ǃgomsin ǃnâ a ǃkharuna. ǁKhāǁkhāsen ra khoe-i ge ǃgâi aiǁgaude nî mû ǃgâsan mati ǀnamma ǀhaohâb ǃnâ ra ǁgaugusa. Saora aiǁgaudi xa ǂâi re.

11. Mâ aiǁgaude i ǁkhāǁkhāsen ra khoena ǀhaohâb ǃnâ a mû ǁkhā tsî nēsa mati ǁîna a hui ǁkhā?

¹¹ Elobmîsa ra ǁkhāǁkhāsen khoes ge matis ǀguri hâ ǁgûsa ǁîs ôana ra kai kai ǀgausa ra mû. ǁKhāǁkhāsen ra khoe-i ge ra mû matis nē ǃgâsasa ra ǁgūtsâsa, îs ǁîs di ǀgôaro i ǀkha ǀhaos tawa sī. Nēs ge ǁî-e ra tsâǀkhā. Elobmîsa ra ǁkhāǁkhāsen khoe-i hîna ǂgaeǀûs di ǃgomsiba ūhâ i ge, ǁî-i ūhâ ame ǃgomsiba ge dan ǃgâsa-i ǀkha a ǃhoa ǁkhā. ǃGâsa-i ge ǁî-e a mîba ǁkhā mati i ge Jehovaba i ūba hâ ǀnammi xa hui-e tsî Elob di mîmāde a ǁnâuǀnamsa. (2Kor. 7:1; Fil. 4:13) ǃGâsa-i di ûib xa i ga ǁnâus khaoǃgâ i ge ǁî-e ǁkhoaǂgaosiba a ūhâ ǁkhā, ǃgâsab ga ǁîba a mîba o, “sats tsîn ge a ǂgaeǀû ǁkhā” di. Elobmîsa ra ǁkhāǁkhāsen ǂkhamkhoes ge, ǂkham ǃgâsas ǀhaohâb ǃnâ hâsa ra mû hîna Jehovaba ǂkhîb ǀkhā ra ǃoabasa. Elobmîsa ra ǁkhāǁkhāsen khoes ga nē ǂkham khoes a ǂkhî ǀgausa a mû os ge ǁîsa tae-i nē khoesa ra ǂkhî kai ǃkhaisa ra ǂan ǂgao.

12. Tae-i ǃaroma da a mî ǁkhā mâ khoe-i hoa-i ǀhaohâb ǃnâ hâ i ge ǃâ-e ūhâ, Elobmîsa ra ǁkhāǁkhāsen khoena huisa?

 ¹² Elobmîsa ra ǁkhāǁkhāsen khoen ga ǂgui ǂgomǂgomsa ǃgâsana ǂan o, on ge ǁîn di aiǁgaude xu nî ǁkhāǁkhāsen. Tsîn ge nî ǁnâuǃā Xristub mîmās Elob tsî sa ǀgūkhoena ǀnams tae-e ra ǂâibasensa. (Jhn. 13:35; 1Tim. 4:12) Ais ai i go mîhe hâ-i khami i ge Elobmîsa ra ǁkhāǁkhāsen khoe-e, nau ǃgâsana xu a ǁkhāǁkhāsen ǁkhā hîna ge ǁîn ǀkha ǀgui ǃgomsina a ǃkharuǃnâna. ǁÎ i ge nē aiǁgaude xu a ǁkhāǁkhāsen ǁkhā. Tsî i ǁî-i tsîna ǂhâbasa a ǀkharaǀkharana dīǁkhāsa i i Xristub di sao-ao kai. (Deu. 30:11) Mâ khoe-i hoa-i hîna ǀhaohâb ǃnâ hâ-i ge xū-e a dī ǁkhā i i Elobmîsa ra ǁkhāǁkhāsen khoena hui. (Mat. 5:16) Sadu ǀkhaba xu du tae-e ra dītsâ tsî Elobmîsa ra ǁkhāǁkhāsen khoen hîna ǀhaodi ai ra ǀkhīna ra ǂkhâǃnâ?

13-14. Jesuba mati ǁîb di ǁkhāǁkhāsabega ge hâ-ū ǂkhabu ǂâi gu gere ǁaeb ai?

¹³ Sida di ǃgâsan hîna ǃkhai hâna da ge ra hui ǂgao în aoǁnâ sîsenni ǃnâ ǃâ tsoatsoa. Jesub ge ǁîb di ǁkhāǁkhāsabega gere khoakhoa ǀgaus ge ra ǁgau sida tae-e nētsē a dī ǁkhā ǃkhaisa.

¹⁴ Jesub nî ǃgamhes aiǃâ gu ge ‘ǁkhāǁkhāsebegu hoaga ǁnāxū bi tsî ge ǃkhoe.’ (Mrk. 14:50; Jhn. 16:32) Jesuba tae-e ge dī, ǁîb di ǁkhāǁkhāsabegu gere ǂkhabuǂâi ǁaeb ai? ǁÎb di khâis khaoǃgâb ge Jesuba sao-aon ǁîb dina ge mîba: “Tā ro ǃao re; ǃgû î ti ǃgâsaga sī ǂhôa.” (Mat. 28:10) Jesub ge ǁîb di ǁkhāǁkhāsabega ge ǁāxūǃnâ tama hâ i. ǁÎgu ge ǁîba xu a ǃkhoebē xaweb ge ǁîba ǁîga, “ti ǃgâsaga” ti ge ǂgai. Jehovab khamib ge Jesub tsîna ǀkhomxaǂgaoxa tsî a ǀûbaǀnamxa.—2Gao. 13:23.

15. Mati da ra tsâ ǁnān hîna ge aoǁnâ ǀûn xa?

¹⁵ ǁNā-amaga da ge sida tsîna ǁnān hîna ge a aoǁnâ ǀūna kaise ra tsâba. Sida di ǃgâsan ge tsî da ge ǁîna kaise a ǀnam. Nē ǃgâsan ge Jehovaba ǃgarise gere sîsenba ǀgausa da ge ra ǂâihō. ǀNîn hîna nēsi ǃkhai hân ge ǂgui kurina ǃgarise ge sîsen. (Heb. 6:10) ǁÎna da ge kaise ǁkhore hâ. (Luk. 15:4-7) Jesuba ǁgae tsî da mâ ǀgaugu ǃnâ a ǁgau ǁkhā ǁîn xa da ra ǂâi ǃkhaisa?

16. Mati da sada di ǃgâsan hîna ǃkhai hân xa da ra ǂâi ǃkhaisa nî ǁgau?

¹⁶ ǃGâi ǀgaub ǃnâ ǀhaode ǃoa ǁkhau nî re. ǀGui ǀgaub hînab ge Jesuba ǁîb di ǁkhāǁkhāsabega a khoakhoab ge ǁîga ǀhaode ǃoa ǁkhausa. (Mat. 28:10; 1Kor. 15:6) ǁNās ǁkhās ase da ge sida tsîna nētsē ǃkhai hâ khoena ra ǂkhâǃnâ în ǀhaode ǃoa ī. ǂAn da ge a ǂgui ǃnāde da ǁîna nî ǁkhausa ǀhaos ain nî hās aiǃâ. Jesub ge kaise ge ǂkhî ǁîb di ǁkhāǁkhāsabegu ge ǁîb ǁkhauǂuisa a ǃkhōǃoa o.—Mateub 28:16 tsî Lukab 15:6 tsîna ǀgopeǀnō re.

17. Mati da nî tanisen ǃkhai hâ khoe-i ga ǀhaos tawa ǀkhī o?

¹⁷ ǁÎna ǂgaoba xu ǁkhoreǁhare re. Jesub ge ǁîb ǁkhāǁkhāsabega harase gere tsâ kai. ǁÎb ge ge ǃâu tama hâ-i, î gu ǁîga ǁîb tawa ǀkhī. Xaweb ge ǁîba, ǁîga ǃoa ī tsî ǁîgu ǀkha gere ǃhoa. (Mat. 28:18) Tae-e da nî dī ǃkhai hâ ǃgâsa-i ga ǀhaohâb tawa ǀkhī o? Sida ǀkhāba da ge nî sī-ū tsî ǁîna nî ǁkhoreǁhare. ǁÎn ǀkha da ga ǀhao o da tae-e nî mîsa da ge ǀnîsi a ǀū. Xawe da ge ǁîna tao kai ǂgao tama hâ. Tsî da ge ǁîna ra mîba ǂgao matikōse da a ǂkhîsa ǁîna mûsa.

18. Mati da ǃkhai hâ ǃgâsana nî khoakhoa?

¹⁸ ǁÎna ǁkhaeǂgao re. Jesub di ǁkhāǁkhāsabegu ge ǀnîsi gere ǂâi ǁîgu ge  aoǁnâ sîsenne dī hō tide ti. Jesub ge ǁîb di ǁkhāǁkhāsabega sâsase ge tsâ kai, mîb ge o: “Tida ge hoa tsēde sago ǀkha nîra hâ.” (Mat. 28:20) Nēsa ǁîb ǁkhāǁkhāsabega ge hui? Îo. ǁNās khaos ai gu ge ǁîga ‘ǁkhāǁkhā, tsî ǃgâiǂhôasa gere aoǁnâ.’ (ǃNǃkh. 5:42) ǃKhai hâ ǃgâsan tsîn ge ǁnās ǁkhās khami harase ra tsâ kaihe ǂgao. ǁÎn ge ǀnîsi aoǁnâ tsoatsoasa ra ǃao. ǁÎna da ge ǂkhâǃnâ tsî a mîba ǁkhā ǀgurin aoǁnâ sîsenni ǃnâ ǂoa tidesa. ǁÎn ga aoǁnâ sîsenni ǃnâ ǂoasa ga ra ǂhanu o, o da ge ǁîn ǀkhā a ǂoa ǁkhā. ǁÎn ge sida di huiba nî ǃgôaǃgâ ǃgâiǂhôasan ga ǁkhapa aoǁnâ tsoatsoa o. ǃKhai hâ ǃgâsana da ga ra ǁgau o ǁîn xa da ra ǂâisa sida di ǃgâsan ase, on ge ǁîna ǁkhapa nî aoǁnâ tsoatsoa tsîs ge nēsa ǀhaohâba nî ǃgâiaǂgao kai.

19. Mâ ǁkhoreba da ūhâ tsî tae-i ǃaroma?

¹⁹ Matikō gaxuse da aoǁnâ tsî nî ǁkhāǁkhāsabe dī? ǀAms nî hās kōse? (Mat. 28:20) ǀAms nî hās kōse aoǁnâ tsî ǁkhāǁkhāsabe dī ho ǁkhā i da nî? Nēsa da ge ra ǂgomǃgâ. Sida di ǁaeb, mari-i tsî ū da hâ xūn tsîna da ge ǂkhîse ra sîsen-ū îda ‘ǀamo ûiba ǃoa ǃkhōǂuibasenhe hân hoana’ aoǁnâba. (ǃNǃkh. 13:48) Nēsa da ga dī o da ge Jesub di aiǁgausa ra sao ai. ǁÎb ge ge mî: “Nēs ge ti ǂûsa, sî te geb ti ǂâisa ta nî dī, tsî ǁîb di sîsenna ta nî dītoasa.” (Jhn. 4:34; 17:4) Nēs tsîn ge sida di ǁkhore. Sida ǂgomǃgâbabe hâ sîsenne da ge ra dītoa ǂgao. (Jhn. 20:21) Tsîda ge ǃkhai hâ ǃgâsan sida ǀkhā nē sîsenni ǃnâ nî mâǃkharusa ra ǂkhaba.—Mat. 24:13.

20. Filipeǁîn 4:13 ǃoagu da tae-i ǃaroma Jesub ge mîmāda sîsenne a dīhō ǁkhā?

²⁰ Supu tama i ge hâ Jesub ge mîmāda xū-e dīsa. Xawe da ge nē sîsenne ǀguri dī tama hâ. Jesub ge ge mîmâi ǁîb ge sida ǀkhā hoaǁae nî hâ ti. ǁKhāǁkhāsabe dīs di ǁgaumâisa da ge “Elob di ǀhaosîsenao” i ase “Xristub” ǃnâ-ū ra dī. (1Kor. 3:9; 2Kor. 2:17) ǁNā-amaga da ge nēsa a dī hō ǁkhā. Nēb ge kaise a ǀō-aisa aiǂhanuba, î da nē ǁgaumâisa dī tsî nau khoena hui în nēs ǃnâ ǃgâise dī.—Khomai re Filipeǁîn 4:13.