1. Matthew 28:18-20 góneʼ Jesus haʼátʼíí níigo haadzííʼ?

JESUS daaztsą́ą́dę́ę́ʼ náábiʼdiilzáádóó bikʼijįʼ Gáliliidi bídahoołʼaahii áłah silı̨́įʼgo yichʼįʼ yitʼíní áʼdiilyaa. Éí ákwii ílíinii yee yichʼįʼ haadzííʼ. Éísh éí haʼátʼíí? Matthew 28:18-20 éí yee haadzíʼígíí bikááʼ.—Yíníłtaʼ.

2. Haʼátʼíí baa nídadíitʼįįł?

² Jesus éí ídahoołʼaahii ádaahłeʼ dííniidgi éí dííshjı̨́įdi Diyin yá ndaalʼaʼí tʼáá ałtso bídadéétʼiʼ. Áko Jesus kótʼéego naanish nihaa niiníláhígíí binahjįʼ tááʼ naʼídíkidgo baa nídadíitʼįįł. Áłtsé éí, íhoołʼaahii álnéehgi Diyin yee hasʼáanii bee nazhnitin áádóó haʼátʼíí ałdóʼ bee naniitin doo? Naaki góneʼ, brothers dóó sisters éí Diyin Bizaad yíhoołʼaahii beʼoodląʼ dínóoséełgi haitʼéego bee áká aníjíjah doo? Tááʼ góneʼ, nahaneʼgi yitsʼádínóodzáii éí íhoołʼaahii álnéehgi bee atah honaanish ánáázhdoodlíiłgo haitʼéego bíká adiijah?

3. Jesus éí haʼátʼíí ałdóʼ ádaahníił doo níigo yee haadzííʼ?

³ Jesus yee nihichʼįʼ hahásdzíiʼii diné bee naniitin doo. Ndi, łahgo éí doo béédiyiiʼnah da. Jesus éí ‘bee nihichʼįʼ hahásdzíiʼii tʼáá ałtso bee nidanohtin,’ doo nihidííniid da. Ndi éí ání: “Bee nihichʼįʼ hahásdzíiʼii tʼáá ałtso yikʼeh dahółʼı̨́į dooleełgi bee nidanohtin.” Diyin Bizaad bee naʼniitingo díí haitʼéego bikʼeh áʼdiilnííł? Éí doo tʼóó naʼniitin da doo. Ndi, kótʼéego bikʼeh hóʼı̨́ diiʼníigo bee naʼniitin doo. (Acts 8:31) Éí haʼátʼíí biniyé ákótʼéego bee naʼniitin doo?

4. Bee hazʼáanii bikʼeh hóʼı̨́į dooleełgi łaʼ chʼíníʼaah.

 ⁴ Jesus éí yee nihichʼįʼ hahásdzíiʼii łaʼda haitʼéego yikʼeh hółʼı̨́į dooleełgi díí haneʼ bee akʼidiʼdootı̨́įłii kótʼéego ííshjání ádoolnííł. Éí naʼabąąsgi bóhooʼaahgo yínaʼniłtinii łaʼ éí daʼnitiingóó bibee hazʼáanii bikʼeh hóʼı̨́į dooleełgo haitʼéego yee naʼnitin doo? Jó, áłtsé éí classroom góneʼ daʼnitiingóó bibee hazʼáanii yee ndíʼnóotı̨́ı̨́ł. Áádóó neinitinígíí díí bee hazʼáanii yikʼeh hółʼı̨́į dooleełgo éí hoł tádiʼdoołbąs áádóó éí daʼnitiingóó bibee hazʼáanii bikʼeh hóʼı̨́į dooleełgi yíhwiidoołʼááł. Áko díí éí haʼátʼíí bitsʼą́ą́dóó bóhooʼaah?

5. (a) John 14:15 dóó 1 John 2:3 bikʼehgo éí naniitinígíí akʼeh hółʼı̨́į dooleełgi haitʼéego bee naniitin doo? (b) Haitʼéego bee naʼniitin dooleełgi łaʼ chʼíníʼaah.

⁵ Diyin Bizaad bee naʼniitingo éí Diyin bibee hazʼáanii bee naʼniitin. Ndi doo tʼáá éí tʼéí bee naʼniitin da. Naniitinígíí éí yíhoołʼaahígíí yikʼehgóó yigáał dooleełgo bee naniitin. (John 14:15; 1 John 2:3 yíníłtaʼ.) Diyin Bizaad yíhoołʼaahígíí óltaʼdida, naalnishdida, doodaiiʼ nidaʼaʼnéégóó haitʼéego yikʼehgóó yigáał dooleełgo bił ííshjání íilʼı̨́į doo. Áádóó tʼáá nihí ałdóʼ haitʼéego Diyin Bizaad bikʼeh honiilʼı̨́įgi doodaiiʼ honiidzą́ągo bee ádá nihodiyiitʼaahgo nihíká análwoʼgi bee bił hwiilneʼ doo. Áádóó naniitinígíí binááł Jiihóvah bichʼįʼ sodiilzingo éí biníłchʼi diyinii bíká análwoʼ doo diiʼníigo bá sodiilzin doo.—John 16:13.

6. Jesus yee hahásdzíiʼii bikʼeh hóʼı̨́į dooleełgi haʼátʼíí ałdóʼ bił nítʼiʼ?

⁶ Christ bikʼeh hóʼı̨́į dooleełgi bee naʼniitingo haʼátʼíí ałdóʼ bił nítʼiʼ? Éí Diyin Bizaad bee naniitinígíí íhoołʼaahii álnéeh dooleełgi dínóozįįłgi bee bíká anéiilwoʼ doo. Łaʼ naniitinígíí éí díí nahaneʼgi atah nahodoolnihgi ayóó yéédaaldzid. Bił haʼííníilníigo Diyin Bizaad tʼáá aaníinii yee naʼnitingi hazhóʼó yikʼidiʼdootı̨́įłgo beʼoodląʼ bidziil doo. Áádóó índa éí bijéí yidiyoołnáałgo shídóʼ atah nahashneʼ doo dínóozįįł. Nizhónígo baa haneʼii atah baa nahashneʼ dooleeł dínóozįįłgo haitʼéego bíká adiilwoł?

7. Naniitinígíí éí yíneedlı̨́įgo atah nahalneʼ dooleełgi haitʼéego bee bíká anéiilwoʼ doo?

⁷ Diyin Bizaad bee naniitinígíí díí nabídíilkid doo: “Díí Diyin biNahatʼaʼ baa haneʼgi nidiníláago haitʼéego neʼiinaʼ yáʼátʼéehgo áyiilaa? Díí haneʼígíísh náánáłahjįʼ bił haneʼ doo? Áko éí haitʼéego łaʼ bił hodiilnihgo bee bíká adiilwoł?” (Prov. 3:27; Matt. 9:37, 38) Teaching toolbox biiʼdóó tracts łaʼ bił ííshjání ádíílííł áádóó díí háidíígíí éí nikʼéí, nikʼis, doodaiiʼ bił nidaalnishígíí yídéeshta dínóozįįł nínízin. Áádóó díí tractsígíí díkwíida baa díínił. Áádóó díí tracts éí há áhwiinítʼı̨́įgo łaʼda baa dooltsosgo bee bił practice íʼíłʼı̨́įgo bee nidíníitı̨́ı̨́ł áádóó índa éí unbaptized publisher silı̨́įʼgo nahaneʼgóó tʼáá bíighah siidzı̨́įgo bíká anéiilwoʼ doo.—Eccl. 4:9, 10; Luke 6:40.

8. Naniitinígíí éí Diyin dóó yił kééhatʼíinii ayóóʼáyóʼníi dooleełgi haʼátʼíí biniyé bee bíká anéiilwoʼ doo? (“ Nanítinígíí éí Diyin Ayóóʼáyóʼníi Dooígi Bíká Anánílwoʼ” níníłʼı̨́.)

⁸ Jesus éí bee nihichʼįʼ hahásdzíiʼii tʼáá ałtso yikʼeh dahółʼı̨́į dooleełgi bee nidanohtin nihidííniid yę́ę bénéiilniih doo. Éí naakigo bikʼeh óʼooníiłii bił nítʼiʼ. Diyin dóó bił kééhwiitʼíinii ayóóʼóʼóʼní, díí tʼáá áłah éí áhą́dígo ahídéétʼiʼ. (Matt. 22:37-39) Nahwiilneʼ dóó íhoołʼaahii  álnéehgi boʼoonishígíí díí haitʼéego yił ahídéétʼiʼ? Íiyisíí biniyé nidahwiilneʼígíí éí ayóóʼóʼóʼní biniyé ádeitʼı̨́. Jó, Diyin dóó bił kééhwiitʼíinii ayóóʼádeíníiʼní. Áko tʼáá aaníí nihił béédahózingo Diyin Bizaad yídahoołʼaahígíí łaʼ éí díí nahaneʼgi atah dooleełgi yéédaaldzid. Ákótʼée ndi, Jiihóvah níká análwoʼ bidiiʼníi doo, áko éí łaʼda kótʼéego bił nahodoonihgi yináldzidgi tʼáá yiiʼ hadoogáałgo átʼé. (Ps. 18:1-3; Prov. 29:25) Díí kweʼé bídahwiilʼaahígíí box łaʼ siʼą́ éí yaa halneʼgo éí naniitinígíí Diyin ayóóʼáyóʼníi dooleełgi haitʼéego bee bíká adiilwołgo bikááʼ. Áádóó índa brothers dóó sisters éí ániid íhoołʼaahii náánádleehígíí bibee ayóóʼóʼóʼniʼ dínóoséełgi haitʼéego bee bíká aníjíjah doo.

9. Naniitinígíí éí naʼabąąsgi yíhoołʼaahígíí baa haneʼgi haitʼéego yitsʼą́ą́dóó yíhoołʼaah?

⁹ Naʼabąąsgi yíhoołʼaahígíí baa chʼíhootʼánę́ę baa nitsínááníkees, éí chidí bitahgóó bił oolwoł nabinitinígíí éí bíighahdóó dah sidá. Áko díí íhoołʼaahígíí haitʼéego íhwiidoołʼááł? Éí nabinitinígíí náánáłahjí bił nááʼoolwołígíí nizhónígo chidí bił deíjééhígíí bilą́ąjįʼ bił análwoʼgo yił ííshjání ííłʼı̨́į doo. Doodaiiʼ chidí binááʼ yee hanekʼeʼ diiłdíingo nizhónígo éí yéigo ádiiłdínígíí yaa áyiiłʼįįhgo éida ałdóʼ yił ííshjání ííłʼı̨́į doo. Kódaatʼéégóó yił ííshjání ííłʼı̨́įgo yitsʼą́ą́dóó haitʼéego áʼdoolíiłgi yíhoołʼaah.

10. Diyin Bizaad yíhoołʼaahii haʼátʼíí bíká análwoʼgo beʼoodląʼ nooséeł doo?

¹⁰ Diyin Bizaad yíhoołʼaahii éí Jiihóvah yá naalʼaʼ dooleeł góneʼ yigáałgo éí nabinítinígíí doo bí tʼéiyá yitsʼą́ą́dóó íhoołʼaah da. Ndi náánáłaʼ Jiihóvah yá ndaalʼaʼí yáʼátʼéehgo ádaaníiłgi yitsʼą́ą́dóó yíhoołʼaah. Oodlání áłah nádleehgóó naagháago haitʼéego bíká adoolwoł? Jó, áadi nádáahgo yíhoołʼaahígíí yéigo íhwiidoołʼáałgo beʼoodląʼ bidziil íidoolííł. (Acts 15:30-32) Áádóó índa Diyin ayóóʼáyóʼníi dooleełgi bíká adoolwoł áádóó nááʼałdóʼ éí brothers dóó sisters yił ahéédahodoolzįįłgo ázhdoolííł. Háálá łaʼ shı̨́ı̨́ tʼáá bígi átʼéego ndaʼnółtłʼaii yiiʼ chʼéheeskaigoda átʼé. Éí brothers dóó sisters ayóóʼádaʼahóʼníigo átʼéiigi haitʼéego yaa ákonízin doo? Łaʼ baa daʼíídíilta.

11. Íhoołʼaahii éí áłah náʼádleehgi haʼátʼíí haidoosił, áádóó éí haitʼéego yee ádaa ákodínóozįįł?

¹¹ Diyin Bizaad yídahoołʼaahii táaʼgo baa haneʼ. Áłtsé éí single parent jílı̨́įgo éí nihisister ałdóʼ łaʼ tʼáá ákótʼéego bił hazʼą́ągo hajíísid. Áko éí hajéí nayiiłnáago baa nitsíjíkeesgo éí díí nihisister baʼáłchíní Kingdom Hallgi nééʼishgo ayóó binaʼanish nízingo yaa nitsíkees. Áádóó łaʼ éí wáin bee tsiʼnaʼadáagi chʼééh neʼ ájíléehgo bee hachʼįʼ nahwiisʼnáaʼgo éí bił ałhééhojoosįįd. Áko éí publisherígíí hoł halneʼgo Jiihóvah ayóóʼóóshʼníigo binahjįʼ bibee hazʼáanii bikʼehgo áníshtʼéego éí yéigo shíká aalwodgo wáin bee tsiʼnaʼadáagi nahjįʼ nidiniʼą́ hałníigo hoł halneʼ. (2 Cor. 7:1; Phil. 4:13) Áko ákótʼéego hoł halneʼgo éí díí íhoołʼaahii bííníshghah lá jinízingo tsízdeezkééz. Áko éí publisher nilínígíí ni ałdóʼ nahjįʼ nídidííʼáałgo átʼé hałní. Nááʼákóneʼ chʼikę́ę́h léiʼ nihisister łaʼ Jiihóvah yá halneʼé jílı̨́įgo ayóó bił hózhǫ́ǫgo yaa ákoniizı̨́ı̨́ʼ. Haʼátʼíí lá biniyé áłahjįʼ bił hózhǫ́ jiniizı̨́ı̨́ʼ, áko shídóʼ éí bíhwideeshʼááł jinízingo tsízdeezkééz.

12. Brothers dóó sisters éí haʼátʼíí biniyé íhoołʼaahii łahdóó bíká aníjíjah doo dadiiʼní?

¹² Diyin Bizaad yíhoołʼaahii éí publishers daʼníłtsʼą́ą́dę́ę́ʼ yééhoosįįhgo díí yíhoołʼaah. Éí Diyin dóó bił kééhótʼíinii  ayóóʼádeínóhʼní níigo Christ yee haadzííʼ yę́ę yikʼehgóó ádaatʼéego yaa ákonízin. (John 13:35; 1 Tim. 4:12) Áádóó haʼátʼíí shı̨́ı̨́ bee bichʼįʼ anídahaztʼiʼii yichʼįʼ hadaʼólníigi yitsʼą́ą́dóó yíhoołʼaah. Áko éí binahjįʼ hashtʼeʼninádoodáałgo Jesus yíhoołʼaahii dooleełgi yíneelʼą́ą doo. (Deut. 30:11) Brothers dóó sisters tʼáá ałtso éí díí íhoołʼaahii beʼoodląʼ bidziil dooleełgo ałʼąą ádaatʼéego bee áká aníjíjah doo. (Matt. 5:16) Áko ni éí díí íhoołʼaahii áłah néidleehgi nihaa nádáhígíí haʼátʼíí bee bíká adiilwoł?

13-14. Jesus bídahoołʼaahii yínííł daazlı̨́įʼgo Jesus haitʼéego yaa tsídeezkééz?

¹³ Brothers dóó sisters éí haneʼgi yitsʼádínóodzáii íhoołʼaahii álnéehgi áádóó nahaneʼgi atah anááneiłʼı̨́į dooleełgi bíká adiilwoł. Jesus bídahoołʼaahii yínííł daazlı̨́įʼgo éí haitʼéego yaa tsídeezkééz yę́ęgi, nihí ałdóʼ tʼáá ákótʼéego Jesus bedaʼiilʼı̨́į doo.

¹⁴ Jesus éí nahasdzáán yikááʼ nahalneʼgo bee nihoolzhiizh áádóó bidiʼniilyı̨́ bichʼįʼ hoolzhishgo hódahoołʼaahii “tʼáá ałtso hatsʼą́ą́ʼ dah diijéeʼgo yóóʼaheeswod.” (Mark 14:50; John 16:32) Áko Jesus éí bídahoołʼaahii kódabiilaago haitʼéego yaa tsídeezkééz? Éí náábiʼdiilzáádóó bikʼijįʼ tʼáadoo hodiinaʼ bídahoołʼaahii kwííłní, ‘Tʼáadoo nídaałdzidí nihílááh shikʼisóó [éí dasétsʼą́ą́dę́ę́ʼ náádiisdzá] dabidohní,’ yidííniid. (Matt. 28:10a) Áko azhą́ kótʼéego bídahoołʼaahii bitsʼą́ą́ʼ yóóʼaheeswod ndi, tʼah “shikʼisóó” danohłı̨́ yiłní. Éí bizhéʼé Jiihóvah nahalingo aa joobaʼ áádóó aa aʼááh nízin.—2 Ki. 13:23.

15. Nahaneʼgi neʼ ádayiilaaígíí éí haitʼéego baa nitsídeikees doo?

¹⁵ Tʼáá ákótʼéego díí nahaneʼgi neʼ ádayiilaaígíí ayóó átʼéego bąąh danihíniʼ. Éí nihibrothers dóó nihisisters danilı̨́įgo ayóóʼádeíníiʼní. Éí ayóó átʼéego Jiihóvah yá nidaashnish, łaʼ éí díkwíí shı̨́ı̨́ nááhaijįʼ nahaneʼ yę́ęgi neʼ ádayiilaa. (Heb. 6:10) Ayóó átʼéego bídahwiilzáá! (Luke 15:4-7) Áko Jesus nahalingo haitʼéego éí bąąh danihíniʼgi bił ííshjání ádeilʼı̨́į doo.

16. Brothers dóó sisters nahaneʼgi neʼ ádayiilaaígíí haʼátʼíí bidiiʼníi doo?

¹⁶ Áłah néiidleehdi nihaa díínááł. Jesus éí bídahoołʼaahii yínííł daazlı̨́ʼígíí éí shaa dookah néidiʼniih ńtʼééʼ. Tʼáá ákótʼé dííshjı̨́įdi nahaneʼgi yitsʼádínóodzáii łaʼ áłah néidleehgi nihaa nánídááh bidiiʼníi doo. (Matt. 28:10b; 1 Cor. 15:6) Díí éí díkwíidida kóbidiiʼniidgo índa nihaa doogáałgo átʼé. Jesus kótʼéego bídahoołʼaahii shaa dookah néidiʼniihgo baa nákahgo ayóó átʼéego shı̨́ı̨́ yaa bił hózhǫ́ǫ́ ńtʼééʼ.—Compare Matthew 28:16 dóó Luke 15:6.

17. Nahaneʼgi yitsʼádínóodzáii łaʼ éí áłah néidleehgi nihaa níyáago haa diiʼnííł?

¹⁷ Nihaa níyáagi baa hózhǫ́. Jesus bídahoołʼaahii éí Jesus yaa nákahgo yaa bił dahózhǫ́, éí baa nákahgo bídę́ęʼgo áłtsé yił ánáhoʼniilnih. (Matt. 28:18) Áko Kingdom Hallgi kótʼéego nahaneʼgi yitsʼádínóodzáii łaʼ níyáago, haa diiʼnííł? Éí baa diidáałgo yáʼátʼééh bididiiʼniił. Áłtsé éí haʼátʼíí lá bidideeshniił niidzin doo? Ndi tʼóó baa diidááł áádóó nizhóní náádaʼahiiltsą́ bididiiʼniił.

18. Nahaneʼgi yitsʼádínóodzáii haʼátʼíí bidiiʼníi doo?

¹⁸ Nahaneʼgo bííníghahgo átʼé, bidiní. Jesus bídahoołʼaahii éí nahasdzáán nidahoneesʼą́ą́góó nidahołneʼ dooleeł yidííniidgo éí doo yeeʼ bíighah da shı̨́ı̨́ dazhniizı̨́ı̨́ʼ.  Ndi Jesus éí kóháłní: ‘Tʼáá áłahjįʼ nihił honishłǫ́ǫ doo.’ (Matt. 28:20) Kóbiʼdooʼniidgoósh bídeełniid? Aooʼ. Éí tʼáadoo hodiinaʼí yéigo ‘tʼáadoo ádahozdiilzéhí nidazhʼnitingo’ baa nízhdiikai. (Acts 5:42) Áko nahaneʼgi yitsʼádínóodzáii éí bííníghahgo átʼé, bidiníi doo. Ndi doo bííníshghah da nízin doo. Éí doo tʼáá sáhí nahólneʼ da doo bidiiʼníi doo. Bá bíighah silı̨́įʼgo bił nahodiilnih. Nihitah nihił ninááhalneʼgo yaa ahééh nízin doo. Éí nihibrother dóó nihisister nilı̨́ niidzingo baa nitsíikeesgo éí tʼáá áníiltso congregationdóó bił dahózhǫ́ǫ doo.

19. Haʼátʼíí íiyisíí ádiiʼnííł niidzin, éí haʼátʼíí biniyé?

¹⁹ Nahaneʼgi áádóó íhoołʼaahii álnéehgi haa nízahjįʼ nihinaanish dooleeł? Éí łahgo náhodeesdzáajįʼ, éí díí hoogáłígíí ninítʼiʼjįʼ. (Matt. 28:20) Áko nahaneʼgi Jesus nihaidiníʼánígíí ałtsoósh łaʼdoolnííł? Aooʼ, bídeíníigahgo átʼé! “Iinaʼ doo ninítʼiʼii yíká daatʼíinii” hádeitʼı̨́, háálá éí bá nídahwiilʼaah, niheʼadziil, índa béeso bee nihitsʼá hindééh. (Acts 13:48, New World Translation) Kódeiitʼı̨́įgo Jesus bikʼehgóó ádaʼiilʼı̨́. Éí ání, “Shiníłʼaʼii yee íinízinii binaashnishgo łaʼyishłéhígíí, éí shichʼiyąʼ átʼé.” (John 4:34; 17:4) Díí éí tʼáá aaníí deiniidzin, naanish nihaa deetʼánígíí bee nihaʼahoosdliʼgo łaʼdoolnííł. (John 20:21) Nahaneʼgi yitsʼádínóodzáii tʼáá bił, éí hadaʼííníilníigo naanish łaʼdadiilníiłgo átʼé.—Matt. 24:13.

20. Philippians 4:13 bikʼehgo Jesus éí naanish nihaidiníʼánígíí haʼátʼíí biniyé łaʼdoolnííł?

²⁰ Jesus éí nahaneʼgi naanish nihaidiníʼánígíí łaʼdoolníiłgi tʼáá nanitłʼahgo átʼé. Ndi, doo éí tʼáá sáhí áʼdiilníił da. Jesus éí nihił honishłǫ́ǫ doo nihidííniid. Áko íhoołʼaahii álnéehgi boʼoonishgo “Diyin God bił deíníilníísh” áádóó “Christ binahjįʼ dahwiilneʼ.” (1 Cor. 3:9; 2 Cor. 2:17) Díí naanish bideiiníilníish áádóó náánáłaʼ nihíká adoojah dooleełgo bíká anéiijahgo baa hózhǫ́.—Philippians 4:13 yíníłtaʼ.