NIHIBROTHERS dóó sisters náánáłaʼ kéyahdi naanish yiniyé kéédahatʼı̨́į ndi, nidabiʼdiizhchı̨́ı̨́góó anáhákááh. Jiihóvah dóó diné ayóóʼádayóʼníigo éí bikéyahdi Kingdom publishers bídin hóyéeʼgo yaa ákodanízin. (Matt. 22:37-39) Haʼátʼíísh éí ninádeidiyiizʼą́ áádóó haʼátʼíísh éí bee bikʼidahojidlí? Bééhodoozįįłgo West Africadi Cameroon hoolyéedi ákódaadzaaígíí dadíníilʼįįł.

1998 yę́ędą́ą́ʼ nihibrother Onésime éí Cameroondóó náánáłaʼ kéyahgóó dashdiiyá, áádóó náánáłaʼ kéyahdi kééhojitʼı̨́įgo 14 nááhai. Łah Oodlání áłah nilı̨́įgi haneʼ bee akʼiʼdiitįįh kótʼéego jidiiztsʼą́ą́ʼ. Halneʼígíí ání: “Nizhdiltʼéego tʼáá ałʼąą łóóʼ hajiileeh, łaʼ łóóʼ ląʼí hajiileeh, łaʼígíí éí tʼáá áłchʼı̨́dígo łóóʼ hajiileeh. Áko tʼáá áłchʼı̨́dígo łóóʼ hajiileehígíí daatsʼí łóóʼ ląʼí hayiileehígíí bíighahgi łóóʼ hahashłeeh doo jidínóozįįł?”

Onésime haneʼ jidiiztsʼą́ą́ʼ yę́ę baa nitsíjíkeesgo Cameroon, hakéyahdi, Diyin Bizaad baa haneʼgi áká adeeshwoł jiniizı̨́ı̨́ʼ. Ákondi łahgo tʼahdii hoʼdiiłʼá. Éí hakéyahdi níjídzáago, ákwii ádahootʼéii daatsʼí bízhdínóoldı̨́ı̨́ł? Baa nizhdínóotaał biniyé Cameroongóó jiníyá. Tʼáá áadi nijigháago hastą́ą́ nídeezid. 2012go ákǫ́ǫ́ níjíʼná.

Onésime ájíní: “Cameroongi ayóó deesdoi áádóó iináagi łahgo ádaatʼé. Kingdom Hallgi bikááʼ dah asdáhí tsin bee ádaalyaago ayóó danitłʼiz.” Baa dloh jiniizı̨́įʼgo ájíní: “Baa dahaneʼígíí tʼéí áhánígo yísístsʼą́ąʼgo, níléí kééhashtʼı̨́ yę́ędi bikááʼ dah asdáhí doo danitłʼiz yę́ę tʼáá beidiyeeshnahgo átʼé.”

2013 yihah góneʼ Onésime éí Géraldine jizyeh. Géraldine éí Francedi bighango náhástʼéí nááhai áádóó Cameroondi nádzá. Díí tʼáá áłah Diyin Bizaad nahaneʼgi naanish bídadéétʼiʼígíí alą́ąjįʼ áyósingo haʼátʼíí bee bikʼihasdliʼ? Onésime ání: “Tʼáá áníidlah School for Kingdom Evangelizers atah íiltaʼ áádóó Béthelgi ałdóʼ nishiilnish. Díí yihahígíí biiʼ nihicongregationdóó naadiin Diyin Bizaad yídahoołʼą́ąʼgo baptize ádabiʼdiilyaa. Áko baa nitséskeesgo éí łóóʼ ląʼí hólǫ́ǫgi kʼad áká anáshwoʼ.” (Mark 1:17, 18) Géraldine ałdóʼ ání: “Tʼóó ahayóí bee shikʼihasdliʼ, éí tsʼídá doo neíníshłíi da ńtʼééʼ.”

Judith éí United Statesgóó jiníná. Nahaneʼ ląʼígóó bee áká azhdoolwołgi bíká laanaa jinízin. Kójíní: “Cameroondi shifamily baa náshdáahgo ayóó yínííł niisįįh. Diyin Bizaad bee nidanétą́ą́ʼ yę́ę bídin nishłı̨́į doogo yishcha łeh.” Ákondi, Judith éí Cameroonjįʼ nízhdooʼnéełgi tʼą́ą́ʼ kójítʼé. Háálá honaanish ílı̨́ áádóó ląʼí hachʼįʼ naʼiilyé. Éí bee hazhéʼé  tʼahdii Cameroondi bighanígíí bitsʼíís baa áháyą́ągi bee áká aníjílwoʼ. Ákótʼée ndi, Jiihóvah baʼjólíigo, Judith éí Cameroongóó níjíʼná. United Statesdi hweʼiinaʼ nizhónígo joołtʼih yę́ę bíhojisááh. Jiihóvah shíká anílyeed jiníigo bichʼįʼ sozdoolzin. Áádóó circuit overseer dóó beʼasdzą́ą́ éí saad bee haʼahóníinii yee háká ahiʼnoolchą́ą́ʼ.

Nátʼą́ą́ʼ baa nitsíjíkeesgo Judith ájíní: “Nánishʼnáádóó tááʼ nááhaijįʼ dı̨́įʼgo diné Diyin Bizaad bee nanétą́ą́ʼ, áádóó baptize ádabiʼdiilyaa.” Judith éí special pioneer jílı̨́. Dííshjı̨́įdi éí hahastiin Sam-Castel bił circuit work ajíłʼı̨́. Judith bizhéʼéshąʼ? Judith dóó bikʼéí éí náánáłaʼ kéyahdi azeeʼálʼı̨́ łaʼ yikʼi daaskai. Éí azeeʼálʼı̨́ hazhéʼé surgery bá ádayiilaa áádóó yikʼeh nidaʼazlá. Judith éí hazhéʼé yáʼátʼééh násdlı̨́įʼgo baa hoł hózhǫ́.

Nihibrother Victor éí Canadagóó óltaʼ biniyé jiníná. Watchtower biiʼ wódah óltaʼ yeinítʼı̨́įgo jííłtaʼ, áko ajółtaʼígíí baa tsízdeezkééz. Universityjí ajółtaʼ yę́ę neʼ kójiilaa áádóó tʼáá tsı̨́łígo graduate ázhdoolííł biniyé technical training biniyé application hazhdiilaa. Ájíní: “Kótʼéego éí tʼáá tsı̨́łígo naanish shóideeshtʼeeł áádóó pioneer áshʼı̨́į doo.” Tʼahádóó, Caroline jizyeh áádóó éí Cameroongóó bił níjítʼáázh. Áadi branch officegi nijiʼaashgo áhoʼdooʼniid, Cameroonjįʼ nánoohtʼáazhgo áká ahidíʼnóołchéełgi baa nitsóhkees doo. Áko Victor ájíní: “Biniinaa dooda didiiʼniiłígíí ádin áádóó niheʼiinaʼ tʼáá íídą́ą́ʼ tʼóó bikiinígo ííníilzin, áko tʼáá akǫ́ǫ́h aooʼ diiʼniid.” Azhą́ Caroline tʼáá áłtsʼísígo bitsʼíís bee bichʼįʼ anáhóótʼiʼ ndi, Cameroongóó níjíʼná.

Victor dóó Caroline éí regular pioneer ájíłʼı̨́įgo baa nízhdiitʼáázh. Áko pioneer jílı̨́įgo Diyin bééhodeesįįł danízinii tʼóó ahayói bíká anáhizhʼnilchééh. Béeso hashtʼeʼjisnil yę́ę chojoołʼı̨́įgo yaa ánátʼįįh. Áko Canadagóó naanish biniyé tʼáá díkwíi nídeezidjįʼ ałnáájítʼash, áádóó níjítʼashgo pioneer ánáájíłʼı̨́į łeh, Haitʼéego hakʼihasdliʼ? School for Kingdom Evangelizersjí atah ajííłtaʼ, special pioneers áhoʼdiilyaa, kʼad éí constructionjí atah nijilnish. Victor ájíní: “Doo bee nihichʼįʼ anáhóótʼiʼígóó hiniiʼnáá ńtʼééʼ, éí bitsʼą́ąjįʼ dah diitʼáazhgo kʼad éí Jiihóvah nihíká análwoʼgo baa nihił hózhǫ́.”

2002go nihibrother Alain, Germanydi university student jilı̨́įgo, naaltsoos yázhí Youths—What Will You Do With Your Life? wolyéhígíí jííłtaʼ. Díí jííłtaʼígíí hodiisnáaʼgo hweʼiinaʼ łahgo átʼéego hazhdoołtʼihgo baa tsízdeezkééz. 2006 yihah yę́ędą́ą́ʼ Ministerial Training Schoolgi atah ajííłtaʼ. Cameroon, kéyah hoʼdizhchı̨́ı̨́góó, nahojilneʼ doo biniyé ahoʼdoolʼaʼ.

Cameroondi, Alain éí naanish part-time łaʼ bikʼízhníyá. Tʼahádóó éí naanish tʼáá ląʼígo hachʼįʼ nahalyéhígíí bizhdeeshnish. Ákondi díí naanish éí nahojilneʼjí hatsʼą́ą́ʼ neʼ kwíidoolíiłgi hoʼdiiłʼá. Special pioneer dííleeł hoʼdooʼniidgo, tʼáadoo áłtsé baa nitsíjíkeesí lą́ jidííniid. Bá nijilnishígíí éí béeso nichʼįʼ nahalyéhígíí ná de ádeeshłííł hałníi ndi, Alain éí special pioneer nilı̨́įgi alą́ąjįʼ áyósin. Náás hodeeshzhiizhdóó Stéphanie jizyeh. Stéphanie éí Francedi bighan ńtʼééʼ. Cameroondi níjíʼnáago Stéphanie éí haʼátʼíí há nanitłʼah silı̨́ı̨́ʼ?

Stéphanie ání: “Tʼáá áłtsʼísígo shitsʼíís bąąh dah náhooʼaah, ákondi azeeʼ shaa  náʼniłgo éí shíká análwoʼ.” Tʼáá ájíłah há nidantłʼaii bichʼįʼ haʼjólnínígíí binahjįʼ Jiihóvah ląʼígóó háká eelwod. Alain kótʼéego hojilneʼ: “Tʼáá sahdii kin dah shijaaʼ Katé hoolyé, áadi nahwiilneʼgo Diyin Bizaad bíhwiideeshʼááł danízinii łaʼ bikʼíniitʼáázh. Tʼahádóó éí béésh bee haneʼí choilʼı̨́įgo nináʼniitįįh. Naneetʼą́ʼígíí nidiltʼéego baptize ábiʼdiilyaa áádóó publishers hazlı̨́įʼgo ahínéikah silı̨́ı̨́ʼ.” Stéphanie ałdóʼ ání: “Diné bíká anáhiʼniilchéehgo Jiihóvah yaa ádaʼdiitʼaahgo éí ił hózhǫ́ tʼáadoo beełtʼéhí da. Kweʼé nahwiilneʼgo tʼáá íiyisíí baa nihił hózhǫ́.” Kʼad éí Stéphanie dóó Alain circuit workjí binaanish ííłʼı̨́.

Gisèle éí Italydi azeeʼííłʼíní jidooleeł biniyé ajółtaʼ. Tʼáá áadi nijigháago baptize áhoʼdiilyaa. Ahéskéhígíí łaʼ Diyin Bizaad yee nahonitin, áko éí beʼiinaʼ tʼóó bikiinígo áyósingi hoł yáʼátʼéehgo jinéłʼı̨́. Shí ałdóʼ nahaneʼgi ląʼígóó bee áká adeeshwoł jinízin. Áko Gisèle tʼahdii ajółtaʼ ndi, regular pioneer áʼjíłʼı̨́įgo baa nízhdiidzá.

Gisèle éí Cameroondi Jiihóvah ląʼígóó bá naashʼaʼ doo jinízin. Ákondi hoʼdiiłʼáhígíí ląʼí. Ájíní: “Italygi shighango bee shá hazʼánígíí binaaltsoos ninádiníʼą́ áádóó shikʼis dóó shikʼéí Italydi dabighanígíí bitsʼą́ąjįʼ dah dideesháałgo baa ákonisin.” Ákótʼée ndi, May 2016go Gisèle éí Cameroongóó níjíʼná. Tʼahádóó éí Léonce jizyeh áádóó Cameroon bibranchdę́ę́ʼ éí Ayos hoolyéejįʼ doonééł hoʼdooʼniid. Ayosgi éí Kingdom preachers tʼáá íiyisíí bídin hóyééʼ.

Ayosdi haitʼéego hweʼiinaʼ joołtʼih? Gisèle ájíní: “Electricity łahda ádingo díkwíida damóo aleeh, áko mobile phones charge ádoolníiłgi doo bíighah da. Łahda éí tʼáá íiyisíí doo nidaalnish da łeh. Tłʼóoʼdi kǫʼ bikáaʼgi chʼiyáán álʼı̨́ bíhoołʼą́ą́ʼ. Tłʼééʼgo éí wheelbarrow dóó flashlight bee tó bíká ałnánéitʼash. Tłʼéeʼgo éí tó háálı̨́įdi doo ayóó yaa áłah nilı̨́į da.” Áko Gisèle dóó bichʼooní haitʼéego beʼiinaʼ yoołtʼih? Gisèle ájíní: “Jiihóvah biníłchʼi diyinii, achʼooní áká análwoʼii índa nihikʼéí dóó nihikʼis haʼahóní dóó béeso yee nihíká anájahgi tʼáá yéigo nihíká análwoʼ.”

Da ákoósh Gisèle kéyah hoʼdizhchı̨́įdi níjíʼnáago hoł hózhǫ́? “Aooʼ, doo shił naaki nilı̨́į da,” jiní. “Tʼóó áłtsé éí nihá nanitłʼah áádóó bikʼee nihąąh nááhonikaʼ ńtʼééʼ, ákondi éí biiʼ haitʼáázh. Shahastiin dóó shí éí tʼáá ákónéehii íítʼįįd lá niidzin. Jiihóvah baʼííníidlí áádóó áhánígo bił honiidlǫ́.” Léonce dóó Gisèle éí School for Kingdom Evangelizersjí atah ajííłtaʼ. Kʼad éí tʼáá ájíłah temporary special pioneers jílı̨́.

Łóóʼ ląʼí hajiileeh doo nahalingo, nidahalneʼígíí éí nidabiʼdiizhchı̨́ı̨́góó anáhákááh. Bił dahadleeʼgo áadi bijéí tʼáá ákogi ádaatʼéii Kingdom message bił yáʼádaatʼéhígíí yíká anídaajah. Jiihóvah bízhiʼ ayóóʼádayóʼníigo yá ndaalʼaʼ. Áko Jiihóvah doo beidiyoonah da. (Neh. 5:19; Heb. 6:10) Niʼdizhchı̨́įdi Kingdom publishers bídin hóyéeʼgo, ákǫ́ǫ́sh nídííʼnéełgo ná bíighah? Ákwíinidzaago éí ayóó átʼéego akʼihojidlí nibaʼ átʼée doo.—Prov. 10:22.