E MAATA te au taeake e te au tuaine i mua ana, tei akaruke i to ratou enua no te aere atu ki te au enua puapinga, e kua oki akaou ki to ratou enua anau. Akakeuia e te aroa no Iehova e to ratou au taeake, kua neke atu ratou ki te ngai tei anoanoia te au papuritia o te Patireia. (Mata. 22:37-39) Eaa ta ratou akaatinga anga i rave, e eaa te au akameitakianga ta ratou i rūrū? Kia kimi atu i te reira, ka akamou tatou ki runga i te enua i Cameroon i te tua opunga o Aperika.

I te 1998, ko Onésime tetai taeake tei aere mai mei tona enua ko Cameroon. E 14 mataiti tona nooanga ki tetai enua ke. I tetai rā i te uipaanga a te Kerititiano, kua rongo aia i te akatutuanga no te angaanga tutu aere. Karanga te vaa tuatua, “Me tautai tetai nga taeake i te ngai tukeke, e e maata atu ta tetai i rauka mai i ta tetai, ka neke ainei te taeake ki te ngai e rauka maata maira te ika?”

Kua riro te akatutuanga ei akamanako anga na Onésime no te oki kia tautai i te pae vaerua i Cameroon no te tauturu i te au papuritia. Inara kua manamanata aia. Ka matau akaou ainei aia i te oraanga i tona enua i mua ana, mei te mea kua roa aia i te nooanga ki tetai enua ke? E rauka ai te reira, kua aere atu a Onésime ki Cameroon e ono marama. E oti i te 2012, kua neke atu aia ki reira.

Karanga a Onésime: “Anoanoia au kia akatano atu ki te reva vera e te au ngai nooanga. I ko i te Are Uipaanga Patireia, ka akamatau akaou au i te noo ki runga i te nooanga rakau. Inara ko te maata atu i taku akarongo i te porokaramu,” i karanga ai aia ma te katakata, “kua ngaro rai toku manako no te au nooanga maru e te manea.”

I te 2013, kua akaipoipo a Onésime ia Géraldine, tei oki ki Cameroon mei Varani no tetai iva mataiti. Eaa te au akameitakianga ta te nga tokorua i rauka i te akamou anga i to raua oraanga ki te au angaanga teokaratiki? Karanga a Onésime: “Ei nga tokorua, kua aere maua ki te Apii no te Aronga Tutu Evangeria o te Patireia, e oti kua tavini i Betela. I te mataiti i topa, kua papetitoia e 20 tangata apii i roto i ta matou putuputuanga. Kua kite mai au e kua tano rai teia ngai no te ‘tautai.’” (Mare. 1:17, 18) Karanga a Géraldine: “Kua rauka iaku te au akameitakianga maata.”

Kua neke atu a Judith ki Marike e kua inangaro i te akamaata atu i tana angaanga tutu aere. Karanga aia, “I te openga o toku aravei anga i te kopu tangata i Cameroon, ka aue au i te akaruke ia ratou no te mea kua  apii au i te Pipiria kia ratou.” Inara, kua emiemi a Judith i te neke atu ki Cameroon. E ngai angaanga meitaki tana ma te akono i tona papa makimaki i Cameroon. Inara, irinaki aia ia Iehova, kua neke atu a Judith ki reira. Karanga aia e kua maaraara au i te au mea manea tana i mataora i te enua tana i noo ana. Kua pure aia kia Iehova kia tauturu iaia kia akatano i tona oraanga ma te tauturu e te akamaroiroi anga a te akaaere kotinga e tana vaine.

Me akamanako au, i karanga ai a Judith, “i roto i tetai toru mataiti kua kite mai au i te mataora i te kite i te au tamariki pae vaerua.” Kua tavini painia takake atu a Judith. I teia rā, ko raua ko tana tane, ko Sam-Castel, i roto i te angaanga kotinga. Inara eaa tei tupu ki te papa o Judith? Kua rauka iaia e tona kopu tangata i te kimi i tetai aremaki te ka rauka i te vaʼi i tona papa. Te mea mataora, kua meitaki ua te vaʼi anga.

Tetai taeake ko Victor tei noo ana i Kanata. I muri ake i tona tatau anga i te atikara o te Punanga Tiaki no runga i te apii teitei, kua akamanako aia i tana apii. Kua akaruke aia i te apii teitei no te aere ki te apii tereni anga. “Kua rauka mai tetai angaanga nana,” i karanga ai aia, “e kia rave i tana e inangaro ra—kia painia.” I muri mai, kua akaipoipo a Victor ia Caroline, e kua aere atu te nga tokorua ki Cameroon. I reira, i to raua atoro anga i te opati Betela, kua akamaroiroiia raua kia akamanako no te tavini i Cameroon. Karanga a Victor, “Kua kite mai maua i te tumu kia kore e kopae i te reira, no te mea kua rauka tetai oraanga māmā ua, kua āriki maua i te patianga.” Noatu e oraanga makimaki to Caroline, kua iki maua i te aere ua atu.

Kua tavini a Victor e Caroline ei painia tamou i te tauturu i te aronga te anoano ra i te kite i te Pipiria. Kua rauka ia raua i te noo ua mei te moni ta raua i tuku ki roto i te bank. I muri mai, kua angaanga raua i Kanata no tetai nga marama, tei rauka ia rauka kia oki ki Cameroon no te painia. Eaa te au akameitakianga ta raua i rauka? Kua aere raua ki te Apii no te Aronga Tutu Evangeria o te Patireia, tei tavini ei painia takake, e teianei ei nga tavini patu are. Karanga a Victor, “Na te akaruke anga i to maua oraanga meitaki, kua kite mai maua i to Iehova rima tauturu.”

I te 2002, tetai tamaiti ko Alain i te apii teitei i Tiamani, tei tatau i te aenga pepa Youth—What Will You Do With Your Life? Kua akakeuia aia kia akanoo i tetai akakoroanga ou nana. I te 2006, kua aere aia ki te Apii Terenianga Orometua e kua tukuia ki Cameroon, i tona enua anau.

I Cameroon, kua rauka mai tetai angaanga na Alain. I muri mai, kua rauka tetai angaanga meitaki nana, inara kua manako aia e e manga ua tona taime no te angaanga tutu aere. No reira kua patiia aia kia tavini ei painia takake, e kua āriki aia i te reira ma te kore e emiemi. Kua oronga tona pu i tetai tutakianga maata, inara kua rave rai a Alain i tana ikianga. I muri mai, kua akaipoipo a Alain ia Stéphanie, tei noo ana i Varani no tetai au mataiti. Eaa te mea ngata kiaia i muri ake ka neke ei ki Cameroon?

Karanga a Stéphanie: “Kua tupu tetai au maki i runga iaku, inara kua rauka rai iaku i te kimi i tetai rapakau e te akameitaki i reira.” Kua akameitakiia te nga tokorua no to raua  tu akakoromaki. Karanga a Alain: “Te aere anga maua i te tutu aere i roto i tetai oire ko Katé, kua kite mai maua i tetai au tangata tei inangaro i te apii i te Pipiria. I muri mai, kua rave maua i te au apii Pipiria kia ratou na runga i te tereponi. E rua o teia nga apii Pipiria kua papetitoia, e kua akatupuia tetai pupu no te au papuritia.” Karanga a Stéphanie: “E maata te mataora i te tauturu i te tangata kia rave i te akatapuanga anga kia Iehova. Na te tavini anga i reira, kua kite mai maua i te mataora i te reira tuatau.” I teia rā, te tavini nei a Alain e Stephanie i roto i te angaanga kotinga.

Kua papetitoia a Gisèle iaia e aere ra ki te apii taote i Itaria. Kua mareka aia i te oraanga māmā ua o te nga tokorua painia tei apii i te Pipiria kiaia, e kua inangaro aia i te rave maata atu i te angaanga tutu aere. No reira, kua akamata a Gisèle i te tavini ei painia tamou iaia e akaoti ra i tana apii.

E inangaro maata tikai to Gisèle i te tavini maroiroi ia Iehova i Cameroon, inara kua manata aia i te reira. Karanga aia, “Kua akaruke au i toku tikaanga kia noo ei iti tangata Itaria e kua akatakakeia au mei toku au oa e te kopu tangata i Itaria.” Noatu ra, ia Me 2016, kua neke a Gisèle ki Cameroon. I tetai tuatau i muri mai, kua akaipoipo aia ia Léonce, e kua tuku te opati Betela i Cameroon ia raua kia neke ki Ayos, e oire te ka anoanoia te au papuritia no te Patireia.

Peea ua te oraanga i Ayos? Karanga a Gisèle: “Kare e kā putuputu ana te mori i te epetoma, e kare e rauka ia maua i te tiati i ta maua tereponi. Te maata anga o te taime, kare te reira e angaanga ana. Kua apii au i te tunu kai ma te taʼu aʼi i vao, e kua aere maua i te tiki vai i te po ma te moripata i ko i te punavai, te taime kare e maata ana te tangata.” Akapeea te nga tokorua te akakoromaki anga? Karanga a Gisèle: “Na te vaerua o Iehova, te tauturu a te tokorua akaipoipo, te akamaroiroi e te tauturu moni mei te kopu tangata e te au oa.”

Kua mataora ainei a Gisèle te oki anga ki tona enua anau? “Ae! Ma te kore e ekoko,” i karanga ai aia. “E ngata rai ma te au manako taitaia, inara kua autu maua i te reira, kua manako maua ko taku tane e kua rave maua i tei anoanoia. Irinaki maua kia Iehova e te piri vaitata kiaia.” Kua aere a Léonce e Gisèle ki te Apii no te Aronga Tutu Evangeria o te Patireia, e te tavini nei raua ei painia takake.

Mei te tangata tautai rai, e tuke tana ngai no te tautai kia mou te ika, te aronga tei oki atu ki to ratou enua anau e te puareinga ua i te tauturu i te aronga ngakau tae tei āriki i te karere Patireia. Kare e ekoko anga ka maara ia Iehova te angaanga pakari a te au papuritia e te inangaro i tona ingoa. (Nehe. 5:19; Ebe. 6:10) Me te noo ra koe i te enua ke e ka anoanoia te au papuritia no te Patireia i toou enua anau, ka rauka ainei ia koe i te oki atu? Me koia ia, te tiaki maira te au akameitakianga ia koe.—Mase. 10:22.