1. പ്രശ്‌നങ്ങൾ നമ്മളെ വീർപ്പു​മു​ട്ടി​ക്കു​ക​യോ നമ്മൾ ഒറ്റയ്‌ക്കാ​ണെന്ന്‌ തോന്നു​ക​യോ ചെയ്യു​മ്പോൾ ഏതു കാര്യം നമ്മളെ ആശ്വസി​പ്പി​ക്കും? (സങ്കീർത്തനം 118:5-7)

ഒരു പ്രശ്‌നം നേരി​ട്ട​പ്പോൾ സഹായി​ക്കാൻ ആരുമി​ല്ലാ​തെ തനിച്ചാ​യ​തു​പോ​ലെ നിങ്ങൾക്ക്‌ എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? യഹോ​വ​യു​ടെ വിശ്വ​സ്‌ത​ദാ​സ​ര​ടക്കം പലർക്കും അങ്ങനെ തോന്നി​യി​ട്ടുണ്ട്‌. (1 രാജാ. 19:14) നിങ്ങൾക്ക്‌ എപ്പോ​ഴെ​ങ്കി​ലും അങ്ങനെ അനുഭ​വ​പ്പെ​ട്ടി​ട്ടു​ണ്ടെ​ങ്കിൽ യഹോവ തന്നിട്ടുള്ള ഈ വാക്ക്‌ ഓർക്കുക: “ഞാൻ നിന്നെ ഒരിക്ക​ലും കൈവി​ടില്ല; ഒരിക്ക​ലും ഉപേക്ഷി​ക്കില്ല.” അതു​കൊണ്ട്‌ നമുക്ക്‌ ധൈര്യ​ത്തോ​ടെ ഇങ്ങനെ പറയാം: “യഹോവ എന്നെ സഹായി​ക്കും. ഞാൻ പേടി​ക്കില്ല.” (എബ്രാ. 13:5, 6) ഏതാണ്ട്‌ എ.ഡി. 61-ൽ യഹൂദ്യ​യി​ലുള്ള സഹവി​ശ്വാ​സി​കൾക്ക്‌ പൗലോസ്‌ എഴുതിയ വാക്കു​ക​ളാണ്‌ ഇത്‌. സങ്കീർത്തനം 118:5-7-ൽ (വായി​ക്കുക) കാണുന്ന അതേ ഉറപ്പും ധൈര്യ​വും ആണ്‌ പൗലോ​സി​ന്റെ വാക്കുകൾ നമ്മളെ ഓർമി​പ്പി​ക്കു​ന്നത്‌.

2. ഈ ലേഖന​ത്തിൽ നമ്മൾ എന്തു പഠിക്കും, എന്തു​കൊണ്ട്‌?

² യഹോവ തന്റെ സഹായി​യാ​യി കൂടെ​യു​ണ്ടെന്ന്‌ സങ്കീർത്ത​ന​ക്കാ​ര​നെ​പ്പോ​ലെ പൗലോ​സി​നും അനുഭ​വി​ച്ച​റി​യാൻ കഴിഞ്ഞു. ഉദാഹ​ര​ണ​ത്തിന്‌, എബ്രാ​യർക്കുള്ള കത്ത്‌ എഴുതു​ന്ന​തിന്‌ രണ്ടില​ധി​കം വർഷം മുമ്പ്‌ കൊടു​ങ്കാ​റ്റിൽ ഇളകി​മ​റി​യുന്ന കടലി​ലൂ​ടെ പൗലോ​സിന്‌ അപകട​ക​ര​മായ ഒരു യാത്ര നടത്തേ​ണ്ടി​വന്നു. (പ്രവൃ. 27:4, 15, 20) ആ യാത്ര​യു​ടെ സമയത്തും അതിനു മുമ്പുള്ള വർഷങ്ങ​ളി​ലും പൗലോ​സി​ന്റെ സഹായി​യാ​യി യഹോവ കൂടെ​യു​ണ്ടാ​യി​രു​ന്നു. യഹോവ പൗലോ​സി​നെ സഹായിച്ച മൂന്നു വിധങ്ങൾ നമ്മൾ ഈ ലേഖന​ത്തിൽ ചിന്തി​ക്കും. യേശു​വി​ലൂ​ടെ​യും ദൂതന്മാ​രി​ലൂ​ടെ​യും അധികാ​ര​സ്ഥാ​ന​ത്തു​ള്ള​വരെ ഉപയോ​ഗി​ച്ചു​കൊ​ണ്ടും സഹവി​ശ്വാ​സി​ക​ളി​ലൂ​ടെ​യും ആണ്‌ അത്‌. നമ്മൾ ഇതെക്കു​റിച്ച്‌ പഠി​ക്കേ​ണ്ടത്‌ എന്തു​കൊ​ണ്ടാണ്‌? സഹായ​ത്തി​നാ​യുള്ള നമ്മുടെ അപേക്ഷകൾ കേൾക്കു​മെന്ന്‌ യഹോവ നമുക്കും ഉറപ്പു തന്നിട്ടു​ണ്ട​ല്ലോ. പൗലോ​സി​ന്റെ ജീവി​ത​ത്തി​ലു​ണ്ടായ സംഭവ​ങ്ങ​ളെ​ക്കു​റിച്ച്‌ ചിന്തി​ക്കു​ന്നത്‌ ദൈവ​ത്തി​ന്റെ ആ വാഗ്‌ദാ​ന​ത്തി​ലുള്ള നമ്മുടെ വിശ്വാ​സം ശക്തമാ​ക്കും.

3. പൗലോ​സിന്‌ എന്ത്‌ ഉത്‌കണ്‌ഠ തോന്നി​ക്കാ​ണും, എന്തു​കൊണ്ട്‌?

³ ഏകദേശം എ.ഡി. 56-ൽ ഒരു ജനക്കൂട്ടം പൗലോ​സി​നെ യരുശ​ലേ​മി​ലെ ദേവാ​ല​യ​ത്തി​നു പുറ​ത്തേക്ക്‌ വലിച്ചി​ഴ​ച്ചു​കൊ​ണ്ടു​പോ​യി കൊല്ലാൻ ശ്രമിച്ചു. പിറ്റെ ദിവസം പൗലോ​സി​നെ സൻഹെ​ദ്രി​ന്റെ മുന്നിൽ കൊണ്ടു​വ​ന്ന​പ്പോൾ ശത്രുക്കൾ അദ്ദേഹത്തെ പിച്ചി​ച്ചീ​ന്തുന്ന അളവോ​ളം കാര്യങ്ങൾ വഷളായി. (പ്രവൃ. 21:30-32; 22:30; 23:6-10) ‘ഇതെല്ലാം എത്ര നാൾ ഞാൻ സഹി​ക്കേ​ണ്ടി​വ​രും’ എന്ന്‌ ആ സമയത്ത്‌ പൗലോസ്‌ ചിന്തി​ച്ചു​കാ​ണും. ഈ സാഹച​ര്യ​ത്തിൽ പൗലോ​സിന്‌ ശരിക്കും സഹായം വേണമാ​യി​രു​ന്നു.

4. യഹോവ യേശു​വി​ലൂ​ടെ പൗലോ​സി​നെ സഹായി​ച്ചത്‌ എങ്ങനെ?

⁴ പൗലോ​സിന്‌ എങ്ങനെ സഹായം ലഭിച്ചു? പൗലോ​സി​നെ അറസ്റ്റ്‌ ചെയ്‌ത അന്നു രാത്രി, ‘കർത്താ​വായ’ യേശു പൗലോ​സി​ന്റെ അടുത്തു​വന്ന്‌ ഇങ്ങനെ പറഞ്ഞു: “ധൈര്യ​മാ​യി​രി​ക്കുക! യരുശ​ലേ​മി​ലെ​ങ്ങും നീ എന്നെക്കു​റിച്ച്‌ സമഗ്ര​മാ​യി പ്രസം​ഗി​ക്കു​ന്ന​തു​പോ​ലെ​തന്നെ റോമി​ലും പ്രസം​ഗി​ക്കേ​ണ്ട​തുണ്ട്‌.” (പ്രവൃ. 23:11) ആ സമയത്ത്‌ ആ വാക്കുകൾ പൗലോ​സി​നെ എത്രയ​ധി​കം പ്രോ​ത്സാ​ഹി​പ്പി​ച്ചു​കാ​ണും! യരുശ​ലേ​മിൽ പൗലോസ്‌ ചെയ്‌ത വ്യാപ​ക​മായ പ്രവർത്ത​നത്തെ യേശു അഭിന​ന്ദി​ച്ചു. പൗലോസ്‌ സുരക്ഷി​ത​നാ​യി റോമിൽ എത്തു​മെ​ന്നും യേശു ആ വാക്കു​ക​ളി​ലൂ​ടെ ഉറപ്പു കൊടു​ത്തു. അവി​ടെ​യും അദ്ദേഹം തന്റെ ശുശ്രൂഷ തുടരു​മാ​യി​രു​ന്നു. ഈ ഉറപ്പു കിട്ടി​ക്ക​ഴി​ഞ്ഞ​പ്പോൾ തന്റെ പിതാ​വി​ന്റെ കരങ്ങളിൽ സുരക്ഷി​ത​നാ​യി ഇരിക്കുന്ന ഒരു കുട്ടി​യെ​പ്പോ​ലെ പൗലോ​സിന്‌ അനുഭ​വ​പ്പെ​ട്ടു​കാ​ണും.

5. യഹോവ ഒരു ദൂതനി​ലൂ​ടെ പൗലോ​സി​നെ സഹായി​ച്ചത്‌ എങ്ങനെ? (പുറം​താ​ളി​ലെ ചിത്രം കാണുക.)

⁵ പൗലോ​സിന്‌ വേറെ എന്തെല്ലാം പ്രശ്‌നങ്ങൾ നേരി​ടേ​ണ്ടി​വന്നു? യരുശ​ലേ​മി​ലെ ഈ സംഭവങ്ങൾ നടന്നിട്ട്‌ ഏകദേശം രണ്ടു വർഷം കഴിഞ്ഞു. പൗലോസ്‌ ഇപ്പോൾ ഇറ്റലി​യി​ലേക്ക്‌ കപ്പലിൽ യാത്ര ചെയ്യു​ക​യാണ്‌. യാത്രാ​മ​ധ്യേ ഒരു വലിയ കൊടു​ങ്കാ​റ്റു​ണ്ടാ​യി. അത്ര ശക്തമായ കാറ്റാ​യി​രു​ന്ന​തു​കൊണ്ട്‌ തങ്ങൾ മരിച്ചു​പോ​കു​മെന്ന്‌ കപ്പലിലെ ജോലി​ക്കാ​രും യാത്ര​ക്കാ​രും ഓർത്തു. പക്ഷേ, പൗലോസ്‌ പേടി​ച്ചില്ല. എന്തു​കൊണ്ട്‌? പൗലോസ്‌ കപ്പലി​ലു​ള്ള​വ​രോട്‌, “ഞാൻ സേവി​ക്കുന്ന, എന്റെ ഉടയവ​നായ ദൈവ​ത്തി​ന്റെ ഒരു ദൂതൻ ഇന്നലെ രാത്രി എന്റെ അരികെ നിന്നു​കൊണ്ട്‌ എന്നോട്‌, ‘പൗലോ​സേ, പേടി​ക്കേണ്ടാ! നീ സീസറി​ന്റെ മുമ്പാകെ നിൽക്കേ​ണ്ട​താണ്‌. നിന്നോ​ടൊ​പ്പം യാത്ര ചെയ്യു​ന്ന​വ​രെ​യും ദൈവം രക്ഷിക്കും’” എന്ന്‌ അറിയി​ച്ച​താ​യി പറഞ്ഞു. അതെ, മുമ്പ്‌ യഹോവ യേശു​വി​ലൂ​ടെ പൗലോ​സി​നു കൊടുത്ത ഉറപ്പ്‌ ഒരു ദൂതനെ ഉപയോ​ഗി​ച്ചു​കൊണ്ട്‌ വീണ്ടും കൊടു​ത്തു. പറഞ്ഞതു​പോ​ലെ പൗലോസ്‌ റോമിൽ എത്തുക​യും ചെയ്‌തു.—പ്രവൃ. 27:20-25; 28:16.

6. യേശു​വി​ന്റെ ഏതു വാഗ്‌ദാ​ന​മാണ്‌ നമുക്ക്‌ ബലം പകരു​ന്നത്‌, എന്തു​കൊണ്ട്‌?

⁶ നമുക്ക്‌ എങ്ങനെ സഹായം ലഭിക്കു​ന്നു? യേശു പൗലോ​സി​നെ സഹായി​ച്ച​തു​പോ​ലെ നമ്മളെ​യും സഹായി​ക്കും. ഉദാഹ​ര​ണ​ത്തിന്‌, യേശു തന്റെ അനുഗാ​മി​കൾക്ക്‌ ഇങ്ങനെ ഉറപ്പു കൊടു​ത്തു: “വ്യവസ്ഥി​തി​യു​ടെ അവസാ​ന​കാ​ലം​വരെ എന്നും ഞാൻ നിങ്ങളു​ടെ​കൂ​ടെ​യുണ്ട്‌.” (മത്താ. 28:20) യേശു​വി​ന്റെ വാക്കുകൾ നമു​ക്കൊ​രു ബലംത​ന്നെ​യാണ്‌. എന്തു​കൊണ്ട്‌? ഇനി മുന്നോ​ട്ടു​പോ​കാ​നാ​കില്ല എന്നു തോന്നുന്ന ചില ദിവസങ്ങൾ നമ്മുടെ ജീവി​ത​ത്തിൽ ഉണ്ടാ​യേ​ക്കാം. ഉദാഹ​ര​ണ​ത്തിന്‌, നമുക്കു പ്രിയ​പ്പെട്ട ഒരാൾ മരിച്ചു​പോ​യാൽ അതിന്റെ വേദന ദിവസ​ങ്ങളല്ല, ചില​പ്പോൾ വർഷങ്ങൾതന്നെ നീണ്ടു​നി​ന്നേ​ക്കാം. ചിലർ വാർധ​ക്യ​ത്തി​ന്റെ വിഷമ​ങ്ങ​ളു​മാ​യി ഓരോ ദിവസ​വും മല്ലിടു​ന്നു. ചിലർക്ക്‌ വിഷാ​ദ​ത്തി​ന്റെ  കാർമേ​ഘങ്ങൾ മൂടി​ക്കെ​ട്ടിയ ദിവസങ്ങൾ തള്ളിനീ​ക്കേ​ണ്ടി​വ​രു​ന്നു. എങ്കിലും, ‘എന്നും,’ നമ്മുടെ ജീവി​ത​ത്തി​ലെ ഏറ്റവും ഇരുളടഞ്ഞ ദിവസ​ങ്ങ​ളി​ലും, യേശു നമ്മു​ടെ​കൂ​ടെ​യുണ്ട്‌ എന്ന അറിവ്‌ നമുക്ക്‌ ബലം പകരുന്നു.—മത്താ. 11:28-30.

7. വെളി​പാട്‌ 14:6 അനുസ​രിച്ച്‌ യഹോവ ഇന്ന്‌ നമ്മളെ സഹായി​ക്കു​ന്നത്‌ എങ്ങനെ?

⁷ യഹോവ തന്റെ ദൂതന്മാ​രെ ഉപയോ​ഗി​ച്ചും നമ്മളെ സഹായി​ക്കു​മെന്ന്‌ ബൈബിൾ ഉറപ്പു തരുന്നു. (എബ്രാ. 1:7, 14) ഉദാഹ​ര​ണ​ത്തിന്‌, ‘ദൈവ​രാ​ജ്യ​ത്തി​ന്റെ സന്തോ​ഷ​വാർത്ത,’ “എല്ലാ ജനതക​ളെ​യും ഗോ​ത്ര​ങ്ങ​ളെ​യും ഭാഷക്കാ​രെ​യും വംശങ്ങ​ളെ​യും” അറിയി​ക്കു​മ്പോൾ ദൂതന്മാർ നമ്മളെ വഴിന​യി​ക്കു​ക​യും സഹായി​ക്കു​ക​യും ചെയ്യുന്നു.—മത്താ. 24:13, 14; വെളി​പാട്‌ 14:6 വായി​ക്കുക.

8. ഒരു സൈന്യാ​ധി​പ​നി​ലൂ​ടെ യഹോവ എങ്ങനെ​യാണ്‌ പൗലോ​സി​നെ സഹായി​ച്ചത്‌?

⁸ പൗലോ​സിന്‌ എങ്ങനെ സഹായം ലഭിച്ചു? പൗലോസ്‌ റോമിൽ എത്തു​മെന്ന്‌ എ.ഡി. 56-ൽ യേശു അദ്ദേഹ​ത്തിന്‌ ഉറപ്പു കൊടു​ത്തി​രു​ന്നു. എങ്കിലും, പതിയി​രുന്ന്‌ പൗലോ​സി​നെ കൊല്ലാൻ യരുശ​ലേ​മി​ലെ ചില ജൂതന്മാർ പദ്ധതി​യി​ട്ടു. ഇതെക്കു​റിച്ച്‌ റോമൻ സൈന്യാ​ധി​പൻ ക്ലൗദ്യൊസ്‌ ലുസി​യാസ്‌ അറിഞ്ഞ​പ്പോൾ, അദ്ദേഹം പൗലോ​സി​ന്റെ രക്ഷയ്‌ക്ക്‌ എത്തി. ഉടൻതന്നെ അദ്ദേഹം പൗലോ​സി​നെ കുറെ പടയാ​ളി​ക​ളോ​ടൊ​പ്പം കൈസ​ര്യ​യി​ലേക്ക്‌ അയച്ചു. യരുശ​ലേ​മിൽനിന്ന്‌ ഏകദേശം 105 കിലോ​മീ​റ്റർ സഞ്ചരി​ച്ചാണ്‌ അവർ അവിടെ എത്തിയത്‌. അവിടെ എത്തിയ​പ്പോൾ ഗവർണ​റായ ഫേലി​ക്‌സ്‌ പൗലോ​സി​നെ “ഹെരോ​ദി​ന്റെ കൊട്ടാ​ര​ത്തിൽ കാവലിൽ സൂക്ഷി​ക്കാൻ” ഉത്തരവി​ട്ടു. പൗലോ​സി​നെ കൊല്ലാൻ ആഗ്രഹി​ച്ച​വർക്ക്‌ അവി​ടെ​വെച്ച്‌ അദ്ദേഹത്തെ ഒന്നും ചെയ്യാൻ കഴിയു​മാ​യി​രു​ന്നില്ല.—പ്രവൃ. 23:12-35.

9. ഗവർണ​റായ ഫെസ്‌തൊസ്‌ എങ്ങനെ​യാണ്‌ പൗലോ​സി​നെ സഹായി​ച്ചത്‌?

⁹ രണ്ടു വർഷം കടന്നു​പോ​യി. പൗലോസ്‌ ഇപ്പോ​ഴും കൈസ​ര്യ​യിൽ തടവിൽത്ത​ന്നെ​യാണ്‌. ഫേലി​ക്‌സിന്‌ പകരം ഫെസ്‌തൊസ്‌ ഗവർണ​റാ​യി സ്ഥാന​മേറ്റു. വിചാ​ര​ണ​യ്‌ക്കാ​യി പൗലോ​സി​നെ യരുശ​ലേ​മി​ലേക്കു കൊണ്ടു​വ​രാ​മോ എന്ന്‌ ജൂതന്മാർ ഫെസ്‌തൊ​സി​നോ​ടു ചോദി​ച്ചു. പക്ഷേ, ഫെസ്‌തൊസ്‌ അതിനു സമ്മതി​ച്ചില്ല. ഒരുപക്ഷേ, “വഴിമ​ധ്യേ ഒളിച്ചി​രുന്ന്‌ പൗലോ​സി​നെ കൊല്ലാ​നുള്ള ജൂതന്മാ​രു​ടെ പദ്ധതി​യെ​ക്കു​റിച്ച്‌” ഗവർണർ അറിഞ്ഞി​രി​ക്കാം.—പ്രവൃ. 24:27–25:5.

10. സീസറി​ന്റെ മുമ്പാകെ അപ്പീലി​നു പോകാ​നുള്ള പൗലോ​സി​ന്റെ അപേക്ഷ​യോട്‌ ഫെസ്‌തൊസ്‌ എങ്ങനെ​യാണ്‌ പ്രതി​ക​രി​ച്ചത്‌?

¹⁰ പിന്നീട്‌ കൈസ​ര്യ​യിൽവെച്ച്‌ പൗലോ​സി​ന്റെ വിചാരണ നടന്നു. ഈ അവസര​ത്തിൽ, “ജൂതന്മാ​രു​ടെ പ്രീതി പിടി​ച്ചു​പ​റ്റാൻ” ആഗ്രഹിച്ച ഫെസ്‌തൊസ്‌ പൗലോ​സി​നോ​ടു ചോദി​ച്ചു: ‘യരുശ​ലേ​മി​ലേക്കു വരാനും എന്റെ മുമ്പാകെ വിചാരണ നേരി​ടാ​നും നിനക്കു സമ്മതമാ​ണോ?’ യരുശ​ലേ​മി​ലേക്കു പോയാൽ താൻ അവി​ടെ​വെച്ച്‌ കൊല്ല​പ്പെ​ടു​മെന്ന്‌ പൗലോ​സിന്‌ ഏകദേശം ഉറപ്പാ​യി​രു​ന്നു. ഈ സാഹച​ര്യ​ത്തിൽ തന്റെ ജീവൻ രക്ഷിക്കാ​നും റോമിൽ എത്തി​ച്ചേ​രാ​നും ശുശ്രൂഷ തുടരാ​നും എന്താണു ചെയ്യേ​ണ്ട​തെന്നു പൗലോ​സിന്‌ അറിയാ​മാ​യി​രു​ന്നു. അതു​കൊ​ണ്ടാ​ണു പൗലോസ്‌ ഇങ്ങനെ പറഞ്ഞത്‌: “ഞാൻ സീസറി​ന്റെ മുമ്പാകെ അപ്പീലി​നു പോകാൻ ആഗ്രഹി​ക്കു​ന്നു!” ഉപദേ​ശ​ക​സ​മി​തി​യോട്‌ ആലോ​ചി​ച്ച​ശേഷം ഫെസ്‌തൊസ്‌ പൗലോ​സി​നോ​ടു പറഞ്ഞു: “നീ സീസറി​ന്റെ മുമ്പാകെ അപ്പീലി​നു പോകാൻ അപേക്ഷി​ച്ച​ല്ലോ; അതു​കൊണ്ട്‌ സീസറി​ന്റെ അടു​ത്തേ​ക്കു​തന്നെ നിന്നെ വിടാം.” പൗലോ​സിന്‌ അനുകൂ​ല​മായ ഫെസ്‌തൊ​സി​ന്റെ ആ തീരു​മാ​നം അദ്ദേഹത്തെ ശത്രു​ക്ക​ളിൽനിന്ന്‌ രക്ഷിച്ചു. പെട്ടെ​ന്നു​തന്നെ പൗലോ​സി​നെ കൊല്ലാൻ പദ്ധതി​യിട്ട ജൂതന്മാ​രിൽനിന്ന്‌ ഏറെ അകലെ റോമിൽ അദ്ദേഹം എത്തുമാ​യി​രു​ന്നു.—പ്രവൃ. 25:6-12.

11. യശയ്യ എഴുതിയ ധൈര്യം പകരുന്ന ഏതു വാക്കു​ക​ളെ​ക്കു​റിച്ച്‌ പൗലോസ്‌ ചിന്തി​ച്ചി​രി​ക്കാം?

¹¹ ഇറ്റലി​യി​ലേ​ക്കുള്ള യാത്ര​യ്‌ക്ക്‌ ഒരുങ്ങുന്ന സമയത്ത്‌, യഹോ​വയെ എതിർക്കു​ന്ന​വ​രോട്‌ പ്രവാ​ച​ക​നായ യശയ്യ പറഞ്ഞ മുന്നറി​യിപ്പ്‌ പൗലോ​സി​ന്റെ മനസ്സിൽ വന്നുകാ​ണും. ദൈവ​ത്താൽ പ്രചോ​ദി​ത​നാ​യി യശയ്യ ഇങ്ങനെ പറഞ്ഞു: “നിങ്ങൾ പദ്ധതി മനഞ്ഞു​കൊ​ള്ളൂ, എന്നാൽ അതു വിഫല​മാ​കും, നിങ്ങൾക്ക്‌ ഇഷ്ടമു​ള്ളതു പറഞ്ഞു​കൊ​ള്ളൂ, എന്നാൽ അതു പരാജ​യ​പ്പെ​ടും, ദൈവം ഞങ്ങളു​ടെ​കൂ​ടെ​യുണ്ട്‌!” (യശ. 8:10) ദൈവം തന്നെ സഹായി​ക്കു​മെന്ന്‌ പൗലോ​സിന്‌ അറിയാ​മാ​യി​രു​ന്നു. തുടർന്നുള്ള ദിവസ​ങ്ങ​ളിൽ ഓരോ​രോ പ്രശ്‌ന​ങ്ങ​ളു​ണ്ടാ​യ​പ്പോൾ ഈ അറിവ്‌ പൗലോ​സി​നെ ശക്തി​പ്പെ​ടു​ത്തി.

12. യൂലി​യൊസ്‌ എങ്ങനെ​യാണ്‌ പൗലോ​സി​നോട്‌ ഇടപെ​ട്ടത്‌, അതിൽനിന്ന്‌ പൗലോസ്‌ എന്തു മനസ്സി​ലാ​ക്കി​യി​രി​ക്കാം?

¹² അങ്ങനെ എ.ഡി. 58-ൽ പൗലോസ്‌ ഇറ്റലി​യി​ലേ​ക്കുള്ള യാത്ര ആരംഭി​ച്ചു. ഒരു തടവു​കാ​രൻ ആയിരു​ന്ന​തു​കൊണ്ട്‌ പൗലോസ്‌ റോമൻ സൈനി​കോ​ദ്യോ​ഗ​സ്ഥ​നായ യൂലി​യൊ​സി​ന്റെ മേൽനോ​ട്ട​ത്തി​ലാ​യി​രു​ന്നു. ഒന്നുകിൽ യൂലി​യൊ​സിന്‌ പൗലോ​സി​നോട്‌  നല്ല രീതി​യിൽ ഇടപെ​ടാ​മാ​യി​രു​ന്നു, അല്ലെങ്കിൽ പൗലോ​സി​നെ കഷ്ടപ്പെ​ടു​ത്താ​മാ​യി​രു​ന്നു. അദ്ദേഹം എങ്ങനെ​യാണ്‌ തന്റെ അധികാ​രം ഉപയോ​ഗി​ച്ചത്‌? പിറ്റേന്ന്‌ കപ്പൽ കരയ്‌ക്ക്‌ അടുപ്പി​ച്ച​പ്പോൾ ‘പൗലോ​സി​നോട്‌ യൂലി​യൊസ്‌ ദയ കാണി​ക്കു​ക​യും സ്‌നേ​ഹി​ത​രു​ടെ അടുത്ത്‌ പോകാൻ അനുവ​ദി​ക്കു​ക​യും ചെയ്‌തു.’ പിന്നീട്‌ യൂലി​യൊസ്‌ പൗലോ​സി​ന്റെ ജീവൻ രക്ഷിക്കു​ക​പോ​ലും ചെയ്‌തു. എങ്ങനെ? കപ്പലി​ലുള്ള തടവു​കാ​രെ കൊല്ലാൻ പടയാ​ളി​കൾ തീരു​മാ​നി​ച്ച​പ്പോൾ യൂലി​യൊസ്‌ അവരെ ആ തീരു​മാ​ന​ത്തിൽനിന്ന്‌ പിന്തി​രി​പ്പി​ച്ചു. എന്തു​കൊണ്ട്‌? കാരണം, “പൗലോ​സി​നെ രക്ഷിക്കാൻ” അദ്ദേഹം ആഗ്രഹി​ച്ചു. തന്നെ സഹായി​ക്കു​ക​യും സംരക്ഷി​ക്കു​ക​യും ചെയ്യു​ന്ന​തിന്‌ യഹോവ ദയയുള്ള ഈ സൈനി​കോ​ദ്യോ​ഗ​സ്ഥനെ ഉപയോ​ഗി​ക്കു​ക​യാ​ണെന്ന്‌ പൗലോസ്‌ ഒരുപക്ഷേ മനസ്സി​ലാ​ക്കി​യി​രി​ക്കാം.—പ്രവൃ. 27:1-3, 42-44.

13. അധികാ​ര​സ്ഥാ​ന​ങ്ങ​ളി​ലു​ള്ള​വരെ യഹോവ എങ്ങനെ ഉപയോ​ഗി​ച്ചേ​ക്കാം?

¹³ നമുക്ക്‌ എങ്ങനെ സഹായം ലഭിക്കു​ന്നു? തന്റെ ഉദ്ദേശ്യ​വു​മാ​യി യോജി​പ്പി​ലാ​യി​രി​ക്കുന്ന അവസര​ങ്ങ​ളിൽ അധികാ​ര​സ്ഥാ​ന​ങ്ങ​ളി​ലു​ള്ളവർ താൻ ആഗ്രഹി​ക്കു​ന്ന​തു​പോ​ലെ പ്രവർത്തി​ക്കു​ന്ന​തിന്‌ ഇടയാ​ക്കാൻ യഹോവ പരിശു​ദ്ധാ​ത്മാ​വി​നെ ഉപയോ​ഗി​ച്ചേ​ക്കാം. ശലോ​മോൻ രാജാവ്‌ പറഞ്ഞതു ശ്രദ്ധി​ക്കുക: “രാജാ​വി​ന്റെ ഹൃദയം യഹോ​വ​യു​ടെ കൈക​ളിൽ അരുവി​പോ​ലെ. തനിക്ക്‌ ഇഷ്ടമു​ള്ളി​ട​ത്തേക്കു ദൈവം അതു തിരി​ച്ചു​വി​ടു​ന്നു.” (സുഭാ. 21:1) എന്താണ്‌ ഇതിന്റെ അർഥം? കനാലു​കൾ ഉപയോ​ഗിച്ച്‌ ഒരു അരുവി​യി​ലെ വെള്ളം തനിക്ക്‌ ഇഷ്ടമു​ള്ളി​ട​ത്തേക്ക്‌ തിരി​ച്ചു​വി​ടാൻ മനുഷ്യ​നു കഴിയും. അതു​പോ​ലെ, തന്റെ ഉദ്ദേശ്യം അനുസ​രിച്ച്‌ കാര്യങ്ങൾ നടക്കു​ന്ന​തിന്‌ യഹോ​വ​യ്‌ക്ക്‌ പരിശു​ദ്ധാ​ത്മാ​വി​നെ ഉപയോ​ഗി​ച്ചു​കൊണ്ട്‌ അധികാ​രി​ക​ളു​ടെ ചിന്തകളെ തിരി​ച്ചു​വി​ടാ​നും കഴിയും. അപ്പോൾ ദൈവ​ജ​ന​ത്തിന്‌ അനുകൂ​ല​മായ തീരു​മാ​ന​ങ്ങ​ളെ​ടു​ക്കാൻ അധികാ​രി​കൾക്കു തോന്നും.—എസ്ര 7:21, 25, 26 താരത​മ്യം ചെയ്യുക.

14. പ്രവൃ​ത്തി​കൾ 12:5-നു ചേർച്ച​യിൽ, ആർക്കു​വേണ്ടി നമുക്ക്‌ പ്രാർഥി​ക്കാം?

¹⁴ നമുക്ക്‌ എന്തു ചെയ്യാം? അധികാ​ര​സ്ഥാ​ന​ങ്ങ​ളി​ലു​ള്ളവർ നമ്മുടെ ക്രിസ്‌തീയ ജീവി​ത​ത്തെ​യും ശുശ്രൂ​ഷ​യെ​യും ബാധി​ക്കുന്ന ചില തീരു​മാ​നങ്ങൾ എടു​ത്തേ​ക്കാം. അത്തരം സമയങ്ങ​ളിൽ “രാജാ​ക്ക​ന്മാർക്കും അധികാ​ര​സ്ഥാ​ന​ത്തുള്ള എല്ലാവർക്കും വേണ്ടി” നമുക്കു പ്രാർഥി​ക്കാം. (1 തിമൊ. 2:1, 2, അടിക്കു​റിപ്പ്‌; നെഹ. 1:11) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ചെയ്‌ത​തു​പോ​ലെ നമുക്കും ജയിലി​ലുള്ള നമ്മുടെ സഹോ​ദ​ര​ങ്ങൾക്കു​വേണ്ടി ദൈവ​ത്തോട്‌ ഉള്ളുരു​കി പ്രാർഥി​ക്കാൻ കഴിയും. (പ്രവൃ​ത്തി​കൾ 12:5 വായി​ക്കുക; എബ്രാ. 13:3) കൂടാതെ, അവർക്കു മേൽനോ​ട്ടം വഹിക്കുന്ന ജയില​ധി​കാ​രി​കൾക്കു​വേ​ണ്ടി​യും പ്രാർഥി​ക്കാം. യൂലി​യൊ​സി​നെ​പ്പോ​ലെ ജയിലി​ലാ​യി​രി​ക്കുന്ന നമ്മുടെ സഹോ​ദ​ര​ങ്ങ​ളോട്‌ ‘മാനു​ഷി​ക​പ​രി​ഗ​ണ​ന​യോ​ടെ’ ഇടപെ​ടാൻ അവർക്കു തോന്നും​വി​ധം അവരുടെ ചിന്തകളെ സ്വാധീ​നി​ക്കേ​ണമേ എന്ന്‌ നമുക്ക്‌ യഹോ​വ​യോ​ടു പ്രാർഥി​ക്കാം.—പ്രവൃ. 27:3-ന്റെ പഠനക്കു​റിപ്പ്‌ കാണുക.

15-16. അരിസ്‌തർഹോ​സി​നെ​യും ലൂക്കോ​സി​നെ​യും ഉപയോ​ഗിച്ച്‌ യഹോവ എങ്ങനെ​യാണ്‌ പൗലോ​സി​നെ സഹായി​ച്ചത്‌?

¹⁵ പൗലോ​സിന്‌ എങ്ങനെ സഹായം ലഭിച്ചു? റോമി​ലേ​ക്കുള്ള യാത്ര​യ്‌ക്കി​ടെ യഹോവ പലപ്പോ​ഴും സഹോ​ദ​ര​ങ്ങളെ ഉപയോ​ഗി​ച്ചു​കൊണ്ട്‌ പൗലോ​സി​നെ സഹായി​ച്ചു. ചില സംഭവങ്ങൾ നോക്കാം.

 ¹⁶ പൗലോ​സി​ന്റെ വിശ്വ​സ്‌ത​സു​ഹൃ​ത്തു​ക്ക​ളായ അരിസ്‌തർഹോ​സും ലൂക്കോ​സും റോമി​ലേ​ക്കുള്ള യാത്ര​യിൽ അദ്ദേഹ​ത്തോ​ടൊ​പ്പം പോകാൻ തീരു​മാ​നി​ച്ചു. * അരിസ്‌തർഹോ​സും ലൂക്കോ​സും സുരക്ഷി​ത​രാ​യി റോമിൽ എത്തി​ച്ചേ​രു​മെന്ന്‌ യേശു അവർക്ക്‌ ഉറപ്പു കൊടു​ത്ത​താ​യി ബൈബിൾ ഒരിട​ത്തും പറയു​ന്നില്ല. അതു​കൊണ്ട്‌ അവർ സ്വന്തം ജീവൻ പണയ​പ്പെ​ടു​ത്തി​യാണ്‌ ആ യാത്ര​യ്‌ക്ക്‌ ഇറങ്ങി​ത്തി​രി​ച്ചത്‌ എന്നു പറയാം. കാരണം, അവർ പൗലോ​സി​നെ സഹായി​ക്കാൻ ആഗ്രഹി​ച്ചു. അപകടം​പി​ടിച്ച ആ യാത്ര തുടങ്ങി ദിവസങ്ങൾ കഴിഞ്ഞാണ്‌ തങ്ങളുടെ ജീവന്‌ ആപത്തു​വ​രില്ല എന്ന്‌ അവർക്ക്‌ ഉറപ്പു കിട്ടി​യത്‌. അരിസ്‌തർഹോ​സും ലൂക്കോ​സും കൈസ​ര്യ​യിൽനിന്ന്‌ കപ്പലിൽ കയറി​യ​പ്പോൾ ധീരരായ ആ രണ്ട്‌ സഹോ​ദ​ര​ങ്ങളെ തന്ന്‌ സഹായി​ച്ച​തിന്‌ പൗലോസ്‌ യഹോ​വ​യ്‌ക്ക്‌ നന്ദി പറഞ്ഞു​കാ​ണും.—പ്രവൃ. 27:1, 2, 20-25.

17. സഹവി​ശ്വാ​സി​കളെ ഉപയോ​ഗി​ച്ചു​കൊണ്ട്‌ യഹോവ എങ്ങനെ​യാണ്‌ പൗലോ​സി​നെ സഹായി​ച്ചത്‌?

¹⁷ യാത്ര​യ്‌ക്കി​ട​യിൽ പല അവസര​ങ്ങ​ളിൽ പൗലോ​സിന്‌ സഹാരാ​ധ​ക​രു​ടെ സഹായം ലഭിച്ചു. ഉദാഹ​ര​ണ​ത്തിന്‌, അവർ തുറമു​ഖ​ന​ഗ​ര​മായ സീദോ​നിൽ എത്തിയ​പ്പോൾ യൂലി​യൊ​സി​ന്റെ അനുമ​തി​യോ​ടെ പൗലോസ്‌ ‘സ്‌നേ​ഹി​ത​രു​ടെ അടുത്ത്‌ പോയി അവരുടെ ആതിഥ്യം സ്വീക​രി​ച്ചു.’ പിന്നീട്‌, പൗലോ​സും കൂട്ടു​കാ​രും പുത്യൊ​ലി​യിൽ എത്തിയ​പ്പോൾ അവിടത്തെ “സഹോ​ദ​ര​ന്മാ​രെ കണ്ടു. അവർ നിർബ​ന്ധി​ച്ച​പ്പോൾ ഏഴു ദിവസം (പൗലോ​സും മറ്റുള്ള​വ​രും) അവരോ​ടൊ​പ്പം താമസി​ച്ചു.” അവി​ടെ​യുള്ള ക്രിസ്‌ത്യാ​നി​കൾ പൗലോ​സി​നെ​യും സുഹൃ​ത്തു​ക്ക​ളെ​യും പല വിധങ്ങ​ളിൽ സഹായി​ച്ചു. പ്രോ​ത്സാ​ഹനം പകരുന്ന ധാരാളം അനുഭ​വങ്ങൾ പറഞ്ഞു​കൊണ്ട്‌ പൗലോസ്‌ അവിടത്തെ സഹോ​ദ​ര​ങ്ങ​ളെ​യും സന്തോ​ഷി​പ്പി​ച്ചു​കാ​ണും. (പ്രവൃ​ത്തി​കൾ 15:2, 3 താരത​മ്യം ചെയ്യുക.) നവോ​ന്മേഷം വീണ്ടെ​ടുത്ത പൗലോ​സും കൂട്ടു​കാ​രും വീണ്ടും യാത്ര തുടർന്നു.—പ്രവൃ. 27:3; 28:13, 14.

18. ദൈവ​ത്തി​നു നന്ദി പറയാ​നും ധൈര്യം വീണ്ടെ​ടു​ക്കാ​നും പൗലോ​സി​നെ പ്രേരി​പ്പി​ച്ചത്‌ എന്താണ്‌?

¹⁸ പൗലോസ്‌ റോമി​ലേക്ക്‌ നടന്നടു​ത്ത​പ്പോൾ “അനേകം വർഷങ്ങ​ളാ​യി നിങ്ങളു​ടെ അടുത്ത്‌ വരണ​മെന്നു ഞാൻ ആഗ്രഹി​ക്കു​ക​യും ചെയ്യുന്നു” എന്ന്‌ മൂന്നു വർഷം മുമ്പ്‌ അവി​ടെ​യുള്ള സഭയ്‌ക്ക്‌ എഴുതി​യത്‌ പൗലോ​സി​ന്റെ മനസ്സിൽ വന്നുകാ​ണും. (റോമ. 15:23) എന്നാൽ, ഒരു തടവു​കാ​ര​നാ​യി​ട്ടാ​യി​രി​ക്കും അവി​ടേക്ക്‌ എത്തുക എന്ന്‌ പൗലോസ്‌ ഒരിക്ക​ലും പ്രതീ​ക്ഷി​ച്ചു​കാ​ണില്ല. തന്നെ സ്വീക​രി​ക്കാൻ റോമി​ലെ സഹോ​ദ​രങ്ങൾ വഴിയിൽ കാത്തു​നിൽക്കു​ന്നതു കണ്ടപ്പോൾ പൗലോ​സിന്‌ എത്ര പ്രോ​ത്സാ​ഹനം തോന്നി​ക്കാ​ണും! “അവരെ കണ്ടപ്പോൾ പൗലോ​സി​നു ധൈര്യ​മാ​യി, പൗലോസ്‌ ദൈവ​ത്തി​നു നന്ദി പറഞ്ഞു.” (പ്രവൃ. 28:15) അപ്പോൾ പൗലോസ്‌ ദൈവ​ത്തിന്‌ നന്ദി പറഞ്ഞത്‌ എന്തു​കൊ​ണ്ടാ​യി​രി​ക്കാം? കാരണം, സഹാരാ​ധ​കരെ ഉപയോ​ഗി​ച്ചു​കൊണ്ട്‌  യഹോവ തന്നെ സഹായി​ക്കു​ന്നത്‌ പൗലോസ്‌ വീണ്ടും അനുഭ​വി​ച്ച​റി​യു​ക​യാ​യി​രു​ന്നു.

19. 1 പത്രോസ്‌ 4:10 അനുസ​രിച്ച്‌ കഷ്ടപ്പെ​ടു​ന്ന​വരെ സഹായി​ക്കാൻ യഹോവ നമ്മളെ എങ്ങനെ ഉപയോ​ഗി​ച്ചേ​ക്കാം?

¹⁹ നമുക്ക്‌ എന്തു ചെയ്യാം? രോഗ​ത്താ​ലോ മറ്റു പ്രശ്‌ന​ങ്ങ​ളാ​ലോ കഷ്ടപ്പെ​ടുന്ന സഹോ​ദ​രങ്ങൾ ആരെങ്കി​ലും നിങ്ങളു​ടെ സഭയി​ലു​ണ്ടോ? അല്ലെങ്കിൽ, പ്രിയ​പ്പെ​ട്ട​വരെ നഷ്ടപ്പെ​ട്ട​തി​ന്റെ വേദന അനുഭ​വി​ക്കുന്ന ആരെങ്കി​ലു​മു​ണ്ടോ? അങ്ങനെ ആരെ​യെ​ങ്കി​ലും നിങ്ങൾക്ക്‌ അറിയാ​മെ​ങ്കിൽ, ആ വ്യക്തി​യോ​ടുള്ള സ്‌നേഹം തെളി​യി​ക്കുന്ന രീതി​യിൽ എന്തെങ്കി​ലും പറയാ​നോ പ്രവർത്തി​ക്കാ​നോ സഹായി​ക്കേ​ണമേ എന്ന്‌ നമുക്ക്‌ യഹോ​വ​യോ​ടു പ്രാർഥി​ക്കാം. അങ്ങനെ​യുള്ള നമ്മുടെ വാക്കു​ക​ളും പ്രവൃ​ത്തി​ക​ളും ഒരുപക്ഷേ, തക്കസമ​യത്ത്‌ അവർക്കു കിട്ടുന്ന ഒരു പ്രോ​ത്സാ​ഹ​ന​മാ​യി​രി​ക്കും. (1 പത്രോസ്‌ 4:10 വായി​ക്കുക.) * അതുവഴി, യഹോ​വ​യു​ടെ സഹായം അനുഭ​വി​ച്ച​റി​യാ​നും “ഞാൻ നിന്നെ ഒരിക്ക​ലും കൈവി​ടില്ല; ഒരിക്ക​ലും ഉപേക്ഷി​ക്കില്ല” എന്ന ദൈവ​ത്തി​ന്റെ വാക്കുകൾ തന്റെ കാര്യ​ത്തി​ലും സത്യമാണ്‌ എന്ന്‌ അവർ വിശ്വ​സി​ക്കാ​നും ഇടയാ​കും. അപ്പോൾ നിങ്ങൾക്കും സന്തോഷം തോന്നി​ല്ലേ?

20. “യഹോവ എന്നെ സഹായി​ക്കും” എന്നു നമുക്ക്‌ ഉറപ്പോ​ടെ പറയാൻ കഴിയു​ന്നത്‌ എന്തു​കൊണ്ട്‌?

²⁰ പൗലോ​സി​ന്റെ​യും കൂട്ടു​കാ​രു​ടെ​യും കാര്യ​ത്തി​ലെ​ന്ന​പോ​ലെ നമ്മുടെ ജീവി​ത​ത്തി​ലും കൊടു​ങ്കാ​റ്റു​സ​മാ​ന​മായ പ്രശ്‌നങ്ങൾ നേരി​ട്ടേ​ക്കാം. പക്ഷേ, നമുക്ക്‌ ധൈര്യ​മു​ള്ള​വ​രാ​യി​രി​ക്കാം. കാരണം, യഹോവ നമ്മു​ടെ​കൂ​ടെ​യുണ്ട്‌. യേശു​വി​ലൂ​ടെ​യും ദൂതന്മാ​രി​ലൂ​ടെ​യും യഹോവ നമ്മളെ സഹായി​ക്കും. കൂടാതെ, യഹോ​വ​യു​ടെ ഉദ്ദേശ്യ​വു​മാ​യി യോജി​പ്പി​ലാ​യി​രി​ക്കു​മ്പോൾ അധികാ​ര​സ്ഥാ​ന​ത്തു​ള്ള​വരെ ഉപയോ​ഗി​ച്ചു​കൊ​ണ്ടും നമ്മളെ സഹായി​ക്കാൻ യഹോ​വ​യ്‌ക്കു കഴിയും. നമ്മളെ സഹായി​ക്കു​ന്ന​തിന്‌ ഓടി​യെ​ത്താൻ പരിശു​ദ്ധാ​ത്മാ​വി​നെ ഉപയോ​ഗി​ച്ചു​കൊണ്ട്‌ നമ്മുടെ സഹോ​ദ​ര​ങ്ങളെ പ്രചോ​ദി​പ്പി​ക്കാ​നും യഹോ​വ​യ്‌ക്കു കഴിയും. ഇതി​നോ​ട​കം​തന്നെ നമ്മളിൽ പലരും അത്‌ അനുഭ​വി​ച്ച​റി​ഞ്ഞി​ട്ടി​ല്ലേ? പൗലോ​സി​നെ​പ്പോ​ലെ, “യഹോവ എന്നെ സഹായി​ക്കും. ഞാൻ പേടി​ക്കില്ല. മനുഷ്യന്‌ എന്നോട്‌ എന്തു ചെയ്യാ​നാ​കും” എന്ന്‌ ഉറപ്പോ​ടെ പറയാൻ നമുക്കും മതിയായ കാരണ​ങ്ങ​ളി​ല്ലേ?—എബ്രാ. 13:6.