1. Mat­thæusi 7:13, 14-ilu naaper­torlugit sooq ilungersor­tariaqar­pugut?

SILARSUAS­SAMI nutaami Jehovap asan­nil­luni naalak­kersuif­fis­saa qilanaarigatsigu ul­lut tamaasa inuunermut aq­qut ingerlaviginiar­tuar­tar­par­put. Aq­qul­li taan­na ameqaaq ilaan­nik­kul­lu ingerlavigiuminaat­tarluni. (Matthæusi 7:13, 14 atuakkit). Sooq taamaap­pa? Naam­mal­luin­nan­ngis­suser­put pis­sutigalugu al­lamut sangoq­qajaalersoorsin­naasarat­ta. – Gal 6:1.

2. Al­laaserisami matumani suut sam­mis­savavut? (Aam­ma ungalusaq “ Maniguun­neq al­lan­nguinis­samut iluaqutigaar­put” takuuk).

² Inuunermut aq­qut nerukitsoq ingerlavigiuas­sagutsigu eq­qarsar­taaser­put, isigin­nit­taaser­put pis­susilersor­ner­pul­lu al­lan­ngor­teriaan­naasariaqar­pavut. Apustilip Paulusip kristumiut Korinthimiit­tut ‘oqaaq­qis­saarutinik ilas­sin­nit­tuaq­qul­lugit’ kajumis­saar­pai. (2 Kor 13:11) Siun­nersuut taan­na aam­ma uagutsin­nut atuup­poq. Al­laaserisami matumani sam­mis­savar­put inuunermut aq­qutip ingerlavigiuar­niar­nerani al­lan­nguinis­satsin­nut Biibilip ikin­ngutil­lu anersaak­kut inersimal­luar­tut qanoq iluaqutaasin­naanerat. Aam­ma Jehovap peqatigiis­sor­tani aq­qutigalugu siulersuinerata maleruar­nis­saa sooq unam­miniar­narsin­naasoq eq­qar­tus­savar­put. Taak­ku sam­mineran­ni maluginiaruk al­lan­nguiniar­nermi maniguun­neq Jehovami kif­far­tor­nitsin­ni nuan­naar­tuar­nis­samut qanoq iluaqutigisin­naagip­put.

3. Guutip oqaasia qanoq iluaqutigisin­naaviuk?

³ Eq­qarsaatitsin­nik misigis­sutsitsin­nil­lu misis­suineq imaan­naajuaan­nan­ngilaq. ‘Uum­mater­pum­mi tatigisas­saan­ngitsuuvoq’  kuk­kusumil­lu tun­ngavilersuil­luni ‘sal­loqit­taasin­naal­luni’. (Jer 17:9; Jaak 1:22) Taamaat­tumik eq­qarsaatit­ta misigis­sutsit­talu misis­sor­nerini Guutip oqaasia ator­tariaqar­par­put. Sooq? ‘Uum­matip eq­qarsaatai isumaalu eq­qar­tuut­tarmagit.’ (Hebr 4:12, 13) Guutip oqaasia qin­nguar­taatitut ip­poq, takusin­naan­ngisatsin­nim­mi takun­nis­sin­naalersitsisar­poq. Siun­nersuutil­li Biibilimiit­tut Guutil­lu sin­niisaan­neersut iluaqutigis­sagutsigit maniguut­tuusariaqar­pugut.

4. Qanoq nalun­ngilar­put kun­ngi Sauli makitasuun­ngor­toq?

⁴ Maniguut­tuun­ngin­neq qanoq kinguneqarsin­naasoq kun­ngi Sauli pil­lugu oqalut­tuami erser­poq. Saulip makitalersimanini pis­sutigalugu eq­qarsar­taatsimi iliuutsimilu al­lan­ngor­tariaqar­nerat nas­suerutigiuman­ngilaa. (Tuss 36:2; Hab 2:4) As­sersuutigalugu Amalekik­kut ajorsar­tereerunigit qanoq ilior­nis­saanik Jehovap erseq­qis­sumik peq­quaa, Saulili peq­quneqar­nermisut iliun­ngilaq. Aam­ma taman­na pil­lugu Samuelimit oqaaq­qis­saar­neqarami kuk­kusimanini nas­suerutigiuman­ngilaa. Akerlianil­li im­minut il­lersorluni naalan­ngin­nini taama ajor­tigin­ngin­nerar­paa inuil­lu al­lat pisuutil­lugit. (1 Sam 15:13-24) Aam­ma sior­natigut as­singusumik im­minut il­lersorsimavoq. (1 Sam 13:10-14) Ajoraluar­tumik Sauli uum­mam­migut makitasuun­ngorsimagami eq­qarsar­taatsiminik al­lan­nguin­ngilaq. Taamaat­tumik Jehovap oqaaq­qis­saar­paa iluariun­naarlugulu.

5. Sauli as­sigiumanagu susariaqar­pugut?

⁵ Sauli as­sigiumanagu apeq­qutit uku eq­qarsaatigisariaqar­pavut: ‘Siun­nersuutit Biibilimiit­tut maleruarumanagit utoq­qatsis­sutis­sarsior­tar­punga? Iliuutsik­ka taama ajor­tigin­ngin­nerar­tar­pak­ka? Imaluun­niit al­lat pisuutin­niar­tar­pak­ka?’ Apeq­qutini ataasiin­narluun­niit angersin­naagutsigu eq­qarsar­taaser­put isigin­nit­taaser­pul­lu al­lan­ngor­tit­tariaqas­savavut. Taamaaliun­ngik­kut­ta uum­matitsigut makitasuun­ngorsin­naavugut Jehovamul­lu ikin­ngutaajun­naarluta. – Jaak 4:6.

6. Kun­ngi Daavi Saulimit qanoq al­laanerutigaa?

⁶ Kun­ngip Daavip Saulimit qanoq al­laanerutiginera maluginiaruk. Daavi ‘Jehovap inatsisaanik nuan­narisaqar­poq’. (Tuss 1:1-3) Nalun­ngilaa Jehovap ‘ikior­tarial­lit [maniguut­tut, NW] an­naf­fis­sit­tarai’, makitasuul­lu iluarin­ngik­kai. (2 Sam 22:28) Daavip eq­qarsar­taatsini Guutip inatsisaanit al­lan­ngor­tin­neqar­tit­tar­paa. Ima al­lap­poq: “Naalagaq un­nersiutigis­savara siun­nersormanga, un­nuami al­laat iluk­kut ajoqersuun­neqar­tar­punga.” – Tuss 16:7.

7. Maniguun­neq qanoq iluaqutis­sar­taqar­pa?

⁷ Maniguuk­kut­ta eq­qarsaatit ajor­tut iliuusin­ngun­ngin­nerini Guutip oqaasia iluaqutigalugu al­lan­ngor­tik­kusus­savavut. Ingerlavigisas­sar­put ersaris­sumik Biibilimi al­laatigineqar­poq. Taamaat­tumik kuk­koq­qajaagaangat­ta mianersoq­qus­sutit Biibilimiit­tut iluaqutigisin­naavavut. (Es 30:21) Jehovamut naalan­ner­put arlalitsigut iluaqutis­sar­taqar­poq. (Es 48:17) As­sersuutigalugu kan­ngusuum­mer­nar­tumik al­lanit naq­qin­neqar­tariaqas­san­ngilagut. Aam­ma qularin­ngin­natsigu Jehova Ataatatut asan­nit­tuusoq qanil­liar­tor­tuas­savar­put. – Hebr 12:7.

8. Jaaku 1:22-25 al­laatigineqar­tutut Guutip oqaasia qanoq tarrarsorfigisin­naavar­pul­lusooq?

⁸ Guutip oqaasia tarrarsorfigisin­naavar­pul­lusooq. (Jaaku 1:22-25 atuakkit). Inuit amerlanersaat ul­laak­kut anin­ngin­nermin­ni tarrarsor­tar­put. Taamaalil­lutik al­lanit takuneqan­ngin­nermin­ni isik­koris­saq­qaar­tar­put. Tamatumun­nga as­singusumik ul­lut tamaasa Biibilimik atuaraangat­ta eq­qarsar­taatsitsigut isigin­nit­taatsitsigul­lu suut aaq­qitas­sarinerlugit paasisar­par­put. Amerlasuut ul­laat tamaasa anin­ngin­nermin­ni ul­lormut al­las­simaf­fik atuaq­qaar­tar­paat. Taamaalior­ner­tik iluaqutigalugu  atuak­katik eq­qarsaatimin­nut sun­niuteqar­tit­tar­paat. Taava Guutip oqaasiani siun­nersuutit atuarsimasatik ul­lup ingerlanerani maleruar­niar­tar­paat. Tas­sa Guutip oqaasia ul­lut tamaasa atuaq­qis­saarlugulu eq­qarsaatigeq­qis­saar­tariaqar­par­put. Taman­na ajor­nan­ngip­paluk­kaluaqisoq inuunermut aq­qutik­kut nerukitsuk­kut ingerlajuar­nis­satsin­nut iliuuserisin­naasat­ta pingaar­ner­paar­taasa ilagivaat.

9. Sooq ikin­ngutitsin­nit oqaaq­qis­saar­neqar­tariaqarsin­naavugut?

⁹ Im­maqa Jehovamut at­taveqar­nin­nut ajoqutaasumik iliuuseqaq­qajaalersoor­nikuuvutit. (Tuss 73:2, 3) Ikin­ngutivit anersaak­kut inersimal­luar­tup sapiil­luni oqaaq­qis­saarsimap­patit siun­nersuutaa maleruar­piuk? Taamaap­pat silatusaarsimas­saatit qular­nan­ngitsumil­lu ikin­ngutivit mianersoq­qusinera qujamasuutigalugu. – Uss 1:5.

10. Ikin­ngutitsin­nit oqaaq­qis­saar­neqaraangat­ta qanoq qisuariar­tariaqar­pugut? As­sersuuteqarit.

¹⁰ Biibilimi ima al­las­simasoqar­poq: “Iluar­tup asan­nin­neq tun­ngavigalugu pateriarlinga.” (Tuss 141:5) Taman­na qanoq paasisariaqar­pa? As­sersuuteqariar­ta: Takorlooruk aq­qusinik­kut angal­laf­fioqisuk­kut ikaar­tus­san­ngor­tutit. Mobilin­ni al­lagarsigavit aq­qutis­sat isigiun­naatal­lap­pat. Tas­san­ngaan­naq ikin­ngutivit talik­kut tigupiloor­paatit aq­qusinermiil­lu nusul­lutit. Tigusinera sak­kor­tungaarmat talik­kut til­luusaqaler­putit. Taamaalioramili biilinit apor­tin­nis­saraluit pin­ngitsoor­tip­paa. Naak til­luusar­nerit ul­lualuit an­niarigaluarlugu ikin­ngutit kamaatis­saviuk tigupiloormatit? Qanoq aam­ma! Ikiormatit qujamasuf­figis­savat. Taamatut­taaq Guutip najoq­qutas­siaanut naaper­tuutin­ngitsumik oqalul­lutil­lu iliuuseqar­talis­sagaluaruit ikin­ngutin­nit oqaaq­qis­saar­neqarsin­naavutit, taman­nalu aal­laq­qaam­mut an­ner­narsin­naavoq. Kamaleqinal­li ajual­lal­lutil­luun­niit, taamaalior­nermi sianiil­lior­nerus­saaq. (Oqal 7:9) Paarlat­tuanik, ikin­ngutivit sapiil­luni oqaaq­qis­saarinera qujamasuutigiuk.

11. Kik­kut ikin­ngutimin­nit ajun­ngitsumik siun­nersor­neqar­ner­tik itigar­tit­tar­paat?

¹¹ Kik­kut ikin­ngutimin­nit ajun­ngitsumik siun­nersor­neqar­ner­tik itigar­tit­tar­paat? Inuit makitasuut. Taak­kua “siutimik tusar­narisaat” kisiisa tusaajumasaramik­kit piviusut tusaajumaneq ajor­paat. (2 Tim 4:3, 4) Nam­mineq silatunerusoralutil­lu pingaar­nerusorisaramik siun­nersor­neqar­nis­sar­tik pisariaqar­tis­sorineq ajor­paat. Apustilili Paulusi ima al­lap­poq: “Im­minut pingaar­tuusorisoq, uf­fa taamaan­nani, taan­na im­minut sal­loqit­tar­poq.” (Gal 6:3) Aam­ma kun­ngi Salomo as­singusumik ima al­lap­poq: “Pitsaaneruvoq inuusut­toq piitsoq ilisimas­susilik kun­ngimit utoq­qarmit sianiitsumit mianersoq­qusas­saajun­naarsimasumit.” – Oqal 4:13.

12. Galatiamiut 2:11-14 naaper­torlugit Petrusi qanoq nalaataqar­pa, qanorlu maligas­siuiva?

¹² Apustili Petrusi inuit tusaatil­lugit Paulusimit naq­qin­neqarami qanoq qisuariar­nersoq maluginiaruk. (Galatiamiut 2:11-14 atuakkit). Paulusip qanoq sumilu oqar­nera kamaatigisimasin­naagaluar­paa. Petrusil­li silatusaarluni siun­nersor­neqar­nini akueraa. Paulusimut put­tarsinani kingusin­nerusuk­kut ‘qatan­ngutimisut asasamisut’ eq­qaavaa. – 2 Petr 3:15.

13. Siun­nersuitin­nata suut eq­qarsaatigisas­savavut?

¹³ Ikin­ngutit siun­nersor­tariaqarlugu misigiguit suut eq­qarsaatigisariaqar­pigit? Oqaloqatigin­ngin­nerani im­minut ima aperigit: ‘Iluar­niar­pal­laar­punga?’ (Oqal 7:16) Inuk iluar­niar­pal­laar­toq Jehovap najoq­qutas­siai aal­laaviginagit nam­mineq isum­mani malil­lugu misigin­neqataar­piar­nanilu siun­nersuisar­poq. Eq­qarsarluareerlutit misigiguit ikin­ngutit  siun­nersor­tariaqarlugu oqarfigiuk suna ajor­nar­torsiutaanersoq, apeq­quteqar­tar­nik­kul­lu kuk­kus­sutaanik paasitiguk. Biibili tun­ngavigiuaruk, ikin­ngutim­mi ilin­nut pin­nani Jehovamut akisus­saavoq. (Rom 14:10) Ilisimas­suseq Guutip oqaasianiit­toq atorluaruk, siun­nersuigaangavil­lu Jiisusitut misigin­neqataasarit. (Uss 3:5; Matt 12:20) Eq­qaamajuk al­lanik pin­nit­tar­ner­put malil­lugu Jehovap piumaaraatigut. – Jaak 2:13.

14. Jehovap peqatigiis­sor­taanit sunik pilersor­neqar­pugut?

¹⁴ Jehovap nunarsuarmi peqatigiis­sor­tani aq­qutigalugit inuunermut aq­qutik­kut siulersor­paatigut. Biibilimi siun­nersuutinik maleruaasin­naanias­sagat­ta Guutip peqatigiis­sor­tai filminik Biibililersaarutinil­lu pilersuisarlutil­lu ataatsimiin­ner­nik aaq­qis­suus­sisar­put. Tamak­ku tamarmik Biibilimik tun­ngaveqar­tuaan­nar­put. Pitsaaner­paamik oqaluus­sisin­naanias­sagat­ta Siulersuisoqatigiit aalajangiitin­natik anersaaq il­ler­nar­toq qin­nutigisar­paat. Taamaak­kaluar­torli al­lan­nguisariaqar­nerlutik paasiniarlugu aalajangik­katik nalilersoq­qis­saar­tar­paat. “Silarsuarmimi matumani pisar­tut al­lan­ngorar­put”, taamaat­tumil­lu Guutip peqatigiis­sor­tai pis­sutsinut naleq­qus­sar­tariaqar­tar­put. – 1 Kor 7:31, NW.

15. Nalunaajaasut ilaasa suna sungiun­niar­tariaqar­paat?

¹⁵ Guutip peqatigiis­sor­tai paasin­nit­taatsinik nutaanik nas­suiaateqaraangata ileq­qoris­saar­nerlu pil­lugu najoq­qutas­siigaangata naalat­tar­pavut. Inuunitsin­nul­li al­latut sun­niuteqar­tumik al­lan­nguigaangata qanoq qisuariar­tar­pugut? As­sersuutigalugu pal­lorfigin­nit­tarfitsin­nik sanaar­tor­nermut aserfal­latsaaliuinermul­lu aningaasar­tuutit ukiuni kingul­ler­ni qaf­fariapiloorsimap­put. Taamaat­tumik Siulersuisoqatigiit peq­qusisimap­put ilagiit sapin­ngisamik amerlaner­paat naalagaaf­filersaarfik ataaseq katuut­tas­sagaat. Tamatuma kingunerisaanik naalagaaf­filersaarfiit ilaat tunineqar­put ilagiil­lu ilaat kat­tutsin­neqarlutik, pisariaqar­titsivis­sunut naalagaaf­filersaarfilior­nis­saq ajor­narun­naarsil­lugu. Il­lit najuk­kan­ni taamatut pisoqarsimap­pat sungius­siniar­nis­sat ajor­nakusoor­tis­simasin­naavat. Nalunaajaasut ilaat ataatsimiigiar­nermin­ni pif­fis­saq sivisunerusoq ator­taler­paat. Al­lat sanaar­toqataal­lutil­lu aserfal­latsaaliueqataasimasut  naalagaaf­filersaarfiup tunineqar­neranut pis­sutaasoq paasiuminaatsip­paat. Im­maqa misigip­put suliar­tik asuliin­nar­toq. Sulili tapersersuip­put, taman­nalu pil­lugu nersualaar­neqar­tariaqar­put.

16. Sooq siun­nersuut Kolos­semiut 3:23, 24-milu al­las­simasoq maleruarutsigu nuan­naar­tuas­saagut?

¹⁶ Nuan­naar­tuas­saagut eq­qaamagutsigu sul­litar­put tas­saasoq Jehova taas­sumalu peqatigiis­sor­tani siulersorai. (Kolossemiut 3:23, 24 atuakkit). Kun­ngi Daavi Jehovamut tunis­suteqar­nis­samut tun­ngatil­lugu maligas­siuil­luar­poq. Ima oqar­poq: “Uangami kinaaner­punga, in­nut­tak­kalu suuner­pat? Uagut nam­mineq pis­saaner­put atorlugu kajumis­sutsik­kut tunis­sutinik aatsivigisin­naan­ngil­luin­nar­patsigit. Suut tamarmik ilin­nit pip­put, mak­kut­taaq tun­nius­savut tas­saap­put ilin­nit pisarisimasavut.” (1 Nal 29:14) Uagut­taaq tunis­suteqaraangat­ta Jehovamit pisavut taas­sumun­nga tun­niuteq­qit­tar­pavut. Taamaak­kaluar­torli pif­fis­sar­put, nukivut aningaasaativul­lu sulias­siis­sutaanut atoraangatsigit Jehova nuan­naar­tar­poq. – 2 Kor 9:7.

17. Al­lan­nguisariaqar­nerit sooq nikal­luutigis­san­ngiliuk?

¹⁷ Inuunermut aq­qut nerukitsoq ingerlavigiuas­sagutsigu Jiisusip maligas­siaa maleq­qis­saar­tariaqar­par­put. (1 Petr 2:21) Al­lan­nguisariaqar­nerit paasiguk­ku nikal­loqinak, taman­nami Jehovap siulersuineranik maleruaarusun­nin­nut takus­sutaasin­naavoq. Eq­qaamajuk naam­mal­luin­nan­ngitsuugat­ta Jiisusip maligas­siaanik kuk­kunata malin­nin­nis­sar­put Jehovap naatsorsuutigin­ngik­kaa.

18. Qanoq ilior­tariaqar­pugut?

¹⁸ Qanor­toq tamat­ta siumut isigiuarisa, qanor­torlu eq­qarsar­taaser­put, isigin­nit­taaser­put pis­susilersor­ner­pul­lu al­lan­ngor­teriaan­naagisigit. (Uss 4:25; Luk 9:62) Maniguut­tuarisa ‘oqaaq­qis­saarutil­lu ilas­sil­lugit’. (2 Kor 13:11) Taamaaliorut­ta ‘Guutip asan­nit­tup eq­qis­sisitsisul­lu najus­savaatigut’. Taava maan­na nuan­naar­nis­samut ikius­savaatigut silarsuas­samilu nutaami naas­saan­ngitsumik inuusin­naalersil­luta.