1. Maꞈhtehˍ liꞈ 7:13, 14 hkʼaw kʼoˆ taˍ ve hkʼe, aˬ htoꞈ ma te a shaꞈ lehˬ yaꞈ kʼaw kʼai ve htaꞈ shuˍ ve le?

 A shaꞈ lehˬ yaꞈ kʼaw kʼai ve htaꞈ shuˍ ve yoˬ. Ngaˬ hui dawˇ teh taˍ ve lehˬ Yaˬhoˉvaˬ haꞈ pehnˇ ve hkʼaw uˉ peunˍ ve awˬ hawˉ lo chehˇ gaˇ ve yoˬ. Teˇ nyi le le ngaˬ hui kaꞈ a shaꞈ gʼa tuˬ ve yaꞈ kʼaw hkʼoˆ lo toˇ kʼai gʼa tuˬ gʼa coˇ caˇ ve yoˬ. Yaꞈ hkʼaˇ, Yeˍsuˆ kʼoˆ ve yaꞈ kʼaw chi ve lehˬ, maˇ kʼoˍ leh teˇ pawˆ pawˆ kʼo kʼai gʼa tuˬ haˍ jaˇ. (Maꞈhtehˍ 7:13, 14 gʼaw sheˍ.) Ngaˬ hui maˇ biˇ ve pa taw yaꞈ kʼaw chi ve htaꞈ hteˇ˗ehꞈ kʼai gʼa tuˬ haˍ jaˇ.—Gaˍlaˍtiˆ 6:1.

2. Awˬ lawn chi ve hkaw ngaˬ hui aˬ htoꞈ ma henˇ tuˬ le? (Awˇ ceˬ awˇ fa “ Nyi ma nuˇ nehˬ ve lehˬ ngaˬ hui maˇ kʼoˍ ve yaꞈ kʼaw hkʼoˆ chehˇ tuˬ ga laˇ ve” htaꞈ nyi sheˍ.)

² Ngaˬ hui co co taiˍ taiˍ ve a shaꞈ gʼa tuˬ ve yaꞈ kʼaw hkʼoˆ lo chehˇ gaˇ ve kʼo, te hkʼaˇ dawˇ hkʼaˇ gʼa pa ve yoˬ. Tcuh yaˇ Pawˇluꞈ Kawˇrenˍhtuˆ Hkriꞈ yaˇ htaꞈ caˉ leh “nawˬ hui ve dawˇ hkʼaˇ awˬ suhˉ pa˗o” tehꞈ kʼoˆ piˇ ve yoˬ. (2 Kawˇrenˍhtuˆ 13:11) Beˆ maˍ laˇ ve chi ngaˬ hui kaꞈ gʼaꞈ te cawˇ ve yoˬ. Awˬ lawn chi ve hkʼaw ngaˬ hui pa gʼa tuˬ Liꞈ hpu hkʼaw hkʼaˬ hkʼe ga laˇ ve le? Co ha hpawˇ ve chaw mawˇ lehˬ ngaˬ hui htaꞈ co co taiˍ taiˍ ve a shaꞈ gʼa tuˬ yaꞈ kʼaw hkʼoˆ chehˇ gʼa tuˬ, hkʼaˬ hkʼe ga laˇ gʼa ve le? Gʼuiˬ sha ve kanˉ hkʼaˇ beˆ maˍ laˇ ve htaꞈ gʼaꞈ te tuˬ haˍ ve aˬ htoꞈ ma te laˇ ve le? Pa ve awˬ ceuˬ cawˬ ve htawˇ, ngaˬ hui ha lehˬ ve hkʼaw Yaˬhoˉvaˬ ve kanˉ te gʼa tuˬ, nyi ma nuˇ nehˬ ve hkʼaˬ hkʼe ga laˇ ve le? Awˬ lawn chi ve hkʼaw chi ve teˇ hpaˍ henˇ tuˬ yoˬ.

3. Liꞈ hpu ngaˬ hui htaꞈ aˬ htoꞈ ma ga laˇ gʼa ve le?

³ Ngaˬ hui ve te hkʼaˇ dawˇ hkʼaˇ htaꞈ chaˬ nyi tuˬ sha ve maˇ heˆ. Aˬ htoꞈ ma pa taw le? Awˬ lawn kʼo ngaˬ hui ve nyi ma lehˬ heˍ puiˉ jaˇ. (Yeˍraˍmiˆ 17:9) Ngaˬ hui ve nyi ma htaꞈ maˇ shiˍ gʼa ve pa taw “a shu yawˇ awˬ to htaꞈ heˍ paˍ hpehꞈ ve yoˬ.” (Yaˍkoˆ 1:22) Chi htaꞈ pa  taw ngaˬ hui Liꞈ hpu htaꞈ yehˇ leh a shu yawˇ awˬ to htaꞈ chaˬ nyi cawˇ ve yoˬ. Ngaˬ hui awˬ to hkʼaw hkʼaˬ hkʼe cawˬ ve htaꞈ shiˍ tuˬ, Liꞈ hpu lehˬ daˆ dawˆ nyi tuˬ ve awˬ hkʼeun (X˗ray) htaꞈ shuˍ ve yoˬ. Liꞈ hpu lehˬ ngaˬ hui “dawˇ leh heuˆ gaˇ ve” awˬ ceuˬ htaꞈ shiˍ tuˬ ga laˇ ve yoˬ. (Heˍbrehˇ 4:12, 13) Yaꞈ hkʼaˇ, Liꞈ hpu hkʼaw Gʼuiˬ sha beˆ maˍ laˇ ve, leh Gʼuiˬ sha yehˇ ve chaw geh awˬ bon gʼa tuˬ, ngaˬ hui nyi ma nuˇ nehˬ ve chaw gʼa hpehꞈ ve yoˬ.

4. Jawˇmawˇ Sawˉluꞈ uiˍ muiˬ caˆ muiˬ ve chaw hpehꞈ ve ngaˬ hui hkʼaˬ hkʼe te shiˍ gʼa ve le?

⁴ Nyi ma maˇ nuˇ nehˬ ve kʼo, jawˇ mawˇ Sawˉluꞈ ve awˬ lawn ngaˬ hui htaꞈ hkʼaˬ hkʼe maˍ laˇ ve le? Sawˉluꞈ uiˍ muiˬ caˆ muiˬ jaˇ leh yawˇ pa tuˬ maˇ loˍ tehꞈ dawˇ ve yoˬ. (Chiˇ mvuh ve 36:1, 2; Haˍbaˍkuˆ 2:4) Yawˇ Aˍmaˍlehˆ chaw htaꞈ bawˆ gʼaˇ peuˬ hkʼawꞈ nawˉ, yawˇ aˬ htoꞈ ma gʼa te cawˇ ve Yaˬhoˉvaˬ hteˇ˗ehꞈ kʼoˆ piˇ ve htawˇ yawˇ maˇ na yuˬ. Tcuh kaˍ paˍ Saˍmo˗eˍlaˆ yawˇ htaꞈ tawˇ ca kʼoˆ piˇ la htaˇ, yawˇ maˇ na gaˇ. Yaꞈ hkʼaˇ, hpehꞈ la ve awˬ ceuˬ awˬ lawn uiˍ ve maˇ heˆ tehꞈ yawˇ kʼoˆ ve yoˬ. Leh yawˇ shu htaꞈ kaꞈ she pfuhˍ ve yoˬ. (1 Saˍmo˗eˍlaˆ 15:13-24) Awˬ tehˬ kʼo, chi awˬ gʼuˇ suhˍ htaˇ kaꞈ Sawˉluꞈ chi hkʼe te jaw ve yoˬ. (1 Saˍmo˗eˍlaˆ 13:10-14) Sawˉluꞈ awˬ to uiˍ muiˬ caˆ muiˬ ve cawˬ tcuh ve sheˉ lai jaˇ. Chi htaꞈ pa taw, Yaˬhoˉvaˬ Sawˉluꞈ htaꞈ maˇ dawˇ cawˇ leh maˇ haꞈ yuˬ piˇ.

5. Sawˉluꞈ ve awˬ lawn ngaˬ hui htaꞈ aˬ htoꞈ ma maˍ laˇ ve le?

⁵ Ngaˬ hui Sawˉluꞈ hkʼe maˇ hpehꞈ gaˇ ve kʼo, ngaˬ hui a shu yawˇ awˬ to htaꞈ chi hkʼe na nyi cawˇ ve, ‘Liꞈ hpu hkʼaw ve beˆ maˍ laˇ ve htaꞈ gʼaw htaˇ, gʼaꞈ te tuˬ choˬ kʼoˆ oˇ kʼoˆ te˗aw laˇ? Ngaˬ te ve awˬ ceuˬ awˬ lawn maˇ uiˍ tehꞈ dawˇ˗aw laˇ? Ngaˬ shu htaꞈ she pfuhˍ piˇ hkʼeh˗aˬ laˇ?’ Na hkawˇ hkʼaˬ ve teˇ maˬ ngaˬ hui yoˬ tehꞈ kʼoˆ ve kʼo, dawˇ hkʼaˇ gʼa pa ve yoˬ. Chi hkʼe maˇ te ve kʼo, ngaˬ hui uiˍ muiˬ caˆ muiˍ ve chaw hpehꞈ la ve yoˬ. Leh Yaˬhoˉvaˬ ngaˬ hui yawˇ ve awˬ chawˇ hpehꞈ ve tehꞈ maˇ kʼawꞈ shawˍ laˇ.—Yaˍkoˆ 4:6.

6. Jawˇmawˇ Daˍviˆ leh jawˇ mawˇ Sawˉluꞈ hkʼaˬ hkʼe peun daꞈ jaˇ ve le?

⁶ Sawˉluꞈ leh Daˍviˆ jawˇ mawˇ hpehꞈ htaˇ hkʼaˬ hkʼe peun daꞈ jaˇ ve htaꞈ mawˬ˗aw laˇ? Daˍviˆ lehˬ, “[Yaˬhoˉvaˬ] ve awˬ liˇ tawˇ hkawˇ htaꞈ” haꞈ jaˇ. (Chiˇ mvuh ve 1:1-3) Yaˬhoˉvaˬ nyi ma nuˇ nehˬ ve chaw htaꞈ ga piˇ leh uiˍ muiˬ caˆ muiˬ ve chaw htaꞈ maˇ ga piˇ. (2 Saˍmo˗eˍlaˆ 22:28) Chi htaꞈ pa taw, Daˍviˆ lehˬ Gʼuiˬ sha ve awˬ liˇ tawˇ hkawˇ yawˇ ve dawˇ hkʼaˇ htaꞈ pa tcuh ve yoˬ. Yawˇ kʼoˆ ve, “Gʼuiˬ sha ngaˬ htaꞈ sheh kʼai laˇ ve pa taw, ngaˬ yawˇ htaꞈ chiˇ mvuh ve yoˬ. Mvuhˇ hpeuꞈ htaˇ, ngaˬ ve shiˍ puiˉ ve nyi ma ngaˬ htaꞈ shaˍ tiꞈ peꞈ laˇ ve yoˬ.”—Chiˇ mvuh ve 16:7.

7. Ngaˬ hui nyi ma nuˇ nehˬ ve chaw hpehꞈ ve kʼo aˬ htoꞈ ma te tuˬ le?

⁷ Ngaˬ hui nyi ma nuˇ nehˬ ve kʼo, ngaˬ hui maˇ daꞈ ve te˗a te htaˇ, Liꞈ hpu ngaˬ hui ve dawˇ hkʼaˇ htaꞈ pa tcuh ve yoˬ. Chi hkʼe te ve kʼo, “yaꞈ kʼaw choˬ hpawˇ lo cawˬ ve” kʼai loˬ tehꞈ Liꞈ hpu ngaˬ hui htaꞈ kʼoˆ laˇ chehˇ ve awˬ hkawˇ htaꞈ shuˍ ve yoˬ. Awˬ hkawˇ chi lehˬ ngaˬ hui yaꞈ kʼaw hteˇ˗ehꞈ maˇ kʼai htaˇ, ngaˬ hui htaꞈ shaˍ tiꞈ peꞈ laˇ tuˬ yoˬ. (Iˉsaˍyaˆ 30:21) Ngaˬ hui Yaˬhoˉvaˬ hkawˇ na yuˬ ve kʼo, ngaˬ hui awˬ bon laiˉ ceuˬ gʼa tuˬ yoˬ. (Iˉsaˍyaˆ 48:17) Tawˇ pa haˉ te kʼo, ngaˬ hui te hkʼaˇ dawˇ hkʼaˇ pa˗oˬ ve pa taw, shu ngaˬ hui htaꞈ teˇ hkui teˇ hkui beˆ maˍ laˇ tuˬ maˇ loˍ, leh yaꞈ taw tuˬ kaꞈ maˇ loˍ. Yaˬhoˉvaˬ ngaˬ hui htaꞈ yawˇ ve yaˇ hkʼe shawˍ leh, haꞈ laˇ leh dawˇ haˍ laˇ ve htaꞈ ngaˬ hui shiˍ ve pa taw, yawˇ geh meuˆ daꞈ maˇ la tuˬ yoˬ.—Heˍbrehˇ 12:7.

8. Yaˍkoˆ liꞈ 1:22-25 hkʼaw kʼoˆ taˍ ve hkʼe, mehˆ gʼeuˆ nyi ve hkʼa shuˍ ngaˬ hui Liꞈ hpu htaꞈ hkʼaˬ hkʼe yehˇ tuˬ le?

⁸ Liꞈ hpu lehˬ mehˆ gʼeuˆ htaꞈ shuˍ ve yoˬ. (Yaˍkoˆ 1:22-25 gʼaw sheˍ.) Teˇ shawˉ le le yehˬ hkʼaw maˇ tawˆ˗e sheˍ htaˇ, ngaˬ hui maˇ˗awˍ ve kʼo mehˆ gʼeuˆ htaꞈ nyi gaˇ ve yoˬ. Ngaˬ hui shu htaꞈ maˇ mawˬ daꞈ sheˍ htaˇ, hkʼaˬ teˇ kaˬ lo pa cawˇ ve shiˍ tuˬ ga laˇ ve yoˬ. Chi hkʼa shuˍ shuˍ ngaˬ hui teˇ nyi le le Liꞈ hpu gʼaw ve kʼo, ngaˬ hui ve te hkʼaˇ dawˇ hkʼaˇ hkʼaˬ kaˬ lo pa cawˇ ve shiˍ la tuˬ ga laˇ ve yoˬ. Laiˉ gʼaˇ kʼo, mvuhˇ shawˉ htaˇ teˇ nyi le le Liꞈ hpu chaˬ nyi tuˬ gʼaw leh, chi ve htaꞈ caˉ daꞈ ve awˬ lawn dawˇ nyi ve yoˬ. Yawˇ gʼaw taˍ ve awˬ ceuˬ htaꞈ teˇ nyi mvuhˇ hkʼa hpeuꞈ yuˬ yehˇ ve yoˬ. Chi hkʼoˆ kaꞈ, ngaˬ hui teˇ nyi  le le Liꞈ hpu gʼaw leh dawˇ nyi ve gʼa te ve yoˬ. Chi lehˬ sha jaˇ ve htaꞈ shuˍ ve htawˇ, maˇ kʼoˍ ve yaꞈ kʼaw htaꞈ ngaˬ hui kʼai gʼa tuˬ ga laˇ ve daꞈ jaˇ ve teˇ ceuˬ hpehꞈ ve yoˬ.

9. Co ha hpawˇ chaw mawˇ hpehꞈ ve awˬ chawˇ nawˬ htaꞈ shaˍ tiꞈ peꞈ laˇ cawˇ ve hkʼaˬ hkʼe htaˇ le?

⁹ Nawˬ Yaˬhoˉvaˬ ve yaꞈ kʼaw htaꞈ tawˆ˗e tuˬ te laˇ ve teˇ ceuˬ ceuˬ te jaw˗aw laˇ? (Chiˇ mvuh ve 73:2, 3) Co ha hpawˇ chaw mawˇ hpehꞈ ve awˬ chawˇ nawˬ htaꞈ shaˍ tiꞈ peꞈ laˇ htaˇ, na leh gʼaꞈ te˗aw laˇ? Chi hkʼe te ve kʼo, cawˇ ve yoˬ. Leh awˬ chawˇ chi ve teˇ gʼaˇ shaˍ tiꞈ peꞈ laˇ haˆ ve nawˬ awˬ bon uiˍ jaˇ tuˬ yoˬ.—Tawˇ naˉ ve 1:5.

10. Awˬ chawˇ nawˬ htaꞈ shaˍ tiꞈ peꞈ laˇ ve kʼo, nawˬ hkʼaˬ hkʼe te cawˇ ve le?

¹⁰ Liꞈ hpu hkʼaw ngaˬ hui htaꞈ kʼoˆ laˇ ve, “awˬ chawˇ teˇ gʼaˇ shaˍ tiꞈ peꞈ laˇ ve lehˬ nyi ma naˬ tuˬ te laˇ ve yoˬ.” (Tawˇ naˉ ve 27:6, MGS) Liꞈ hpu chi teˇ tawn hkʼaˬ hkʼe kʼoˆ gaˇ ve le? Tawˇ pa haˉ chi htaꞈ teˇ geh dawˇ nyi sheˍ. Nawˬ yaꞈ kʼaw oˇ paˉ lo kʼai tuˬ law chehˇ ve teˇ yanˇ, tawˇ yaw tuˬ awˬ hkʼeun htaꞈ tiˉ nyi leh yaꞈ kʼaw juˇ hpanˍ kʼai htaˇ, kaˇ laˬ ve htaꞈ maˇ nyi. Nawˬ ve awˬ chawˇ nawˬ htaꞈ mawˬ htaˇ, yawˇ nawˬ ve laꞈ sheh htaꞈ gʼawˬ leh yaꞈ kʼaw jaˇ lo haˆ kʼai ve yoˬ. Yaꞈ hkʼaˇ, yawˇ gʼawˬ hehnˇ jaˇ leh nawˬ laiˉ nyi naˬ ve htawˇ, kaˇ maˇ gʼa guˆ tuˬ yawˇ nawˬ htaꞈ ga laˇ ve nawˬ beuꞈ tuˬ laˇ? Maˇ beuꞈ taˬ. Yaꞈ hkʼaˇ, yawˇ nawˬ htaꞈ ga laˇ ve pa taw awˬ bon uiˍ jaˇ kʼoˆ piˇ tuˬ yoˬ. Chi ve hkʼa shuˍ shuˍ, nawˬ kʼoˆ ve leh te ve awˬ ceuˬ Gʼuiˬ sha ve awˬ liˇ awˬ hkʼaˇ htaꞈ maˇ hawˍ daꞈ ve pa taw, awˬ chawˇ shaˍ tiꞈ peꞈ laˇ ve kʼo, awˉ lawˉ htaˇ nawˬ nyi ma naˬ ve yoˬ. Yaꞈ hkʼaˇ, yawˇ htaꞈ taˇ beuꞈ. Beuꞈ ve kʼo cuˇ yiˍ maˇ cawˬ. (Cuˇ yiˍ piˇ ve 7:9) Awˬ chawˇ nawˬ htaꞈ shaˍ tiꞈ peꞈ laˇ haˆ ve htaꞈ awˬ bon uiˍ jaˇ kʼoˆ piˇ cawˇ ve yoˬ.

11. Aˬ htoꞈ ma pa taw, teˇ gʼaˇ gʼaˇ kʼo awˬ chawˇ shaˍ tiꞈ piˇ ve htaꞈ maˇ na yuˬ gaˇ ve le?

¹¹ Aˬ htoꞈ ma pa taw, teˇ gʼaˇ gʼaˇ kʼo awˬ chawˇ shaˍ tiꞈ piˇ ve htaꞈ maˇ na yuˬ gaˇ ve le? Uiˍ muiˬ caˆ muiˬ ve pa taw yoˬ. Uiˍ muiˬ caˆ muiˬ ve chaw lehˬ “a shu yawˇ nyi ma cawˇ ve hkʼe maˍ laˇ ve” htaꞈ na leh ‘hteˇ ve cawˇ ve tawˇ hkawˇ htaꞈ maˇ na.’ (2 Tiˆmoˉseˍ 4:3, 4) Yawˇ hui shu aꞈ kehˉ cheuˬ ve maˇ heˆ leh a yeˇ uiˍ ve tehꞈ dawˇ ve pa taw, shu maˍ laˇ tuˬ maˇ loˍ tehꞈ dawˇ ve yoˬ. Yaꞈ hkʼaˇ, tcuh yaˇ Pawˇluꞈ kʼoˆ ve, “chaw teˇ gʼaˇ gʼaˇ lehˬ, yawˇ teꞈ chiˉ te maˇ puiˉ ve kaꞈ, ngaˬ lehˬ cheuˬ ve yoˬ tehꞈ yawˇ dawˇ ve kʼo, yawˇ lehˬ yawˇ awˬ to htaꞈ heˍ ve yoˬ.” (Gaˍlaˍtiˆ 6:3) Jawˇmawˇ Sawˉlaꞈmonˍ kaꞈ awˬ lawn chi htaꞈ hkʼa dehꞈ kʼoˆ taˍ ve yoˬ. Yawˇ kʼoˆ ve, “haˍ gʼawˇ ve htawˇ cuˇ yiˍ cawˬ ve yaˇ nehˬ lehˬ, shu dawˇ hkʼaˇ piˇ ve htaꞈ maˇ haꞈ yuˬ puiˉ ve cuˇ yiˍ maˇ cawˬ ve jawˇ mawˇ lonˉ aꞈ kehˉ daꞈ leuˉ ve yoˬ.”—Cuˇ yiˍ piˇ ve 4:13.

12. Gaˍlaˍtiˆ liꞈ 2:11-14 hkʼaw Peˍtruˆ ve awˬ lawn htaꞈ ngaˬ hui hkʼaˬ hkʼe henˇ gʼa ve le?

¹² Peˍtruˆ htaꞈ Pawˇluꞈ deˇ piˇ htaˇ ve awˬ lawn dawˇ nyi sheˍ. (Gaˍlaˍtiˆ 2:11-14 gʼaw sheˍ.) Aˬ htoꞈ ma te shu mehˆ gʼuˇ suh lo deˇ laˇ ve le tehꞈ dawˇ leh Peˍtruˆ Pawˇluꞈ htaꞈ beuꞈ kaꞈ gʼa ve yoˬ. Yaꞈ hkʼaˇ, Peˍtruˆ cuˇ yiˍ cawˬ jaˇ. Yawˇ Pawˇluꞈ beˆ maˍ piˇ ve htaꞈ na leh hkʼaˬ htaˆ kaꞈ maˇ beuꞈ. Peuˬ hkʼawꞈ nawˉ Peˍtruˆ Pawˇluꞈ htaꞈ “haꞈ ve awˬ viˉ awˬ nyi” tehꞈ kuˬ ve yoˬ.—2 Peˍtruˆ 3:15.

13. Shu htaꞈ maˇ beˆ maˍ piˇ sheˍ htaˇ ngaˬ hui aˬ htoꞈ ma dawˇ nyi cawˇ ve le?

¹³ Awˬ chawˇ htaꞈ beˆ maˍ piˇ cawˇ ve tehꞈ nawˬ dawˇ ve kʼo, aˬ htoꞈ ma dawˇ nyi cawˇ ve le? Yawˇ htaꞈ maˇ gʼa beˆ maˍ piˇ sheˍ htaˇ, a shu yawˇ awˬ to htaꞈ chi hkʼe na nyi cawˇ ve, ‘ngaˬ shu aꞈ kehˉ daꞈ ve tehꞈ dawˇ˗aw laˇ?’ (Cuˇ yiˍ piˇ ve 7:16) Shu aꞈ kehˉ daꞈ ve tehꞈ dawˇ ve chaw lehˬ, yawˇ ve dawˇ hkʼaˇ htaꞈ yehˇ leh shu htaꞈ dawˇ cheˆ gaˇ puiˉ ve yoˬ. Yaˬhoˉvaˬ ve awˬ liˇ awˬ hkʼaˇ htaꞈ maˇ yehˇ leh yawˇ ha kʼaˉ puiˉ ve hkʼa dehꞈ maˇ cawˬ. Nawˬ a shu yawˇ awˬ to htaꞈ chi hkʼe na nyi peuˬ hkʼawꞈ nawˉ, awˬ chawˇ htaꞈ gʼa kʼoˆ piˇ sheˍ ve tehꞈ dawˇ sheˍ ve kʼo, yawˇ aˬ htoꞈ ma gʼa pa cawˇ ve kʼoˆ maˍ piˇ sheˍ. Yawˇ hkʼaˬ hkʼe dawˇ ve htaꞈ shiˍ tuˬ na hkawˇ na piˇ sheˍ. Yawˇ yaꞈ kuiˬ hkʼaˬ kaˬ lo cawˬ ve tehꞈ shiˍ la tuˬ yoˬ. Nawˬ kʼoˆ ve awˬ ceuˬ Liꞈ hpu geh laˬ ve tehꞈ gʼa yonˍ gʼa tcuh ve yoˬ. Yawˇ htaꞈ dawˇ cheˆ piˇ gʼa ve lehˬ Yaˬhoˉvaˬ yoˬ. Nawˬ maˇ heˆ tehꞈ tawnˇ taˍ sheˍ. Chi htaꞈ pa taw, yawˇ te ve awˬ ceuˬ Yaˬhoˉvaˬ  hkʼaˬ hkʼe dawˇ ve nawˬ awˬ chawˇ mawˬ tuˬ ga piˇ sheˍ. (Roˉmaꞈ 14:10) A shu yawˇ ve dawˇ hkʼaˇ htaꞈ taˇ gʼaˇ va. Yaꞈ hkʼaˇ, Liꞈ hpu hkʼaw ve cuˇ yiˍ htaꞈ gʼaˇ va sheˍ. Shu htaꞈ beˆ maˍ piˇ htaˇ, Yeˍsuˆ ha kʼaˉ puiˉ ve htaꞈ henˇ yuˬ sheˍ. (Tawˇ naˉ ve 3:5; Maꞈhtehˍ 12:20) Aˬ htoꞈ ma pa taw le? Awˬ lawn kʼo, ngaˬ hui shu htaꞈ te piˇ ve hkʼe, Yaˬhoˉvaˬ ngaˬ hui htaꞈ kaꞈ oˇ hkʼe te laˇ tuˬ yoˬ.—Yaˍkoˆ 2:13.

14. Gʼuiˬ sha ve kanˉ hkʼaˇ ngaˬ hui htaꞈ aˬ htoꞈ ma gu teh taˍ laˇ ve le?

¹⁴ Yaˬhoˉvaˬ miˬ guiˬ hkʼoˆ lo yawˇ ve kanˉ hkʼaˇ htaꞈ yehˇ leh ngaˬ hui a shaꞈ gʼa tuˬ ve yaꞈ kʼaw hkʼoˆ chehˇ tuˬ ga laˇ ve yoˬ. Kanˉ hkʼaˇ chi ve ngaˬ hui Liꞈ hpu hkʼaw beˆ maˍ laˇ ve htaꞈ yuˬ yehˇ tuˬ ga laˇ ve awˬ hkʼaˇ teˇ hpaˍ lehˬ, hpawnˬ daꞈ ve, VDO, leh liꞈ kʼoˆ teˇ hpaˍ hkʼaw maˍ laˇ ve yoˬ. Awˬ lawn chi ve teˇ hpaˍ Liꞈ hpu hkʼaw laˬ ve pa taw, ngaˬ hui yonˍ gʼa ve yoˬ. Hto toˇ tuˬ hkʼaˬ hkʼe ve awˬ hkʼaˇ daꞈ jaˇ ve le tehꞈ, Uˉ peunˍ ve Kawˍmiˍtiˍ dawˇ cheˆ ve teˇ pawˆ le le daꞈ kehˬ ve awˬ ha hpu htaꞈ cuˇ ve yoˬ. Yaꞈ hkʼaˇ, chi hkʼe hpehꞈ ve htawˇ, awˬ lawn chi htaꞈ caˉ daꞈ ve dawˇ cheˆ ve htaꞈ yawˇ hui hkʼaˬ htaˆ kaꞈ gʼa dawˇ nyi chehˇ sheˍ ve yoˬ. Aˬ htoꞈ ma pa taw le? “Awˬ lawn kʼo, miˬ guiˬ ve awˬ liˇ awˬ hkʼaˇ lehˬ, pa kʼai mehˉ kʼai chehˇ ve yoˬ.” Gʼuiˬ sha ve kanˉ hkʼaˇ pa ve lehˬ, awˬ tcuhˉ awˬ yanˇ htaꞈ gʼa hawˍ daꞈ tcuh ve yoˬ.—1 Kawˇrenˍhtuˆ 7:31.

15. Awˬ viˉ awˬ nyi teˇ hpaˍ awˬ pon kʼo, haꞈ yuˬ tuˬ haˍ jaˇ ve aˬ htoꞈ ma le?

¹⁵ Liꞈ hpu hkʼaw maˍ ve awˬ lawn leh pehꞈ ve tzuhˆ ve hpawˇ htaꞈ caˉ daꞈ ve na gʼa ve awˬ suhˉ cawˬ htaˇ, Yaˬhoˉvaˬ ve kanˉ hkʼaˇ ngaˬ hui htaꞈ kʼoˆ laˇ ve yoˬ. Ngaˬ hui kaꞈ haꞈ yuˬ leh laꞈ haˉ gʼaꞈ te ve yoˬ. Pa ve awˬ ceuˬ ngaˬ hui ve a shaꞈ teꞈ hkʼaˇ hkʼaw heuˆ la kuiˬ cawˬ ve kʼo, hkʼaˬ hkʼe te tuˬ le? Tawˇ pa haˉ te kʼo, ponˬ laˬ ve hkʼaˬ nyiˇ hkʼawꞈ maˇ gaˬ sheˍ htaˇ, oˉ kʼoˍ pui kuiˬ yehˬ te leh haꞈ shaˉ tuˬ awˬ pon Gʼuiˬ sha ve kanˉ hkʼaˇ hpu kʼawꞈ yehˇ maˇ la ve yoˬ. Hkʼe te leh, te gʼa ve kʼo hpawnˬ daꞈ kuiˬ yehˬ htaꞈ Hkriꞈ yaˇ awˬ moˍ laiˉ moˍ yehˇ sheˍ tehꞈ Uˉ peunˍ ve Kawˍmiˍtiˍ kʼoˆ ve yoˬ. Pa ve chi hpawnˬ daꞈ kuiˬ yehˬ teˇ hpaˍ hawˇ leh Hkriꞈ yaˇ awˬ moˍ teˇ moˍ moˍ kʼo pawnˇ daꞈ tcuh ve yoˬ. Hawˇ gʼa ve hpu chi, loˍ jaˇ kuiˬ lo hpawnˬ daꞈ kuiˬ yehˬ awˬ suhˉ kʼawꞈ te ve yoˬ. Nawˬ ve hpawnˬ daꞈ kuiˬ maˇ heˆ leh oˇ teˇ tawn lo ve hpawnˬ daꞈ kuiˬ yehˬ hawˇ leh teˇ geh kʼawꞈ hpawnˬ daꞈ ve kʼo, pa ve chi htaꞈ nawˬ haꞈ yuˬ gʼa tuˬ haˍ jaˇ tehꞈ dawˇ yoˬ hehˉ. Awˬ viˉ awˬ nyi teˇ hpaˍ kʼo, hpawnˬ daꞈ kuiˬ lo kʼai jaw ve aꞈ kehˉ kʼawꞈ kʼai vuiˇ jaˇ. Hpawnˬ daꞈ kuiˬ chi htaꞈ te jaw ve chaw, leh nyi haꞈ shaˉ jaw ve chaw kaꞈ aˬ htoꞈ ma te hpawnˬ daꞈ kuiˬ yehˬ chi, hawˇ ve le naˍ yawˇ hui maˇ na gʼa ve yoˬ. Yawˇ hui te ve awˬ ceuˬ chi awˬ gʼaˇ shonˇ ve tehꞈ dawˇ ve yoˬ. Yaꞈ hkʼaˇ,  chi hkʼe hpehꞈ ve htawˇ yawˇ hui pa ve chi htaꞈ haꞈ yuˬ ve chiˇ mvuh tuˬ cawˬ jaˇ.

16. Kawˇlawˇsehˇ liꞈ 3:23, 24 hkʼaw beˆ maˍ laˇ taˍ ve htaꞈ ngaˬ hui gʼaꞈ te htaˇ, ha lehˬ gʼa tuˬ hkʼaˬ hkʼe ga laˇ ve le?

¹⁶ Ngaˬ hui te chehˇ ve hkʼa peu˗eˬ chi Yaˬ hoˉ vaˬ awˬ pon te piˇ leh Yaˬhoˉvaˬ yawˇ ve kanˉ hkʼaˇ htaꞈ beˆ maˍ chehˇ ve tehꞈ, ngaˬ hui tawnˇ taˍ ve kʼo ngaˬ hui ha lehˬ gʼa ve yoˬ. (Kawˇlawˇsehˇ 3:23, 24 gʼaw sheˍ.) Jawˇmawˇ Daˍviˆ lehˬ bon yehˬ te tuˬ hpu tanˇ tanˇ ve daꞈ jaˇ ve henˇ yuˬ tuˬ hpehꞈ ve yoˬ. Yawˇ kʼoˆ ve, “ngaˬ leh ngaˬ ve chaw teˇ hpaˍ lehˬ, nawˬ htaꞈ piˇ laˇ tuˬ teꞈ chiˉ maˇ cawˬ. Awˬ lawn kʼo, awˬ ceuˬ hkʼa peu˗eˬ ngaˬ hui nawˬ geh gʼa taˍ ve yoˬ. Hkʼe te leh, ngaˬ hui nawˬ geh gʼa taˍ ve teˇ hpaˍ htaꞈ kʼawꞈ hkʼawꞈ piˇ laˇ ve yoˬ.” (1 Raˍsaˍvanˍ 29:14) Ngaˬ hui Gʼuiˬ sha htaꞈ tanˇ piˇ htaˇ, ngaˬ hui kaꞈ yawˇ ve mawˇ yawˇ htaꞈ hkʼawꞈ piˇ ve yoˬ. Chi hkʼe hpehꞈ ve htawˇ, Yaˬhoˉvaˬ ve kanˉ htaꞈ ga piˇ tuˬ, ngaˬ hui ve awˬ yanˇ, awˬ gʼaˇ leh hpu tanˇ tanˇ piˇ ve htaꞈ yawˇ awˬ hpfuhˇ shiˍ ve yoˬ.—2 Kawˇrenˍhtuˆ 9:7.

17. Nawˬ teˇ ceuˬ ceuˬ htaꞈ pa cawˇ ve kʼo, aˬ htoꞈ ma te awˬ gʼaˇ maˇ nuˇ cawˇ ve le?

¹⁷ A shaꞈ teꞈ kuiˬ lo sheh kʼai laˇ ve maˇ kʼoˍ ve yaꞈ kʼaw hkʼoˆ lo caˉ leh kʼai gʼa tuˬ, ngaˬ hui teˇ gʼaˇ le le Yeˍsuˆ htaꞈ henˇ yuˬ gʼa ve hkʼe hkʼa dehꞈ henˇ yuˬ cawˇ ve yoˬ. (1 Peˍtruˆ 2:21) Nawˬ teˇ ceuˬ ceuˬ pa cawˇ ve tehꞈ dawˇ ve kʼo, awˬ gʼaˇ taˇ nuˇ. Chi lehˬ Yaˬhoˉvaˬ beˆ maˍ laˇ ve htaꞈ nawˬ gʼaꞈ te tuˬ hpeuꞈ maw piˇ ve yoˬ. Chi teˇ hkui ngaˬ hui maˇ biˇ ve chaw hpehꞈ ve, Yaˬhoˉvaˬ shiˍ ve tehꞈ tawnˇ taˍ sheˍ. Chi htaꞈ pa taw, Gʼuiˬ sha lehˬ ngaˬ hui Yeˍsuˆ htaꞈ hkʼa dehꞈ henˇ yuˬ gʼa tuˬ tehꞈ, yawˇ maˇ dawˇ law ve htaꞈ ngaˬ hui tawnˇ taˍ sheˍ.

18. Awˬ ti lo gaˬ˗e tuˬ ngaˬ hui aˬ htoꞈ ma gʼa te cawˇ ve le?

¹⁸ Ngaˬ hui teˇ gʼaˇ le le awˬ gʼuˇ suhˍ hpawˇ ve htaꞈ dawˇ nyi leh te hkʼaˇ dawˇ hkʼaˇ ha lehˬ ha kʼa ve hkʼaw pa sheˍ. (Tawˇ naˉ ve 4:25; Luˉkaꞈ 9:62) “Hkʼaˬ htaˆ kaꞈ ha lehˬ chehˇ˗oˆ. Nawˬ hui ve dawˇ hkʼaˇ awˬ suhˉ pa” leh nyi ma nuˇ nehˬ ve chaw hpehꞈ sheˍ. (2 Kawˇrenˍhtuˆ 13:11) Ngaˬ hui chi hkʼe te ve kʼo, “haꞈ pehnˇ ve nyi ma cawˬ leh cawˇ daꞈ hawˍ daꞈ piˇ shehˍ hpaˇ Gʼuiˬ sha lehˬ [ngaˬ hui] geh chehˇ tuˬ yoˬ.” Ngaˬ hui awˬ ti lo ceh gaˬ˗e tuˬ ve maˇ heˆ. Yaꞈ hkʼaˇ, ngaˬ hui yaꞈ kʼaw hkʼoˆ lo kʼai chehˇ htaˇ hkʼaˬ htaˆ kaꞈ ha lehˬ ve cawˬ tuˬ yoˬ.