1. Matewu 7:13, 14, yi re mo re yitsa re leyetong ka mokgo mang?

KA MOKANA ga rune mo re yitsa re mo leyetong. So re nyakang go se segelela ke go phela ga lefase la nyuwane la gore le lawola ke Jehova wa gore o nyakanana ka matla. Re leketsa ka moka matšatši gore re sepele ga setselane sa gore se bakiye lephelong. Mara Jeso o yitseri, setselane sone ke se se sesane fote ka dinako tse dingwana gwa thathafa go sepela ga sona. (Bala Matewu 7:13, 14.) A ra felegelela fote di lula gore re keketlele ku kgole le setselane sone.—Magal. 6:1.

2. Re nyoko tšhuta ying ga hlogotaba yowa? (Lebelela le lebhokisi la gore “ Go Tinyanafatsa go re Gelepa Gore re Tšhentšhe Maphelelo.”)

² Mo nkare re ya di nyaka go dula re sepela ga setselane sa gore se bakiye lephelong, di nyaka re tšhentšha ka mokgo re naganang, tso re kwanang natso kela tso re sa kwaneng natso fote le go tšhentšha tso re tlwayeleng go di maka. Pawulo wa lepostola o yye a hlohletsela Makreste ya ku Korente gore ma ye mahlong ma ‘tikemisela go tšhentšha mo ma wolodiwa.’ (2 Makor. 13:11) Le rune taba yone yi sa re berekela. Ga hlogotaba yowa, re nyoko tšhuta ka mokgo Baebele yi ka re gelepang gore re tšhentšhe maphelelo fote le ka mokgo banghana ba gore ba butšwiye ba ka re gelepang gore re dule re le ga setselane sa gore se bakiye lephelong. Fote re nyoko tšhuta le gore ke ntaba di si lula go theetsela mo mokgahlo wa Jehova wo re yetetsa. Re nyoko bona le ka mokgo go tinyanafatsa go ka re gelepang gore re sa tikraye re kgongwele mo re kene re berekela Jehova.

3. Lentsu la Modimo le ka go gelepa ka ying?

³ Mo re leketsa go nyakolla ka mokgo re naganang le ka mokgo re tikwang, go fo ba ntshitshire. Dipelo tsa rune di tlele bošakašakane fote re ka sa di tšibi mo di ko re šohlometsang gona. (Jer. 17:9) Di lula gore re titshokanye ka “dilo tsa gore a di šiyo.”  (Jak. 1:22) Byalo, di nyaka re berekise Lentsu la Modimo gore re tinyakolle. Lentsu la Modimo le wunyulla so re leng sona, ka ku teng-teng “tso motho a di naganang le tso pelo yage yi di nabelang.” (Maheb. 4:12, 13) Re ka fo re Lentsu la Modimo le tshwana le motšhini wa eksreyi, wa go re gelepa gore re thogo bona tsa gore re ka sa di bone ka maahlo. Mo re nyaka go berekela ke tso re di tšhutang ka Baebeleng le ga malata ya Modimo di nyaka re tinyanafatse.

4. King so se šupetsang gore Kgoši Sawulo o yye a thomisa go ba le magetla?

⁴ Mošupetso wa Kgoši Sawulo wo šupetsa tso di ka makegang mo re sa tinyanafatse. Sawulo o yye a thomisa go kakola magetla la go šinya di mo tšhira gore a bone gore di nyaka a tšhentšhe ka mokgo a naganang le ka mokgo a makang dilo ka gona. (Pis. 36:1, 2; Habak. 2:4) Di napiye di fo ba lekgwaying ka nakwela Jehova a botsa Sawulo tso a tshwaneleng a di make ka nthago ga mo a hludiye Maamaleke. Sawulo aa tihlupa ka go theetsela Jehova. Le mo moporofeta Samuwele a bolabola naye ka taba yage ya go sa theetsele, o yye a fo swaya molala. O yye a leketsa go tiyemelela a maka nkare tso a di makiyeng a yi tsa selo fote a boya a phiga ka ba bangwana. (1 Sam. 15:13-24) Sawulo, go maka tsotsone ke mokgwa wage. (1 Sam. 13:10-14) Sa go babisa pelo ke gore, o yye lesetsa go ba le magetla go mo mamarela. Ke mo a sa tikemisela go tšhentšha ka mokgo a naganang, ke mokane Jehova a sa sa jabolela le go mo yamogela.

5. Re ka tšhuta ying ga mošupetso wa Sawulo

⁵ Gore re thogo tšhuta ga mošupetso wa Sawulo, di nyaka re tiputsise diputsiso tsowa: ‘Mo ke bala Lentsu la Modimo fote le n’wolola, ayitsano ke leketsa go tiyemelela? Ayitsano ke nagana gore tso ke di makang a dya befa ka matla? Ayitsano ke phega ka ba bangwana mo ke sinnye?’ Mo nkare go gongwana re fetodiye ka gore eya, di nyaka re lukise ka mokgo re naganang le ka mokgo re tseyang dilo. Mo re sa make selo, re nyoko kakola magetla ke mokane Jehova a sa sa re tseya re le banghana bage.—Jak. 4:6.

6. Hlatolla gore Kgoši Sawulo le Kgoši Dafita ke mo ba sa tshwane ka mokgo mang?

⁶ Kgoši Sawulo ke mo a sa tshwane le Kgoši Dafita wa gore ke mo a kwana le “molawo wa Jehova” ka matla. (Pis. 1:1-3) Dafita ke mo a di tšiba gore Jehova o phonisa bo ba gore ba tinyanafatsiye mara ba magetla aa kwane nabo. (2 Sam. 22:28) Byalo, Dafita o yye a lesetsa molawo wa Modimo wo maka gore a tšhentšhe ka mokgo a naganang. O ngwadiye gore: “Ke nyoko thanaka Jehova, yene wa go n’yetetsa. Le mo go le bošego tso ke di naganang di ya n’wolola.”—Pis. 16:7.

7. Mo nkare re ya resa re tinyanafatsiye, re nyoko maka ying?

⁷ Mo nkare re ya resa re tinyanafatsiye, re nyoko lesetsa Lentsu la Modimo le wolola tso re di naganang re soko bane re di maka. Re nyoko kwa Lentsu la Modimo le re: “Tsela ke yowa. Ariye ka yona.” Le nyoko re buyisa tseleng mo re keketlela ku kgole. (Jes. 30:21) Phela di nyoko gelepa rune beng mo re theetsela Jehova. (Jes. 48:17) Mo re beyisa, re ko ba re phonne go tšebisa ke mo di nyaka gore ye mongwana a re wolole. Fote re nyoko šutela thina ka matla ga Jehova ka taba la gore re ya di tšiba gore o re tseya re le bana bage bo a ba nyakang ka matla.—Maheb. 12:7.

8. Jakobo 1:22-25, yi re re ka berekisa Lentsu la Modimo byang go tshwana le seboki?

⁸ Lentsu la Modimo le tshwana le seboki ho ga rune. (Bala Jakobo 1:22-25.) Ba go tlala ba rune mo re tloga gaye re thomisa ka go tilebelela seboking. Ka mokgonone re ko thogo di bona gore re ka lukisa kaye ba bangwana ba soko bane ba di bona. Go fo tshwana le mo re bala Baebele ka moka matšatši, re ko thogo bona ka mokgo re ka tšhentšhang tso re di naganang le tso re kwanang natso kela tso re sa kwaneng natso. Ba go tlala, ba kwa di le gabutši go bala go nyakolla Mangwalo go sa le ka bošego ba soko bane ba tloga gaye. Ba lesetsa tso ba di balang di kutšetsela ka mokgo ba naganang. Ke mokane letšatši ka mokana  ga lona ba leketsa go berekisa tso Lentsu la Modimo le ba botsang tsona. Go tokegela gana hone, di nyaka re be le letheto la go tšhuta Baebele ka moka matšatši le go ghayela ka tso re di tšhutang. Mo o di lebelele, di bonala nkare di ka sa re gelepi ka selo mara ke mong tsona tso di ka re gelepang gore re dule re le ga setselane sa gore se bakiye lephelong.

9. Ke mo go ro maka byang mo di šinya di nyaka gore monghanago a go wolole?

⁹ Ayitsano o yye wa tikraya o šele o keketlela ku kgole le Jehova? (Pis. 73:2, 3) Mo monghanago wa gore o butšwiye a go wolola a šišimele, ayitsano wa mo theetsela? Mo nkare wa mo theetsela, re ya go thanaka fote a re kamake gore o nyoko yi jabolela ka matla taba ya gore o go gelepiye.—Diy. 1:5.

10. Di nyaka o titshware ka mokgo mang mo monghanago a go wolola?

¹⁰ Lentsu la Modimo le re gopotsa gore: “Selota sa go maka ke monghana a se solege.” (Diy. 27:6) Taba yowa ke nnete go segela kaye? Lebelela mošupetso ke wowa: O fo nagana o nyaka go tlola pata ya gore yi fo dula yi tlele ka dikoloyi ke mokane o lebatsa ke fowunu yago. O fo kena o sa thomisa o lebelela ka mo mathoko. Mo o re phagaphaga, o fo kwa monghanago a re ngo ka letsogo a go gogela ka thoko. O go ngangarele la go šinya o kwa nkare o tshwere ke sepanere mara tsotsone di go gelepiye gore o sa tšhayisi ke dikoloyi. Le mo o ka fo kwa go baba matšatšinyana, ayitsano o ka napa o kwatisa ke gore monghanago o go bakele selota mo a go goga? Le ka mbhitšane! O nyoko mo leboga ka matla gore o go gelepiye. Go fo tshwana le mo monghanago a go wolola ga tso o di bolabolang le tso o di makang a re a di sipidisane le molawo wa Modimo wa go loka, di ka thomisa ka go go hlaba. O sa tšhinghi kela wa kukumusa dikana. Tsotsone go ko ba go le bophokophoko. (Mmo. 7:9) Mara, jabola ka taba la gore monghanago o go wolodiye a šišimele.

11. King so se ka makang gore motho a gane mo monghanage a mo wolola?

¹¹ King so se ka makang gore motho a gane mo monghanage ye a mo nyakang ka matla a mo wolola? Magetla. Batho ba magetla ba kwana “le go tšikinyiwa ditsebe.” Mara, mo go le “nnete yona, a ba kwane le go yi theetsela.” (2 Thim. 4:3, 4) Ba tipotsa gore mo go bolabodiye bona go fediye. Mara Pawulo wa lepostola o ngwadiye gore: “Mo nkare go na le ye a tipotsang gore ke yene selo mara go se yene selo, wa titshokanya.” (Magal. 6:3) Kgoši Solomoni o napiye a yi beya lekgwaying taba yowa. O ngwadiye gore: “Ngwananyana wa go tihlupegela mara a hlalefiye o kawone go phala kgoši ya sephokophoko ya gore yi šele yi gudiye mara yi sa kwane le go wolodiwa.”—Mmo. 4:13.

12. Re tšhuta ying ga mošupetso wa Petro wa lepostola wo wo leng ga Magalata 2:11-14?

¹² Lebelela ka mokgo Petro wa lepostola a yye a ba mošupetso wa gabutši nakwela Pawulo wa lepostola a mo wolola. (Bala Magalata 2:11-14.) Mola Petro a yye a nagana ka matla ka tso Pawulo a di hlayyeng, gore o di hlayye ka mokgo mang le gore o di hlayye go na le bo mang nke di yye dya mo tshwatisa ka matla. Mara Petro ke mo a hlalefiye. O yye a sa tšhinghi mo ba mo wolola fote a sanka a tshwara Pawulo ka pelo. Mara, o yye a fo tseya Pawulo go le ‘mogageru wa gore o mo nyaka’ ka matla.—2 Pet. 3:15.

13. King tso re tshwaneleng go nagana ka tsona mo re nyaka go wolola ye mongwana?

¹³ King tso o sa tshwanelang go di lebala mo di nyaka o wolola monghanago? O soko bane o mo dhomela thomisa ka go tiputsisa gore, ‘Ayitsano ke timaka nkare ke “lukiye ka matla”?’ (Mmo. 7:16) Motho wa go timaka nkare o lukiye ka matla o kwana le go yahlula ba bangwana a sa berekisi melawo ya Jehova mara a berekisa wage wa gore a wo šupetsi go kwelana bošuwana. Mo o šele o tinyakolliye gabutši o fetsiye le pelo gore o nyaka  go bolabola le monghanago, tšiba so o nyakang le bolabola ka sona ke mokane o butsise diputsiso tsa gore di nyoko mo gelepa gore a bone mo a kekemisang gona. O bone gore tso o di bolabolang di tšwa ka Baebeleng fote o sa lebale gore monghana yene wago a ka sa yahlule ke wene o nyoko yahlula ke Jehova. (Mrm. 14:10) Tshepela ga tsa go hlalefa tsa go tšwa Lentsung la Modimo fote mo o nyaka go wolola ye mongwana yekisela Jeso wa gore o kwelana go baba. (Diy. 3:5; Mat. 12:20) Ke ntaba? Ka taba la gore Jehova o nyoko re tshwara ka mokgo le rune re tshwarang ba bangwana ka gona.—Jak. 2:13.

14. King so re se krayang ka mokgahlong wa Modimo?

¹⁴ Jehova o re yetetsa a berekisa mokgahlo wage wa ho lefaseng wa gore wo maka gore re kraye dividiyo, dikgatiso le megahlano gore re thogo berekisa tso ba re wololang ka tsona tsa go tšwa Baebeleng. Dilo tsone di tšwa ka Mangwalong. Mogoba wa go Lawola wo tshepela ga moya wa go hlawolega mo wo nyaka go segelela sepheto sa gore mmereko wa go tšhomayela wo makiwe byang. Le mo go le ka mokgonone, Mogoba wa go Lawola wo fo dula wo lebelela gore ayitsano sepheto so wo se segeleleng se sa gelepa gore mmereko wo ye mahlong. Ke ntaba? Ka taba la gore “seyemo sa lefase se ya tšhentšha-tšhentšha,” fote di nyaka mokgahlo wa Modimo wo sipidisana le seyemo.—1 Makor. 7:31.

15. Batšhomayedi ba bangwana ba yye ba hlakana le tsa go ba ghula tsa mošaga mang?

¹⁵ Mo go na le hlatolla ya nyuwane ya go tšwa ka Baebeleng ya gore yi yelana le tso re di dumelang kela maphelelo, nnete ke gore a re jikajiki re ya yi berekisa. Mara re titshwara byang mo mokgahlo wa Modimo wo tšhentšha se sengwana? Mo re beyisa, mengwaganyana yowa, go yaga le go lukisa dipoleke tsa mo go rapediwang gona a yi go tura ga tsona. Byalo, Mogoba wa go Lawola wo yeletsiye ka gore Holo ya Mmušo ka yyoši yi berekise ke diphutego tsa go tlalanyana. Ka taba la mo dilo di tšhentšhiye, go gahlanisiwe diphutego ke mokane Diholo tse dingwana tsa Mmušo dya rekisiwa. Tšheleta yo ba yi krayyeng ba yi berekisiye go yaga, ga dipoleke tsa gore diholo dya gayela. Mo nkare le wene o dula ga poleke ya gore diholo di rekisiwwe fote diphutego di gahlanisiwwe, o ka kraya di si lula go yamogela seyemo. Di šele di nyaka gore batšhomayedi ba bangwana ba ye megahlanong kgole. Ba bangwana ba gore ba yye ba bereka ka matla mo ba yaga kela ba lukisa Holo yone ya Mmušo ba ka tiputsisa gore ke ntaba byalo yi šele yi rekisiwa. Ba ka  tikwa nkare ba kganne ka nako ya bona le matšhika ya bona. Mara le mo go le ka mokgonone ba f’lo yamogela seyemo fote di nyaka re ba thanake.

16. Go theetsela tso di hlayang ke Makolosi 3:23, 24 go ka re gelepa byang gore re dule re jabodiye?

¹⁶ Mo re ka sa lebale gore re berekela Jehova fote ke yene a yetetsang mokgahlo wage, re nyoko dula re jabodiye tsa nkare ke moka. (Bala Makolosi 3:23, 24.) Kgoši Dafita ke mo go le mošupetso wa gabutši ga taba ya go neyela nakwela go yagiwa tempele. O yitseri: “Ke nna mang fote ba mutši waka go ro ba ying la gore re ka šutela re tshwere so re nyakang go se neya Jehova? Dilo ka mokana ga tsona tso re nang natso di tšwa gago fote le mo re go neya tsona di na di tšwa gago.” (1 Dikor. 29:14) Le rune mo re neyela, gabutšibutši re ba re neya Jehova so se tšwang gage. Byalo, Jehova o leboga nako, matšhika le mo re neyela ka dilo tso re nang natso gore go thogo makega mmereko wage.—2 Makor. 9:7.

17. Ke ntaba di sa tshwanela go go kgongwetsa mo di nyaka gore o tšhentšhe maphelelo?

¹⁷ Gore re thogo dula re sepela ga setselane sa gore se bakiye lephelong, di nyaka ka mokana ga rune re latelele mošupetso wa Jeso. (1 Pet. 2:21) Mo nkare di nyaka o tšhentšhe maphelelo, tsotsone di sa go kgongwetsi. Di šupetsa gabutši gore a wo so tlanyele, wa kwa mo Jehova a go wolola. O sa lebale gore Jehova aa yemela gore—rune ba gore a re ya felegelelatsotso—re nape re make dilo ka go korola go tshwana le Jeso.

18. Re ka maka ying gore re thogo segelela tso re nyakang go di segelela?

¹⁸ Nkare ka mokana ga rune re ka tihlupa ka tsa ku mahlong fote re tikemisele go tšhentšha ka mokgo re naganang, tso re kwanang natso kela tso re sa kwaneng natso le go tšhentšha ka mokgo re makang dilo ka gona. (Diy. 4:25; Luk. 9:62) Tla re duleneng re tinyanafatsiye, “re ye mahlong re kene re jabodiye, re tikemisele go tšhentšha mo ba re wolola.” (2 Makor. 13:11) Mo re maka tsotsone, ‘Modimo wa gore wa nyakanana wa gore fote o dula a bebiye o nyoko ba le rune.’ Fote re ka sa fo segela mo re yang gona nje mara re nyoko tikwisa ka leyeto la rune.