1983-imi inun­ngor­punga. Meeraal­lunga peq­qis­suugaluar­punga, qulinil­li ukioqarlunga timik­kut an­niarujus­suar­taler­punga. Ukiut marluk mis­saat tamatuma kingor­na ul­laak­kut iter­punga nikis­sin­naananga. Nis­suk­ka ilungersorlunga aalatin­niarsarigaluarak­kit nukil­laarsimap­put. Taamanik­kumiil­li pisoq­qin­ngilanga al­liar­torun­naarlungalu. Ul­lumik­kut suli meeq­qatut timeqar­punga.

Nap­parsimaler­nin­niit anisin­naajun­naar­nin­niil­lu qaam­matialuit qaangiut­tut Jehovap Nalunaajaasuinit kasut­torfigineqar­pugut. Pulaar­toqaraangat toq­qor­niarsarisaraluar­punga, ul­lorli taan­na ar­nat kasut­tor­tut oqaloqatigaak­ka. Paratiisi pil­lugu eq­qar­tuilermata tal­limanik ukioqarlunga tusarsimasak­ka eq­qaaler­pak­ka. Taamanik­kut ajoqersuiar­tor­titaq Jethromik atilik Surinamimi najugalik qaam­mam­mut ataasiarluni nunaqarfitsin­nukar­tar­poq ataatagalu Biibilimik atuaq­qis­saaqatigisarlugu. Jethrop inus­siar­nisaarfigisaqaanga, as­sul­lu nuan­naraara. Aam­ma aanak­kuk­ka nunaqarfitsin­ni ataatsimeeqataasar­put, ilaan­nik­kul­lu ilaserisar­paan­nga. Taamaat­tumik ar­nat kasut­tor­tut aap­paata, Florencep, paasisaqar­nerorusun­nersunga aperim­manga akuersivunga.

Florencep pulaaq­qip­paanga uini Justus ilagalugu, Biibilimil­lu atuaq­qis­saaqatigiit­taler­pugut. Atuarsin­naan­ngitsunga maluginiaramik­ku ilin­niar­tit­taler­paan­nga, pif­fis­sal­lu ingerlanerani atuarsin­naaler­punga. Ul­lut ilaan­ni aap­pariit oqarfigivaan­nga Surinamimut aal­lar­tin­neqas­samaarlutik. Ajoraluar­tumil­lu atuaq­qis­saar­tar­nera unik­kal­lar­poq. Qujanar­tumil­li Jehovap puiun­ngisaan­nar­paanga.

Kingunitsian­ngua pioneri Floydimik atilik Oreallamut tikip­poq, oqaluus­sitil­lunilu naapip­paanga. Biibilimik atuaq­qis­saar­tar­nis­saq eq­qar­tulermagu qungujup­punga. Aperivoq: “Sooq qungujup­pit?” Oqarfigaara qup­persagaq Guutip sumik piumaffigaatigut? atuaq­qis­saareer­nikuul­lugu atuagarlu Ilisarsineq inuunermut naassaanngitsumut sammisoq * aal­lar­tik­kaluarsimal­lugu. Sooq atuaq­qis­saar­tarun­naarsimanerlunga nas­suiaap­para. Taava Floydilu atuagaq Ilisarsineq naal­lugu atuaq­qis­saar­par­put, tamatumali kingor­na al­lamut kif­far­toriar­toq­quneqar­poq. Atuaq­qis­saaqatigineqas­saaq­qip­punga.

2004-mi specialpionerit marluk, Granville aam­ma Joshua, Oreallamut aal­lar­tin­neqar­put. Matumiit matumut oqaluus­sitil­lutik naapip­paan­nga.  Atuaq­qis­saar­tarusun­nersunga aperim­man­nga qungujup­punga. Aperaak­ka atuagaq Ilisarsineq aal­laq­qaataaniit atuaq­qis­saar­talersin­naanerip­put. Takorusup­parami uan­nik sior­natigut atuaq­qis­saaqatigin­nit­tarsimasutut ilin­niar­titsis­sanersut. Granvillep oqalut­tuup­paanga nunaqarfitsin­ni ataatsimiit­toqar­tar­toq. Angerlarsimaf­figa ukiuni qulingajan­ni qiman­nikuun­ngik­kaluarlugu ataatsimiigiaqataarusup­punga. Taamaat­tumik Granvillep aavaanga kaas­suar­tak­kamil­lu naalagaaf­filersaarfim­mukaal­lunga.

Granvillep taamaal­luni kajumis­saar­paanga Teokratiimik Ilin­niarfim­mut peqataasaleq­qul­lunga. Ima oqarfigaanga: “Timik­kut in­narluuteqar­putit, sulili oqalus­sin­naavutit. Oqalugiar­talerumaar­putit, taman­na qularin­ngilara.” Oqaasii qiim­maal­lan­nar­tut im­minut tatiginerulis­sutigaak­ka.

Granville oqaluus­seqatigisaler­para, nunaqarfitsin­nili aq­qusineerar­pas­suit kaas­suar­tak­kamik ingerlavigiuminaap­put. Taamaat­tumik Granville aperaara tril­lebørinik ingerlat­tarsin­naaneraanga. Taman­nalu iluatsil­luar­poq. 2005-imi apriilimi imermut morsutsin­neqar­punga. Kingunitsian­ngua ilagiitsin­ni Biibililersaarutinik isumagin­nit­tar­tus­satut naalagaaf­filersaarfim­milu nipilerisar­tus­satut ilin­niar­tin­neqar­punga.

Ajoraluar­tumik 2007-imi ataataga umiatsiamik ajunaar­poq. Ilaqutariiul­luta tupaq­qaqaagut. Granvillep qinoqatigaatigut al­las­simaf­fin­nil­lu tup­pal­lersaataasunik atuf­fal­luta. Ukiut marluk qaangium­mata alianaqisumik pisoqaq­qip­poq Granville umiatsiamik ajunaarmat.

Ilagiitsin­niit­tugut ataasiin­narmik ilagiin­ni kif­far­tor­toqar­tugut utoq­qaaner­tatuar­put an­naavar­put, tamat­talu aliasoqaagut. Granville ikin­ngutigil­luarak­ku toqunera aliasuutigeqaara. Aalajaal­luni anersaak­kut timik­kul­lu pisariaqar­titan­nik ikior­tuarsimavaanga. Toqunerata kingunitsian­ngua ataatsimiin­nitsin­ni Napasuliaq Alapernaarsuiffik-mik atuaq­qis­saaqatigiin­nermi atuar­tuuvunga. Im­mik­koor­tul­li marluk siul­liit atuareerlugil­lu aliasun­nermik qul­lik­ka kuuin­nalermata uniin­nar­tariaqaler­punga.

Qatan­ngutit ilagiin­nit al­laneersut ilagiitsin­nik ikiuiar­tormata qiimaneruler­punga. Aam­ma Kojo, specialpioneri, im­mik­koor­tor­taqarfim­miit tikisin­neqar­poq. Nuan­naarutigeqisan­nik anaanaga nukaralu atuaq­qis­saar­taler­put kingor­natigul­lu Nalunaajaasun­ngorlutik. Taava 2015-imi marsimi ilagiin­ni kif­far­tor­tun­ngor­punga, taamaal­lungalu aatsaavis­suaq oqalugiar­punga. Ul­loq taan­na qujamasun­nermik qul­liliitigalunga Granvillep oqaaserisimasai uku nuan­naarlunga eq­qarsaatigaak­ka: “Oqalugiar­talerumaar­putit, taman­na qularin­ngilara.”

JW Broadcastingimi aal­lakaatitani Nalunaajaasut uat­tul­li atugaqar­tut takusar­pak­ka. Taak­ku nap­paateqaraluarlutik kif­far­tor­nermin­ni suli angusaqarluar­tar­put nuan­naar­ner­til­lu at­tatiin­narlugu. Uangat­taaq in­narluuteqaraluarlunga suli iliuuseqarsin­naavunga. Jehovamut pitsaaner­paamik tuniserusun­nera kajumis­sis­sutigalugu pioneritut kif­far­tuler­punga. Kingor­na tupaal­laatigeqisan­nik pisoqar­poq! 2019-imi septembarimi ilagiin­ni utoq­qaaner­tan­ngor­tin­neqar­punga.

Qatan­ngutit uan­nik atuaq­qis­saaqatigin­nis­simanerat Jehovamul­lu kif­far­tulersin­naaq­qul­lunga ikiuisimanerat qujamasuutigeqaaraa. Tamanil­li qujamasuutiginer­paavara Jehovap puiun­ngisaan­narsimam­manga.