1, 2. ¿Ambe ambakiti erokuarhikuaksï jatsiski Jeobaeri marhuaricha?

KÁNIKUA jukaparhakuesti erokani jarhani ambe ma. Uánikuaksï erokuarhisïndi sési irekani temungurhiri, o eskaksï uájpecha sési kʼuiripiaka, o eskaksï ambakentaaka pʼamenchakua ma jimbo. Kristianuechachi uáka májkueni ambe erokuarhini. Joperu jarhasti ma ambe enga sánderu jukaparhakueka eska i ambe: irekani para méntkisï ka exeantani ménderu imechani engachi uarhiranchaakia.

² Apostuli Pablu uandaspti: “Mintsinharhixaka Diosïni [...] eskaksï tsíntaaka uarhiricha imecha engaksï ambarhatika, ka ístu imecha engaksï malueka, [o engaksï no úka míteni Jeobani]” (Uku. 24:15). Joperu antede Pablu, Jobu uandaspti eska mintsikasïrenga eska Tata Diosï miápiringa imani ka eska tsítantapiringa (Job 14:7-10, 12-15).

3. ¿Nénajtsïni marhuachisïni jorhenguarhini 1 Korintu kapitulu 15?

³ Tsíntskua, jindesti “uénani anapu ambe” engaksï kristianuecha jatsika para jakajkuni (Ebr. 6:1, 2). Pablu íri ambe uandaspti ixú 1 Korintu kapitulu 15 jimbo. Ambe enga uandapka, seguru eska kánikua uinhaperantaapka kristianuechani engaksï primeru sigluru irekapka ka ístujtsïni uáti uinhaperantani juchantsïni no arhiparini na engachi xáni ióni jakajkukia eska jauaka tsíntskua.

4. ¿Andichisï uá seguru jarhani eskaksï tsíntaaka imecha engachi uarhiranchaaka?

⁴ Jesusiri tsíntskua jimbo úsïngachi seguru jarhani eskaksï tsíntaaka iámindu imecha engachi uarhiranchaaka. I jindeespti ma parti ‘ambakiti aianhperakueri’ enga Pablu aianguapka Korintu anapuechani (1 Kor. 15:1, 2). Niáraspti jamberi  arhiani eska no marhuakuapiringa jakajkukua jatsini engaksï no jakajkupiringa eska Jesusi tsíntaska (1 Kor. 15:17). Jakajkuni eska Jesusi tsíntaska, uáti eskachi jakajkuaka eskaksï ístu tsíntaaka imecha engachi uarhiranchaaka.

5, 6. ¿Ambe arhikuekasïni para jucha ambe enga arhijka 1 Korintu 15:3, 4?

⁵ Enga Pablu karapka tsíntskueri ambe, tanimu ambe uandaspti: “eska Kristu uarhispka juchari pekaduechani jimbo”, “eska jatsinhantaspka” “ka tanimu jurhiatikua jimbo tsíntani eska námindu karakata jaka” (arhinta je 1 Korintu 15:3, 4).

⁶ ¿Ambe arhikuekasïni para jucha enga Jesusi uarhika, jatsinhantani ka tsíntani? Profeta Isaiasi uandasptia eska Mesiasi uándikunhapiringa “echerirhu engaksï tsípiticha jaka” ka eska intsïnhapiringa “tumba ma no sési úricha jingoni”. Ístu Isaiasi uandaspti: eska Mesiasi kénditapiringa “pekaduechani uánikuecheri”. ¿Néna úski i ambe? Enga íntspika imeri tsípikuani parajtsïni pʼímutantani (Is. 53:8, 9, 12; Mat. 20:28; Rom. 5:8). Ísï jimbo, enga Jesusi uarhika, jatsinhantani ka tsíntani, úsïndi eskachi seguru jauaka eskachi nóteru pekadu jukaraakia ni uarhini ka eskachi ménderu exeantauaka imechani engachi uarhiranchaaka.

7, 8. ¿Ambejtsïni jarhuatasïni parachi seguru jarhani eska Jesusi tsíntaska?

⁷ Parachi jakajkuni eska jauaka tsíntskua, uétarhisïndi eskachi orheta jakajkuaka eska Jesusi tsíntaspka. ¿Andichisï uá seguru jarhani eska Jeoba tsítantaska Jesusini?

⁸ Uánikuaksï exespti Jesusini enga ima tsíntapkia (1 Kor. 15:5-7). Primeru enga uandapka Pablu, jindespti Sefasini, enga jindeeka apostuli Pedru. Ístu, máru Jesusiri chúxapatichaksï uandaspti eska Pedru exespka Jesusini enga tsíntapkia (Luk. 24:33, 34). Ístuksï exespti “iámindu apostulicha”. Ka ísï tátsekua xarhakuaspti “sánderu ka eska kinientosi ermanuechani engaksï májku japka”, jamberi i ambe Galilea úkuarhipti ka jindeepti enga uandanhantajka Mateu 28:16-20 jimbo. Ístu xarhakuspti Santiaguni, enga Jesusiri mediu ermanuepka ka enga jiánisï, no jakajkuenga eska Jesusi jindeespka Mesiasi (Juanu 7:5). Joperu jiáni jakajkuspti enga na exepkia Jesusini eska tsíntaspka. Kánikua jukaparhakuesti eska jiánisï enga Pablu karapka ini kartani, uéxurhini 55 jimbo ísï, uánikuecha engaksï exepka Jesusini eska tsíntaspka útasïksï tsípiti jarhaspka. Ísï jimbo, imecha engaksï no jakajkuenga úpirindiksï ícha jingoni uandontskuarheni.

9. Eska na arhijka Ukuecha 9:3-5, ¿néna úpirini apostuli Pablu xarhatani eska Jesusi tsíntaspka?

⁹ Tátsekua, Jesusi ístu xarhakuspti apostuli Pabluni (1 Kor. 15:8). Pablu enga ístu Saulu arhinhenga, Damasku niraxapti enga kurhaapka eska Jesusi uandajpaspka ka enga auandarhu exepka jánhaskakua ma jimbo (arhinta je Ukuecha 9:3-5). Ambe enga Pablu nitamanchapka, jindeespti máteru ambe enga xarhatapka eska Jesusi tsíntaska (Uku. 26:12-15).

10. Enga Pablu seguru japkia eska Jesusi tsíntaspka, ¿ambe ka ambe tekaantaspi?

¹⁰ Uánikuechaksï kánikua tsitipirindi kurhaani apostuli Pabluni jimboka ima ióntki no sési kaasïrenga kristianuechani. Peru enga seguru japkia eska Jesusi tsíntaspka, jánguarhintaspti úni ambe ma parakaksï máteruechajtu jakajkupiringa. Enga aianhpini jámenga eska Jesusi tsíntaspka, kánikua no sési kánhaspti, ónhanhaspti ka uánikua xanhari sáno uarhispti marirhu (1 Kor. 15:9-11; 2 Kor. 11:23-27). Xáni seguru jarhaspti eska Jesusi tsíntaspka enga kuájpipka imani ambe enga jakajkuenga nájkiruka niárapiringa uarhini. ¿A no eska i ambe úsïnga eskachi juchajtu  jakajkuaka eska Jesusi tsíntaska? ¿Ka eska úsïnga eskachi sánderu jakajkuaka tsíntskuani?

11. ¿Andiksïsï máru Korintu anapu kristianuecha no jakajkueni tsíntskuani?

¹¹ Ireta Korintu enga Grecia japka, máru kristianuechaksï no jurhimbikua ambe mítespti tsíntskueri ambe, jimboksïsï máru no jakajkuendi eska jauaka tsíntskua (1 Kor. 15:12). ¿Andi? Jimboka jima no iauani ireta Atenasi, máru jánhastichaksï teresmarhuasïrendi imechani engaksï jakajkuenga eska Jesusi tsíntaspka ka máru Korintu anapu kristianuechaksï niáraspti ísï eratseni (Uku. 17:18, 31, 32). Máteruechaksï jamberi eratsendi eska tsíntskua, jindeespka ambe ma enga no meru úkuarhipiringa. Eratsesïrendiksï eska antedeksï kristianu úkuarhini, pekadu jimboksï ísïspka komu uarhirini jarhani; peru engaksï kristianu úkuarhienguia ka puáminhantaksï pekaduechani, ísïspka komueska tsíntani. Ambe uéjki jimboeni, engaksï no jakajkupiringa tsíntskuani, imecheri jakajkukua no ma ambe marhuasïrendi. Enga Tata Diosï no tsítantapiringa Jesusini, no maianhpinhapirindi euajpintskua ka imecheri pekaduechaksï no úpirindi puáminhantani. Ísï jimbo, para imecha engaksï no jakajkuenga tsíntskuani ískuepirindi imecheri jakajkukua (1 Kor. 15:13-19; Ebr. 9:12, 14).

12. Eska na arhijka 1 Pedru 3:18, 22, TNM, ¿andisï no májkuenipi Jesusiri tsíntskua máteruecha jingoni engaksï japka?

¹² Pablu mismu exespti eska tata Jesukristu ‘tsíntaspka uarhiricharhu’. Imeri tsíntskua sánderu ambakitispti eska imecheri engaksï antesi tsíntapka, jimbokaksï imecha ménderu uarhiska. Pablujtu uandaspti eska Jesusi ‘uénaspka tsíntani ka eska iámindu imecha engaksï uarhikia’. ¿Andisï uandapi eska Jesusi jindeespka enga uénapka tsíntani? Jimboka ima jindeespka primeru enga tsítanhantapka komueska espiritu ma ka enga orheta nípka auandarhu (1 Kor. 15:20; Uku. 26:23; arhinta je 1 Pedru 3:18, 22, TNM).

13. ¿Néna uandaspi Pablu eska no májkuenispka Adani ka Jesusi?

¹³ ¿Néna uá eska ma kʼuiripu jimbojku uánikuecha tsíntaaka? Pablu sési mókuntaspti. Ima uandantaspti ambe enga Adaniri pekadu úpka ka ambe enga Jesusiri uarhikua úpiringa. Adaniri ambe uandaparini, ima uandaspti eska jurhaspka “uarhikua parhakpinirhu ma kʼuiripuni jimbo”. Enga Adani pekadu úpka, pori ísï arhini jandiajku uándikukuarhispti ka ístu imechani engaksï imani jimbo jupiringa. Útasïchi iásï jamberi no sési nitamakuarhixaka enga ima ísï no kurhadipka. Joperu kánikua ambakiti ambechi erokuarhixaka jimboka Tata Diosï tsítantaska imeri Uájpani. Pablu ísï uandaspti: “Ma kʼuiripuni jimbo [Jesusi] jurhas[ti] tsíntskua, jimboka eskaksï na uarhijka iámindu kʼuiripuecha Adanini jimbo, ístu iáminduecha tsíntaati Kristuni jimbo” (1 Kor. 15:21, 22).

14. ¿Andichisï míti eska Adani no tsíntaaka?

¹⁴ ¿Néchani arhikuekaxapi Pablu enga uandapka eskaksï uarhixaka “iámindu kʼuiripuecha Adanini jimbo”? Pablu iámindu kʼuiripuechani arhikuekaasïrendi engachi pekadu jukaraka, engachi no perfektueka ka engachi niáraaka uarhini (Rom. 5:12). Adani no kuenta úkuarhisïndi imecha jingoni engaksï niáraaka ‘tsíntani’. Ima no intsïnhauati kóntperatechani engaksï juuaka tata Jesukristueri uarhikua jimbo, jimboka ima perfektuespka ka jandiajku erakusti no kurhajchani Tata Diosïni. Ima intsïnhasti ambe engaksï intsïnhaaka imecha enga “Uájpa Acheetiri” junguaka para jusgariuani ísï eska ‘chibuechani’ i ambe arhikuekasïndi “kʼamajkukua para méntkisï” (Mat. 25:31-33, Mat. 25:46, TNM; Ebr. 5:9).

15. ¿Néchani arhikuekaxapi Pablu enga uandapka “eskaksï iáminduecha tsíntaa[ka] Kristuni jimbo”?

 ¹⁵ ¿Ambe arhikuekasïreni Pablu enga uandapka “eskaksï iáminduecha tsíntaa[ka] Kristuni jimbo”? (1 Kor. 15:22). Pablu karakuaspti Korintu anapu kristianuechani engaksï erakukatepka ka engaksï auandarhu tsíntapiringa. Imechaksï jindeespti engaksï “pímbinhajkutskateka Kristuni Jesusini jimbo ka erakukatenksï para pímbinhasïni”. Pablu ístu uandaaspti imechani engaksï “Kristuni jakajkuparini uarhikia” (1 Kor. 1:2; 15:18; 2 Kor. 5:17). Máteru libru jimbo Bibliaeri, Pablu karaspti: “Engachi jucha májku jásï jatsinhantaka Kristuni jingoni terukukuntsparini imeri uarhikua jingoni, ístuchi májkuentstini jauaka imeri tsíntskuarhu” (Rom. 6:3-5). Jesusi tsíntasti komueska espiritu ma ka auandarhu níntasti ka májkueni ambeksï erokuarhisïndi imecha engaksï jindeeka erakukatecha.

16. ¿Ambe arhikuekaxapi Pablu enga arhipka Jesusini, ima enga “uénaka”?

¹⁶ Pablu karaspti eska Kristu jindeeska enga “uéna[ka] tsíntani ka eska iámindu imecha engaksï uarhikia”. Ju je miáni eskaksï jarhaspka máteruecha engaksï tsíntapka ixú echerirhu komueska Lasaru, joperu Jesusi jindeespti enga uénaka tsíntani komueska espiritu ma ka enga intsïnhaka tsípikua para méntkisï. Jindeespti komu ima ambe engaksï israelitecha orheta pʼikuntenga paraksï Jeobani kéjtsïtakuni. Enga Pablu ísï arhipka Jesusini, enga “uénaka”, xarhataxapti eskaksï japiringa máteruecha engaksï tsíntapiringa paraksï auandarhu nirani. Sánderu orhepani apostulicha ka ístu máteru kristianu erakukatecha tsíntapirindiksï, para ísï eska Jesusi auandarhuksï nirani irekani.

17. ¿Kánksï tsíntapirini auandarhu apostulicha ka máteru kristianu erakukatecha?

¹⁷ Enga Pablu karakuapka Korintu anapuechani, nótki uénasïrendi úkuarhini tsíntskua para kristianuecha engaksï erakukateka paraksï auandarhu nirani irekani. Xarhataspti eska sánderu orhepani úkuarhipiringa i ambe. Pablu uandaspti eska Kristu uénapiringa tsíntani, ka tátsekua imecha engaksï Kristuerika, jiáni enga Jesusi juramuni jauakia auandarhu (1 Kor. 15:23; 1 Tes. 4:15, 16). Eskachi na exejka, apostulicha ka máteru erakukatecha jatsisptiksï para erokuarhini asta jimajkani enga Jesusi juramuni japiringuia auandarhu paraksï úni auandarhu nirani ka ‘májkuentstini jarhani imeri tsíntskuarhu’. Iásïchi irekaxaka indeni jurhiatikuecha jimbo enga Biblia arhijka eska Jesusi juramuxakaia auandarhu.

18. a) ¿Andichisï míti eska enga na úkuarhiakia tsíntskua auandarhu eska jauaka máteru tsíntskua? b) Eska na arhijka 1 Korintu 15:24-26, ¿ambe úkuarhia auandarhu?

¹⁸ ¿Ambe úkuarhia imani kristianuecha jingoni engaksï no méni jurajkuka Jeobani peru engaksï no jatsika erokuarhikua paraksï auandarhu nirani? Imajtuksï erokuarhixati tsíntskuani. Míteskachi i ambe jimboka Biblia uandasïnga eska Pablu ka máteruecha engaksï auandarhu niuaka erokuarhixaptiksï para tsítanhantani “uénani anapu tsíntskuarhu” (Jaŋ. 20:6). ¿A no eska i ambe xarhatajka eska japiringa máteru tsíntskua sánderu orhepani? I ambe sési terukuntapirindi imani ambe jingoni enga Jobu uandapka eska úkuarhipiringa sánderu orhepani (Job 14:15). “Engaksï Kristuerika”, Jesusi jingonksï jauati auandarhu jiáni enga ima kʼamajkuauaka “juramutichani ka iámindu imechani engaksï kánikua uinhapikua ka juramukua jatsika”. Jimajkani, “últimu ikiatspiti enga andanhaaka jindeati uarhikua”. Xarharasïndi jiájkani eska imecha engaksï auandarhu tsíntaaka nóksï méni uarhiaka. ¿Ambe úkuarhia imecha jingoni engaksï ixú irekaaka Echerirhu? (Arhinta je 1 Korintu 15:24-26).

19. ¿Ambe erokuarhikuaksï jatsiski imecha engaksï erokani jaka irekani Echerirhu?

¹⁹ Imecha engaksï erokani jaka irekani Echerirhu uátiksï májkueni uandani eska Pablu: “Mintsikaxaka [...] eskaksï tsíntaaka uarhiricha imecha engaksï ambarhatika, ka ístu imecha engaksï malueka [o engaksï no úka míteni Jeobani]” (Uku. 24:15). Auandarhu, no ma uáti jarhani enga no míteka Jeobani, jimboksïsï i uandakuecha arhikuekajti tsíntskua enga úkuarhiaka sánderu orhepani Echerirhu.

20. ¿Nénaksïni uinhaperantaski míteni eska jauaka tsíntskua?

²⁰ Seguruchi jarhaska eskaksï “tsíntaaka uarhiricha”. Imecha engaksï tsíntaaka Echerirhu jatsiatiksï sésikua paraksï úni irekani para méntkisï. Uákachi sési jimbo mintsikani ini aiatsperakuani. Engachi uarhiranchaka nemani sésijtsïni pʼikuastasïndi míteni eskaksï tsíntaaka jiáni enga tata Jesukristu ka erakukatecha juramuni jauaka “mili uéxurhini” (Jaŋ. 20:6). Ístuchi uáka mintsikani eskachi tsítanhantaaka engachi niáraska uarhini antede Jesusi uénani juramuni mili uéxurhini. Juchari erokuarhikua “no méni kʼuratsekueni uéraa[ti]”. I erokuarhikuajtsïni uinhaperantasïndi iásï ka jarhuatasïndijtsïni parachi tsípikua jingoni marhuakuni Tata Diosïni (Rom. 5:5). Máteru jorhenguarhikua jimbo, exeakachi ambechi uá útasï jorhenguarhini 1 Korintu kapitulu 15 jimbo.