1-2. Sooq kristumiut tamarmik qilam­mut makititaaneq soqutigis­savaat?

MAAN­NAK­KUT Jehovamut kif­far­tor­tut amerlanersaat nunarsuarmi naas­saan­ngitsumik inuunis­samik neriugisaqar­put. Kristumiul­li tanitat kingulerut­tut qilam­mut makititaanis­sar­tik neriuutigaat. Tanitat taak­ku siunis­sar­tik qanoq is­sasoq paaserusungaar­paat. Nunarsuarmili inuunis­samik neriugisal­lit sooq taman­na aam­ma soqutigis­savaat? Qilam­mut makititaaneq nunarsuarmi naas­saan­ngitsumik inuunis­samik neriugisalin­nut aam­ma pil­luaq­qus­sutaangaas­saaq, taman­nalu sam­mis­savar­put. Tas­sa qanorluun­niit neriugisaqaraluarut­ta qilam­mut makititaaneq soqutigisariaqar­par­put.

² Kristumiut siuliit nalaan­ni Jiisusip ajoqersugaasa ilaasa Guutimit isumas­sarsisin­neqarlutik qilaliar­nis­samik neriuut al­laatigaat. Apustili Johan­nesi ima al­lap­poq: “Maan­na Guutip qitor­naraatigut, sulilu saq­qum­mersin­neqan­ngilaq qanoq iliumaar­tugut. Ilisimavar­pul­li taan­na saq­qum­mersin­neqar­pat taas­sumatut iliumaarluta.” (1 Joh 3:2) Tas­sa kristumiut tanitat qilam­mut anersaatut makititaagunik qanoq it­tun­ngorumaarlutik naluaat. Nalun­ngilaal­li akis­sarsisin­neqarunik Jehova takujumaarlugu. Qilam­mut makititaaneq tamak­kiisumik Biibilimi al­laatigineqan­ngilaq, apustilili Paulusi paasis­sutis­siivoq. Kristusip ‘pis­saaneq pigin­naatitaanerlu nakuus­suserlu tamaasa suujun­naarsip­pagit’ tanitat  qilam­miis­sap­put. “Akeq­qani kingul­lersaal­luni toqu” aam­ma suujun­naarsin­neqas­saaq. Naggataatigul­lu Jiisusip – kun­ngioqatimilu – naalal­luni pis­saanini Jehovamut tun­niutis­savaa. (1 Kor 15:24-28) Pis­sanganas­susia! *

3. Korinthimiunut al­lak­kat siul­liit 15:30-32 ersersin­neqar­tutut Paulusip makititaanis­samik neriuutini sunis­saminut iluaqutigaa?

³ Paulusi makititaaneq up­perigamiuk as­sigiin­ngitsunik an­nikil­liuuteqar­nermini piner­tusaarsin­naavoq. (1 Korinthimiut 15:30-32 atuakkit). Korinthimiut ima al­laf­figai: “Ul­lut tamaasa toqusar­punga.” Aam­ma al­lap­poq ‘Efesosimi nersutinut nujuar­tanut akiuus­simal­luni’. Im­maqa Efesosimi isigin­naar­titsisarfim­mi uumasunik akiuisimanini pivaa. (2 Kor 1:8; 4:10; 11:23) Im­maqaluun­niit juutit al­lal­lu ‘nersutitut nujuar­tatut’ il­lutik akerlilersuisut pivai. (ApS 19:26-34; 1 Kor 16:9) Qanorluun­niit nalaataqar­tarsimagaluaruni Paulusip navianar­torsiungaar­tarsimagaluarluni siunis­sani isumal­luarfigaa. – 2 Kor 4:16-18.

4. Ul­lumik­kut kristumiut makititaanis­samik neriuut qanoq nakus­satsis­sutigaat? (Saq­qaani as­siliaq takuuk).

⁴ Pif­fis­sami navianar­torsiorfiusumi inuuvugut. Qatan­ngutit­ta ilaat pinerlut­tuliorfigineqarsimap­put. Al­lat sorsuf­fiusumi toq­qis­sisimanarfiun­ngitsumilu inuup­put. Al­lal­lu nunani oqaluus­sinitsin­nik kil­lilersuif­fiusuni iner­teq­qutaaf­fiusuniluun­niit – par­naarus­saariaan­naal­lutik toqutaariaan­naal­lutil­luun­niit – Jehovamut kif­far­tor­put. Taak­ku tamarmik Jehovamut kif­far­tor­nermin­ni aalajaat­tuar­put uagutsin­nul­lu maligas­saal­luarlutik. Toq­qis­sisimap­put nalun­ngin­namik­ku maan­nak­kut toqus­sagaluarunik Jehovap pitsaanerungaar­tumik siunis­saqar­tik­kaatik.

5. Isigin­nit­taaseq navianar­toq suna makititaanis­samik up­perun­naariar­tulis­sutigisin­naavar­put?

⁵ Paulusip qatan­ngutit mianersoq­quai inuit ilaat ima navianar­tumik isigin­nit­taaseqarmata: “Toqusut makis­san­ngip­pata, taava neril­lutalu er­ngutiin­nar­niar­ta, aqagu toqus­sagat­ta!” Paulusi inun­ngun­ngik­kal­larmal­li taama isigin­nit­taaseqar­toqarsimavoq. Im­maqa Israelik­kut isigin­nit­taasiat Esaja 22:13-imi al­las­simasoq Paulusip is­suar­paa. Guutimut qanil­linis­sar­tik soqutiginagu inuul­luataarusuin­nar­put. Israelik­kut taak­ku isumaqar­put inuuneq taan­naan­naam­mat atorluar­niaan­nar­tariaqar­toq – isuma taman­na aam­ma ul­lumik­kut nalingin­naavoq. Israelik­kul­li taamatut isigin­nit­taaseqar­nerisa kingunipiluat Biibilimi al­laatigineqar­poq. – 2 Nal 36:15-20.

6. Makititaanis­samik neriuut ikin­ngutis­sarsior­nitsin­ni qanoq sun­niuteqar­tariaqar­pa?

⁶ Toqusunik makititsinis­samik neriuut pingaar­tik­katsigu eq­qumaf­figis­savar­put kik­kut ikin­ngutis­satut toq­qas­sanerlugit. Qatan­ngutit Korinthimiut makititaanis­samik up­perin­ningitsunik taamanik­kut peqateqar­naveersaar­tariaqarsimap­put. Ul­lumik­kut uagut taak­ku ilin­niarfigisin­naavavut. Siunis­sami qanoq pisoqar­nis­saanik isumakuluutigin­nin­ngitsunik nuan­naar­niutinil­lu pingaar­titsival­laar­tunik ikin­nguteqarut­ta uagutsin­nut ajor­tumik sun­niuteqas­saaq. Inuit taama it­tut kristumiup peqatigival­laar­tarunigit isigin­nit­taatsimigut inooriaatsimigul­lu ajoqutigisin­naavaa – al­laat ajor­tuliorluni Guutip uumigisaatut inooriaaseqalersin­naavoq. Taamaat­tumik Paulusi ima oqaaq­qis­saarivoq: “Pimoorul­lugu silat­tor­niaritsi ajor­tuliorun­naarlusilu!” – 1 Kor 15:33, 34.

7. Korinthimiunut al­lak­kat siul­liit 15:35-38 al­las­simasutut makititaanis­saq pil­lugu qanoq aperisoqarsin­naava?

⁷ 1 Korinthimiut 15:35-38 atuakkit. Makititaanis­saq pil­lugu qulalersitsiniar­toq im­maqa ima aperis­saaq: “Qanoq ilil­lutik toqusut makis­sap­pat?” Pitsaas­saaq Paulusip tamatumun­nga akis­sutaa sam­migutsigu, inup­pas­suim­mi toqup kingor­na qanoq pisoqar­tar­nera pil­lugu as­sigiin­ngitsunik up­perisaqar­put. Taman­nali pil­lugu Biibilimi qanoq ajoqersuuteqar­pa?

8. Qilam­mut makititaaneq paasiumal­lugu as­sersuusiaq suna iluaqutigisin­naavar­put?

⁸ Toqusup timaa asiusar­poq. Qilam­mil­li nunarsuarmil­lu Pin­ngor­titsisup inuk toqusimasoq makitis­sin­naavaa pisariaqar­toq naaper­torlugu timilerlugu. (1 Mos 1:1; 2:7) Paulusip as­sersuusiorluni ersersip­paa Guutip makititani al­lamik timilersin­naagaa. ‘Naatsiias­saq’ is­sumut ik­kun­neqaraangami naajar­tuler­tar­poq. Naajar­tor­toq ik­kus­samit al­laanerul­luin­nar­tar­poq. Paulusip as­sersuusiaq taman­na atorlugu ersersip­paa Pin­ngor­titsiser­put ‘piumasani malil­lugu timiliisin­naasoq’.

9. Korinthimiunut al­lak­kat siul­liit 15:39-41 timit as­sigiin­ngis­susii pil­lugit qanoq al­las­simasoqar­pa?

⁹ 1 Korinthimiut 15:39-41 atuakkit. Pin­ngor­titat as­sigiin­ngitsorujus­suunerat Paulusip eq­qaavaa. As­sersuutigalugu nersutit, tim­mis­sat aalisak­kal­lu as­sigiingitsunik timeqar­put. Aam­ma al­lap­poq seqineq qaam­mal­lu as­sigiin­ngitsuusut “ul­loris­sal­lu tamarmik im­mik­kut as­sigiin­ngitsumik” qin­ngor­neqar­tut. Taamaan­nera isaan­natsin­nik takusin­naan­ngik­kaluarip­put ilisimatuut paasisimavaat ul­loris­sat as­sigiin­ngitsuusut. Ilaat angisuujup­put, ilaat mikinerusut, ilaat aap­palaar­tuup­put, ilaat qaqor­tut al­lal­lu seqinitsitut sungaar­tuul­lutik. Paulusi aam­ma al­lap­poq ‘timeqar­toq qilam­miit­tunik timeqar­torlu nunamiit­tunik’. Taman­na qanoq isumaqar­pa? Nunarsuarmiit­tuusugut uiniusumik  timeqar­pugut, qilam­miit­tul­li soorlu in­ngilit anersaajusumik timeqar­put.

10. Qilaliar­tut qanoq it­tunik timeqar­pat?

¹⁰ Paulusip tul­liul­lugu al­latai malugik­kit: “Taamaap­por­taaq toqusut makin­nis­saat: Ilineqar­poq aserujasoq, makis­saaq aserujuitsoq.” Soorunami toqungasup timaa asiusar­poq is­sun­ngorlunilu. (1 Mos 3:19) Taavami qanoq ‘aserujuitsumik’ timeqarluni makit­toqarsin­naava? Tamatumani Paulusip pin­ngilaa inuk nunarsuarmut makititaasoq, soorlu inuit Eliamit, Elisamit Jiisusimil­lu makitin­neqar­tut. Pivaali inuk qilaliar­toq, tas­sa ‘timeqar­toq anersaap pianik’. – 1 Kor 15:42-44.

11-12. Jiisusi makititaagami qanoq it­tumik timeqaler­pa, tanital­lu makititaagunik qanoq it­tumik timeqas­sap­pat?

¹¹ Jiisusi nunarsuarmiin­nermini uiniusumik timeqar­poq, makititaagamili “anersaan­ngor­poq uumas­suseqalersitsisoq” qilam­mul­lu uterluni. Taamatut­taaq tanitat anersaatut makititaap­put. Paulusi ima nas­suiaavoq: “Soorlu inuup nunamiit­tup as­singa uatsin­niis­simasoq, taamatut aam­ma qilam­miit­tup as­singa uatsin­niis­saaq.” – 1 Kor 15:45-49.

¹² Pingaaruteqar­poq malugis­sal­lugu Jiisusi inut­tut timeqarluni makititaan­ngitsoq. Paulusip makititaaneq pil­lugu eq­qar­tuinermi naggataatungaani ima al­lap­poq: “Uin­ngup aal­lu Guutip naalagaaf­fia [qilam­mi] kingor­nus­sarsiarisin­naan­ngilaat.” (1 Kor 15:50) Apustilit tanital­lu al­lat qilam­mut makititaagunik uiniusumik aam­mil­lu aserujasumik timeqas­san­ngil­lat. Qaqugu makititaas­sap­pat? Paulusip erseq­qis­sar­paa makititaaneq taamani suli pin­ngitsoq, tas­sa taamanik­kut toqusut ingerlaan­naq makititaan­ngil­lat. Paulusip Korinthimiunut al­lak­kat siul­liit al­lam­magit ajoqersuk­kat ilaat toqumi ‘sinip­paalereersimap­put’, ilaatigut apustili Jaaku. (ApS 12:1, 2) Apustilit tanital­lu al­lat toqumi ‘sinip­paarumaar­put’. – 1 Kor 15:6.

13. Jiisusip najuun­nerani susoqas­sava?

¹³ Jiisusip Paulusil­lu marluul­lutik eq­qaavaat oqalut­tuarisaanermi pif­fis­saq im­mik­kut it­toq – tas­sa Kristusip najuun­nera. Najuun­nerata nalunaaqutigis­savai sorsun­nerit, nunap sajut­tar­nera, nap­paas­suit nunarsuarlu tamak­kerlugu pisar­tut al­lat. Siulit­tuut taman­na 1914-imi eq­quul­luni aal­lar­tip­poq. Nalunaaqutil­li suli al­lamik pingaarutilim­mik ilaqar­put. Jiisusi oqar­poq Guutip naalagaaf­fiata pilersin­neqar­nera pil­lugu nutaarsias­saq nuan­nersoq oqaluus­sis­sutigineqas­sasoq “silarsuarmi tamarmi ... inuian­nut tamanut nalujun­naarsil­lugu”. (Matt 24:3, 7-14) Paulusi al­lap­poq pif­fis­sami tamatumani, ‘Naalak­kap tikiun­nis­saani’, kristumiut tanitat toqumi ‘sinip­paar­tut’ makik­kumaar­tut. – 1 Th 4:14-16; 1 Kor 15:23.

14. Tanitat Kristusip najuun­nerani toqusut suna misigis­savaat?

¹⁴ Tanitat nalitsin­ni nunarsuarmi inuunermin­nik naam­mas­sin­nit­tut ingerlaan­naq qilaliar­tin­neqas­sap­put. Taman­na up­per­narsar­neqar­poq Korinthimiunut al­lak­kat siul­liit 15:51, 52-imilu: “Imaan­ngilaq tamat­ta sinip­paas­sasugut, imaap­porli tamat­ta al­lan­ngor­titaas­sasugut imaalial­laan­naq, uisorer­nerin­naq, qarlor­taas­suaq kingul­lermeerluni tutsiup­pat.” Paulusip oqaasii taak­ku maan­nak­kut eq­quus­sor­put! Kristusip qatan­ngutai makititaagunik nuan­naangaas­sap­put ‘Naalagaq najor­tuin­nalis­sagamik­ku’. – 1 Th 4:17.

15. “Imaalial­laan­naq” al­lan­ngor­titaasut suleris­sap­pat?

¹⁵ “Imaalial­laan­naq” al­lan­ngor­titaasut, tas­sa qilaliar­titaasut, suleris­sanersut Biibilimi oqalut­tuarineqar­poq. Jiisusip ima oqarfigai: “Ajugaasoq aalajaal­lunilu ilis­sin­nut suliareq­qusan­nik  naggatis­saq tikil­lugu isumagin­nit­toq taan­na inuiaqatigiin­nut naalagaas­suseqar­tik­kumaar­para. Taas­suma kun­ngisut tigumiani saviminiusoq atorlugu paaris­savai, im­mersak­katut marraasutut sequmisis­sal­lugit, soorlu taamaalior­nis­samut ataatama pigin­naaneqar­tik­kaanga.” (Saqq 2:26-28) Jiisusitut iliorlutik kun­ngisut tigumiaq saviminiusoq atorlugu inuiaqatigiin­nik paarsis­sap­put. – Saqq 19:11-15.

16. Inup­pas­suit toqu qanoq ajugaaf­figis­savaat?

¹⁶ Erseq­qip­poq tanitat toqu ajugaaf­figis­sagaat. (1 Kor 15:54-57) Makititaasimagamik sorsun­nis­sami Harmagedonimi nunarsuaq tamak­kerlugu ajus­sutsimik suujun­naarsitseqataasin­naap­put. Kristumiut mil­lionilik­kuutaat “an­nikil­lior­titaangaar­nermit aniguisimasut” paratiisimiilis­sap­put. (Saqq 7:14) Nunarsuarmi aniguisut takus­savaat toqup ajugaaf­figineqar­nera al­la – tas­sa sior­natigut toqusimasut mil­liardilik­kuutaat makititaanerat. Nuan­nerunangaas­susia! (ApS 24:15) Jehovamut ilumoorfigin­nit­tuarsimasut tamarmik aam­ma toqu kingor­nut­tagaq ajugaaf­figis­savaat. Naas­saangitsumik inuusin­naalis­sap­put.

17. Korinthimiunut al­lak­kat siul­liit 15:58 naaper­torlugu maan­nak­kut sus­saagut?

¹⁷ Kristumiut maan­na inuusut tamarmik makititaaneq pil­lugu Paulusip Korinthimiunut al­latai tup­pal­ler­nar­tut qujamasuutigisariaqar­paat. Paulusip kajumis­saarutaata matuma naalan­nis­saanut pis­sutis­saqarluar­pugut: “Tamaviaarlusi Naalagaq kif­far­tuus­siuk.” (1 Korinthimiut 15:58 atuaruk). Ilumoorfigin­nil­luta sapin­ngisatsin­nil­lu kif­far­torut­ta nuan­ningaar­tumik siunis­saqas­saagut. Siunis­saq taman­na maan­na takorloorsin­naasatsin­nit nuan­ner­nerungaas­saaq. Taamanik­kus­samut nalus­san­ngilar­put Naalak­kamut tun­ngatil­lugu suliar­put asuliin­naan­ngitsoq.