Awwa, ka ho Baebeleng kela ga dilo tsa botala, a go na ho go šupetsang gore ke mo go makega dilo tsa mohlobo wowa.

Ka mokgo temanyana yowa yi balegang ka gona ga Dibaebele tsa go tlala, go makiye gore ba bangwana ba tseye gore ka nakwela ya Pawulo, ne ba di maka tsotsone tsa go kolobetsa motho ka meetši ba re ba makela bo ba kgwileng. Mo re beyisa, ye nngwana yi re: “Mo nkare bo ba kgwileng ba ka sa tsoge, go nyoko makega ying ka bo ba kolobetsiwang ba re ba makela bo ba kgwileng?”—New International Version.

Mara, lebelela tso di hlayyeng ke ba go tšhuta ka tsa Baebele ka babedi. Dr. Gregory Lockwood o yitseri ka mokgo re tšibang, taba yowa ya gore go kolobetsiwa ke mo ba go “makela batho ba gore ba kgwile” gabutšibutši ke “mohlobo wa kolobetso ya gore a go na mo go bolabodiwang ka yona ga dilo tsa botala kela ka Baebeleng.” Le Phrofesa Gordon D. Fee o ngwadiye gore: “A go na dilo tsa botala kela tsa ka Baebeleng tso di šupetsang gore go na le kolobetso ya mohlobo wonowa. Gabutšibutši N[ew] T[estament] a yi bolabole le ka gonyana ka taba yowa; a go na kereke le ka yyoši yo ne yi di maka fote a di šiyo le ga batho ba nakwela go sa tšwa go thoma Sekreste, le mong ga mengwaga ya go tlalanyana ka nthago ga hone.”

Baebele yi re ke mo di nyaka gore bo ba latelelang Jeso ba “make batho ba ditšhaba ka mokana ga tsona gore go be malata, ba ba kolobetse . . . , ba ba tšhutise go latelela dilo ka mokana ga tsona” tso a di hlayyeng. (Mat. 28:19, 20) Mo motho a soko ba lelata la gore le kolobetsiwwe, ke mo di nyaka gore a tšhute, a tshepe le go boya a ro maka tso di hlayang ke Jehova le Morwayi Wage. Motho wa gore ke mo a šele a kgwile fote ba šele ba mmeyye le ku dilahlong, ke mo a ka sa di kgone go maka tsotsone; fote le Mokreste wa gore wa phela a ka sa di kgone go mo makela tsona.—Mmo. 9:5, 10; Joh. 4:1; 1 Makor. 1:14-16.

Byalo Pawulo ke mo a ra gore king mara?

Makorente ya mangwana ke mo ma sa yi tshepe taba yowa ya gore bo ba hlokofeleng ba nyoko tsoga. (1 Makor. 15:12) Mara Pawulo o yye a ba wolola ga taba yone. O hlayye gore ‘ke mo a nkgela ke likgu ka moka matšatši.’ Ke nnete gore ke mo a sa phela. Mara le mo a ghulanne le tsa gore di ka mo kwaletsa, ke mo a tshepa gore le mo a ka kgwa, o ko tsusiweng go le motho wa moya, go fo tshwana le ka mokgo Jeso a tsusiwweng ka gona.—1 Makor. 15:30-32, 42-44.

Ke mo di nyaka gore Makorente ma di tšibe gore mo ma le Makreste ya gore ma tlotsiwwe, ma nyoko dula ma gahlana le tsa go ma phiriketsa, fote ne di nyaka gore ma thomise ma kgwe gore ma thogo tsusiwa. Go “kolobetsela ga Kreste Jeso” ke mo go rela go “kolobetsiwa likgung lage.” (Mrm. 6:3) Mohlobo wowa wa go kolobetsiwa ka mokgwa wa go fo tshwanisela ke mo wo nyoko maka gore go šinye go segela le ho ba nyoko kgwang tsa mannete ke mokane ba thogo tsusiwa gore ba ye phela legedimong.

Mo go šele go fitiye gana hala ga mabedi ya mengwaga Jeso a kolobetsiwwe ka meetšing, o butsiye mapostola yage ka mabedi, a re: “Le nyoko kolobetsiwa ka mohlobo wa kolobetso yo ke kolobetsiwang ka yona.” (Mar. 10:38, 39) Ka nako yonone Jeso ke mo a soko bane a kolobetsiwa ka meetšing. Ke mo a rela gore mo a ya mahlong a kene a tshepegela Modimo, nnete o nyoko feleletsa a kgwile. Pawulo o ngwadiye gore bo ba go tlotsiwa ba nyoko “hlupegisiwa ggoši gore [ba thogo] gadimisiwa ggoši.” (Mrm. 8:16, 17; 2 Makor. 4:17) Byalo, le bona ne di nyaka ba kgwa gore ba thogo tsusiwa ke mokane ba phele legedimong.

Nnete ke gore, mo re šele re beya mantsu ya Pawulo gabutši re ka re: “Mo nkare bo ba kgwileng ba ka sa tsusiwi, byalo ke ntaba ba kolobetsela likgu? Mo nkare bo ba kgwileng ba ka sa ro tsoga, ke ntaba ba kolobetsiwa ka mokgonone?”