Versimi pineqar­tumi taman­na pineqan­ngilaq. Al­laatigineqar­porli inuk orlusaqat­taar­tutul­lusooq il­luni ajor­nar­torsiuteqangaar­taraluarluni piner­tusaar­toq.

Versip siulia tul­lialu maluginiak­kit: “Iluan­ngitsuliorlutit iluar­tup il­luanut terlinganeerinias­san­ngilatit, inigisaalu nakuuserfigis­san­ngilat. Iluartoq arfineq-marloriarluni orlusin­naasaraluarpoq nikueq­qit­tar­lunili, iluan­ngitsulli naak­kiullutillu orlusus­saapput ajunaassallutillu. Tul­luusimaar­niaqinak akeq­qat orlup­pat, uum­mativit qiim­mat­taatigis­san­ngilaa naak­kiup­pat.” – Uss 24:15-17.

Inuit ilaat isumaqar­put versi 16-imi pineqar­toq tas­saasoq inuk ajor­tulior­taraluarluni Guutimit isumak­keerfigineqar­tar­toq. Up­perisarsior­nik­kut siut­tuusut tuluit marluk al­lap­put itsaq nalitsin­nilu palasit versi taan­na taamatut nas­suiar­tarsimagaat. Aam­ma al­lap­put taamatut nas­suiar­neqas­sap­pat isumaqas­sagaluar­toq “inuk ajun­ngitsoq ... ingasat­tumik ajor­tulior­tarsin­naasoq, Guutili asajuaan­naraa ajor­tulianilu tamatigut peq­qis­simis­sutigisaramigit nikueq­qit­tar­toq”. Isuma taman­na ajor­tulior­tarun­naarusun­ngitsup iluaris­sagaluar­paa. Im­maqa eq­qarsas­saaq ajor­tulioqat­taar­taraluarluni Guutimit isumak­keerfigineqar­tuaan­nas­sal­luni.

Versil­li 16-ip isumavia taamaan­ngilaq.

Versi 16-imi aam­ma 17-imi hebræerit oqaasiat ‘orluvoq’-mik nutser­neqar­toq as­sigiingitsunik isumaqarsin­naavoq. As­sersuutigalugu us­sim­mut orlusumut, inum­mut il­lup qaavaniit nak­kar­tumut imaluun­niit ujaq­qamut nunamut nak­kar­tumut tun­ngatil­lugu ator­neqar­tar­poq. (5 Mos 22:4, 8; Am 9:9) Oqaaseq taman­na aam­ma as­sersuutaasumik ator­neqarsin­naavoq, soorlu ima: “Naalak­kamit ingerlatin­neqar­tar­put angutip al­lorar­neri, nakus­satsit­tar­paa nuan­naarutigisarlugulu inuuserisaa. Naak­kaluaruni orluis­san­ngilaq Naalak­kap najum­mim­mani.” – Tuss 37:23, 24; Uss 11:5; 13:17; 17:20.

Profes­sori Edward H. Plumptre ima al­lap­poq: “Hebræerit oqaasiat [‘orluvoq’-mik] nutser­neqar­tar­toq ajor­tulior­nermut tun­ngatil­lugu ator­neqar­neq ajor­poq.” Ilisimatuul­lu al­lap versi 16 ima al­laatigaa: “Guutip in­nut­tai aniguiuaan­narmata taak­kunin­nga ajor­tumik pin­nin­nermi iluatsitsisoqarsin­naan­ngilaq – ajor­tul­li ajor­tumik pineqar­ner­tik ajunaarutigisar­paat!”

Erseq­qip­poq Us­satit 24:16-imi ajor­tulior­neq pineqan­ngitsoq pineqar­torli tas­saasoq al­laat im­maqa arlaleriarluni ajor­nar­torsior­neq imaluun­niit atugarlior­neq. Silarsuarmi ajor­tumi matumani naaper­tuil­luar­tuusoq ajor­nar­torsiorsin­naavoq peq­qiil­liorluniluun­niit. Al­laat naalak­kersuisunit malersor­neqangaarsin­naavoq. Tamak­kuli naam­magalugit ator­nis­saan­nut ingerlal­luar­nis­saminul­lu Guutimit ikior­neqar­nis­sani tatigisin­naavaa. Guutimut kif­far­tor­tut ingerlal­luar­tar­neran­nik ilisiman­nin­nerit eq­qarsaatigiuk. Sooq? Up­perinerulis­sagak­ku Jehovap ‘orlulersut tamaasa najum­misarai nakangasul­lu tamaasa makitit­tarai’. – Tuss 41:2-4; 145:14-19, tastamantitoĸaĸ.

‘Iluar­tup’ al­lat ajor­nar­torsior­nerat nuan­naarutigineq ajor­paa. Tup­pal­lersaatigisar­paali nalun­ngin­namiuk “Guutimik mianerin­nit­tut mianerin­nin­ner­tik pis­sutigalugu pil­luarlutik inuusin­naasut”. – Oqal 8:11-13; Job 31:3-6; Tuss 27:5, 6.