1. Tae-e sida ǀkhā a i ǁkhā ǂkhabuǂâida ga ra o?

MÂ TSĒS hoasa da ge ǃgomsina ra ǃkharuǃnâ tsîda ge ra dītsâ î da mâǃkharu. Xawe ǂkhabuǂâi da ga ra ǁaeb ai sida di ǃgomsina sîsenǂams ge kaise a ǃgom. ǁNā-amaga da ge ǂkhabuǂâisa ǃnari-ao i hîna sida di ǀgaib, ǁkhoaǂgaosib tsî ǂkhîba ra ǃnarib ase nî mû. ǂKhoamîdi 24:10 ge ra mî: “ǃOposasets ga ǂōǂōsib di tsēs ai ǁgauseno, ob ge ǀgaib âtsa ra toa.” ǁNā-amaga da ge ra ǂkhabuǂâi tsî da ge a ǃgombahe sida di ǃgomsina māǃkharusa.

2. Taena a ǃaroma ǁkhā î da ǂkhabuǂâi tsî tae-e da nē ǁkhāǁkhāǃâs ǃnâ nî ǃhoaǃgao?

² ǂGui xūn xa da ge a ǂkhabuǂâi kaihe ǁkhā. ǀNîna ǂganaga tsî ǀnîna ǃauga. Nēs ge ǀoasaoǃnâsib, ǂkhabusasib tsî ǀaeb mâsina ǃkhōǂga hâ. Tamas ka io da ge Jehovab ǃoabas ǃnâ da ǂhâba hâ ǁgaumâisa hō tama hâ. Tsî da ge ǀnîsi khoen ǃgâda tama hâ lokasi di ǃnâ ra aoǁnâ. ǂKhabuǂâi da ga ra o, o da nî dī xūna da ge nē ǁkhāǁkhāǃâs ǃnâ nî ǃhoaǃgao.

3. Sida di ǀoasaoǃnâsib xa da ga ǁgaise ga ra tsâ o i tae-e a huida ǁkhā?

³ Tsū xūn hîna da ge a dīn tsî sida xa ǁgaise tsâs tsîn ge kaise a supu. ǁNā-amaga da ge a ǂâi ǁkhā, tsū xūna da ra dīs ǃaromab ge Jehovaba paradais ǃnâ ǂgaoda tama hâ ti. Nēti i ǂâiǀgauba ūhâs ge kaise a ǃaoroxa. Mati i ǀgaub ǃnâda sida di dīsana nî mû? Jesub Xristuba ǂoa tsî i ge hoa khoena a “ǁore-ao.” (Rom. 3:23) Xawe Jehovab ge sida  tsūse ra dī xūn ǀguina kō tama hâ tsî ǀoasasiba ǃâubasen tama hâ. Xaweb ge a ǀnamxaǃnâ ǁgû huida ǂgaoraba. ǁÎb ge a ǃnūǃnâxa. ǁÎb ge a ǂan ǂkhabusasigu xa da a ǃgombahe ǃkhaisa. Tsîda ǃgâi xū-e dīs xa ǃgombahe tsî ǁgaise sida xa ra tsâsa. Tsîb ge ra huida ǂgao.—Rom. 7:18, 19.

4-5. 1 Johaneb 3:19, 20 sa tae-e ra mî hîna ge nē ǀgam ǃgâsa ra a hui-e ira tā ǂkhabuǂâi?

⁴ Deboras tsî Maria hâra di aiǁgausa kō re. * Kai khâis gere o, os ge Deborasa ǃgâi tama ǀgaub ǃnâ gere hâ ūhe. Nēs ge ǁîs xa ǁgaise ge re tsâ kaisi. ǁÎs ge kaise ǀorose gere koahe. Nēs xa ǃaromahe hâses ge ǁîsa ǃgâi tama ǀgaub ǃnâ gere mûsen. ǂKharixurohes gere dīsas tsînas ge xū tamase ge re tsâsen. Marias tsîn ge ǁkhā ǃgomsiba ge ūhâ i. ǁÎs ǀaokhoen ge gere taotaosi. Nēsxa ǃaromahe hâses ge ǁîsa xūose gere tsâ. ǁĀǁnâs khaoǃgâs ge ǁîsa nox gere ǂâi ǁîs Jehovab di ǀonsa tanisa anu tama hâ ti.

⁵ Nē ǀgam ǃgâsara ge Jehovaba ge ǃoaba ǀû tama hâ i. Tae i ǃaroma? ǁÎra ge Jehovab ǃoa gere ǀgore tsî ǁîba mati ra ra tsâ ǃkhaisa gere mîba. (Psa. 55:22) ǁÎra ge ge ǁkhāǁkhāsen ǁîra ǀnamxaǃnâ ǀhomsiǁgûb a ǂan ǃkhaisa ǃkharuǃnâda ge xūn sida di ǂâiǀgauba ra tsâǀkhā ǃkhaisa. Tsîda sida xa ǁgaise ra tsâsa tsîb ge sida ūhâ ǃgâi ǀgaugu tsîna ra mû sida ǃnâ da mû tama hâ ga.—Khomai re 1 Johaneb 3:19, 20 sa.

6. Khoe-e tae-e nî dī tsūxū-i hîna i ge ǀnai dī hâ-i e î ga ǁkhapa ga dī o?

⁶ ǀNî khoe-i ge ǀnîsi ǃgarise ra dītsâ i i ǁgai ǁnaetib hîna i ūhâ-e ǀû. Xawe i ge ǃnākorobe a dīsa ǁkhā tsî nēs xa ra ǂkhabuǂâi kaihe. Ama i ge tsū ǁore-e da ga dī o, o da ge ǁgaise ra tsâ. (2Kor 7:10) Xawe da ge tā kaise ǁgaise nî tsâ dīsa da ge xūn ǃgao tsî nî ǂâi ‘tita ge a xū o, Jehovab ge tātsē ǀûbate tide.’ Nē ǂâiǀgaub ge amab ai ǃgaoǃgaohe tama hâ tsî a dī ǁkhā î da Jehovaba ǃoaba ǀû. ǂKhoamîdi 24:10 ǃnâ da ra khomai xū-e ǂâi re. ǀGai o da ge nî ǂkhabuǂâida ga ra o. ǁNā-amaga ‘ǁnâi ǂhanuǂhanu’ Jehovab ǀkha ǁîb ǀkha ǀgores ǃnâ-ū ǃhoas ǃnâ tsî ǁîb ai ǀûbaba ǂgan re. (Jes. 1:18) Jehovab ga ama ǃhausen du ra ǃkhaisa a mû o, ob ge ǁîba nî ǀûba du. ǀHaohâb ǃûi-aogu ǀkhā ǃhoa re ǁîgu ge ǃnūǃnâxase nî hui du î du gagasise mā hō.—Jak. 5:14, 15.

7. Tae-i ǃaroma da tā nî ǂkhabuǂâi ǂhanu xū-e dīs xa da ga ra ǃgombahe o?

⁷ Fransi ǃnâ hâ ǀhaohâb ǃûi-aob Jan  Luki ge ǂkhabusasigu ǀkhā ǃgomsiba ūhâ khoen xa ra mî: “Jehovab mûǁae a ǂhanu-ai khoe-i ge ra dīsa, xawe i ge dīsa i go ǃkhais ǃgao ǀûbaba ra ǂgan.” (Rom. 7:21-26) ǁNā-amaga tā xū-o du a ti ǂâi re ǂkhabusasi i ǀkhā du ga ǃgomsiba ga ūhâ o. ǂÂis ǃnâ du ūhâ re hoada ra dīsa ǃkhais ǃaroma da ge, anu tama da hâ ǀkhomxaǂgaosib Jehovab tiba ǂhâ hâ xoremarib ǃnâ-ū.—Efe. 1:7; 1Jhn. 4:10.

8. ǂKhabuǂâi da ga ra o, o da ham-e ǃoa nî ī, î da hui-e?

⁸ Sida di ǃgâsana ǃoa da ge a ī ǁkhā, în ǂkhâǃnâ da. Sida ǀhaohâb ǃnâ hâ ǃgâsan ge nî ǂkhâǃnâ da. ǃHoa ǂgao da ga ra o, on ge ǁîna sida ǃgâ tsî nî ǂkhâǃnâ. (ǂKhm. 12:25; 1Tes. 5:14) Nigeriab ǃnâ hâ ǃgâsas Joy ti ǀon hâs ge ǃgôaǁnâsens ǃgomsiba ge ūhâ i. ǁÎs ge ra mî: “Ti ǃgâsan ōse nētsē mapa ta ga hâ hâ? Ti ǃgâsan ta māte ǂkhâǃnâs ge ra ǁgau, Jehovab ti ǀgorede ra ǁnâu-am ǃkhaisa. ǁÎna xū ta ge ge ǁkhāǁkhāsen mati ta nau khoena nî ǂkhâǃnâsa.” ǂÂis ǃnâ da ge nî ūhâ sida ǃgâsan ǀnîsi hoaǁae sida ǂkhâǃnâsa ǂhâ hâ ǃkhaisa ǂan tidesa. ǁNā-amaga da ge sida ǀkhaba sī-ū tsî sida ǃgâsan ǀkhā nî ǃhoa tsî ǁî-e nî mîba huiba da ǂhâ hâsa.

9. Psalmdi 41:3 tsî 94:19 tsîna mati ra ǂkhâǃnâ da?

⁹ Jehovaba ǃoa kō re ǂkhâǃnâs ǃgao. ǃGâise da ga tsâ tama ga ra io, tamas ka io da ga gaxuse ǀaesen o, o i ge kaise a ǃgom ǃgâise ǂâisa. Jehovab ge nēsi ǂgauǂgauda ǁoa, xaweb ge nî ǂkhâǃnâ da tsîb ge ǀgaiba nî māda î da sida mâsiba tani hō. (Khomai re Psalmdi 41:3; 94:19 sa.) Aiǁgauseb ge ǃgâsa-e a sîsen-ū ǁkhā i i huida. Omsa ǃanus tamas ka io, storsa ǃoa īs ǀkha. ǃGâsanab ge a ǂkhâǃnâ ǁkhā în sida ǀkhā ǀgore. Tamas ka iob ge a huida ǁkhā î da ǁkhaeǂgao da ra ǂâidi hîna da ge Elobmîs ǃnâ khomaide ǂâihō. Aiǁgause ǀoasa ûib, ǀaesen-i tsî tsū-i ose hâ ǀasa ǃhūbaib ǃnâ.—Rom. 15:4.

10. Isanga tae-i ǃaroma ge ǂkhabuǂâi tama hâ i ǁîb di ongeluki khaosi?

¹⁰ Isang hîna Nigeriab ǃnâ ra hâb ge ǃkhora kaibi ge ongeluki ǃnâ ge hâ-i. ǁÎb dokteri ge ge mîbabi ǁkhapab ǃgû tide ti. “Ti ǂgaob tsî ǂâidi ge khôaǂhūsa” tib ge ra mî. Ti ǀguib ge hâ toa? Hî-î. Tae-e ǁîba ge hui? “Ti taras tsî tita tsîn ge Elobmîsa ǁkhāǁkhāsen tsî ge ǀgore ǀû tama hâ-i,” tib ge ra mî. “Sîm ǀkhaegam ge gere ǃgôa. Nēs ge ǃâubasens hînam Elob ǀasa ǃhūbaib ǃnâ ûisa ge ǃkhōǂgā hâ-i.”

11. Cindisa māti ǂkhîba ge hō kaises ǀaesen hâ xawe?

¹¹ Cindis hîna Mexicob ǃnâ ra hâs ge ǁîs dokteri xa ge mîbahe ǁōba ǃaroma ǁkhā ǀaebas ge ge hōǃnâhe ti. Tae-es ge dī is nēsa tani ǁkhā? Tsēs hoasas ga ra ǀaeǃkhōhe ǃgû o, os ge nî aoǁnâ tis ge ge mîǁgui. Xoa tsîs ge ra mî: “Nēs ge ge huide î da nau khoen ai ti ǂâisa ǂnûi. Tsî tā ǃhôas, tsûb tsî mati ta ǁgaise ra tsâs ai ti ǂâisa ǂnûi. Nēti ta ge gere dī, dokteri tamas ka io verpleegsterdi ǀkha ta gere ǁgam o ta ge ǁîn familin xa gere dî. Tsî ta ge ǁnapaxu gere dî tae-i ǃaroman nēti kōse ǃgom sîsenne ra dīsa. Nēsa ta ga ra dī o ta ge, ge ǂan i tae-i ǁîna a ǃgâiba tsî ǁîn ǂgaoga nî tsâǀkhāsa. ǂGuin ge gere mî kaise i ge a ǀoro ǀaeǃkhōn ta khoen, ‘matisa?’ ti ra dî nîsa. Tsîn ge gere gangan te ǁaeta ge hâ-i ǃkhais ǃaroma. ǀNîn ge ǁîn di ǃgôadi tsîna ge māte. ǂAn ta ge ge i Jehovab nî huitesa î ta nē ǃgom ǁaeba  mâǃkharu. Xawe ta ge kaise gere buru matikō kai ǂkhîbab ge mātesa.”—ǂKhm. 15:15.

12-13. Matin ǀnîn ǀaesen hân tamas ka io kaira hâna nau khoena ge aoǁnâba tsî ǀamǂoasa ge tae-i?

¹² ǀAesen tamas ka io kaira hâ khoen ge a ǂkhabuǂâi ǁkhā. ǁÎn aoǁnâ sîsenni ǃnâ ǂkhaban hâ khami dī tama hâ amaga. Xawen ge ǀgauga ra hō aoǁnân nî ga. 37 Kurigas ge Laurel ti ǀon hâ ǃgâsas Amerikab ǃnâ ra hâsa ǀoms ǀkha nî huisi masins ǃnâ ge ǁgoe-i. ǁÎs ge kankers, ǃhôadi tsî khōb di ǀaegu tsîna ge ūhâ-i. Xawe nē ǃgom mâsigu ǁîs ge ūhâ-i gu ge ǁîsa aoǁnâ sîsen-e ge ǀû kai tama hâ-i. ǁÎs ge verpleegsterdi tsî ǁîsa ge hā gere ǀaeǃkhō khoena gere aoǁnâba. ǀAmǂoas? ǁÎs ge 17 khoen hîna ge ǁîsa gere ǀaeǃkhōna ge hui în Jehovab xa ǁkhāǁkhāsen. *

¹³ Richardi, Fransi ǃnâ hâ ǀhaohâb ǃûi-aob ge ǃgâi ǀapemāsa ūhâ. ǁNān hîna ǁîn omde xū īǁoa tsî nersing oman ai ra hâna ǃoa. “ǁÎna ta ge ge ǀapemā în ǂkhinina khoen nî mû ǃkhain ai ǁgui. ǃKharura khoen ge mû tsî nî dî tae-i asa. Nēs ge ǃgâi ǁgamde a ǃaroma ǁkhā. Nēs ge sida di ǃgâsan hîna omde xū a īǁoana ra ǂkhâǃnâ.” ǁNān hîna omde xū a īǁoan ge aoǁnâ sîsenni ǃnâ ǃâ ǁkhā, ǂkhanide xoas tsî telefona xū aoǁnâs ǃnâ.

14. Gao-aob Daviba tae-i di ǂoaǂamsa aiǁgausa ge ǁgauda?

¹⁴ ǂGui ǃaromadi ge ǀnîsi hâ Jehovab di ǃoabas ǃnâ da ǂkhabada hâ ǁgaumâide hō tamasa. Aiǁgause da ge ǀnîsi kaira, ǀaeb mâsigu tamas ka io ǀkhara ǃgomsina ūhâ. Nē mâsiga da ga ra ūhâ o, o da ge Gao-aob Davib di aiǁgausa xū a ǁkhāǁkhāsen ǁkhā. Davib ge kaise Elob tempela gere omǂgao, xaweb ge Jehovaba ǀkhara khoe-e ge ǁgaumâi. Davib ge ǂgui xaudi tsî silveri tsîna ge mā i i nē sîsene dīhe. David di aiǁgaus ge amase a ǂoaǂamsa.—2Sam. 7:12, 13; 1Kro. 29:1, 3-5.

15. Hugues di ǀôn hâ ǃgâsaba mati ge ǂkhabuǂâi ǀû?

¹⁵ Hugues di ǀon ǃgâsab hîna Fransi ǃnâ ra hâb ge ǀaeb mâsigu xa ǃaromahe hâse ge ǀhaohâb ǃûi-ao ǀû. Tsîb ge omsib gere dī ǂkhari xūrona ge dī ǁoa i. ǁÎb ge ra xoa: “Tsoatsoas ai ta ge kaise gere ǂkhabuǂâi tsî xū-o khami gere tsâ. Xawe ta ge ǁaeb ta ī khami ge mû ǂhâǂhâsa i asa i ta ti ǃnubusiga ūǃoa. Nēsa ta ge dī o ta ge Jehovab di ǃoabas ǃnâ ta a dī ǁkhā xūn ǃgao ǂkhîba  gere hō. ǀÛsen tama ta ge ge hâ i. Gideoni tsî ǁîb di 300 khoegu khami. Hoagu ge ge tsau hâ i. ǁÎgu khama ta ge ǃkhamsa nî dan.”—ǂHǂh. 8:4.

16. ǀHomǃgāna xu da tae-e ra ǁkhāǁkhāsen?

¹⁶ ǂGomǂgomsa ǀhomǃgān ge a ǃgâi aiǁgau. Aiǁgauseb ge Jehovaba ǀhomǃgāna ge sîsenū în Gao-aob Axaba gâre mû. ǀNî ǀhomǃgān ge tae-i nî dīhesa gere mî. Xaweb ge Eloba ǀgui ǀhomǃgāba ge mîba ǁîb ge mā ǀawemas ge nî sîsen ti. (1Gao. 22:19-22) Nau ǀhomǃgāga ǂkhabuǂâi tsî mî i gere ‘ti ǁaeba ta ge ge ǁore’ ti? Hî-î tātsē. ǀHomǃgān ge a ǃgamǃgamsenxa tsî hoa ǃgôasib Jehovaba ǃoa nî īsa ra ǂhâba.—ǂHǂh. 13:16-18; J.ǂHa. 19:10.

17. Mati da nî dī ǁgaise da ga ra tsâ o ǀnî ǁgaumâidi hîna da hō tama hâ di ǃgao?

¹⁷ ǂÂis ǃnâ da ge nî ūhâ kai aiǂhanub hîna da ūhâb ge Jehovab di ǀonsa tani tsî aoǁnâsa. ǁGaumâide da ge hō tsî a ǂoaǃnâ ǁkhā. Xawe ǁî i ge sida Jehovab ǀkhā a ǀō-aisasa ǁgau tama hâ. ǃGamǃgamsenxasiba da ga ra ūhâ o, o da ge Jehovab tsî sida di ǃgâsan ǃoa ai nî ǀnamǀnamsa. ǁNā-amaga Jehovaba ǀkhoma re îb huidu î du ǃgamǃgamsenxasiba ūhâ. Jehovaba ge re ǃoaba ǃgamǃgamsen hâ khoen Elobmîs ǃnâ hân ǃgâi aiǁgaudi xa ǂâi re. ǁKhā du a khami du māsenxase sadu ǃgâsana hui re.—Psa. 138:6; 1Pet. 5:5.

18-19. Mati du ǂkhîba sadu aoǁnâ sîsenni ǃnâ nî ūhâ khoen ga ǃgâ ǂgao tama i xawe?

¹⁸ Khoen ǃgâ du ǂgao tama hâ, tamas ka io ǀorose omdi-ai ra hâ ǃkhais ǃaroma du ra ǂkhabuǂâi? Nēti i mâsib ǃnâ du mati ǂkhîba nî ūhâ ǀgara? ǀNî xūn hîna du dī ǁkhān ge, “ aoǁnâ sîsenni ǃnâ du ǂkhîba nî ūhâ ǀgaub” ti hâ boksis ǃnâ hâ. Kaise i ge a ǂhâǂhâsa î du ǃgâi mûǂuiba aoǁnâ sîsenni xa ūhâ. Nēsa tae-e ra ǂâibasen?

¹⁹ Sadu ǂâisa aoǁnâ sîsenni tsî Elob ǀonsa ǂans ai mâi re. Jesub ge ǃgāsase ge mî ǀoro khoen ǁîba nî sao-ai ǃkhaisa. (Mat. 7:13, 14) Aoǁnâ sîsenni ǃnâ da ga ra hâ o, o da ge ǁnâ aiǂhanuba ūhâ Jehovab, Jesub tsî ǀhomǃgān ǀkhā sîsen ǀhaosa. (Mat. 28:19, 20; 1Kor. 3:9; J.ǂHa. 14:6, 7) Jehovab ge ǁîba ra ǃoaba ǂgao khoena ra ôa. (Jhn. 6:44) ǁNā-amaga i ga  khoe-e ǃgâ ǂgao tama ga ra i xawe i ge ǀnîsi ǀnî hâ ǃnāsi nî ǃgâ.

20. Jeremiab 20:8, 9 tsîna tae-e ra ǁkhāǁkhā da ǂkhabuǂâisa ǃkhamǃoasa?

²⁰ Kēbo-aob Jeremiaba xu da ge ǂguina a ǁkhāǁkhāsen ǁkhā. ǁÎb gere aoǁnâ ǂkharis ǃnâ gere hâ khoen ge kaise ge ǃgom ǃgâxa-i. Khoen ge “tsēs hoasa” ǁîba ǂnau tsî gere ǃkhō. (Khomai re Jeremiab 20:8, 9 sa.) ǀGui ǁaeb ge kaise ǂkhabuǂâi tsî gere aoǁnâ ǀû ǂgao. Xaweb ge ǀûsen tama ge i. Tae-i ǃaroma? ‘Mîs ǃKhūb dis’ ge Jeremiab ǃnâ ǀaes khami ge hâ-i tsîb ge ge ǃkhō oa ǁoa i. Sida tsîn ge Jeremiab khami nî ī Elobmîsa da ga tsēs hoasa ǁkhāǁkhāsen tsî ga ǂâiǃgâ o. Nēsa da ga dī o da ge sida aoǁnâ sîsenni ǃnâ kai ǂkhîba nî ūhâ tsî i ge ǂgui khoena nî ǃgâ da.—Jer. 15:16.

21. Mati da ǂkhabuǂâisa nî ǃkham dan tae-i ǀgui-i xas ga ǃaromahe xawe?

²¹ Deboras hîna da go ais ai go ro ǃhoaǃgaos ge ra mî: “ǁGâuab ge ǂkhabuǂâisa ra sîsen-ū sida khôaǁnâs ǃaroma.” Xawe Jehova Elob ge ǁGâuab xa a ǀgaisa. ǁNā-amaga du ga tae-i ǀgui i xa ga ra ǂkhabuǂâi xawe Jehovaba ǀkhoma re îb ǂkhâǃnâ du. ǁÎb ge sadu di ǀoasaoǃnâsib tsî ǂkhabusasigu tsîn ǀkha nî huidu. Sadu di ǀaegu ǃnâb ge nî ǂkhâǃnâ du. ǁÎb ge nî huidu î du sadu di ǁgaumâisa ǃamku ǀgaub ǃnâ mû. Tsîb ge nî huidu î du ǃgâi mûǂuiba sadu di aoǁnâ sîsenni xa ūhâ. Sadu di ǀnamxaǃnâ ǁGûba ǃoa du ǀgore re tsî sadu di ǃgomsina ǁîba mîba. ǁÎb di huib ǀkhā du ge ǂkhabuǂâisa nî ǃkhamǃoa.