IKIN­NGUTIGIL­LUAK­KAN­NIT qiim­maal­lan­nar­tumik al­lagarsigaangavit qanoq misigisar­pit? Ajoqersugaq kristumiu Timotheusi apustilimit Paulusimit al­lagarsivoq. Al­lagaq taan­na maan­na Timotheusimut al­lak­kat aap­paan­nik taaguuteqar­poq. Qular­nan­ngitsumik Timotheusi eq­qis­sisimasumut pil­luni ikin­ngum­mi asasami oqaasiinik atuar­nis­saminut pilerivoq. Timotheusi im­maqa eq­qarsar­poq: ‘Paulusi qanormita ip­pa? Uan­nut sulias­siis­sutigineqar­tumut qanoq isigin­nit­taaseqar­nis­sara pil­lugu siun­nersuutis­saqar­pa? Al­lagai oqaluus­sil­luar­nerunis­san­nut ilin­niar­titsil­luar­nerunis­san­nul­lu al­lanil­lu ikiuinis­san­nut iluaqutigisin­naavak­ka?’ Timotheusip al­lak­kani taak­kunani apeq­qutiminut akis­sutis­sarsisimanera pingaarutilin­nil­lu al­lanik paasisaqar­nera al­laaserisami matumani al­laatigineqas­sap­put. Maan­nali al­lak­kani taak­kunani siun­nersuutit iluaqutaal­luarsin­naasut pingaar­nersioriar­tigit.

Timotheusip al­lak­kat taak­ku atualeramigit ingerlaan­naq malugisin­naavaa Paulusip ilumut isumas­soraani. Paulusip Timotheusi ‘er­nerminik asasaminik’ taavaa. (2 Tim 1:2) Timotheusi ukiup 65-ip Kr.in.king. mis­saani al­lagarsigami utoq­qaaner­tatut kristumiutut misilit­tagaqarlualereer­poq. Ukiuni qulinit amerlanerusuni Paulusimik suleqateqarsimavoq ilik­kagar­pas­suaqarsimal­lunilu.

Timotheusi qiim­maal­langaarsimas­saaq paasil­lugu Paulusi an­nikil­lior­nermini aalajaatsoq. Paulusi Romami kalun­ner­nik qilersor­neqaq­qal­luni par­naarus­saaq­qavoq toqutaasus­saal­lunilu. (2 Tim 1:15, 16; 4:6-8) Timotheusip takusin­naavaa Paulusi sapiis­suseqar­toq, taan­na ima al­lam­mat: “Atuk­kak­ka tamaasa naam­magit­tarlunga ator­pak­ka.” (2 Tim 2:8-13) Timotheusip pisimaneratul­li uagut­taaq Paulusip piner­tusaar­nera nakus­satsis­sutigisin­naavar­put.

Paulusip Timotheusi kajumis­saar­paa Guutimut kif­far­tor­nermi im­minut sulias­siis­sutigineqar­tunik pingaar­titsil­luin­naq­qul­lugu. ‘Guutip tunis­sutaanik pigilik­kaminik ikualatitseq­quaa’. (2 Tim 1:6) Paulusip ‘tunis­sut’ pil­lugu al­lak­kami oqaaseq charisma ator­paa. Oqaatsimi grækerisuumi tamatumani tun­ngaviusumik pineqar­poq tunis­sut akeqan­ngitsoq pisas­sarin­ngisaraluarlu. Timotheusi tamatumin­nga tunis­sutisivoq ilagiin­ni im­mik­kut it­tumik kif­far­tor­tus­san­ngor­tin­neqarami. – 1 Tim 4:14.

 Timotheusip tunis­sut taman­na qanoq pisus­saavaa? Oqariar­taaseq ‘ikualasun­ngor­tiguk’ atuaramiuk inuit angerlarsimaf­fim­min­ni ikumatitarisar­tagaat ilaan­nik­kut aamaarusaagin­naler­tar­tut eq­qaasimasin­naavai. Taamatut aamaar­tut ikualaleq­qul­lugit kis­satseq­qul­lugil­lu aalater­neqar­tariaqar­tar­put. Oqaatsinik qinerlerfis­siami al­las­simavoq oqaluut grækerisooq Paulusip atugaa ‘ikum­maris­saaq­qin­nermik, uum­maris­saanermik’ isumaqar­toq, taamaat­tumil­lu suliaq pil­lugu angor­nior­nermik aal­lus­sil­luar­nermil­lu isumaqar­toq. Paulusip taamaalil­luni Timotheusi ima siun­nersor­paa: ‘Ilin­nut sulias­siis­sutigineqar­tumik aal­lus­sil­luarit!’ Ul­lumik­kut uagut­taaq kif­far­tor­nitsin­ni aal­lus­sil­luarluta sulisariaqar­pugut.

Paulusi Timotheusip kif­far­tor­nermini iluatsil­luar­nis­samut iluaqutis­saanik al­lamik al­lak­kamini eq­qaasaqar­poq. Ima al­lap­poq: “Erlin­nar­tuut pigiuminar­toq ilin­nut paarititaq nak­kutigis­savat Anersaak­kut Il­ler­nar­tuk­kut ilutsin­niit­tuk­kut.” (2 Tim 1:14) Erlin­nar­tuut Timotheusimut paaritin­neqar­toq taan­na suua? Versip tamatuma siuliani Paulusip ‘nalunaajaat peq­qis­sinar­toq’, sal­lusuis­sut Al­lak­kani Il­ler­nar­tuniit­toq, eq­qaavaa. (2 Tim 1:13) Timotheusi kif­far­tor­tuugami kristumiu qatan­ngutiminut ilagiin­niit­tunut inun­nul­lu ilagiit avataan­niit­tunut sallusuissummik nalunaajaatigin­nit­tus­saavoq. (2 Tim 4:1-5) Aam­ma Timotheusi Guutip savaataanik paarsisus­satut utoq­qaaner­tan­ngor­tin­neqarsimavoq. (1 Petr 5:2) Timotheusip erlin­nar­tuut – sal­lusuis­sut ilin­niar­titsis­sutigisas­sani – nak­kutigisin­naavaa Jehovap anersaavanik il­ler­nar­tumik oqaasianil­lu tutsuigin­nin­nermigut. – 2 Tim 3:14-17.

Ul­lumik­kut uagut­taaq sal­lusuis­sum­mik al­lanut ilin­niar­titsis­sutigisar­tak­katsin­nik tunineqarsimavugut. (Matt 28:19, 20) Puiun­ngisaan­nar­tariaqar­par­put sal­lusuis­sut taman­na qanoq erlin­nar­tigisoq, taamaat­tumil­lu qinujuar­tariaqar­pugut Guutil­lu oqaasia atuaq­qis­saar­tuar­tariaqarlugu. (Rom 12:11, 12; 1 Tim 4:13, 15, 16) Aam­ma imaas­sin­naavoq suli al­lamik sulias­sin­neqarsimasugut ilagiin­ni utoq­qaaner­tan­ngor­tin­neqarsimal­luta pif­fis­sarluun­niit tamaat kif­far­torluta. Erlin­nar­tuum­mik tamatumin­nga tunineqarsimagat­ta maniguut­tariaqar­pugut. Aam­ma sulias­sanik naam­mas­sin­nin­nis­satsin­nut Guutip ikiuinis­saa tunaar­tarisariaqar­par­put. Taamaaliorut­ta Guutip uagutsin­nut paarititaanik ilumut pingaar­titsil­luta takutis­savar­put.

Timotheusimut sulias­siis­sutigineqar­tumut ilaavoq al­lat sulias­saminik suliarin­nin­nis­saan­nut sungiusar­nis­saat. Taamaat­tumik Paulusip Timotheusi ilungersorluni ima kajumis­saar­paa: “Uan­nit tusak­katit paarisas­san­ngor­tis­savatit inun­nut tatiginar­tunut aam­mat­taaq al­lanik ajoqersuisin­naajumaar­tunut.” (2 Tim 2:2) Aap, Paulusip Timotheusi eq­qaasip­paa ilik­kak­kaminik tamanik qatan­ngutinut angutinut al­lanut ingerlatitseq­qiis­sasoq. Pingaaruteqar­poq ilagiin­ni kristumiuni nak­kutil­liisut tamarmik ul­lumik­kut taamatut­taaq ilior­niar­nis­saat. Nak­kutil­liisuul­luar­toq sulias­saq aalajangersimasoq pil­lugu ilisimasaminik iser­tuineq ajor­poq. Al­lanik ilin­niar­titsisar­poq sulias­saq taman­na suliarisin­naanias­sam­mas­suk. Al­lat ilisimasaqar­nerunis­saat sulias­samil­luun­niit suliarin­nil­luar­nerunis­saat merserineq ajor­paa. Taamaat­tumik nak­kutil­liisoq sulias­sami tun­ngaviusut kisiisa pil­lugit ilin­niar­titsineq ajor­poq. Ilin­niar­titani naliliil­luarsin­naanermik ineriar­tor­titsinis­saan­nut ilisimasaqar­neruler­nis­saan­nul­lu – anersaak­kut ineriar­tor­nis­saan­nut – ikiorusup­pai. Taamaalil­lutik ‘inuit tatiginar­tut’ ilin­niar­titani ilagiin­nut suli iluaqutaasin­naanerulis­sap­put.

Qular­nan­ngilaq Timotheusip Paulusimit al­lagarsiani nuan­nersut qujamasuutigingaarai. Takorlooruminar­poq siun­nersuutaanik naleqangaar­tunik atuaasaqat­taarsimas­sasoq eq­qarsaatigin­neq­qis­saarsimas­sasorlu qanoq pitsaaner­paamik maleruaasin­naanerluni.

Uagut­taaq taas­suma siun­nersuutaanik atuil­luarusup­pugut. Qanoq? Tunis­sutisiar­put ikumatitatut ‘ikum­maris­sar­niarlugu’, uagutsin­nut paaritin­neqar­tut nak­kutiginiarlugit ilisimasavul­lu tamaasa al­lanut ilin­niar­titsis­sutiginiarlugit ilungersorsin­naavugut. Taamaalil­luta, Paulusip Timotheusimut al­lagaani al­las­simasutul­li, ‘kif­far­tuutitsin­nik naam­mas­sin­nis­sin­naas­saagut’. – 2 Tim 4:5.