Enggo nge bacandu artikel Sora Ermomo tahun enda? Adi enggo, banci nge jawapndu penungkunen-penungkunen enda?

Uga arusna perbahanenta nandangi turang seninata si ipilih Dibata?

Siergai kiniteken kalak e, tapi ula lebihsa perbahanenta man kalak e. Ula ka lebihsa sipujiken kalak e. (Jud. 16) Ula sisungkuni ia ja nari itehna maka ia ipilih Dibata.​—w20.01, hal. 28-29.

Kai si erbanca kam tek maka iperdiateken Jahwe nge kam?

Ikataken bas Pustaka maka enggo iperdiateken Jahwe kam ope lenga pe kam lahir janah ibegikenNa kerina pertotonndu. Selain si e, iteh Jahwe kai si lit bas pusuh ras perukurenndu janah perbahanenndu banci erban meriah ukur Jahwe ntah lang. (1 Kro. 28:9; Kua. 27:11) Enggo itarik Jahwe kam.​—w20.02, hal. 12.

Ndigan arusna kita ngerana ras ndigan arusna kita sinik?

Meriah ukurta ncakapken kerna Jahwe. Adi siidah lit kalak ngelakoken perbahanen si banci erban ia ngelakoken kesalahen si serius, arus kita pang ngerana man bana. Adi iperluken, ibereken pertua-pertua nasehat. La sicakapken kerna pendahinta si ilarang. Ula siceritaken informasi si la banci iteh kalak.​—w20.03, hal. 20-21.

Kai saja si la seri antara labang-labang si lit bas Joel pasal 2 ras Ketangkasen pasal 9?

Bas Joel 2:20-29 ikataken maka ipelawes Dibata labang-labang janah erjanji Ia ngulihken kai si enggo bene. Kenca si e, ibereken Dibata kesah si badia. Nubuat e terjadi sanga iserang pasuken Babilon kalak Israel. Labang si lit bas Ketangkasen 9:1-11 eme turang senina si ipilih ku surga si mberitaken kerna penghakimen Dibata nandangi doni si jahat enda. Janah e erbanca kalak si ndukung doni enda tersiksa.​—w20.04, hal. 3-6.

Ise nge raja utara si gundari?

Rusia ras negara-negara si ndukung ia. Mbelin kel pengaruh kalak e man umat Dibata, ilarangna pendahin erberita, janah segat atena Saksi-Saksi Jahwe. Raja utara ras raja selatan terus ersaing.​—w20.05, hal. 12-13.

Tuhu nge “sipat-sipat si ihasilken kesah si badia” eme siwah sipat si lit bas Galati 5:22, 23 ngenca?

Lang. Isampati kesah si badia kita ncidahken sipat mehuli si debanna bagi sipat si benar. (Ep. 5:8, 9)—w20.06, hal. 17.

Kai salah sada bahayana adi itamandu foto-fotondu bas media sosial?

Kai si itamandu bas media sosial banci saja erban kalak erpengakap maka kam kalak si meganjang rukur labo kalak si meteruk ukur.​—w20.07, hal. 6-7.

Kai si banci sipelajari arah nelayan si berhasil?

Iteh kalak e waktu ras ingan si cocokna guna ndarami ikan. Iteh kalak e cara nggunaken alat-alat si tepat. Janah tetap kalak e pang erdahin uga pe situasina. Kita pe banci bage siban i bas pelayanenta.​—w20.09, hal. 5.

Uga carana mpebelin kekelengen kalak si erlajar man Dibata?

Banci siiahken kalak e mbaca Pustaka tiap wari janah ngukuri kai si ibacana bas Pustaka. Banci ka siajari kalak e gelah ertoto.​—w20.11, hal. 4.

Ise saja si termasuk bas kata-kata “kerina manusia ipegeluh mulihi erkiteken Kristus”?​—1 Kor. 15:22.

Si imaksud Rasul Paulus labo kerina kalak si ipekeke. Tapi maksudna eme kalak Kristen si erpengarapen ku surga si “nggo ipebadiaken guna ersada ras Kristus Jesus.” (1 Kor. 1:2; 15:18)—w20.12, hal. 5-6.

Kai kari si terjadi man kalak Kristen si erpengarapen ku surga kenca ‘iubah i bas sengkemirep mata, sedekah trompet si terakhir ersora’?​—1 Kor. 15:51-53.

Iikutken kalak e Jesus i bas ndalanken tugasna eme mpermakani bangsa-bangsa alu tongkat besi. (Ket. 2:26, 27)—w20.12, hal. 12-13.