Yoo don reed aala Di Wachtowa magazeen fi dis yaa? Wel, mek wi si if yu ku ansa dehnya kweschan:

How wi shuda chreet anointid Kristyanz?

Wi apreeshiayt dehn fayt, bot wi noh gi dehn tu moch atenshan. Soh wi noh waahn prayz dehn, bot insted, wi waahn kapi dehn fayt. (Jood 16) Wi noh aks dehn persnal kweschan bowt dehn hoap fi goh liv da hevn.—w20.01, payj 29.

How yu ku bee shoar dat Jehoava noatis yoo?

Di Baibl tel wi dat Jehoava mi noatis yu bifoa yu mi eevn baan. Ahn hihn persnali lisn tu eech wan a yu pryaaz. Hihn noa weh deh eena yu haat, ahn hihn noa weh yu di tink. Yu akshanz ku mek Jehoava feel hapi er sad. (1 Chron. 28:9; Prov. 27:11) Jehoava persnali jraa yoo tu hihn.—w20.02, payj 12.

Wat da sohn egzampl a wen wi shuda taak ahn wen wi shuda kip kwaiyet?

Wi soh hapi fi taak bowt Jehoava tu adaz. If wi si dat sombadi bowt fi mek wahn seeryos mistayk, wi need fi ga di korij fi taak op. Eldaz gi kongsl tu dehn wan weh need it. Wi noh fi aks fi (ner giv owt) infamayshan bowt how wi werk di get don da sohn konchri wehpaat di werk deh anda ban. Wi noh giv owt infamayshan tu peepl hoo noh ga no rait fi noa it.—w20.03, payj 20-22.

How di loakos dehn da Joawel chapta 2 difrent fahn di loakos dehn da Revilayshan chapta 9?

Joel 2:20-29 seh dat Gaad jraiv weh di loakos dehn ahn pramis fi pay bak fi di damij weh di loakos dehn kaaz. Afta dat, Gaad poar owt ih spirit. Som a dehnya tingz mi kohn chroo wen di Babiloanyan aami mi invayd Izrel, ahn laytaraan wahn nada paat a di prafesi mi kohn chroo. Revilayshan 9:1-11 diskraib di loakos dehn az Jehoava anointid servant dehn weh di preech Gaad jojment mesij gens disya wikid werl, ahn da mesij taament enibadi weh sopoat dis werl tu.—w20.04, payj 3-6.

Hoo da di king a di naat tudeh?

Russia ahn di ada konchriz weh sopoat dehn da di king a di naat tudeh day. Dehn atak Gaad peepl wen dehn ban di preechin werk ahn wen dehn akshanz shoa dat dehn hayt Jehoava peepl. Di king a di naat chrai fi geh moa powa dan di king a di sowt.—w20.05, payj 13.

Da onli di nain kwalitiz weh menshan da Galayshanz 5:22, 23 mek op di froot a di spirit?

No. Di hoali spirit ku help wi koltivayt ada gud kwalitiz, laik fi du evriting weh rait. (Ifee. 5:8, 9)—w20.06, payj 17.

Wat da wan daynja wen yu poas tingz bowt yuself pahn soashal meedya?

Wen yu poas tingz pahn soashal meedya, yu ku mek adaz tink dat yu bregin, ahn dehn noh wahn si yu az wahn hombl persn.—w20.07, payj 6-7.

Weh Kristyanz ku laan fahn wahn gud fishaman?

Wahn gud fishaman werk wen ih ku fain fish, an ih goh wehpaat di fish dehn deh. Ih noa how fi yooz ih ikwipment eena di rait way. An ih noh frayd fi werk eevn if di kandishanz chaynj. Wi ku du di saym eena wi minischri.—w20.09, payj 5.

Wat da sohn wayz wi ku help wi Baibl styoodents fi ga wahn schranga lov fi Gaad?

Wi ku inkorij dehn fi reed di Baibl ahn meditayt pahn weh dehn reed. Ahn wi ku teech dehn fi pray.—w20.11, payj 4.

Hoo aal Paal di rifaa tu wen ih seh: “Evribadi wahn liv”?—1 Kor. 15:22.

Di apasl Paal neva mi-di seh dat evribadi wahn geh rayz op bak tu laif. Hihn mi-di taak bowt di anointid Kristyanz weh Gaad ‘mi set apaat fi bee wan wid Krais Jeezas.ʼ (1 Kor. 1:2; 15:18)—w20.12, payj 5-6.

Weh di anointid wan dehn wahn du afta dehn ‘chaynj kwika dan di blink a wahn aiy, joorin di taim wen di laas chrompit bloaʼ? —1 Kor. 15:51-53.

Dehn wahn fala Jeezas ahn shepad di nayshan dehn wid wahn aiyan rad. (Rev. 2:26, 27)—w20.12, payj 12-13.