Mbehi okashoma oyetonzire ebicweka by’omu Munara g’Omurinzi g’omuri ogu mwaka? Mbwenuho, reba yaba ori kubasa kugarukamu ebi bibuzo:

Ni bata oku tushemerire kureba abashukirweho omwika?

Tushemerire kubasima ahabw’okwikiriza kwabo, konka titushemerire kubaha ekitinisa ekirengire. Tushemerire kwerinda ‘kubahimbisa n’ebigambo ebirengeserize.’ (Yud 16.) Tushemerire kwerinda kubabuza ebibuzo ebiri kukwata aha masiko gabo.​—w20.01, p 29.

Ni enki ekiri kukuhamiza ku Yehova ari kukwijuka?

Bibuli neyereka ku Yehova yakumanyire otakazirwe. Kandi nahurira eshara zawe. Namanya ebi ori kutekateka, amanya ebiri omu mutima gwawe, kandi ebikorwa byawe nibituma yashemererwa ninga bituma atashemererwa. (1 Bus 28:9; Enf 27:11) Akakweyihiriza hihi.​—w20.02, p 12.

Ni biha byokureberaho by’omuri Bibuli ebiri kutukwasa kumanya obwire bw’okugamba n’obwire bw’okuhunama?

Nitugamba ebiri kukwata ahari Yehova. Tushemerire kugamba twareba hine omuntu ori kwenda kutora omu muhanda ogutashemire. Abazehe bashemerire kugamba bareba hine omuntu ori kwetenga obuhabuzi. Tushemerire kuhunama twareba twaza kugamba ebiri kukwata aha ihanga eri omurimo gwitu gwazibirwemu. Titushemerire kwata amabanga.​—w20.03, pp 20-21.

Enzige eziri kugambwa omuri Yoeli ekicweka ca 2 nizitanira nkahe n’eziri kugambwa omu Kushuuruurwa ekicweka ca 9?

Omuri Yoeli 2:20-29 nihagamba ku Ruhanga yabire arije kubinga enzige kandi akaraganisa ku yabire arije kushumbusha emyaka eyi enzige zashishire. Bwanyima Ruhanga akaba arije kushuka omwika gweye. Ebyo bikahikirira obu amahe ga Babulooni gatahirire ihanga rya Isirayeli. Omu Kushuuruurwa 9:1-11 nihagamba aha Bakristo abashukirweho omwika b’omuri obu bwire, abari nk’enzige. Nibatangaza orubanja rwa Ruhanga orukwatirine n’ebiro by’emperu kandi eco kigwisa kubi abantu babi.​—w20.04, pp 3-6.

Omuri obu bwire omugabe w’omu matemba ni oha?

Ni Burusiya n’abakwatanisize na yo. Bakahiganisa abahereza ba Ruhanga, bayemereza omurimo g’okuburira, kandi bakora n’ebindi bikorwa ebiri kwereka ku nibanga Abahamya. Omugabe w’omu matemba nagumizamu kurwanira obugabe n’ow’omu mashuma.​—w20.05, p 13.

Ebyana by’omwika nibitwariramu kusha emitwarize eri kugambwa omu Bagalatia 5:22, 23?

Ingaha. Omwika oguri kwera nigubasa kutukwasa kugira endijo mitwarize, nk’okuhikirira. (Efe 5:8, 9)​—w20.06, p 17.

Ni kaha kabi akari omu kuta ebishushani aha mbuga z’okuganiriraho?

Ebi ori kuta ama mbuga nibibasa kwereka ku ori kwerata ninga shi ku otari omucurezi.​—w20.07, pp. 6-7.

Ni enki eki ababurizi bari kwegera aha barobi?

Nibagenda omu bwire kandi baza ahu bari kumanya ku barabone ebyenyanja. Nibaba bari kumanya kukoresa ge ebikoreso. Nambwenu, nibereka obumanzi omu bwire bubi n’omu bwire burungi. N’itwe nitubasa kubatoreza omu murimo g’okuburira.​—w20.09, p 5.

Ni bata oku turi kubasa kukwasa abegi ba Bibuli kukizaho kukunda Yehova?

Nitubasa kubahiga kushoma Bibuli burizoba n’okutekateka aha bi bashoma. Nitubasa n’okubegesa kushaba.​—w20.11, p 4.

Ni baha abari kugambwa omuri bigambo ebiri kugira ngu: ‘Omuri Kristo bona baryahindurwa abahurire’?—1 Kor 15:22.

Entumwa Paulo akaba atari kugamba ku abantu bona barizoka. Akaba ari kugamba aha Bakristo abashukirweho omwika, ni okugamba ‘abezibwe omuri Kristo Yesu.’ (1 Kor 1:2; 15:18)​—w20.12, p 5-6.

Ni guha murimo ogu abarihindurwa ‘omu kanya kace nk’ak’okuhumbya erisho’ barikora’?—1 Kor 15:51-53.

Nibija kwekwatanisa na Kristo omu kutegeka abantu n’enkoni y’ecoma. (Kush 2:26, 27)​—w20.12, pp. 12-13.