Aliko si, wanasomere bwinja amagazeti m’Omunara g’Omulanzi ma gunola mwaka? Lolaga akaba wakagala kushubiza kw’ebila bibazo bikulikireho:

Gurhe rhukwanene kukolera Abakristu bashigwa-mavurha?

Rhunasima obwemere bwabo; aliko, rhurhava rhwakabya omu kuntu rhunababona. Rhunachilanga “rhurharamyaga (kubasingiza kurhalusya olugero) abantu.” (Yuda. 16, mahugulo m’eshishi.) Nta kubabaza ebibazo bibalolere bowe bonyine n’obulangalire bwabo.​—w20.01-ZS, buk. 29.

Bichi byakakuyemeza oku Yehova anakulolereza woyo bwawe-bwawe?

Ebiblia eyerekene oku alibere akubona embere oburhwe. Kandi oku anayunva amasala mawe. Ayinji amawazo mawe n’ebili omu murhima gwawe, n’ebijiro byawe binamulaza. (1 Nya. 28:9; Mez. 27:11) Akukulwire emunda ali.​—w20.02-ZS, buk. 12.

Lerha emifano y’amango rhukwanene kuderha n’amango rhukwanene kusira.

Rhunaderha n’obusime oku bilolere Yehova. Rhunaderha nka rhwamabona hali omuntu oli wayerekeza ewa kujira ebibi. Abashamuka banaderha omu kuhana empanulo nka zikenerwe. Rhurhaderha mpu barhubwire changwa rhuhane emyazi elolere gurhe akasi kerhu kanakolwa omu bihugo kalahizwe. Rhurhaderha ebintu by’esiri.​—w20.03, buk. 20-21.

Nka gurhe amahanzi maderherwe omu Yoeli sura 2 marhali ma maguma n’amaderherwe omu Ufunuo sura 9?

Yoeli 2:20-29 ederhere oku Mungu nj’ahugira amahanzi hale hale, n’oku nj’ajuha byoshi amahanzi mayonere. Enyuma w’aho Mungu anashesha eroho lyage. Ebyola byayeneraga amango Ebabiloni erhera Eyerusalemu, n’enyuma w’esiku buzinda bw’aho. Ufunuo 9:1-11 ederhere eju y’amahanzi mashushanyize abashigwa ba mu manola mango bali bamenyesa emanja za Mungu oku bilolere emibereho mibi y’elila gulu, n’okurhuma abantu b’egulu bachiyunva kubi bwenene.​—w20.04, buk. 3-6.

Inde oli mwami w’enoro mu manola mango?

Erisi n’abera bayo. Bajirire echi bajira oku bantu ba Mungu, omu kulahiza akasi k’okuhubiri n’okuyerekana olushombo lunene oku bahamirizi. Omwami w’enoro y’ahangana n’omwami w’eside.​—w20.05, buk. 13.

Engeso mwenda ziyerekenwe omu Wagalatia 5:22, 23 byonyine bigabi “by’etunda ly’eroho si”?

Nanga. Eroho lichesibwa linarhurhabala kukuza ezindi ngeso zinja, nk’okunali. (Efe. 5:8, 9)​—w20.06, buk. 17.

Echibi ch’okuhira emyazi yerhu oku Enternete chili chihe?

Eby’onahira oku Enternete byakayerekana ok’oli muntu w’okuchitiya s’orhali mwirhohye.​—w20.07, buk. 6-7.

Bichi Abakristu bakayiga oku bashana baminuzize, omu kasi kabo?

Banarhega ahantu n’omu bisanzi efi zakabonekanamo. Banakomezwa okuntu bakakolesa ebikoleso bikwanene. Banakola n’obushiru omu bihe bikwirire n’ebibihire. Rhwakajira okola k’onokola omu mahubiri.​—w20.09, buk. 5.

Mu njira zihe rhwakarhabala mw’abanafunzi berhu b’Ebiblia bakuze obuzigire bwabo ku Yehova?

Rhwakabahira omurhima basome Ebiblia buli lusiku n’okuwaza oku bibasomere. Kandi rhwakabayigiriza kusalira.​—w20.11, buk. 4.

Echinwa: “Muli Kristu boshi nji bashuba kulama,” chiheberwe mu bande na bande?​—1 Ko. 15:22.

Entumwa Paulo, erhaliri yaderha oku buli muntu nj’afulwa. Aliri aderha eju y’Abakristu bashigwa-mavurha “bachesezwe omu buguma haguma na Yesu Kristu.” (1 Ko. 1:2; 15:18)​—w20.12, buk. 5-6.

Bichi abashigwa nji bajira bayusa ‘kuhindamulwa omu kuzibya n’okuzibula, amango m’empanda y’obuzinda’?​—1 Ko. 15:51-53.

Nji bakola haguma na Yesu omu kuyabula abantu n’obuhiri bw’echuma. (Ufu. 2:26, 27)​—w20.12, buk. 12-13.