ەسىڭىزدە مە؟
«كۇزەت مۇناراسىنىڭ» سوڭعى ساندارىن مۇقيات وقىدىڭىز با؟ ولاي بولسا، كەلەسى سۇراقتارعا جاۋاپ بەرىپ كورىڭىز:
مايلانعان ماسىحشىلەرگە قالاي قاراۋىمىز كەرەك؟
ٴبىز ولاردىڭ سەنىمىن قۇرمەتتەيمىز، ٴبىراق ولارعا تىم كوپ نازار اۋدارمايمىز. ولاردى ٴپىر تۇتۋدان اۋلاق بولامىز. ولارعا ۇمىتتەرىنە قاتىستى جەكە سۇراقتار قويمايمىز (كم20.01 29-ب.).
ەحوبا ٴسىزدى بايقايتىنىنا كوزىڭىزدى نە جەتكىزۋ كەرەك؟
كيەلى كىتاپتا ەحوبا ٴسىزدى تۋىلماي جاتىپ بايقايتىنى ايتىلعان. ول ٴسىزدىڭ دۇعالارىڭىزدى تىڭدايدى. ەحوبا جۇرەگىڭىز بەن ويىڭىزدا نە بار ەكەنىن بىلەدى جانە ٴسىزدىڭ ٸس-ارەكەتىڭىز ونى قۋانتادى نە رەنجىتەدى (شەج. 1-ج. 28:9؛ ناق. س. 27:11). ەحوبا ٴسىزدى وزىنە جاقىنداتىپ تارتتى (كم20.02 12-ب.).
ٴبىز قاي كەزدە سويلەپ، قاي كەزدە سويلەمەۋىمىز كەرەك؟
ٴبىز وزگەلەرگە ەحوبا جايلى قۋانا-قۋانا ايتامىز. بىرەۋدىڭ شالىس قادام جاساپ جاتقانىن بايقاعاندا، ۇندەمەي قالمايمىز. اقساقالدار قاجەت كەزدە كەڭەس ايتادى. تيىم سالىنعان ەلدەگى ٸسىمىزدىڭ قالاي ٴجۇرىپ جاتقانىن بۇگە-شىگەسىنە دەيىن ايتپايمىز. قۇپيا مالىمەتتەردى جاريا ەتپەيمىز (كم20.03 20، 21-ب.).
جوەل 2-تاراۋداعى شەگىرتكەلەر مەن ايان 9-تاراۋداعى شەگىرتكەلەردىڭ ايىرماشىلىعى قانداي؟
جوەل 2:20—29 تارماقتاردا قۇداي شەگىرتكەلەردى الىسقا قۋاتىنىن جانە كەلتىرىلگەن زالالدىڭ ورنىن تولتىراتىنىن ۋادە ەتكەن. سودان كەيىن قۇداي ٶزىنىڭ رۋحىن توگەتىنى جايلى ايتقان. بۇل تارماقتارداعى سوزدەر بابىلدىقتار يسرايل حالقىن باسىپ العان ۋاقىتتا جانە كەيىنىرەك ورىندالدى. ال ايان 9:1—11 تارماقتاردا شەگىرتكەلەر دەپ ٴبىزدىڭ كۇندەرىمىزدەگى مايلانعاندار سيپاتتالعان. ولار قۇدايدىڭ وسى زۇلىم دۇنيەگە قاتىستى ۇكىمىن جاريالايدى. ال وسى دۇنيەنى قولدايتىندار مۇنى مۇلدەم جاقتىرمايدى (كم20.04 3—6-ب.).
بۇگىندە سولتۇستىك پاتشاسى كىم؟
رەسەي مەن ونىڭ وداقتاستارى. ولار قۇداي حالقىنا تىكەلەي ىقپال ەتىپ، ۋاعىز ىسىنە تيىم سالدى جانە كۋاگەرلەردى جەك كورەتىنىن كورسەتتى. سولتۇستىك پاتشاسى وڭتۇستىك پاتشاسىمەن باقتالاسىپ كەلەدى (كم20.05 13-ب.).
«كيەلى رۋحتىڭ جەمىسى» عالاتتىقتارعا 5:22، 23 تە جازىلعان توعىز قاسيەتتەن عانا تۇرا ما؟
جوق. كيەلى رۋحتىڭ كومەگىمەن ٴبىز تاباندىلىق سياقتى باسقا دا جاقسى قاسيەتتەردى دامىتا الامىز (ٴتىم. 1-ح. 6:11) (كم20.06 17-ب.).
جەلىگە ٶزىڭىز جايلى مالىمەت سالۋدىڭ ٴبىر قاۋپى قانداي؟
جەلىگە سالعان مالىمەتىڭىز ٴسىزدى كىشىپەيىل ەمەس، ماقتانشاق ەتىپ كورسەتۋى مۇمكىن (كم20.07 6، 7-ب.).
ماسىحشىلەر شەبەر بالىقشىدان نە نارسەگە ۇيرەنە الادى؟
شەبەر بالىقشىلار قولايلى ۋاقىتتا جانە قولايلى جەردە بالىق اۋلايدى، ٶز قۇرالدارىن دۇرىس قولدانا بىلەدى جانە باتىلدىقپەن كەز كەلگەن جاعدايدا جۇمىس ىستەي بەرەدى. ٴبىز دە قىزمەتتە ولارعا ەلىكتەسەك بولادى (كم20.09 5-ب.).
زەرتتەۋشىگە ەحوبانى جاقسى كورە تۇسۋگە كومەكتەسۋدىڭ كەيبىر جولدارى قانداي؟
ٴبىز زەرتتەۋشىنى كيەلى كىتاپتى كۇندە وقىپ، وقىعاندارى جايلى وي جۇگىرتۋگە تالپىندىرا الامىز. سونداي-اق وعان دۇعا ەتۋدى ۇيرەتسەك بولادى (كم20.11 4-ب.).
«ماسىحپەن بايلانىستاعىلاردىڭ ٴبارى تىرىلەدى» دەگەن كىمدەردى قامتيدى؟ (قور. 1-ح. 15:22).
ەلشى پاۋىل ٵربىر ادامنىڭ قايتا تىرىلەتىنىن ايتپاعان. ول بۇل سوزدەرىن «قاسيەتتى ەتىلگەن» مايلانعان ماسىحشىلەرگە قاتىستى ايتقان (قور. 1-ح. 1:2؛ 15:18) (كم20.12 5، 6-ب.).
مايلانعاندار «قاس قاعىم ساتتە، سوڭعى كەرنەي تارتىلىپ جاتقاندا» وزگەرگەننەن كەيىن، ياعني قايتا تىرىلگەننەن كەيىن نە ىستەيدى؟ (قور. 1-ح. 15:51—53).
ولار يسامەن بىرگە حالىقتارعا تەمىر اساتاياقپەن بيلىك ەتەتىن بولادى (ايان 2:26، 27) (كم20.12 12، 13-ب.).
