Okwila eye watange mwene kyambote omilongi yoso ya Mulangi wa muvu yú? Se kyene, okwila utena kutambwijila o ibhwidisu yandakayela:

Kyebhi kitwatokala kutalatala ojiphange a a undu?

Etu tuxima okixikanu kyâ; maji nekiki, kitwazangeleka kyavulu. Etu kitusote “kudiwana ni ukexilu wâ.” (Juda 16) Etu kitwabhange ibhwidisu yalungu ni kidyelelu kyâ.—w20.01, difwe 29.

Ihi ikuxikinisa kwila Jihova ukusuwa mwene?

O Bibidya ilondekesa kwila mwene wakutale kya andi dya ku kuvwala. Mwene wivwa omusambu u ubhanga. Mwene wejiya o ixinganeku yé, ni yoso yala mumuxima, ni ibhangeleu yé. (1 Mal. 28:9; Jisa. 27:11) Mwene wakwixana.—w20.02, difwe 12.

Phangu jebhi jilondekesa kyebhi o kithangana kya kuzwela ni kithangana kya kudixibha?

Etu tusanguluka kyoso kituzwela yalungu ni Jihova. Etu tuzwela kyoso kitumona muthu wamukwendela munjila yayibhila Nzambi. Otufunga azwela kyoso kikubhinga kubhana itendelesu. Etu kituzwela ku muthu yalungu ni kyebhi kyamubhanga o ukunji wetu mu ixi mwafidisa okikalakalu kyetu. Kitutangela kikutu kyalungu ni kilunga ku muthu.—w20.03, mafwe 20-21.

Kyebhi o mahoho atumbula Jowele mukibatulu kya 2 kadifu ni mahoho otumbule mu Dijingunwinu mukibatulu kya 9?

Jowele 2:20-29 yamba kwila Nzambi wandakwabhangesa kuya dikanga ni kuvutwila yoso yabhange o mahoho. Mukusuluka, Nzambi wakà lundulwila o nzumbi yê. O ima yoso yiyi yadikumbidila kyoso akwa Babilonya kya balakala akwa Izalayele. O mahoho otumbubule mu Dijingunwinu 9:1-11 amulombolola ojiselevende a a undu, aboka onjimbu ya ifundisu ya Jihova ni kuswina kwoso, yamutandanganyesa yó akwatekesa omundu yú.—w20.04, mafwe 3-6.

Nanyi o sobha ya thunda mu izuwa ya lelu?

Russia ni jisoko jê. Ene a azukutisa o mundu wa Nzambi, afidisa okikalakalu kyetu kya kuboka, alondekesa kwila azembe o Jimbangi ja Jihova. O sobha yathunda ni sobha ya lwiji aya ni kudilutula.—w20.05, difwe 13.

Okwila o idifwa itusanga mu Ngalásya 5:22, 23 yene ngó ibhanga mbandu ku “ibundu yima o nzumbi?”

Kana. Onzumbi ikôla itukwatekesa kukala ni idifwa yamukwa yambote, kala okuyuka. (Efe. 5:8, 9)—w20.06, difwe 17.

Kilwezu kyahi kyala mukupostala ima yalungu neye mujirede sosiyale?

O ima i upostala mba i uta mu internete itena kulondekesa kwila wamudizangeleka, ni kwila eye kiwalenduka.—w20.07, mafwe 6-7.

O Jikidistá atena kudilonga ihi yalungu ni atambi ajimbiji?

Ene akalakala mukithangana kyatokala phala ojimbiji ni mukididi mutena kusanga ojimbiji. Ene adilonga kukalakala ni jifalamenda jatokala. Ni kuswina kwoso ene akalakala kikale mukamene, mungoloxi ni m’usuku. Etu we tutena kubhanga kiki m’ukunji wetu.—w20.09, difwe 5.

Kyebhi kitutena kukwatekesa omaxibulu metu kubandekesa ohenda yâ kwa jihova?

Etu twaswinisa kutanga o Bibidya izuwa yoso ni kuxinganeka mu ima yatange. Ni kwalonga kubhanga omusambu.—w20.11, difwe 4.

O izwelu yiyi yatokala kwananyi: A “phaphumukina ene oso mwa Kidistu.”—1 Kol. 15:22.

Poxolo Phawulu kexile muzwela kwila athu oso ejikwafukununa. Maji mwene wexile muzwela yalungu ni Jikidistá a a undu “oso kyá a a kôlesa mwa Kidistu Jezú.” (1 Kol. 1:2; 15:18)—w20.12, mafwe 5-6.

O Jikidistá a a undu andakala ni kikalakalu kyebhi kyoso ene kyandakwafukununa ‘mudyesu pote, kyoso hadya kixika okoloneta ya sukidilaku.’—1 Kol. 15:51-53.

O Jikidistá a a undu andatumina kumoxi ni Jezú mukwendesa omundu ni mbasa ya felu. (Dij. 2:26, 27)—w20.12, mafwe 12-13.