Nge me tanga mbote-mbote banumero ya Yinzo ya Kengidi ya mvula yayi? Beto tala si nge lenda pesa bareponse na bakestion yayi:

Wa’ faso beto zolá bakila ba yina Yehova solá?

Beto ke sepelá na kiminu ya bawu; kasi, beto zolá pesa ve bawu lukumu ya kulutila. Beto bika ‘kupesa nkembo na bantu.’ (Yude 16) Beto zolá yufula ve bawu bakestion na yina me tadila kivuvu ya bawu.—w20.01, p. 29.

Yinki zolá nata nge na kundima ti Yehova ke tudilá nge meso?

Biblia ke lakisá ti yandi zabá nge avant nge butama. Mpe yandi ke wá balusambu ya nge. Yehova zabá mambu yina ke na ntima ya nge mpe makanisi ya nge, mpe ndyatulu ya nge lenda pesa yandi kilengi to kunyongisa yandi. (1 Ns. 28:9; Bin. 27:11) Yandi bendá nge na kimvuka ya yandi.—w20.02, p. 12.

Wapi yina ke ba-ekzample ya ntangu ya kuzonza mpe ya ntangu ya kuvanda swi?

Na kilengi nyonso beto ke longá mambu ya Yehova. Beto ke zonzá ntangu beto ke talá mpangi mosi ke na baká nzila ya yimbi. Bakuluntu ke zonzá samu na kupesa malongi na mpangi yina ke na yawu nsatu. Beto ke zonzá ve samu na kuzwa (to kuzaba) faso kisalu ya predikasion ke salamá na babwala yina ba ke niminak’ yawu. Beto zolá zonzila ve basecre ya ba ngana.—w20.03, p. 20-21.

Wa’ faso makonko ya Yoele kikapu 2 ke ve faso mosi na yina kikapu 9 ya Luzabusu ke zonzilá?

Yoele 2:20-29 ke zonzá ti Nzambi me bingisa makonko mpe me pesa promese ya kufuta nyonso yina makonko me bebisa. Na manima, Nzambi ke mwangisa mpeve ya yandi. Bamambu nyonso yayi lunganá ntangu mfumu ya Babilone kwendá nwanisa Izraele mpe na manima. Luzabusu 9:1-11 ke zonzilá makonko faso bampangi yina Yehova solá na ntangu ya beto, faso ba ke na precheke bajujema ya Nzambi samu na yinza ya yimbi yayi, mpe ya ke pesá nkele na ba yina ke zolá yinza yayi na bima ya yawu.—w20.04, p. 3-6.

Nani ke mfumu ya Nord bubu yayi?

Russie na babwala yina ke wisaná na yandi. Ba ke na kotá na mambu ya bisadi ya Yehova, ba ke na niminá kisalu ya predikasion mpe ba ke na kwamisá mingi batemwe ya Yehova. Mfumu ya Nord ke na sosa kulutila mfumu ya Sud na ngolo—w20.05, p. 13.

“Mbuma ya mpeve”, ke kaka ni bifu 9 ya mbote yina ke zonzilá Bagalate 5:22, 23?

Ve. Mpeve ya santu ke sadisá beto na kukulisa bifu ya nkaka ya mbote, faso [kifu ya kusalá] mambu ya mbote. (Ef. 5:8, 9)—w20.06, p. 17.

Wapi yina ke mosi ya badanje ya kutulá bima yina me tadila nge na internet?

Bima yina nge ke tulá na internet, lenda lakisa ti nge ke muntu ya matalana, kasi muntu ya kukuluka ve.—w20.07, p. 6-7.

Yinki baproklamatere lenda longoka na ekzample ya pechere yina zaba mbote-mbote kisalu ya yandi?

Ba ke salá na ntangu mpe kisika yina ba zabá ti ba lenda kuzwa bambisi. Ba longoká faso ya mbote ya kusadila bima ya bawu ya kisalu. Mpe ba ke kontinyeke kusala na kuraje nyonso ata mvula to mipepe. Beto lenda sala faso bawu na kisalu ya predikasion.—w20.09, p. 5.

Wapi yina ke mwa bafaso yina beto lenda sadisa ba yina ke longoká Biblia na beto na kukulisa na bantima ya bawu luzolo samu na Yehova?

Beto lenda sadisa bawu na kuvanda na kifu ya kutangá Biblia mpe na kukanisá mbote-mbote na yina ba ke na tangaka. Mpe beto lenda lakisa bawu faso ya kusambila.—w20.11, p. 4.

Ba nani ke na kati ya mambu yayi Paul zonzá: ‘Na Kristo bantu nyonso ke vutuka na luzingu’?—1 Ko. 15:22.

Awa apotre Paul vandá zonza ve ti bantu nyonso yina kufwá ke vumbuka na lufwa. Yandi vandá zonzila bakristo yina ke kwenda vanda na zulu, samu ti ni bawu Nzambi me kumisa ‘santu na bumosi na Kristo Yesu.’ (1 Ko. 1:2; 15:18)—w20.12, p. 5-6.

Yinki bakristo yina ke kwenda vanda na zulu ke salá na manima ya ntangu yina ba ‘ke change na mbala mosi, na kupietama ya meso, ntangu trompete ya nsuka ke bula’?—1 Ko. 15:51-53.

Ba ke vukana na Yesu samu na kutwadisa bantu na yinti ya kisengo. (Luz. 2:26, 27)—w20.12, p. 12-13.