¿Mbäät xyˈatsoowëmbityë tyäˈädë yajtëˈëwën diˈib të myiny mä Diˈib Xytyukˈawäˈänëm?

¿Wiˈix mbäät nˈijxëm pënaty të yajwinˈixtë nyëjkxtët tsäjpotm?

Nyajtsobatëmë tyäˈädë nmëguˈukˈäjtëmëty ko tmëdattë mëbëjkën, per kyaj mbäät nëgoo nmëjkuˈëˈëw nmëjkugäjpxëm ets nyajmëjpëtsëˈëmëm (Jud. 16, TNM). Nan kyaj nyajtëˈëw nyajtudakëm wiˈix tpëjktë kuentë ko yajwinˈijxtë nyëjkxäˈändë tsäjpotm (w20.01, pajina 29).

¿Tiko nˈijtëm seguurë ko Jyobaa xyˈijxpatëm niduˈuk niduˈuk?

Biiblyë jyënaˈany ko Jyobaa ojts xyˈijxëm mä nety ngamaxuˈunkˈäjtëm ets myëdoowˈijtypy koogoo nmënuˈkxtakëm. Nan nyijäˈäwëp ti nmëdäjtëm mä jot korasoon ets ti nwinmäˈäyëm. Tijaty nduˈunëm nan mbäät yajxondaˈagyëty o mbäät yajmay yajtäjˈyëty (1 Crón. 28:9; Prov. 27:11). Ets nan yëˈë të xymyëjwoˈowëm (w20.02, pajina 12).

¿Näˈä mbäät ngäjpxëm ets näˈä mbäät amonyë nwëˈëmëm?

Ko nnimaytyakëmë Jyobaa, yëˈë diˈib agujk jotkujk xyyajnayjyäˈäwëm. Nan tsojkëp ngäjpxëm ko nˈijxëm jam pën tyëgoyaˈany mëjwiin kajaa. Yëˈë mëjjäˈäytyëjkëty myooytyëbë ëwij käjpxwijënë nmëguˈukˈäjtëm ko dyajtëgoyˈattë. Kyaj nyajtëˈëw nyajtudakëm ets nan kyaj nimaytyakëm wiˈix yajtunyë Diosë tyuunk mä kyuboky. Ets nan kyaj nmaytyakëm diˈib kyaj mbäät pën tnijawë (w20.03, pajina 20, 21).

¿Wiˈix tyëgatsyëty ja maymyuˈu diˈib ojts yajnaskäjpxë mä Joel kapitulo 2 ets mä Diˈibʉ Jatanʉp kapitulo 9?

Joel 2:20-29 jyënaˈany ko Dios jantsy jagam dyajnëjkxy ja maymyuˈu ets twandaˈaky ko dyaˈoyëyaˈany tijaty të dyajwindëgoy. Ets ok, ta net ttuknigexy ja yˈespiritë santë. Tyäˈädë ja yˈadëëy ko ja soldäädëtëjk diˈib Babilonia dyajkutëgooytyë Jerusalén käjpn ets nan adëëw ok. Mä Diˈibʉ Jatanʉp 9:1-11, yëˈë yajmaytyaktëp ja Dios mëduumbëty diˈib nëjkxandëp tsäjpotm, pes yëˈëjëty amëk jotmëk tnigäjpx tnimaytyäˈäktë ti tukmiin tukëdakëdëbë naxwinyëdë jäˈäy, ets duˈunxyëp extëm dyaˈˈayowdë pënaty jap yajpattëp (w20.04, pajina 3-6).

¿Pënën tyam yajtijp “ja reyë anikëjxytsyoobë”?

Yëˈë Rusia mëdë gobiernëtëjk diˈib puwäˈkëdëp. Pes yˈaxëkˈijxypyë Diosë kyäjpn ko të dyajkuboky mä nˈëwäˈkx ngäjpxwäˈkxëm ets ko tˈaxëkˈixyë Jyobaa tyestiigëty. Tyäˈädë reyë anikëjxytsyoobë tsiptuump mëdë reyë abatkëˈëytsyoobë (w20.05, pajina 13).

Ja taxtujkpë jäˈäyˈäjtën diˈib yajnasmaytsyoˈowëp mä Gálatas 5:22, 23, ¿yëˈëyëdaa diˈib yajkypyë “Diosë myëjääw”?

Kyaj. Diosë myëjääw nan mbäät xypyudëjkëm parë nmëdäjtëmë wiinkpë jäˈäyˈäjtën extëm ko njukyˈäjtëm tëyˈäjtën myëët (Éfes. 5:8, 9) (w20.06, pajina 17).

¿Tiko kyujotmayëty ko mä redes sociales nyajpatëmë nretratëˈäjtëm, bideo o mä këˈëm nnaynyimaytyakëm?

Yëˈko tijaty nyajpatëm mä redes sociales, mbäät pën dyajwinmay ko mëjpëtsëmäˈänëm ets ko kyaj njäˈäyˈäjtëm yujy tudaˈaky (w20.07, pajina 6, 7).

¿Ti xytyukniˈˈijxëm pënaty jyäjttëp yˈäjkxmatstët?

Pënaty jyäjt nyijäˈäwëdëp yˈäjkxmatstët jap nëjkx tˈëxtäˈäytyë mä mbäät tpäättë ets yˈijxtëp näˈä tnitsoondë. Nan nyijäˈäwëdëp yajxon wiˈix dyajtundët tijaty tyukˈäjkxmäjtstëp ets tuundëp amëk jotmëk oy ja tiempë kyaˈoyëty. Ëtsäjtëm, nan mbäät duˈun nduˈunëm mä nˈëwäˈkx ngäjpxwäˈkxëm (w20.09, pajina 5).

¿Wiˈix mbäät nbudëjkëm ja diˈib nyaˈëxpëjkëm parë mas niˈigyë ttsokëdë Jyobaa?

Ko nˈanmäˈäyëm parë tkäjpxët bom bomë Biiblyë, nbudëjkëm parë tpawinmayët tijaty kyajpxypy ets ko ndukniˈˈijxëm parë nyuˈkxtäˈägët (w20.11, pajina 4).

¿Pënatyë Pablo myaytyäˈägan ko jyënany “nidëgekyë [...] diˈibaty yˈaxäjëdëp ja Jesukristë extëmë Yajnitsokpë, Dios yajjikypyëkëdëp”? (1 Kor. 15:22).

Pablo kyaj yëˈë tmaytyäˈägany ko niˈamukë naxwinyëdë jäˈäy jyukypyëkäˈändë. Ko jyënaˈany “nidëgekyë”, yëˈë myaytyäˈägan pënaty të yajwinˈixtë parë nyëjkxtët tsäjpotm, ja diˈib ijttëp “tiˈigyë mët ja Jesukristë” (1 Kor. 1:2; 15:18) (w20.12, pajina 5, 6).

¿Ti tyunandëp jam tsäjpotm pënaty tëgäjtstëp “tuk pojën, dëˈën extëm ko nwimbiˈtsëm es nˈijxwäˈxëm jatëgok”? (1 Kor. 15:51-53).

Pyudëkëyandëbë Jesus parë tnëˈëmoˈoyäˈän ttuˈumoˈoyäˈändë ja nasiongëty mët ja pujxndäjk (Diˈibʉ Jat. 2:26, 27). (w20.12, pajina 12, 13).