Nyuuva nhosoma ratta irevista Ukhalenla co nantano? Vano mmananihe waakhula ala makohwaala:

Ninlamuliya waawehera cani makristau oothanliya?

Hiiva ninaahisimu waamini urinaaya ayo makristawaayo, masi khaninlamuliya utepa waattitthimiha. Hiiva ‘khanintepa waatikhinaca atthu.’ (Yuda 16, niwehero) Khaninaakohakohaca nhina uthanliya waya.—w20.01, ipaag. 29.

Isiyani inhala wuukupalihani wiira Yehova naawoonani?

Ibiiblya inaakhuluveliha wiira Yehova howoonani haata nhinaaya uyariya. Uyo naaviriyana mavekelweenyu. Yehova naacuwela nrimeenyu ni citthu cinoopuweleenyu, ni citthu cimpankeenyu pooti untteeliha nrima awula unriipiha nrima. (1 Ikor. 28:9; Miru. 27:11) Yehova hoothanlani wiira muncuwele.—w20.02, ipaag. 12.

Ukatini unreera wuuluma ni ukatini unlamuliyeehu umaala?

Hiiva unaanicivela umuuluma Yehova. Ninawuuluma namoonaka ntthu attharaka iphiro yoohinamaana. Mahumu anawuuluma yoonaka wiira haavo ntthu nopheela uvahiya ikano. Khaninlamuliya wuuluma mananna mayamunneehu cinlalyeeraaya ilapo cikhottihiyaaya ntekweehu woolalyeera ni khaninlamuliya wuuluma myaha cosiiri.—w20.03, ipaag. 20-21.

Icoroope cinromoliya nlivuruni ya Joweli, ikapiitulu 2, ni icoroope cinromoliya nhina Apokalipise, ikapiitulu 9, cinvirikana cani?

Joweli 2:20-29 ineera wiira Nluku anhala uhapusera uttayi nnyo icoroopennyo ni anhala uliva ihasara caahalaaya uwaana. Wahoolo, Nluku anhala waamwarusela apoovwaawe nnepaawe wowaarya. Iyo yiirannyeele wahoolo, ukati atthu o Babilooniya watuphenlyaaya isittatti yo Yerusalemu. Masi icoroope cinromoliya nhina Apokalipise 9:1-11, cinwaaca makristau oothanliya anlalyeera ihukhumu Yehova cinhalaawe waawaanela atthu oohinamaana o ila ituninyeela, ni ayo atthwaayo unawaawerya nrima yeewaka nnyo ihukhumunnyo.—w20.04, ipaag. 3-6.

Mahukwaala, tipani khanle mwene ooculu ilapo?

Ikhanle ikuvernu yo Rússia ni ilapo cikiina cinkavihera iyo ikuvernwiiyo. Nnyo ikuvernunnyo cinawaalupattha venci apoovu a Nluku, cinawaakhottiha nteko woolalyeera unvaraaya ni cinawaathanya Masaahiti a Yehova. Mwene ooculu ilapo neera amwaananaka mwene oohitto ilapo.—w20.05, ipaag. 13.

Niireke “nhokorokho wo nnepa” akhanle paasi makhalelo ari nhina Akalasiya 5:22, 23?

Mena. Nnepa wowaarya ciicammo unaanikavihera uthoonyera makhalelo omaana makhwaawe, toko isariya. (Efesu 5:8, 9)—w20.06, ipaag.  17.

Nlattuni unoopihaaya uhela citthu cihu mwinternetini wiira nooniye?

Citthu cinheleenyu mwinternetini pooti uwiiriha akhunaninyu wuupuwela wiira nyuuva khannakhala ntthu owiiyeviha ni wiira nnawiisamiha.—w20.07, ipaag. 6-7.

Makristau anlamuliya waatakiha cani mayomenca oocuwelaca?

Mayomenca omaana anvara nteko ukati ni mapuro anoonaaya wiira anaahala ukhitiri uvara ihopa cinci, anawiitthucihiya uvarela nteko ikaruma comaana ni anaalipa nrima, hataa caakhumelelaka citthu cowoopiha cahaawehereraaya. Hiiva ciicammo pooti upanka nnyo citthunnyo wuulalyeerani.—w20.09, ipaag. 5.

Isiyani inlamuliyeehu upanka wiira naakavihere atthu anaasomiheehu Ibiiblya utepa unfenta Nluku?

Nihaana naakurumicaka usoma Ibiiblya khula nihuku ni wuupuwela myaha cinsomaaya. Ciicammo, nihaana nawiitthucihaka ulompa—w20.11, ipaag. 4.

Phaapani anaaciya weeriyaka: “Atthu otheene anaahala waakhela ukumi nlattu wa Kristu”?—1 Akor. 15:22.

Paulu khaaphenle uhimya wiira apinaatamu otheene akhwile anaahala wunwelelihiya. Uyo aawaaca makristau oothanliya, ‘areerihiye iriyari ya Yesu Kristu.” (1 Akor. 1:2; 15:18)—w20.12, ipaag. 5-6.

Ntekoni unhalaaya uvara makristau oothanliya ‘yakhalihiyaka inanna ikiina, uphila nuuweha, ukati unhalaaya wiipiya nipalapatta noomalela’?—1 Akor. 15:51-53.

Makristau oothanliya wamoca ni Yesu, anaahala waahoolela atthu niikopo yoyuuma. (Apoka. 2:26, 27)—w20.12, ipaag. 12-13.