Wahapwasedha wawileri a Namasugwera a yaka ela? Vano, wawakule makoho ala:

Nawonege avi addibila oothikitheliwa?

Ebaribari wi nnovaha thima nroromelo enniwana, mbwenye kannathabwa waariha. Iyo ‘kannatikina dhikalelo.’ (Judas 16, nota) Kanna kohedha ejhehedho ya kadda muthu. — Sentinela 01/20 epaddi 29.

Enuvaha ebaribari wi Yehova anowuwoona ddi?

Bibliya anowoga egi Yehova ohuwona ohunabaliwe. Oliye onovuruwana malobelo awo amatene. Yehova ohunona ni ohunona mubuwelo wawo pamadhene, dhithu oneriwe dhinonpatha oliye. (1 Cró. 28:9; Pro. 27:11) Yehova duwithanele mwibaribarini. — Sentinela 02/20 epaddi 12.

Mudhidhi baani onafwanelela owoga ni okala omaala?

Nnohagalala owoga wodhela Yehova. Namona muthu aharaga dila yabure nnomwaddela. Anamaholela mulogo enomulaga muthu yahoweleyaga. Mbwenye kannawoga makalelo enedda mabasa ehu dhilabo enakoddihiwiwawo, newene kannawoga muselu dhihinafwanelela athu atene onona. — Namasugwera 03/20 epaddi 20-21.

Ohiyana baani orivo wodhela kwakwa dhinawogiwa livuru na Joel kapitulu 2, ni va Apocalipse kapitulu 9?

Joel 2:20-29 anawoga wihina Mulugu ere ovenyihavo kwakwa ni ere owomihedha dhithu dhinongile kwakwadha. Nuumala, Mulugu ere wakuthulela muzimu wotxena adhaari aye. Yovuhulela ela yahakwanela anyakoddo obabiloniya yamurinjhiwa Jeruzale ni enere wakwanela osogolo. Kwakwa dha va Apocalipse 9:1-11 enagana makiristawu oothikitheliwa enalaleya muthenga dha otoriha dha Yehova, ndho dhinowanyonya ale enakavihera elabo ela. — Namasugwera 04/20 epaddi 3-6.

Peeno ‘mwene oonorti’ baani?

Rusiya ni dhilabo dhinamukavihera. Aliwa enna oharahara nlogo na Mulugu wodhela okoddiha mabasa olaleya ni woniha wi enowawidda Anamona a Yehova. Mwene o norti anna okiddana ni mwene o suli. — Namasugwera 05/20 epaddi 13.

“Dhowima dha muzimu wotxena” dhiri va Gálatas 5:22, 23 sidhendha baahi?

Naari. Muzimu wotxena ononikavihera okanna dhikalelo dhimodha dhapama, ninga wogowa. (Efé. 5:8, 9) — Namasugwera 06/20 epaddi 17.

Yowopiha baani erivo yovokedhaga fotu dha dhithu onniwena mu internetini?

Dhithu onekiwe mu internetini podi wooniha wi kuli muthu owiyeviha obe onowithukula. — Namasugwera 07/20 epaddi 6-7.

Makiristawu enahudhera ddi ni anamameza apama?

Anamameza apama enameza murudda ni mudhidhi onapariwa oba, enoxagihiwa wihina elabena dhipano dhinahoweleya teto enooliba murima yalabaga murudda ni mawora yahajhehiya. Iyo podi werana emodhave mmalaleyelo. — Namasugwera 09/20 epaddi 5.

Makalelo omukavihera namahudhera awo wenjhedhedha odhivela waye ni mulugu baavi?

Podi omukongomedha omwileri Bibliya malabo amatene ni omukavihera opendda. Teto omuhudhiha olobela. — Namasugwera 11/20 epaddi 4.

Madhu owi: ‘Wodhela Kiristu atene munere okanna egumi’ anagiwana aani? — 1 Cor. 15:22.

Madhu ala a Pawulo kinatapulela wi athu atene enere ovenyihiwa muukwani. Oliye awagana makiristawu oothikitheliwa, ‘yelihiwe mowiwanana ni Kiristu.’ (1 Cor. 1:2; 15:18) — Namasugwera 12/20 epaddi 5-6.

Makiristawu oothikitheliwa enaparege mabasa baani nuumala ‘osadduliwa mohilegela,’ mudhidhi anarumihiwe palaza? — 1 Cor. 15:51-53.

Emuharaga Yesu makiristawu oothikitheliwa enere okumbuza malogo ni mukumbuzo wa mujhila. (Apo. 2:26, 27) —  Namasugwera 12/20 epaddi 12-13.