Mu na hasa ku tanda maVutala ose a muaka uno ni? Nga mukemuo, talenu nga mu hasa ku kumbulula vihula vi na hatako:

Vati tua pande ku muenamo Vakua Kilistu va ku vuavesa?

Vutuhu tua haka seho ku lutsilielo luavo, vunoni ka tue ku va komoka cikuma. (Yunda 16) Kaha naua ka tue ku va linga vihula ku tuala ha lulavelelo luavo.​—w20.01, p. 29.

Vika via pande ku mi hana vusunga ngecize Yehova ue ku mi mona?

Mbimbiliya ya muesa ngecize, Yehova ua putukile ku mi mona tele kanda mu semuke. Kaha ue ku ivua vivundilo vienu. A tantekeya visinganieka vienu na vize vili mu mutima uenu, kaha vilinga vienu vie ku mu kuata. (1 Miz. 28:9; Visi. 27:11) Kaha ua mi lania mu ize kuli ikeye.—w20.02, p. 12.

Vintsimbu vika tua pande ku handeka na vintsimbu vika ka tua pandele ku lingamo?

Tua lema ku handeka via Yehova. Kaha naua tue ku handeka nga tu mona ngecize, mukuetu ali na ku ya mu ngila ya ku vihia. Vakuluntu ve ku handeka mu ku mamuna muntu nga citondeka. Ka tue ku handeka mu ku hana ni ku tambula mizimbu, ku tuala ha cipanga cetu mu vifuti vi va vindika vipanga vietu. Kaha tue ku handeka viuma via tondeka ku vi holoka.—w20.03, pp. 20-21.

Vati vambimba va va tumbula ku Yoele kapitulu 2, va litepa na vambimba va va tumbula ku Ku-solola kapitulu 9?

Yoele 2:20-29 ya muesa ngecize, Njambi a ka sekula vambimba vaco kaha naua ua kulahesa ku fueta viose vi va pihisa. Mu nima yaco, a ka muania sipilitu yeni. Evi via lipuisilemo omo vakua Mbambilone va ile mu ku luisa Isaleli kaha na mu nima yaco. Ku-Solola 9:1-11, ya handeka via vamuanetu va ku vuavesa va ku matangua ano na ku va setekesa ku vambimba omo lia ku ambulula vihiso via Njambi ku tuala hali vakua mavu, kaha mizimbu yaco ye ku zuzuisa vakua mavu.—w20.04, pp. 3-6.

Iya ua pua muangana ua ku nolote matangua ano?

Russia na vifuti via likata nayo. Kaha ve ku luisa vangamba va Njambi, mu ku vindika cipanga ca ku ambulula na ku zinda Vakaleho va Yehova. Kaha muangana ua ku nolote ue ku lituala ha mantunta na muangana ua ku sulu.—w20.05, p. 13.

Vuno vifua vi va tumbula ku Ngalata 5:22, 23, vikevio lika via pua “muhako ua sipilitu ni”?

Houe, sipilitu santu ye ku tu kuasa ku kala na vifua vikuavo via cili ngeci mua vuoloke. (Efe. 5:8, 9)—w20.06, p. 17.

Vusonde vuka vua kala ha ku haka mizimbu yenu mu internete?

Viuma vi mue ku haka mu internte vi hasa ku lingisa vakuenu ku singanieka ngecize, mua pua vakua ku lihalesa kaha ka mua puile vakua ku likehesa.​—w20.07, pp. 6-7.

Vika vakua ku ambulula va hasa ku lilongesa kuli vakua ku tsiha vantsi?

Vakua ku tsiha vantsi ve ku pangela ku cihela kaha na ha ntsimbu i va hasa ku uana vantsi. Cikuavo naua, va lilongesa ku pangesa vuino vikuata via ku tsihisa vantsi. Kaha ve ku lihekala kapandi ka ku panga ambe ha vintsimbu via vikalu ni vie ku aluluka cikuma. Netu tue ku linga vipanga ngeci muevi mu cipanga ca ku ambulula.—w20.09, p. 5.

Mu vinjila vika tua hasa ku kuasa vandongesi vetu va Mbimbiliya va vueze ku cilemo cavo muli Yehova?

Tua hasa ku va kaniamesa vapue a ku tanda Mbimbiliya nkala litangua, na ku hilula ha viuma vi ve ku tandamo. Kaha tu hasa naua ku va longesa ku vundila.​—w20.11, p. 4.

Veya mpundu va va tumbula mu mezi: “Muli Kilistu vose va ka va yoyesa.”?— 1 Kol. 15:22.

Kapostolo Paulu ka kele na ku handeka ngecize, vantu vose va ka va sangula, houe. Vunoni ua kele na ku handeka via Vakua Kilistu va ku vuavesa, “vaze vene va na lele muli Kilistu Yesu.” (1 Kol. 1:2; 15:18)—w20.12, pp. 5-6.

Vika va ka linga vaze va ku vuavesa mu nima ya ku va alulula ‘ngue ha ku kavuka ca liso, ha ku-sika ca luneta lua ku kotokela.’?—1 Kol. 15:51-53.

Va ka pangela hamo na Kilistu mu ku sika vantu na mulamu ua vutale. (Ku-So. 2:26, 27)—w20.12, pp. 12-13.