Kansi mwapindula tyani poŵelenga Nsanja za Mulonda za caka cino? Onani ngati mungakwanishe kuyankha makonsho aŵa:

Kansi Akhristu ozozewa tufunika kuŵaona tyani?

Tuyamikila cikhulupililo cao koma tuŵapasa lini ulemu mopitilila malile. Tufunika lini “kukumbwila umunthu wao.” (Yuda 16) Tufunika lini soti kuŵakonsha makonsho okhuza ciyembekezo cao.—w20.01, peji 29.

Kansi n’cinji cukusimikizhyilani kuti Yehova okuziŵani?

Baibo yuonesha kuti ekuziŵani mukaliyovyalika. Yove akumvwa mapemphelo ŵanu. Yehova oziŵa vinthu vili mu mtima mwanu koma soti oziŵa vamuganiza ndipo vocita vanu vumukhuza. (1 Mbi. 28:9; Miy. 27:11) Yehova ekuletani m’gulu yake.—w20.02, peji 12.

Ni pa nthawi yotyani patufunika kulaŵila na patufunika kunkhala celele?

Tulaŵila patuuzhya ayakine zokhuza Yehova. Tufunika kulaŵila ngati taona muyakine ocita vinthu vamene vingamucitishe kuti acite cimo. Akulu ofunika kutwala uphungu ngati mpofunikila. Tufunika kupewa kulaŵila zokhuza mwayuyendela nchito m’vyalo mwamene nchito yasu niyoleshewa. Tufunika lini kuulula nkhani za cisinsi.—w20.03, mapeji 20-21.

Kansi zombe yufotokozewa pa Yoweli capita 2 yusiyana tyani na yufofokozewa pa Chivumbulutso capita 9?

Yoweli 2:20-29 yulaŵila kuti Yehova eipitikishila kutali nolaŵila kuti akawezhye mbeu zeonongewa na zombe. Pavuli pake Yehova okhutulila mzimu wake. Ulosi uyu wekwanilishiwa pamene Ababulo egonjesa Aisiraeli. Chivumbulutso 9:1-11 yufotokoza kuti zombe yupanamila Akhristu ozozewa a masiku ŵano amene olalikilla uthenga waciweluzo wamene ucitisha ŵanthu aipa kucita wowa.—w20.04, mapeji 3-6.

Kansi mfumu ya kumpoto ni ŵani masiku ŵano?

Ni Russia na vyalo vili ku mbali yake. Ove oukila atumiki a Mulungu mwa kulesha nchito yolalikila nocita vinthu voonesha kuti ozonda Mboni za Yehova. Mfumu ya kumpoto yankhala yulimbana na mfumu ya kum’mwela.—w20.05, peji 13.

Kansi minkhalidwe yotomolewa pa Agalatiya 5:22, 23 niye tyala “minkhalidwe ya mzimu”?

Yai. Mzimu utuŵa utiyavya kunkhala na minkhalidwe iweme monga cilungamo. (Aef. 5:8, 9)—w20.06, peji 17.

Kansi kuika vinthu pa malo otandalila a pa intaneti kuli na vuto yanji?

Vinthu vaangaike munthu pa malo otandalila vingaoneshe kuti ni wolikuzhya.—w20.07, mapeji 6-7.

Kansi Akhristu angaphunzilenji kufumila kuli okasha nsomba aluso?

Oluta kumalo kwaangapeze nsomba koma soti pa nthawi yoyenelela. Ophunzisiwa moseŵenzeshela zida moyenela. Oseŵenza motang’a mtima olo kuti nyengo ili lini bwino. Nase tufunika kucita cimozimozi pa utumiki wasu.—w20.09, peji 5.

Kansi mungayavye tyani ophunzila Baibo kuti akokonda ngako Yehova?

Alimbikisheni kuti akoŵelenga Baibo siku iliyonse nosinkhasinkha pa zaaŵelenga. Aphunziseni kupemphela.—w20.11, peji 4.

Molingana na 1 Akorinto 15:22, kansi ‘ŵanthu ati akankhale na moyo mwa Khristu’ oyangizhyilapo ŵani?

Mtumwi Paulo aliyotanthauze kuti ŵanthu onse akauke? Yove enzolaŵila za Akhristu ozozewa amene “atuŵishiwa mwa Khristu.” (1 Akor. 1:2; 15:18)—w20.12, mapeji 5-6.

Kansi Akhristu ozozewa akacitenji pavuli ‘pocinja m’kukopela kwa linso pa kulila kwa mtolilo wosilizhyila’?—1 Akor. 15:51-53.

Akatoleko mbali pamozi na Khristu poŵetela ŵanthu na ndodo ya nsimbi. (Chiv. 2:26, 27)—w20.12, mapeji 12-13.