Owalaka la nkɔmɛ nkfumɔ wamba waposisa l’Etange k’Olami k’ɔnɔnyi wɔnɛ? Lasɔ, lenda ntsha okoka nkadjimola lá weepó wɛwɔlama wɛnɛ:

Wopo wɔkɔnge okokaso nanghela Akristo wambokfutama avuta akambo?

Iso ndawandolaka lá djawo djɛwɔ; Koko, iso topaawɔshi etengo iwɔ ndeka anto ankina djonyi. Iso ndjewɔka ndawɔsa etengo ‘anto wa lumo.’ (Yuda 16) Topakoke ndawopola wayi walendana la nkongi djɛwɔ.​—w20.01, nk. 29.

Kɛkɔnge kekoshikikɛ djɛ Yehova nkewaka?

Bible nyɛnyɛka djɛ nde akɛnaka kaanga lá ntondo kɛ wɛ mbotshɔ. Edjinge nde ndjekameyɛka alɔmbɛlɔ wako. Nde ndjewaka kɛnɛ kokanelɛ edjinge kɛnɛ kelekɔ l’oloko wɔkɔ, lonkina nanghendji djɛko djelekɔ l’eposelo wɛmɔtshi tende. (1 Ɛk. 28:9; Woo. 27:11) Nde akosepaka tende.​—w20.02, nk. 12.

Ndjɔmbɔmba yɛkɔnge yɛnyɛ wina w’okokaso ntepela la wina w’okokaso mvumba?

Tolekɔ l’osasa wɔ ntepela akambo walendana la Yehova. Iso ladjɛ ntepela ntsha tɔmbɛna djɛ onto ɔmɔtshi alekɔ entshupa djɛ nangha ovunga w’ekekete. Tokokolo ladjɛ ntepela djɛ mpɛyɛ dako ntsha djonyi mbɛnama. Topakoke ntepela djɛ mba (kana mpɛyɛ) toseke tolendana la wopo wɔlɔndjɛ Ewakɛ w’intansɛ l’angando y’iyomboshimba olemo wɔso. Topakoke ndjisola toseke.​—w20.03, nk. 20-21.

Wopo wɔkɔnge apaso wotepelawɔ lá Yɔwɛlɛ shapitrɛ 2 otshikitanawɔ la walekɔ lá Ndjiso shapitrɛ 9?

Yɔwɛlɛ 2:20-29 ntepelaka djɛ Ndjambe angakilika otale edjinge nde ndakaka djɛ nfuta nkete dj’etshitisa apaso wakɔ. Masɔ, Ndjambe atshanghanyɛka nyuma kɛnde. Akambo wasɔ wakotshamaka wina wɔ ase Babilɔnɛ iyingela l’Isariyɛlɛ la mbadji edjinge m’ɔkɔngɔ wɔ lasɔ. Ndjiso 9:1-11 ntepelaka nkambo djɛ apaso ankina walekɔ djingingi dj’ankfutami w’avuta wɛ l’etsho wɛso wapoposanyɛ losango lɔ dombo djɛ Ndjambe te nkfumbo dj’akambo wa nyɛtshi djɛnɛ edjinge eposelo welekɔ la nkambo ntshɔ nde, wanɛ wasuka nkfumbo dj’akambo djɛnɛ wapoyawoke wɔlɔ.​—w20.04, nk. 3-6.

Kanga lolekɔ nfkumi kɛ nordɛ lɔɔkɔ kɛnɛ nɔ?

Russie edjinge wanɛ wosuka. Iwɔ wɛnyɛka enkambi wɛ Ndjambe ndjolo, washimbaka olemo w’ipoposanyɛ edjinge watonaka Ewakɛ. Nkfumi kɛ nɔrdɛ akindjɛ nana nya nkfumi kɛ sidɛ.​—w20.05, nk. 13.

‘Lowambo lɔ nyuma’ oyɛnde ngo la wekeka wolumolawɔ lá Ngalatiya 5:22, 23 toko?

Lako. Nyuma kɛ Ndjambe nkoka ntokotshɛ dj’iso ndjala la wekeka ankina wa wɔlɔ, ndjɔmbɔmba sii. (Ɛfɛ. 5:8, 9)​—w20.06, nk. 17.

Okakasano wɔkɔnge wokokɛ mba má ndjilaka nkete djɛko lá réseaux sociaux?

Kɛnɛ k’ilɛ lá réseaux sociaux nkoka ntshinda anto ankina djɛ ntepela ambɔ olekɔ l’onfuno, koko opalekɔ l’okitshakitshɛ.​—w20.07, nk. 6-7.

Kɛkɔnge k’ekoka Enkambi w’Akristo ndjeka má ndjɔmbɔmba kɛ onsaki ndjale?

Iwɔ nkambaka lá wina edjinge l’etena k’okokawɔ mba nse. Iwɔ nkfumbamaka djɛ nkamba la mpeko djɛ wɔlɔ. Edjinge l’oloko wolo onkfumɔ iwɔ nkambaka olemo kaanga lá ntena djɛ ndjolo. Iso nkoka nangha wopo wɔk’ɔmɔ l’olemo wɔso w’ipoposanyɛ.​—w20.09, nk. 5.

Topo tɔmɔtshi tɔkɔnge tokokaso nkotshɛ ambeki wa Bible djɛ nfundjɛ ngandji kɛwɔ te Yehova?

Iso nkoka ndakeketshɛ djɛ mbalaka Bible kaanga wina emangha lofu tshɛ edjinge djɛ ntɔnɔlaka lá kɛnɛ kowalawɔ. Edjinge iso nkoka ndalakanyɛ djɛ ndɔmbaka.​—w20.11, nk. 4.

Waana walekɔ l’anteyi k’anto w’otepelawɔ lá totepela tɔnɛ: ‘Anto ankfumɔ wangoyala la lowiko me Kristo’?—1 Kɔ. 15:22.

Ɔpɔstɔlɔ Poolo atakɔpa ntepela ante anto ankfumɔ wangokfundɔ. Nde atepelaki nkambo dj’Akristo w’ankfutami w’avuta, wanɛ ‘wakinamisa esanga la Kristo Yeso.’ (1 Kɔ. 1:2; 15:18)​—w20.12, nk. 5-6.

Kɛkɔnge kengonangha Akristo w’ankfutami m’ɔkɔngɔ wɔ ‘iwɔ ntshikitana lá mayimo djɛ ntsho, wina wɔ ntsheke dj’ekomo iyongofulama’?—1 Kɔ. 15:51-53.

Iwɔ wangokamba esanga la Kristo djɛ ndɔndjɛ ewila la danga djɛ lowolo. (Ndj. 2:26, 27)​—w20.12, nk. 12-13.