We mubadikye kalolo Kitenta kya Mulami kya mweshi oso bwa kino kipwa su? Tompanga su we kwaluula ino nkonko ayilondo:

Mbikunyi abitungu kumona bena Kidishitu bedibwe mwimu?

Atusankilaa lukumiino lwabo, anka t’atwibalakilaa bikilekile nya. Atupelaa ‘kukaanya bangi.’ (Yu. 16, Kilombeeno kipya 2014) Tatwibelanga nkonko pabitale lukulupilo lwabo.​—w20.01, esak. 29.

Nkinyi akikushinkamisha’shi Yehowa a kuwuku?

Bible alesha’shi Yehowa a kuwuku mpa na kumpala kodya kutandikwa. Na ateemeshaa nteko yobe. Awuku bi mwishimba dyobe na awuku bi mu binangu byobe na byopusha. (1 Mya. 28:9; Nki. 27:11) Mmukukakye aye nabene kwadi.​—w20.02, esak. 12.

Mbileshesho kinyi bya nsaa ayitungu kwakula na bya nsaa ishayitungu kwakula?

Twi na muloo wa kwisamba pabitale Yehowa. Atwakula nsaa yatumono’shi muntu kwete kukita kintu kampanda kilombene kumutakula mu kukita mulwisho ukata. Pakudi mushindo bakulu abatushaa malango. T’atwakula nsaa i muntu epusha bwa kuwuka tu myanda toso pabitale abitambukaa mudimo wetu mwiumbo dyabadi beukandikye. T’atwakulaa myanda kampanda ifwame.​—w20.03, esak. 20-21.

Nkwilekena kinyi kwi pankatshi pa mpasu i mu Yowele shapitre 2 na i mu Kibafumbwilwe shapitre 9?

Yowele 2:20-29 amba’shi Efile Mukulu akabingi mpasu na alaa bwa kwalusha byabya byoso byayidi ilwishe. Kunyima kwa byabya, akapongola kikudi kyaye. Bino bibadi bilombane nsaa ibadi bena Babilone banyooke bena Isaleele na dingi, kunyima kwa mafuku. Kibafumbwilwe 9:1-11 alesha bena Kidishitu bedibwe mwimu lelo bakwete kulungula mukandu wa kiimu w’Efile Mukulu utale uno ndumbulwilo e bubi n’eshimba dinyingye, na bino bikwete kukalakasha bano boso balamate ku uno ndumbulwilo a Satana.​—w20.04, esak. 3-6.

Nnanyi mwikale nfumu a kuunundu lelo uno?

Russie na maumbo akwete kumukwatshishena. Be na bukitshishi kampanda kwi mwilo w’Efile Mukulu, mbakandjikye mudimo wa bulungudi na abalesha’shi mbashikwe ba Temwe ba Yehowa. Mfumu a kunuundu kwete kulwa na mfumu a kuushi.​—w20.05, esak. 13.

Nyikashi i mu Bena-Ngalatea 5:22, 23 ndjo yooso ya ku “kikuba kya kikudi” su?

Nya. Kikudi kiselele akitukwasha bwa kudjima ingi nyikashi i buwa bu bululame. (Ef. 5:8, 9)​—w20.06, esak. 17.

Nsaa yw’ele ma foto sunga ingi myanda yobe mu Internete, mbilombene kulesha kinyi?

Nsaa yw’ele bintu mu Internete, mbilombene kulesha’shi, twe mwiyishe.​—w20.07, esak. 6-7.

Balungudi mbalombene kulongyela kinyi kwi balobi basha mayele?

Abalobo nsaa na mbalo yabadi balombene kupeta mishipa. Mbalongyeshibwe bwa kufubisha bina mudimo kalolo. Abafubu n’eshimba dinyingye sunga mu nkalakashi. Twi kukita namu nka bino mu mudimo wetu wa bulungudi.​—w20.09, esak. 5.

Mishindo kinyi yatudya kukwasha balongi ba Bible bwa kutamisha kifulo kyabo bw’Efile Mukulu?

Twi kwibanyingisha bwabadya kwikala ababadika Bible efuku dyoso na kunangushena pa bya babadika. Na twibalongyeshe byabadya kwikala abatekye.​—w20.11, esak. 4.

Mba nanyi babakwila mu uno verse amba’shi: “Booso abapete muwa mwi Kidishitu”?​—1 Kod. 15:22.

Mpoolo mutumiibwa tabadi akwila bantu boso abakasanguka nya. Badi akwila bena Kidishitu bedibwe mwimu “bekashwe bakishila mu buumune na Kidishitu Yesu.” (1 Kod. 1:2; 15:18)​—w20.12, esak. 5-6.

Nkinyi akikakitshi bena Kidishitu bedibwe mwimu kunyima kw’abo ‘kwalûlwa mu kapindji n’aka anka bu kupopola kw’eiso, paapa apakelwa mpungi ya nfudîlo’?​—1 Kod. 15:51-53.

Abakakunkusha pamune na Kidishitu na mukoombo wa kilonda. (Kibaf. 2:26, 27)​—w20.12, esak. 12-13.