I bi lesi dee Hei Wakitimawosu u di jaa aki ö? Wë luku ee i sa piki dee hakisi aki:

Unfa u musu ta libi ku dee salufuwan?

U kë djeesi de a di biibi di de abi, ma wa ta buta pakisei a de tumisi poi. U ta köni fu wa ta kai de gaan soni poi (Jud. 16). Wa musu hakisi de soni di nama ku di libi di de o go libi a liba ala, u di wa abi leti u sabi di soni dë.​—w20.01, bld. 28.

Andi musu mbei i dë seiki taa Jehovah ta buta pakisei a i?

Di Bëibel ta taki taa ufö de pai i, Jehovah bi ta buta pakisei a i kaa. Nöö a ta haika dee begi fii. A sabi andi i ta pakisei, ku dee soni dee dë a i hati, nöö dee soni dee i ta du sa mbei a dë waiwai, nasö de sa mbei a tjali (1 Klon. 28:9; Nöng. 27:11). A da i pasi fii ko dë wan mati fëën.​—w20.02, bld. 12.

Na un ten u musu fan, söseei na un ten wa musu taki na wan soni?

Ku wai u ta konda soni u Jehovah da wotowan. Te u si taa wan sëmbë ta du wan soni di sa tja hogi ko dëën, nöö u ta fan ku ën. Dee gaanwomi ta da lai te a dë fanöudu. Wa ta taki soni di nama ku di wooko di dee baaa ta du a dee köndë ka lanti tapa di wooko fuu. Wa ta konda tjubitjubi woto u sëmbë da wotowan.​—w20.03, bld. 20-22.

Unfa dee atiti di Joëli kapitë 2 ta taki u de, tooka ku dee u Akoalimbo kapitë 9?

Joëli 2:20-29 ta taki taa Gadu ta jaka dee atiti, nöö a ta paamusi taa a o toona paka u dee soni di dee atiti bi poi. Baka di dë Gadu ta mbei di jeje fëën ko a sëmbë liba. Dee soni aki bi pasa di dee sodati u Babilon bi booko go a Isaëli. Nöö bakaten woto soni bi pasa jeti. Akoalimbo 9:1-11 ta maaka dee salufuwan u di ten fuu aki, ku atiti. De ta paaja di buka taa Gadu o kuutu di goonliba aki, nöö di soni dë ta toobi hii dee sëmbë dee dë ku di goonliba aki a wan së.​—w20.04, bld. 3-6.

Ambë da di könu u bausë a di ten aki?

U sa taki taa Losiaköndë ku dee köndë dee ta wooko makandi ku ën, da di könu u bausë. De ta du ku dee sëmbë u Gadu. De ta tapa di peleikiwooko fuu, söseei de ta lei taa de ta buuse dee Kotoigi. Di könu u bausë ku di u libasë ta fia ku deseei.​—w20.05, bld. 13.

Dee nëigi fasi dee sikifi a Galasia 5:22, 23 da hii dee fasi di di jeje u Gadu ta mbei sëmbë ko abi ö?

Wë nönö. Di santa jeje ta mbei u ko abi woto fasi jeti. Fasi kuma leti libi (Ef. 5:8, 9)​—w20.06, bld. 17.

Faandi mbei u musu ta köni ku dee soni dee u ta buta a Internet?

Di soni di i buta a Internet sa mbei sëmbë pakisei taa i ta fii iseei, nasö a sa djei kuma ja abi sakafasi.​—w20.07, bld. 6-7.

Andi Keesitu sëmbë sa lei u sëmbë di ta kisi fisi?

Sëmbë nango kisi fisi a wan juu ka de o sa kisi fisi, söseei de nango a di kamian ka de o sa kisi. De sa’ u wooko ku dee soifi soni u kisi fisi. Söseei de ta wooko aluwasi fa soni dë. Dee seei soni aki u sa ta du, te u ta du di peleikiwooko.​—w20.09, bld. 5.

Unfa u sa heepi dee sëmbë dee u ta lei soni u Bëibel, u de ko lobi Jehovah möön gaanfa?

U sa da de taanga u de ta lesi di Bëibel hiniwan daka, söseei u de ta pakisei fundu u dee soni di de lesi. Boiti di dë, u sa lei de unfa de musu begi.​—w20.11, bld. 4

Fu ambë de ta taki te de taki taa: „Dee sëmbë u Keesitu o toona weki baka a dëdë tu fu de feni libi, fu di de dë sëmbë u Masa Jesosi”?​—1 Kol. 15:22.

Apösutu Paulosu an bi ta taki taa hii sëmbë tuu Gadu o weki ko a libi baka. A bi ta taki u dee salufu Keesitu sëmbë, dee „dë sëmbë u Masa Jesosi” (1 Kol. 1:2; 15:18)​—w20.12, bld. 5-6.

Andi dee salufuwan o du te ’Gadu o tooka di sinkii u de wantewante, a di juu te di lasiti tutu o böö’?​—1 Kol. 15:51-53.

De ku Keesitu tuu o abi gaan kaakiti te de o tii sëmbë a goonliba aki. (Ako. 2:26, 27)​—w20.12, bld. 12-13.