Onde wɛ akadia la yambalo tshɛ numɛlɔ ya Tshoto y’Etangelo y’ɔnɔnyi ɔnɛ? Naka ngasɔ, kete enda kana wɛ koka nkadimola ambola wayela anɛ:

Ngande wahombaso salɛ Akristo w’akitami akambo?

Sho tekɔ la lowando l’ɔtɛ wa mbetawɔ kawɔ; koko, hatowaɔshi la nɛmɔ diamboleka. Sho mbewɔka dia mbaɔsa oko “anto wa lokumu.” (Judɛ 16, nɔtɛ) Hatowaoke ambola wendana la elongamelo kawɔ.​—w20.01, lk. 29.

Kakɔna kakoshikikɛ dia Jehowa keyaka?

Bible mɛnyaka dia nde akakɛnyi kaanga ntondo ka wɛ mbotɔ. Ndo nde pokamɛka alɔmbɛlɔ ayɛ. Nde mbeyaka tokanyi tayɛ ndo kɛnɛ kele l’otema ayɛ, ndo etsha ayɛ mongaka la shɛngiya le nde. (1 Ɛk. 28:9; Tok. 27:11) Nde akakokotola oya le nde.​—w20.02, lk. 12.

Bɛnyɛlɔ diakɔna diɛnya etena ka ntɛkɛta la etena ka mbɔlama?

Sho ngɛnangɛnaka ntɛkɛta awui wendana la Jehowa. Sho tɛkɛtaka naka tambɛna onto ɔmɔtshi aya suke la nsala kɔlɔ. Dikumanyi mbishaka alako naka wambɛna di’ekɔ ohomba. Sho tshikaka dia ntɛkɛta (kana nyanga dia mbeya) kiambokambo tshɛ yendana la olimu aso lo wedja wambowoshimbama. Sho hatoshola awui wa sheke.​—w20.03, lk. 20-21.

Ngande wotshikitanyi akata w’ɛndjɔ wɔtɛkɛtami lo Jɔɛlɛ tshapita 2 la wanɛ wɔtɛkɛtami lo Ɛnyɛlɔ tshapita 9?

Jɔɛlɛ 2:20-29 mbutaka dia Nzambi mbitshanyaka akata w’ɛndjɔ etale ndo ndakaka dia mfuta l’ɔtɛ wa kɛnɛ kakawalanya. Oma laasɔ, Nzambi mbatshulolɛka nyuma kande. Awui asɔ wakakotshama etena kakɔtwɛ ase Babilɔna Isariyɛlɛ la ta ndo l’ɔkɔngɔ wa laasɔ. Ɛnyɛlɔ 9:1-11 tɛkɛtaka dikambo dia akata w’ɛndjɔ akina wele didjidji di’akitami wa lo nshi yaso nyɛ wewoya losango la kilombo ka dikongɛ dia kɔlɔ nɛ, dui sɔ hadiɔngɛnyangɛnya wanɛ wasukɛ dikongɛ diakɔ.​—w20.04, lk. 3-6.

Ele nkumekanga ka nɔrdɛ ɛlɔ kɛnɛ?

Russie la wedja wosukɛ. Vɔ wekɔ lo ndɔsha ekambi wa Nzambi, wekɔ lo nshimba olimu w’esambishelo ndo wekɔ lo mpɛnyahɛnya Ɛmɛnyi wa Jehowa. Nkumekanga ka nɔrdɛ ekɔ lo ndɔshana la nkumekanga ka sidɛ.​—w20.05, lk. 13.

Onde waonga divwa woshilami lo Ngalatiya 5:22, 23 ato mbakenga “olowa wa nyuma”?

Ndooko. Nyuma k’ekila tokimanyiyaka dia nkɛnɛmɔla waonga akina w’amɛna, ɛnyɛlɔ oko losembwe. (Ɛf. 5:8, 9)​—w20.06, lk. 17.

Naa waale ɔmɔtshi wonga lo mbidja awui wendana la yɛ l’Ɛtɛrnɛtɛ?

Kɛnɛ kadjayɛ l’Ɛtɛrnɛtɛ, koka mɛnya dia wɛ ekɔ l’ofunu koko aha l’okitshakitsha.​—w20.07, lk. 6-7.

Wetshelo akɔna wakoka esambisha w’Akristo nkondja oma le amundji wa nse wele la diewo?

Vɔ kambaka lo wonya ndo lo dihole diakokawɔ ndeka munda nse. Vɔ ndowanyemaka dia nkamba la dihomɔ di’amɛna. Ndo la dihonga tshɛ vɔ kambaka olimu oyadi lo tena dia wolo. Sho kokaka nsala woho akɔ waamɛ l’olimu aso w’esambishelo.​—w20.09, lk. 5.

Naa toho tɔmɔtshi takokaso nkimanyiya ambeki wa Bible dia mfudia ngandji kokawɔ Jehowa?

Sho koka mbakeketsha dia mbadiaka Bible lushi tshɛ ndo kanaka yimba la kɛnɛ kadiawɔ. Ndo sho koka mbaetsha dia nɔmbaka.​—w20.11, lk. 4.

Waa na wele l’atei w’anto wele lo etelo k’ɔnɛ: “Anto tshɛ wayonga la lɔsɛnɔ oma le Kristo”?​—1 Kɔr. 15:22.

Ɔpɔstɔlɔ Pɔɔlɔ konanga mbuta ɔnɛ anto tshɛ wayolɔ. Nde akatɛkɛtaka dikambo di’Akristo w’akitami, wanɛ “wakakidiama kaamɛ la Kristo Yeso.” (1 Kɔr. 1:2; 15:18)​—w20.12, lk. 5-6.

Kakɔna kayosala akitami l’ɔkɔngɔ wa vɔ ‘nkadimɔ lo mayi ka sso, lam’ayoda dimama di’ekomelo’?​—1 Kɔr. 15:51-53.

Vɔ wayokamba kaamɛ la Kristo dia nɔmbɔla wedja la okalemba wa lowolo. (Ɛny. 2:26, 27)​—w20.12, lk. 12-13.